Различные коммерческие услуги и связанные с ними услуги (Грузия - Тендер #63163046)

ქ. თბილისის მუნიციპალიტეტის გლდანის რაიონის გამგეობის ორგანიზებით, გლდანის რაიონის საჯარო სკოლის მოსწავლეთათვის (მე-9 - მე-11 კლასი) სპორტულ- ინტელექტუალური თამაშის თემაზე - „გააცოცხლე საქართველოს ისტორია“ ორგანიზების სახელმწიფო შესყიდვა.

1.2.1 შესყიდვის ობიექტის აღწერილობა:

თამაშში მონაწილეობას მიიღებს შემსყიდველის მიერ გლდანის რაიონში არსებული საჯარო სკოლის მოსწავლეებით (მე-9 - მე-11 კლასი) დაკომპლექტებული 12 გუნდი (144 მონაწილე, თითო სკოლიდან 6 ბავშვი, ბავშვებს სკოლიდან უნდა ახლდეს ერთი პედაგოგი, როგორც პასუხისმგებელი პირი).
- თამაშის სპეციფიკიდან გამომდინარე აუცილებელია სასტუმრო იყოს ძველი ქართული სასახლის სტილში. სასტუმროს უნდა გააჩნდეს სასადილო არანაკლებ 170 ადამიანზე.
სათამაშო ტერიტორია (არანაკლებ 4000 მ2) უნდა გაფორმდეს შემსყიდველის მოთხოვნის შესაბამისად:
ღონისძიების დღეს სასტუმროს ტერიტორია სრულად უნდა იყოს განკუთვნილი თამაშისთვის, დაუშვებელია ტერიტორიაზე სხვა სტუმრების შემოსვლა.
- ღონისძიების ხანგრძლივობა უნდა იყოს არანაკლებ 6 საათისა.
- მიმწოდებლის მიერ სპეციალურად თამაშისთვის შექმნილ რუქაზე აღნიშნული იქნება ის ადგილები, სადაც საქართველოს ისტორიაში ერთ-ერთი ყველაზე მნიშვნელოვანი ისტორიული ბრძოლები გაიმართა.
- ქალაქები და ბრძოლები დანომრილი იქნება ქრონოლოგიურად - უძველესიდან უახლესისკენ ( სულ 10 ბრძოლა).
- გუნდების მიზანია, დააგროვონ რაც შეიძლება მეტი ინფორმაცია აღნიშნულ ბრძოლებზე, დავალებების შესრულებით მოიპოვონ „ბრძოლებში“ გასამარჯვებლად საჭირო რესურსი (ქვეითი არმია, ცხენოსნები, ზარბაზნები და ა.შ), გაიმარჯვონ პირობით ბრძოლებში და გაიარონ ათივე ეტაპი, რის შემდეგაც ხდება მიღებული ცოდნის შემოწმება ბონუს კითხვების სახით, თითოეულ სწორად გაცემულ პასუხზე გუნდს ემატება ქულა რაც თამაშის მოგებისათვის აუცილებელია.

1.2.2. საჭირო პერსონალი და ინვენტარი:

1. შეჯიბრებების შეფასებისთვის - 13 მსაჯი.
2. თამაშის კოორდინატორი - 5 პერსონა.
3. კლდეზე ცოცვის ინსტრუქტორი - 3 პერსონა (შესაბამისი კვალიფიკაციით).
4. ექიმი - 1 პერსონა (აღჭურვილი პირველადი დახმარების მედიკამენტებით);
5. არანაკლებ 4000 მ2 სათამაშო ტერიტორიით უზრუნველყოფა, თამაშის შესაბამისი დეკორაციებით გაფორმება (საქართველოს დროშა სადგამით - 10 ცალი, 500 მეტრი სიგრძის თოკი ფერადი დროშებით; ბამბუკის ჩირაღდნები - 15 ცალი; 3 ცალი კარავი (მრგვალი, არანაკლებ 3 მეტრი დიამეტრის და სიმაღლის) ხმლები, ძველი ქართული სამოსი)
6. დასასვენებელი ზონის მოწყობა - 10 ცალი ჰამაკი და 10 ცალი პუფი.
7. არანაკლებ 8 მ. სიმაღლის და 3 მ. სიგანის საცოცი კლდის მონტაჟი-დემონტაჟი, 2 დამოუკიდებელი საცოცი ხაზით (რაც ითვალისწინებს ერთდროულად 2 მონაწილის ცოცვას); 5მმ ზომის 4 ცალი 50 მეტრიანი ალპინისტური თოკით, 4 ცალი უსაფრთხოების ქამარით (ფოტოს მსგავსი), 10 ცალი კარაბინით (ჩამკეტი) (ფოტოს მსგავსი), 2 ცალი ორმაგი გორგოლაჭით (როლიკი) (ფოტოს მსგავსი).
8. თამაშში შემავალი დავალებებისათვის სხვა საჭირო ინვენტარით უზრუნველყოფა - 3 ცალი პულტიანი სათამაშო ექვსბორბლიანი მანქანა (სიხშირეები არ უნდა ემთხვეოდეს, რომ შეჯიბრი იყოს შესაძლებელი), 1 ცალი პულტით მართვადი სათამაშო კატერი, 4 ცალი ტურნბოლის ჩოგნები (ფოტოს მსგავსი);
9. მოსწავლეებისა და საორგანიზაციო ჯგუფის მინიმუმ 50 ადგილიანი გამართულ მდგომარეობაში მყოფი ავტობუსებით ტრანსპორტირების უზრუნველყოფა (შეკრების ადგილიდან შემსყიდველის მიერ მითითებული ლოკაციამდე) ბავშვების ღონისძიების ადგილზე გადაყვანა და ღონისძიების შემდეგ საწყის ლოკაციაზე დაბრუნება. ტრანსპორტის ექსტერიერი და ინტერიერი დეფექტების გარეშე. ტექნიკურად გამართულ მდგომარეობაში, კონდიცირებით, მძღოლს უნდა გააჩნდეს შესაბამისი კატეგორიის მართვის მოწმობა.
10. სათამაშო რუქის შედგენა/დახატვა, ტილოს მასალაზე - ზომით 2.5მ მ X1.5 - 1 ცალი.
11. გახმოვანების უზრუნველყოფა: 2 კვტ. გახმოვანების აპარატურა, მიქშერი, 2 რადიო მიკროფონი, დიჯეის აპარატურა, ასევე, დენის წყაროთი უზრუნველყოფა (გენერატორი შესაბამისი სიმძლავრის).
12. მონაწილეებისთვის ბრენდირებული სხვადასხვა ფერისა და ზომის, ორმხრივი ბეჭდვით მაისურების დამზადება (დიზაინი და ფერი შემსყიდველთან შეთანხმებით) (ღონისძიების დასრულების შემდეგ მაისურები გადაეცემათ საჩუქრად მონაწილეებს) - 144 ცალი მაისური.
13. მონაწილეებისთვის ბრენდირებული კეპები (დიზაინი შემსყიდველთან შეთანხმებით) – 144 ცალი კეპი.
14. გამარჯვებული გუნდის წევრებისთვის - სასაჩუქრე ნაკრები გამარჯვებული გუნდისთვის : ბრენდირებული ნაჭრის ჩანთა, ბლოკნოტი ტყავის ყდით და გრავირებით, ბრენდირებული კალამი (დიზაინი შემსყიდველთან შეთანხმებით) - 12 ცალი.

1.2.3. მონაწილეთა კვებით უზრუნველყოფა:

1. ღორის ხორცის მწვადი - 50 კგ
2. სენდვიჩი ლორით და ყველით - 170 ცალი
3. ბანანი - 170 ცალი.
4. ფენოვანი ხაჭაპური -170 ცალი.
5. ფენოვანი ლობიანი - 170 ცალი.
6. ხილის წვენი არანაკლებ 250 მგ. – 170 ცალი.
7. სასმელი წყალი 1,5 ლ - 350 ცალი.
8. გაზიანი გამაგრილებელი სასმელი 0,5ლ - 170 ცალი.
9. შოთის პური - 80 ცალი.

ღონისძიება ჩატარდება 2025 წლის მაისის-ივნისის თვეში. თარიღი მიმწოდებელს წერილობით ეცნობება წინასწარი 5 (ხუთი) კალენდარული დღით ადრე.

ქ. თბილისიდან არაუმეტეს 100 კილომეტრის რადიუსში მდებარე სასტუმრო.

2.2.1.1. პრეტენდენტს 2022 წლის 1 იანვრიდან უნდა გააჩნდეს არანაკლებ სამი მსგავსი თამაშების ან სპორტულ/ინტელექტუალური ღონისძიებების ორგანიზების გამოცდილება.
2.2.1.2 იმ შემთხვევაში, თუ პრეტენდენტის მიერ შესრულებულ ანალოგიურ მომსახურებაზე შესყიდვ(ებ)ა განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.1 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნას ინფორმაცია გამოცდილების შესახებ დანართი N2-ის შესაბამისად, რომელშეც მითითებული იქნება სატენდერო განცხადებ(ებ)ის SPA/NAT/CMR.. ნომერი.

შენიშვნა:
სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

1. ღონისძიებაში მონაწილე 5 კოორდინატორს 2022 წლის 1 იანვრიდან უნდა გააჩნდეს სამ მსგავს პროექტზე მუშაობის გამოცდილება, რაზეც წარმოდგენილ უნდა იქნას შესაბამისი ინფორმაცია (დანართი N3), რომელიც სატენდერო წინადადებასთან ერთად ატვირთული უნდა იქნას ერთიან ელექტრონულ სისტემაში.

2. წარმოდგენილ იქნას გამოცდილების დამადასტურებელი შემდეგი დოკუმენტები: ხელშეკრულება ან/და მიღება-ჩაბარების აქტ(ებ)ი ან/და დამქირავებლის მიერ გაცემული ცნობა-რეკომენდაცია პროექტის მითებით.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის/აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეული ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული მომსახურების გაწევის შესაძლებლობა.
ექსპერტიზის/აუდიტის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას.ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება უნაღდო ანგარიშსწორებით ლარში, ქ. თბილისის მუნიციპალიტეტის 2025 წლის ადგილობრივი ბიუჯეტის სახსრებით, მიღება–ჩაბარების აქტის საფუძველზე.

მიღება-ჩაბარების აქტის გაფორმებიდან არაუგვიანეს 10(ათი) სამუშაო დღის განმავლობაში.

სალომე კიკნაველიძე, 577361417, s.kiknavelidze@tbilisi.gov.ge

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას, უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4 იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, მაშინ აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.


პრეტენდენტის მიერ ერთიან ელექტრონულ სისტემაში ასატვირთი მონაცემები:

1. მომსახურების ხარჯთაღრიცხვების (დანართი N1-ის მიხედვით) წარმოუდგენლობა ან განუფასებელი მომსახურების ხარჯთაღრიცხვების წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.
2. ინფორმაცია პრეტენდენტის გამოცდილების შესახებ (დანართი N2-ის მიხედვით) სატენდერო დოკუმენტაციის 2.2.1 პუნქტის მოთხოვნების გათვალისწინებით.
3. ინფორმაცია ღონისძიებაში მონაწილე 5 კოორდინატორის გამოცდილების შესახებ (დანართი N3-ის მიხედვით) სატენდერო დოკუმენტაციის 2.4.1 პუნქტის მოთხოვნების გათვალისწინებით.