Фармацевтические продукты (Грузия - Тендер #63914178)

შ.პ.ს „რუხის რესპუბლიკური საავადმყოფოს“ საჭიროებისთვის, ფარმაცეპტული პროდუქტი (Gadobutrolum).

შესყიდვის ობიექტის აღწერილობა და მოცულობები მითითებულია ფასების ცხრილში (იხ. 1.3 პუნქტი; დანართი №1).

შესყიდვის ობიექტის მიწოდება უნდა განხორციელდეს ეტაპობრივად, 2025 წლის 31 დეკემბრის ჩათვლით, შემსყიდველის მოთხოვნიდან არაუმეტეს 5 (ხუთი) სამუშაო დღის ვადაში.

საქონლის მიწოდების ადგილია ზუგდიდის მუნიციპალიტეტის რუხის ადმინისტრაციული ერთეული, შ.პ.ს „რუხის რესპუბლიკური საავადმყოფო“.

1. შესყიდვის ობიექტის საგარანტიო ვადა უნდა შეადგენდეს მიღება-ჩაბარების აქტის გაფორმების დღიდან არანაკლებ 6 (ექვსი) თვეს;
2. საგარანტიო ვადის განმავლობაში რაიმე ნაკლის/დეფექტის გამოვლენის შემთხვევაში, „მიმწოდებელი“ ვალდებულია მიწოდებული „საქონლის“ წუნდების შესახებ წერილობითი შეტყობინების მიღებიდან არაუმეტეს 5 (ხუთი) სამუშაო დღეში განახორციელოს წუნდებული „საქონლის“ შეცვლა.

პრეტენდენტმა ერთიანი ელექტრონული სისტემის საშუალებით, სატენდერო დოკუმენტაციის 1.3 პუნქტის ფასების ცხრილის (დანართი №1) შესაბამის გრაფაში უნდა წარმოადგინოს ინფორმაცია შემოთავაზებული მედიკამენტის სავაჭრო დასახელების, მწარმოებელი ქვეყნის, მწარმოებელი კომპანიის და ნუმერუსის შესახებ.

1. ფარმაცევტული პროდუქტები რეგისტრირებული უნდა იყოს საქართველოს მოქმედი კანონმდებლობის შესაბამისად, აღიარებითი ან ეროვნული რეჟიმით.

2. იმ შემთხვევაში თუ პრეტენდენტის მიერ შემოთავაზებული ფარმაცევტული პროდუქტი, აკმაყოფილებს სატენდერო დოკუმენტაციის მოთხოვნებს, მაგრამ ამოწურული აქვს რეგისტრაციის მოქმედების ვადა და ამასთანავე, „წამლისა და ფარმაცევტული საქმიანობის შესახებ“ საქართველოს კანონის შესაბამისად, ფარმაცევტული პროდუქტის ვარგისიანობის ვადის ამოწურვამდე, მიმწოდებელს გააჩნია ფარმაცევტული პროდუქტის საქართველოს ტერიტორიაზე მიმოქცევაში/რეალიზაციაში დაშვების უფლება, პრეტენდენტი ვალდებულია სატენდერო წინადადებასთან ერთად წარმოადგინოს აღნიშნული საქონლის რეგისტრაციის ნომერი და სსიპ „სამედიცინო და ფარმაცევტული საქმიანობის რეგულირების სააგენტოს“ მიერ გამოცემული რეგისტრაციის ორგანიზაციული ბრძანება ან/და სსიპ „სამედიცინო და ფარმაცევტული საქმიანობის რეგულირების სააგენტოს“ მიერ გაცემული რეგისტრაციის დამადასტურებელი დოკუმენტი.

3. იმ შემთხვევაში თუ პრეტენდენტის მიერ შემოთავაზებული საქონელი „წამლისა და ფარმაცევტული საქმიანობის შესახებ“ საქართველოს კანონის შესაბამისად, ექვემდებარება ნებაყოფლობით რეგისტრაციას და აღნიშნულის საფუძველზე, არ გააჩნია რეგისტრაცია, პრეტენდენტი ვალდებულია სატენდერო წინადადებასთან ერთად წარმოადგინოს შემოთავაზებული საქონლის შესაბამისი ხარისხის სერტიფიკატი (ე.წ. ანალიზის სერტიფიკატი) და შესაბამისი დანართები (არსებობის შემთხვევაში)“.

1. მედიკამენტ(ებ)ი უნდა იყოს საქართველოს ფარმაცევტულ ბაზარზე დაშვების უფლების მქონე, დაშვებული შეფუთვა-მარკირებით;
2. განფასება შესაძლებელია წარმოდგენილი იყოს საერთო რაოდენობის ფარგლებში, როგორც მედიკამენტის ერთეულის,ასევე შეფუთვის/კოლოფის ერთეულთან მიმართებაში;
3. მედიკამენტ(ებ)ის ტრანსპორტირება უნდა განხორციელდეს სანიტარულ–ჰიგიენური ნორმებისა და პირობების დაცვით;
4. პრეტენდენტმა უნდა უზრუნველყოს მედიკამენტ(ებ)ის შეუფერხებელი მიწოდება, ასევე, საქონლის ტრანსპორტირების, შენახვისა და გაცემის ორგანიზაციულ-ტექნიკური საკითხების უზრუნველყოფა თავისივე ხარჯით;
5. მიმწოდებლის მიერ შეთავაზებული საქონელი უნდა აკმაყოფილებდეს „წამლისა და ფარმაცევტული საქმიანობის შესახებ“ საქართველოს კანონით დადგენილ სტანდარტს ფარმაცევტული პროდუქტის უსაფრთხოების შესახებ, რაც გულისხმობს ფარმაცევტული პროდუქტის ეფექტიანობისა და ზიანის რისკის შეფასების შედარებითი ანალიზის შედეგად, ფარმაცევტული პროდუქტის ეფექტიანობისა და ზიანის გამოწვევის რისკის არარსებობის შესახებ მონაცემების დადასტურებას, შესაბამისი ფარმაკოპეის სტანდარტების დაცვით;
6. მიმწოდებლის მიერ შეთავაზებული ფარმაცევტული პროდუქტი, „წამლისა და ფარმაცევტული საქმიანობის შესახებ“ საქართველოს კანონის თანახმად, უნდა იყოს ხარისხიანი – იდენტურობის, რაოდენობრივი შემადგენლობის, სიწმინდის, ქიმიური და ბიოლოგიური კომპონენტების ფარმაკოპეის სტანდარტთან შესაბამისი;
7. ტენდერით გათვალისწინებული მედიკამენტბზე რომლებიც ექცევა ,,ფარმაცევტული პროდუქტის ფასის სახელმწიფო რეგულირების მეთოდოლოგიის, წესისა და პირობების დამტკიცების შესახებ“ საქართველოს მთავრობის 2022 წლის 26 დეკემბრის #593 დადგენილებითა და „ფარმაცევტული პროდუქტის რეფერენტული ფასების ჩამონათვალის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2023 წლის 15 იანვრის #2/ნ ბრძანებით განისაზღვრულ ფარმაცევტული პროდუქტების ჩამონათვალში, შემოთავზებული ფასები არ უნდა იყოს დადგენილ საქონლის დასაშვებ მაქსიმალურ ფასის ზედა ზღვარზე მეტი.

1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვისობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია,დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/დასაშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისიუფლებამოსილების/აკრედიტაციის დამადასტურებელი დოკუმენტი);

2. ფასწარმოქმნის ადეკვატურობის 20%-ით მეტი ფასის კლების შემთხვევაში,დამადასტურებელი დოკუმენტ(ებ)ით ხელშეკრულებითნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადებისფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება განხორციელდება ეტაპობრივად, შემსყიდველი ორგანიზაციასთან გაფორმებული ხელშეკრულების საფუძელზე ფაქტიურად მიწოდებული საქონლის რაოდენობის შესაბამისად უნაღდო ანგარიშსწორებით, ეროვნულ ვალუტაში - ლარში. ანგარიშსწორების საფუძველია მხარეებს შორის გაფორმებული მიღება-ჩაბარების /ინსპექტირების აქტ(ებ)ი, მიმწოდებლის მიერ წარმოდგენილი სასაქონლო ზედნადების და ანგარიშფაქტურა.

ანგარიშსწორება განხორციელდება მიწოდებულ საქონელზე გაფორმებული მიღება-ჩაბარების აქტების გაფორმებიდან არაუგვიანეს 30 (ოცდაათი) კალენდარული დღის განმავლობაში.

დავით ხუნჯუა, 591445355, davitkhunjua@gmail.com

1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. ალტერნატიული სატენდერო წინადადება არ განიხილება;
4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით;
5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევბში) უნდა მიუთითოს დღგ-ს გათვალისწინებით;
6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი ფასების ცხრილი ან ფასების ცხრილი წარმოდგენილი იქნება განფასების გარეშე ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს;
7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.