Архитектурные и сопутствующие услуги (Грузия - Тендер #63670836)

სსიპ - ღვინის ეროვნულ სააგენტოს სარგებლობაში არსებული შენობის (მისამართი: ქ. თბილისი, მარშალ გელოვანის გამზირი N32, საკადასტრო კოდი - 01.10.10.022.346) მომიჯნავედ ახალი შენობის აშენების საპროექტო-სახარჯთაღრიცხვო დოკუმენტაციის შედგენისა და ამავე დოკუმენტაციის საფუძველზე, სამშენებლო სამუშაოებისათვის საავტორო ზედამხედველობის გაწევის მომსახურება.

იხილეთ მიმაგრებული ფაილი.

1.4.1 შესყიდვის ობიექტის მიწოდების ვადაა ხელშეკრულების გაფორმებიდან არაუმეტეს 180 კალენდარული დღე.
1.4.2 შესყიდვის ობიექტი დათქმულ ვადაში მიღებულად ჩაითვლება სსიპ „ლევან სამხარაულის სახელობის ექსპერტიზის ეროვნული ბიურო“-ს ან სხვა ამ სფეროში აკრედიტირებული პირის მიერ გაცემული დადებითი ექსპერტიზის დასკვნის შემთხვევაში. (აკრედიტებული პირის მიერ ექსპერტიზის ჩატარების შემთხვევაში, მიმწოდებელმა დასკვნასთან ერთად უნდა წარმოადგინოს აკრედიტების დამადასტურებელი დოკუმენტი). ექსპერტიზის მომსახურების ხარჯებს სრულად უზრუნველყოფს მიმწოდებელი.

საპროექტო-სახარჯთაღრიცხვო დოკუმენტაცია წარმოდგენილი უნდა იქნას სსიპ ღვინის ეროვნულ სააგენტოში, ქ. თბილისი, მარშალ გელოვანის გამზირი №32.

2.2.1.1. პრეტენდენტს უნდა გააჩნდეს არანაკლებ მე-3 კლასის საზოგადოებრივი ან საწარმო დანიშნულების შენობის საპროექტო-სახარჯთაღრიცხვო დოკუმენტაციის შედგენის გამოცდილება ბოლო 5 წლის განმავლობაში. აღნიშნულის დამადასტურებლად პრეტენდენტმა სისტემაში უნდა ატვირთოს გაფორმებული ხელშეკრულებ(ებ)ის და ამავე ხელშეკრულებ(ებ)ის შესრულების დამადასტურებელი დოკუმენტ(ებ)ის ასლები ან/და აღნიშნული დოკუმენტაციის შესახებ მითითება სახელმწიფო შესყიდვების სააგენტოს ერთიანი ელექტრონული სისტემის შესაბამის შესყიდვის ნომრებზე (მაგ: NAT/CMR/SPA და ა.შ).

2.2.1.2. პრეტენდენტმა უნდა წარმოადგინოს მინიმუმ ერთი სარეკომენდაციო წერილი, რომელიც გაცემულ უნდა იყოს მსგავს/ანალოგიურ მომსახურებაზე.

2.2.1.3. გაწეული ანალოგიური მომსახურების დასტურად წარმოდგენილ უნდა იქნას შესაბამისი მუნიციპალური სამსახურის მიერ მოცემულ ობიექტზე/ობიექტებზე გაცემული მშენებლობის ნებართვის ასლი (რეალიზებული პროექტის შემთხვევაში დამატებით შესაბამისი ფოტო-მასალა).

2.4.1.1. პერსონალს უნდა ჰქონდეს ანალოგიური/მსგავსი მომსახურების გამოცდილება, კერძოდ: თავიანთი სპეციალიზაციის შესაბამისი ნაწილის პროექტირების გამოცდილება.
2.4.1.2. პრეტენდენტს უნდა ჰყავდეს თანამშრომელი, რომელსაც გააჩნია არქიტექტორად მუშაობის 5 წლიანი გამოცდილება, ასევე არანაკლებ სამი სამოქალაქო შენობა-ნაგებობის არქიტექტურულ-გეგმარებითი ნაწილის დაპროექტების გამოცდილება. ამათგან არანაკლებ ერთი უნდა იყოს მრავალფუნქციური საზოგადოებრივი შენობა.
2.4.1.3. პრეტენდენტს უნდა ჰყავდეს თანამშრომელი, რომელსაც გააჩნია კონსტრუქტორად (მშენებელი ინჟინერი სამრეწველო და სამოქალაქო მშენებლობის სპეციალობით) მუშაობის 5 წლიანი გამოცდილება და აქვს არანაკლებ სამი სამოქალაქო შენობა-ნაგებობის კონსრტუქციული ნაწილის დაპროექტების გამოცდილება.
* პერსონალის კვალიფიკაციის დასადასტურებლად პრეტენდენტმა შესაძლებელია წარმოადგინოს პერსონალის დიპლომები, სერტიფიკატები ან/და მათი ასლები. პერსონალის გამოცდილების დასადასტურებლად წარმოდგენილი უნდა იყოს, სულ მცირე, თითოეული მათგანის რეზიუმე - ე.წ. СV, სადაც მოცემული იქნება ინფორმაცია პერსონალის გამოცდილების შინაარსზე (ანუ არამხოლოდ სამუშაო ადგილის ან პროექტის და თანამდებობის დასახელება, არამედ ამ პერსონალის მიერ გაწეული სამუშაოს მოკლე აღწერა). წარმოდგენილი სპეციალისტების СV დამოწმებული უნდა იქნას ხელმოწერით. ასევე პრეტენდენტმა უნდა წარმოადგინოს სპეციალისტების დაკავებულობის (ანუ უშუალოდ ამ პროექტში ჩართვის) დოკუმენტი დამოწმებული პრეტენდენტის უფლებამოსილი პირის ელექტრონული ხელმოწერით. შემსყიდველი უფლებამოსილია, ინფორმაციისათვის მიმართოს პერსონალის არსებულ თუ ყოფილ დამკვეთებს/დამსაქმებლებს.

2.9.1 პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
2.9.2. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის მე-18 მუხლის მე-5 პუნქტის შესაბამისად, სატენდერო დოკუმეტაციის პროექტში არ არის გათვალისწინებული ფასწარმოქმნის ადეკვატურობის დასაბუთების ვალდებულება, ვინაიდან შესყიდვის ობიექტს წარმოადგენს ინტელექტუალური მომსახურება, რომლის შეფასების კრიტერიუმები და ფასწარმოქმნის დასაბუთების სტანდარტი რთული დასადგენია, ამასთანავე, ინტელექტუალური შრომის შეფასების დასაბუთება სუბიექტურია. შესაბამისად, იმ შემთხვევაში თუ ტენდერში ყველაზე დაბალი ფასის წინადადების მქონე პრედენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი გათავისუფლდება ფასწარმოქმნის ადეკვატურობის დამადასტურებელი დოკუმენტების წარმოდგენის ვალდებულებისგან.

ანგარიშსწორება შესაძლებელია მოხდეს ეტაპობრივად ფაქტობრივად გაწეული მომსახურების ღირებულებს შესაბამისი მიღება-ჩაბარების აქტის საფუძველზე.

ანგარიშსწორება განხორციელდება მიმწოდებლის მიერ ანგარიშსწორებისთვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

პაატა ნარიმანიძე, 577080412, paata.narimanidze@wine.gov.ge

10.1.1. პრეტენდენტმა სატენდერო წინადადების ფასში არ უნდა გაითვალისწინოს დღგ მიუხედავად იმისა, არის თუ არა იგი დ.ღ.გ-ს გადამხდელი საქართველოს კანონმდებლობის შესაბამისად;

10.1.2. თუ ხელშეკრულების დადების მომენტისათვის, პრეტენდენტი არის დამატებული ღირებულების გადასახადის გადამხდელი საქართველოს კანონმდებლობის მოთხოვნათა შესაბამისად, შემსყიდველი ვალდებულია ხელშეკრულების ღირებულებაში გაითვალისწინოს სატენდერო წინადადების საბოლოო ფაისის შესაბამისი დ.ღ.გ-ს ოდენობა (ანუ, დღგ-ს შესაბამისი თანხა დაემატება სატენდერო წინადადების საბოლოო ფასს).