Утилиты для пакетов программного обеспечения (Грузия - Тендер #63670832)

ფონოსკოპიური ექსპერტიზის პროგრამული უზრუნველყოფის (თანმდევი მომსახურებით: ინსტალაცია, ექსპლუატაციაში გაშვება და ტრენინგი) სახელმწიფო შესყიდვა.


სსიპ ლევან სამხარაულის სახელობის სასამართლო ექსპერტიზის ეროვნული ბიუროს კრიმინალისტიკური ექსპერტიზის დეპარტამენტის ვიდეო, ფონოსკოპიური და ჰაბიტოსკოპიური ექსპერტიზის სამმართველოში, აქტიურად მიმდინარეობს მრავალობიექტიანი, ხოლო რიგ შემთხვევებში დაბალი ხარისხის ფონოგრამების (აუდიოჩანაწერები) კვლევა, რაც ობიექტურად რთული ექსპერტიზების კატეგორიას განეკუთვნება. აღსანიშნავია, რომ ფონოსკოპიური ექსპერტიზის ნაწილში, ადამიანის იდენტიფიცირება ხმისა და მეტყველების მიხედვით წარმოადგენს ერთ-ერთ ყველაზე მნიშვნელოვან და შესაბამისად მოთხოვნად ექსპერტიზას. იდენტიფიკაციის ხსენებული სახეობა, მეთოდიკის შესაბამისად წარმოადგენს მრავალკომპონენტიან, სხვადასხვა საექსპერტო მოქმედებათა ერთობლიობას, რა დროსაც, ექსპერტის მაღალი კვალიფიკაციის, პრაქტიკული გამოცდილებისა და ცხადია გამოსაკვლევი ჩანაწერის ხარისხის გარდა, გადამწყვეტი მნიშვნელობა ენიჭება იმ პრგრამულ - აპარატულ ნაწილს, რისი გამოყენებაც ხდება ექსპერტის მიერ უშუალოდ კვლევის პროცესში.

მსოფლიოს მოწინავე პროფილურ ლაბორატორიებში, ფონოსკოპიური ექსპერტიზის მიმართულებით აქტიურად გამოიყენება ხმის ავტომატურ რეჟიმში ამომცნობი პროგრამული უზრუნველყოფები, რომლებიც შემუშავებულია მეცნიერულად დასაბუთებული და აღიარებული საექსპერტო მეთოდების შესაბამისად. თანამედროვე პროგრამულ უზრუნველყოფებში გამოიყენება რთული, მაგრამ ამასთან მეტად ზუსტი გამოთვლითი ალგორითმები, რომელთა საშუალებით ხორციელდება კვლევის შედეგის სანდოობის კოეფიციენტის გამოანგარიშება, ხოლო მიღებული შედეგის, ასევე ჩატარებული ფონეტიკური და სხვა კვლევების შედეგთა ერთობლიობის ანალიზით, ექსპერტი ღებულობს საბოლოო გადაწყვეტილებას, პირის ხმის მიხედვით იდენტიფიცირების ნაწილში და ადგენს შესაბამის დასკვნას.

ფონოსკოპიური ექსპერტიზის ნაწილში მოქმედი გამოთვლითი სიმძლავრეები, პროგრამულ - აპარატურული ნაწილი მუდმივად ვითარდება და იხვეწება, ხოლო მთავარი ორიენტირი, როგორც კვლევით მიღებული მაღალი სიზუსტის შედეგი, ამარტივებს და აჩქარებს ექსპერტის მიერ, კონკრეტული საქმის ფარგლებში საბოლოო გადაწყვეტილების მიღებას. თანამედროვე პროგრამულ უზრუნველყოფას, რომელიც კვლევისას იყენებს ხელოვნურ ინტელექტს, აქვს უნარი დროის მოკლე მონაკვეთში მოახდინოს დიდი ხანგრძლივობის აუდიოჩანაწერების ანალიზი და მიღებული შედეგის სისწორე გადაამოწმოს მის მონაცემთა ბაზაში დაცულ აუდიოჩანაწერებთან შედარების გზით.

ასევე უნდა აღინიშნოს, რომ მსოფლიოს წამყვანი საექსპერტო ლაბორატორიები იყენებენ და რეკომენდაციას უწევენ ხელოვნურ ინტელექტზე დაფუძნებულ საექსპერტო პროგრამულ უზრუნველყოფებს, რისი გათვალისწინებითაც, ტექნიკური კუთხით აქტუალობის მაღალი რესურსის მქონე პროგრამული უზრუნველყოფის შეძენა, სეებ-ის პროფილურ ლაბორატორიას დაეხმარება ENFSI-ის მიერ აღიარებული კიდევ ერთ თანამედროვე კვლევით მეთოდისა და შესაძლებლობის დანერგვაში.

1. მიმწოდებელმა უნდა უზრუნველყოს ფონოსკოპიური ექსპერტიზის პროგრამული უზრუნველყოფის, მიწოდება, ინსტალაცია, ექსპლუატაციაში გაშვება და ტრენინგი კვალიფიციური და მწარმოებელი კომპაანიის მიერ სერთიციცირებული სპეციალისტის/სერვისინჟინრის მიერ.

2. შესყიდვის ობიექტი მომწოდებლის მიერ უზრუნველყოფილი უნდა იყოს, არანაკლებ 3 წლიანი საგარანტიო მომსახურებით და მხარდაჭერით, ადგილზე ან დისტანციურად,

3. მიმწოდებელმა უნდა უზრუნველყოს შემოთავაზებული შესყიდვის ობიექტის გამართული მუშაობისთვის საჭირო შესაბამისი ტრენინგით უზრუნველყოფა,რომელსაც ჩაატარებს კვალიფიციური და მწარმობელი კომპაანიის მიერ სერთიციცირებული სპეციალისტი/სერვისინჟინერი არანაკლებ 6 მსმენელის მონაწილეობით და მწარმოებლის სახელით გასცემს შესაბამის სერთიფიკატებს.

იხილეთ თანდართული ფაილი დანართი N2 - ტექნიკური დავალება

შესყიდვის ობიექტის მიწოდება თანმდევი მომსახურებით უნდა განხორცილედეს ხელშეკრულების გაფორმებიდან არაუგვიანეს 55 კალენდარული დღის ვადაში.

შესყიდვის ობიექტის თანმდევი მომსახურებით მიწოდების ადგილია - ქ. თბილისი, ჭავჭავაძის გამზ. N84.

1.7.1 მოწოდებულ შესყიდვის ობიექტზე უნდა ვრცელდებოდეს მწარმოებლის არანაკლებ 3 (სამი) წლიანი საგარანტიო პერიოდი, რომლის ათვლა განხორციელდება საბოლოო მიღება-ჩაბარების აქტის გაფორმების დღიდან.

1.7.2 მიმწოდებელი ვალდებულია საგარანტიო პერიოდში უზრუნველყოს საკონსულტაციო მომსახურება საჭიროებისამებრ ადგილზე ან/და დისტანციურად.

1.7.3. იმ შემთხევაში თუ შემსყიდველის მოთხოვნიდან (წერილობით, სატელეფონო ან ელექტრონული ფოსტის მეშვეობით) 5 (ხუთი) სამუშაო დღის განმავლობაში ოფიციალური სერვისინჟინრის მიერ ვერ იქნა პრობლემა აღმოფხვრილი ადგილზე ან/და დისტანციურად მან უნდა გასცეს შესაბამისი აქტი (დასკვნა) და აღნიშნული დოკუმენტის გაცემიდან 30 კალენდარული დღის განმავლობაში უნდა შეიცვალოს ნებისმიერი წუნდებული დეტალი/პროგრამული უზუნველყოფა ან/და მოხდეს სკანერის სრულად ახლით ჩანაცვლება შემსყიდველის მხრიდნ დამატებითი დანახარჯების გარეშე.

პრეტენდენტის მიერ შემოთავაზებული შესყიდვის ობიქტის მწარმოებელი ქვეყნის, მწარმოებლის ან ბრენდის და ვერსიის; მოდელის ან სერიული ნომრის (არსებობის შემთხვევაში) მიუთითებლობა გამოიწვევს პრეტენდენტის დისკვალიფიკაციას ყოველგვარი დაზუსტების პროცედურის გარეშე.

1. პრეტენდენტის მიერ ფასების ცხრილი წარმოდგენილი უნდა იქნეს ტექნიკური დავალებისა (სატენდერი პირობის 1.2 პუნქტი) და დანართი N1-ის შესაბამისად.
2.ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.
3. პრეტენდენტმა უნდა წარმოადგინოს მწარმოებლის ოფიციალური ვებ-გვერდის ბმული ,,ლინკი”; ე.წ "data sheet" ან სხვა რაიმე დოკუმენტი, რომლის მიხედვითაც შემსყიდველს ექნება საშუალება მოიძიოს ინფორმაცია შემოთავაზებული შესყიდვის ობიექტის სატენდერო დოკუმენტაციის ტექნიკური დავალების მოთხოვნებთან შესაბამისობის დადგენის მიზნით. იმ შემთხვევაში თუ, შემოთავაზებული საქონლის მწარმოებლის ოფიციალურ ვებ გვერდზე; ე.წ "data sheet" -ში ან სხვა დოკუმენტში არ ფიქსირდება სატენდერო დოკუმენტაციით მოთხოვნილი საქონლის ყველა პარამეტრი ან/და შეუსაბამობა აღმოჩნდება პრეტენდენტის მიერ სატენდერო წინადადებაში დაფიქსირებულ საქონლის პარამეტრებსა და მწარმოებლის ოფიციალურ ვებ გვერდზე; ე.წ "data sheet" -ში ან სხვა დოკუმენტში არსებულ საქონლის პარამეტრებს შორის, პრეტენდენტმა უნდა წარმოადგინოს მწარმოებლის მიერ გაცემული და დადასტურებული შესაბამისობის წერილი - რომელსაც უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
4. პრეტენდენტმა უნდა უზრუნველყოს შემოთავაზებული პროდუქციის გამართული მუშაობისთვის საჭირო შესაბამისი ტრენინგით უზრუნველყოფა,რომელსაც ჩაატარებს ლიცენზირებული სპეციალისტი, არანაკლებ 4 მსმენელის მონაწილეობით და მწარმოებლის სახელით გასცემს შესაბამის სერთიფიკატებს.

შენიშვნა:

1. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვების ერთიან ელექტრონულ სისტემაში ატვირთულ ელექტრონულ დოკუმენტებზე შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით.

2. სატენდერო დოკუმენტაციაში შესყიდვის ობიექტის აღწერილობაში, სადაც მითითებული არის სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში), იგულისხმება „მსგავსი“, „ეკვივალენტური“. ამასთან, სატენდერო დოკუმენტაციით განსაზღვრული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული სატენდერო წინადადება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას, რაზეც პრეტენდენტი ვალდებული იქნება წარმოადგინოს შესაბამისი დასკვნა, ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნა (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით. ამასთან, ფასწარმოქნის ადეკვატურობის დასაბუთების (ექსპერტიზის დასკვნის) წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის დამტკიცების შესახებ“ წესის შესაბამისად.

2 Процентов

5 Процентов

ხელშეკრულების შესრულების უზრუნველყოფის საბანკო/სადაზღვევო გარანტიის მოქმედების ვადა უნდა აღემატებოდეს ხელშეკრულებით გათვალისწინებული მომსახურების გაწევის საბოლოო ვადას არანაკლებ 60 (სამოცი) კალენდარული დღით.

6.4.1 მიმწოდებელი ვალდებულია სახელმწიფო შესყიდვების მარეგულირებელი კანონმდებლობის მოთხოვნათა გათვალისწინებით, ხელშეკრულების გაფორმებამდე წარმოადგინოს ხელშეკრულების შესრულების უზრუნველყოფის გარანტია. გარანტია წარმოდგენილი უნდა იქნას საქართველოში მოქმედი საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან;

6.4.2 თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს;

6.4.3 მიმწოდებლის მიერ ხელშეკრულებით ნაკისრი ვალდებულებების შეუსრულებლობის, აგრეთვე ნაწილობრივი ან არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი უფლებამოსილია განახორციელოს ხელშეკრულების შესრულების უზრუნველყოფის საბანკო/სადაზღვევო გარანტიის სრული ოდენობით გამოყენება.

შესყიდვის ობიექტი მიღებულად ჩაითვლება და ანგარიშსწორება განხორციელდება მიმწოდებლის საბანკო ანგარიშზე, ფაქტობრივად მოწოდებული შესყიდვის ობიექტის ღირებულების შესაბამისად, ინსპექტირების აქტის, მიმწოდებლის მირ საგადახდო დოკუმენტის გამოწერის, ინპექტირების და მიღება-ჩაბარების აქტზე ხელმოწერის შემდგომ. ინსპექტირებისთვის საჭირო ვადები არ ჩაითვლება ვადაგადაცილებად, გარდა იმ შემთხვევისა, თუ მოწოდებული შესყიდვის ობიექტი არ შეესაბამება წინამდებარე ხელშეკრულებით ნაკისრ ვალდებულებას.

შესყიდვის ობიექტი მიღებულად ჩაითვლება და ანგარიშსწორება განხორციელდება მიმწოდებლის საბანკო ანგარიშზე, ფაქტობრივად მოწოდებული შესყიდვის ობიექტის ღირებულების შესაბამისად, ინსპექტირების აქტის, მიმწოდებლის მირ საგადახდო დოკუმენტის გამოწერის, ინპექტირების და მიღება-ჩაბარების აქტზე ხელმოწერის შემდგომ, არაუგვიანეს 10 (ათი) სამუშაო დღის ვადაში. ინსპექტირებისთვის საჭირო ვადები არ ჩაითვლება ვადაგადაცილებად, გარდა იმ შემთხვევისა, თუ მოწოდებული შესყიდვის ობიექტი არ შეესაბამება წინამდებარე ხელშეკრულებით ნაკისრ ვალდებულებას.

ალექსი შაველაშვილი, 577920982, ashavelashvili@expertiza.gov.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.

10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.

10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.

10.1.4 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, ლევან სამხარაულის სახელობის სასამართლო ექსპერტიზის ეროვნული ბიუროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.