Полные или частичные строительные работы и публичные работы (Грузия - Тендер #63163058)

ლეჩხუმის საფეხმავლო ბილიკების მონიშვნისა და ინფრასტრუქტურის მოწყობის სამუშაოების შესყიდვა

რაჭა-ლეჩხუმ ქვემო სვანეთის რეგიონში საჭიროა საფეხმავლო ბილიკების მონიშვნა:
1. რაჩხის ჩანჩქერი
2. ბზარნარის ჩანჩქერი და პანორამული გადასახედი
3. ზუბი - ზუბის ციხე
4. ჩქუმის საპიკნიკე და ჩანჩქერი - ნამარნევის ტაძარი - ქულბაქი - მწვანე ტბა - ქვაბისღელეს ჩანჩქერი
5. რიონის ხეობა - ლახეფა - ხვამლის მთა
6. საირმის სვეტების პანორამული ბილიკი
ბილიკების მონიშვნა უნდა განხორციელდეს დანართის სახით მოცემულ „საფეხმავლო ბილიკების გეგმარებისა და მონიშვნის ტექნიკური რეგლამენტის“ შესაბამისად (იხილეთ დანართი N2)
შემსრულებელმა კომპანიამ მონიშვნასთან ერთად ასევე უნდა უზრუნველყოს ბილიკების გაწმენდა ტოტებისგან, ლოდებისგან და სხვა დაბრკოლებებისგან, ისე რომ ბილიკებზე გადაადგილება გახდეს უფრო მეტად უსაფრთხო და მოსახერხებელი (დეტალები უნდა დაზუსტდეს ტურიზმის ეროვნულ ადმინისტრაციასთან).
სხვა დეტალები
მარშრუტების მონიშვნის დეტალური პროექტები, მოწყობისას დასაცავი წესები, სტანდარტები და გასათვალისწინებელი პირობები დეტალურად იქნება მიწოდებული ტურიზმის ეროვნული ადმინისტრაციის მხრიდან.
ბილიკის მონიშვნის სამუშაოების მომზადების/შესრულების თითოეული ეტაპი და დეტალები უნდა შეთანხმდეს ტურიზმის ეროვნულ ადმინისტრაციასთან და გათვალისწინებულ იქნას მოთხოვნები და შენიშვნები.
შემსრულებელი ვალდებულია ტურიზმის ეროვნულ ადმინისტრაციას ხელშეკრულების დადების შემდეგ, სამუშაოების დაწყებამდე, წარუდგინოს მასალები და კონსტრუქციების აწყობილი და დასრულებული (მონტაჟის გარეშე) ნიმუშები, ასევე დოკუმენტაცია რომელიც დაადასტურებს მასალების რეგლამენტით გაწერილ მასალებთან შესაბამისობას. (მაგ: მასალის წარმოშობის სერთიფიკატი, ინვოისი, განბაჟების დოკუმენტი, ქვეყნის შიგნით მასალის შესყიდვის ან სხვა დამადასტურებელი დოკუმენტაცია) სადაც დასტურდება მასალების შესაბამისობა ტექნიკურ რეგლამენტთან.
აუცილებლად გასათვალისწინებელი საკითხები:
· საინფორმაციო დაფებზე განსათავსებელი რუკების ციფრული ფაილები უნდა მომზადდეს შემსრულებელი კომპანიის მიერ ტურიზმის ეროვნული ადმინისტრაციის მხრიდან მოწოდებული GPS ტრეკების მიხედვით და ასევე რუკების ტექნიკური შინაარსი და დიზაინი უნდა იყოს იდენტური ადმინისტრაციის მიერ უკვე გაკეთებული პროექტების მსგავსად.
დამატებითი დეტალები:
1. რუკები უნდა მომზადდეს ქართულ და ინგლისურ ენებზე;
2. რუკები უნდა მომზადდეს ცალკეული მარშრუტების.
3. რუკის ზომა მარშრუტების სიდიდიდან და მოცულობიდან გამომდინარე შეთანხმებული უნდა იყოს ტურიზმის ეროვნულ ადმინისტრაციასთან.
4. რუკები უნდა ჩაბარდეს შემდეგ ელექტრონულ ფორმატებში: სამუშაო PDF ფორმატში, შესაბამისი რუკის Shapefile-ებთან ერთად;
5. რუკის ელექტრონულ ფაილებში, რუკაზე მონიშნული ერთი ტიპის ობიექტები ისე უნდა იყოს დაჯგუფებული, რომ მარტივად შეიძლებოდეს მათი ერთდროულად გათიშვა ან ჩართვა;
6. რუკას უნდა ჰქონდეს ლეგენდა, მასშტაბი და ბადის სისტემა; - რუკებზე დასატანი ობიექტების გეოგრაფიულ კოორდინატებს, დასახელებებს და სხვა დამატებით ინფორმაციას. ამ მონაცემების სისწორე უნდა გადამოწმდეს ადგილობრივი მუნიციპალიტეტის წარმომადგენლებთან კომპეტენციის ფარგლებში.
7. რუკების მომზადების ეტაპები უნდა შეთანხმდეს ტურიზმის ეროვნულ ადმინისტრაციასთან და გათვალისწინებული იყოს მოთხოვნები;
· მანიშნებელი დაფების საბეჭდი დიზაინები უნდა მომზადდეს შემსრულებელი კომპანიის მიერ, ადმინისტრაციის მიერ მიწოდებული შაბლონური დიზაინების მიხედვით;
· საინფორმაციო დაფის დიზაინის ასაწყობი ტექსტი და ფოტო მასალა მოწოდებული იქნება ტურიზმის ეროვნული ადმინისტრაციის მხრიდან.
· ბილიკებზე განთავსებული ყველა მანიშნებელი დაფის ბოძზე და ნიშნულის ბოძზე უნდა დამაგრდეს 50 მმ. დიამეტრის ზომის წყალგამძლე თვითწებვადი ფირი, რომელზეც დაბეჭდილი იქნება ტურიზმის ეროვნული ადმინისტრაციის მიერ მიწოდებული ინფორმაცია (ლოგო, ტექსტი და ა.შ.). დამაგრება ხდება ტექნიკურ რეგლამენტში მითითებული წესის მიხედვით.
ტექნიკური დეტალები:
· შემსრულებელმა კომპანიამ, პროექტის განხორციელებისას უნდა მოახდინოს მის მიერ დამონტაჟებული ინფრასტრუქტურის (მანიშნებელი ბოძი, საინფორმაციო დაფა და ა.შ.) სრული ფოტო გადაღება. ასევე მიწის ქვედა სამუშაობის ამსახველი (თხრილი, ზობა სიმაღლე დიამეტრი) ფოტომასალა. ფოტოსურათები წარმოდგენილ უნდა იქნას მაღალ ხარისხში (მინ. 12 მეგაპიქსელი). განსაკუთრებული ყურადღება უნდა გამახვილდეს, რომ ფოტოებზე თვალნათლივ იკითხებოდეს მანიშნებელ დაფებზე განთავსებული ტექსტები. ფოტოები დამატებით გადაღებული უნდა იყოს შორიდან და ისეთი რაკურსით, რომ სრულად ჩანდეს ბოძი, მისი დამონტაჟების ადგილი და შემოგარენი);
· შემსრულებელი ვალდებულია, ბილიკების მონიშვნის დასრულებისთანავე ადმინისტრაციას წერილობით აცნობოს განსაზღვრული სამუშაოების სრულად შესრულების თაობაზე, რათა ადმინისტრაციის მხრიდან განხორციელდეს დროული მონიტორინგი, საჭიროების შემთხვევაში ხარვეზების დროული აღმოჩენა და აღმოფხვრა.
დანართების სახით იხილეთ:
დანართი N1: მარშრუტების და საჭირო ინფრასტრუქტურის ცხრილი;
დანართი N2: ტექნიკური რეგლამენტი.

სამუშაოების განხორციელება და ჩაბარება:
ხელშეკრულებით გათვალისწინებული სამუშაოების ჩაბარება უნდა მოხდეს ხელშეკრულების გაფორმებიდან 28 კალენდარულ დღეში.
მონიტორინგის ვადა განისაზღვრება 7 სამუშაო დღით.
· ხელშეკრულებით გათვალისწინებული სამუშაოების ჩაბარება უნდა მოხდეს ხელშეკრულების გაფორმებიდან წერილობითი მოთხოვნის საფუძველზე დაგენილ ვადებში, სადაც გათვალისწინებულია სამუშოების შესრულებისთვის არახელსაყრელი ნალექიანი დღეებიც.
· ხელშეკრულებით განსაზღვრული სამუშაოს სრულად შესრულებისთანავე, მხარე ადმინისტრაციას წერილობით ატყობინებს სამუშაოს შესრულების თაობაზე.
· ადმინისტრაციის მხრიდან შესრულებული სამუშაოების მონიტორინგის პერიოდი არ იქნება ჩათვლილი საჯარიმო დღეებში.
· საჯარიმო ვადის ათვლა მოხდება არასრულად/არაჯეროვნად შესრულებული სამუშაოს თაობაზე ადმინისტრაციის მიერ წერილობით გამოცემული დოკუმენტის რეგისტრაციის თარიღიდან. აღნიშნული დოკუმენტი ეგზავნება მეორე მხარეს მის მიერ მითითებულ საკონტაქტო ელ. ფოსტაზე.
· სამუშაოების არასრულად/არაჯეროვნად შესრულების შემთხვევაში, ადმინისტრაციის მიერ მეორე მხარეს წერილობით განესაზღვრება ხარვეზის აღმოსაფხვრელად გონივრული ვადა.
· ნაკლის/ხარვეზის გამოსწორებისთანავე, მხარე ვალდებულია წერილობითი ფორმით მიმართოს ადმინისტრაციას და აცნობოს ნაკლის/ხარვეზის გამოსწორება.
· შემსრულებელი ვალდებულია, ბილიკების მონიშვნის დასრულებისთანავე ადმინისტრაციას წერილობით აცნობოს განსაზღვრული სამუშაოების სრულად შესრულების თაობაზე, რათა ადმინისტრაციის მხრიდან განხორციელდეს დროული მონიტორინგი, საჭიროების შემთხვევაში ხარვეზების დროული აღმოჩენა და აღმოფხვრა.

რაჭა-ლეჩხუმ ქვემო სვანეთი

მიწოდებული საქონლის საგარანტიო ვადა შეადგენდეს არანაკლებ 3 (სამი) წელს მიღება-ჩაბარების აქტების გაფორმებიდან (თანმდევი მონტაჟით), რომლის განმავლობაშიც გამოვლენილი ყველა დეფექტი ან ნაკლი აღმოიფხვრება შემსყიდველის წერილობითი მოთხოვნიდან მაქსიმუმ 10 (ათი) კალენდარული დღის ვადაში (აღნიშნული არ გულისხმობს საანგარიშო პერიოდში დაზიანების აღდგენას, თუ დაზიანება გამოწვეული იქნება დაუძლეველი ძალის ზეგავლენით ან გარეშე ძალის ზემოქმედებით).

1. პრეტენდენტს უნდა გააჩნდეს - 2020 წლიდან ტენდერის გამოცხადების დღემდე მინიმუმ 3 (სამი), სამთო-საფეხმავლო ბილიკზე მიმართულების მანიშნებლისა და საინფორმაციო დაფების ტექნიკური რეგლამენტის მიხედვით მონტაჟის პროექტის განხორციელების გამოცდილება.
2. ინფორმაცია გამოცდილების შესახებ წარმოდგენილი უნდა იყოს თანდართული ცხრილის შესაბამისად;
3. პრეტენდენტი ვალდებულია წარმოადგინოს, საანგარიშო პერიოდში გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები: მიღება-ჩაბარების აქტები და სხვა დამადასტურებელი დოკუმენტები; სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP და ა.შ.) მითითება თანდართული ცხრილის შენიშვნის გრაფაში.
4. შემსყიდველი უფლებამოსილია ანალოგიური სამუშაოების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

ანგარიშსწორება მოხდება უნაღდო ანგარიშსწორებით ლარში;
ანგარიშსწორება მოხდება მიღება–ჩაბარების აქტის გაფორმებისა და შესაბამისი საგადასახადო დოკუმენტების წარმოდგენის შემდეგ;
სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

ანგარიშსწორებისთვის განსაზღვრული დოკუმენტების საბოლო ოდ გაფორმებიდან 10 (ათი) სამუშაო დღის განმავლობაში.

მაია ასლანიშვილი, 591965003, m.aslanishvili@gnta.ge