Электронные, электромеханические и электротехнические аксессуары (Грузия - Тендер #63163030)

ავტობუსის გაჩერების საინფორმაციო ელექტრონული ტაბლოების შესყიდვა.

პრეტენდენტმა სისტემის მეშვეობით უნდა წარმოადგინოს გარეგამოყენების ტაბლოების შესყიდვის ობიექტის ტექნიკური აღწერილობა,ასევე დანართი # 2 პროგრამულ მართვის სისტემაზე.

ხელშეკრულების გაფორმების თარიღიდან არაუგვიანეს 30 (ოცდა ათი) კალენდარულ დღეში.

1.5.1. მოწყობილობის მონტაჟი უნდა განხორციელდეს ქალაქ რუსთავის ტერიტორიაზე, შემსყიდველი ორგანიზაციის მიერ მითითებულ ადგილზე.
1.5.2. მიმწოდებელი ვალდებულია მოწყობილობის დამაგრებისთვის დაამზადოს ლითონკონსტრუქციების საყრდენი ბოძები და დაამონტაჟოს ბეტონის საძირკველში. საყრდენი ბოძები დამზადებული უნდა იყოს ფოლადის კვადრატული მილისაგან (ზომა: 100x100), ხოლო სამონტაჟო კორპუსი არანაკლებ 1,2მმ სისქის ფოლადის ფირფიტისგან. უნდა შეიღებოს ანტიკოროზული საღებავით (საღებავის ფერი შემსყიდველთან შეთანხმებით).
1.5.3. საჭიროების შემთხვევაში ახალი დაერთების ხარჯს გაწევს შემსყიდველი ორგანიზაცია, ხოლო მრიცხველიდან მონიტორამდე ელექტროენერგიის გაყვანა უნდა უზრუნველყოს მიწოდებელმა.
1.5.4. სამუშაოთა წარმოების დროს განსაკუთრებით ყურადღებით უნდა შესრულდეს მიწის სამუშაოები (ასეთის არსებობის შემთხვევაში) ჭრილში კომუნიკაციების (ელ. კაბელის, გაზსადენის, წყალსადენის, მწვანე ზოლის, გზის საფარის და სხვა) ფარგლებში. აუცილებელია სამუშაოთა წარმოების ზონაში მოხვედრილი კომუნიკაციების მფლობელთა თანდასწრება და მათი მოთხოვნების გათვალისწინება. შემსრულებელმა უნდა ჩაატაროს ღონისძიებები, მიიღოს უსაფრთხოების შესაფერისი ზომები და განახორციელოს ყველა საჭირო სამუშაო ხელშეკრულების ფარგლებში, შეათანხმოს აღნიშნული სამუშაოები შესაბამის სამსახურებთან, მის სამუშაო ტერიტორიაზე ელექტროენერგიის, ტელეგრაფის, ტელეფონის ხაზების, ბუნებრივი გაზის სადენების და სხვა კომუნალური აღჭურვილობის დასაცავად და მათზე ზემოქმედების თავიდან ასაცილებლად. აღნიშნულთან დაკავშირებული ხარჯები უნდა გაიღოს შემსრულებელმა. შემსრულებელმა უნდა დაიცვას და გაათავისუფლოს დამკვეთი ყოველგვარი პრეტენზიისაგან, მოთხოვნისაგან, სარჩელისაგან, ზარალის ანაზღაურებისაგან და ხარჯებისაგან, რომელიც შეიძლება წარმოიშვას ზემოთაღნიშნული ზემოქმედების შედეგად ან მასთან კავშირში. შემსრულებელი ვალდებულია სათანადოდ დაიცვას ყველა შენობა, ნაგებობა, დანადგარი, კომუნიკაციები დაზიანებისაგან და გაფუჭებისაგან ხელშეკრულების მოქმედების პერიოდში. შემსრულებელმა უნდა მიიღოს ყველა საჭირო ზომა შენობის, ნაგებობის, სავალი ნაწილის ზედაპირის, მილსადენების, კაბელების, კანალიზაციის და სხვა კომუნიკაციების დასაცავად. სამუშაო ადგილის მომზადება, გარემოს დაცვა: მიმწოდებელი პასუხისმგებელია: შეასრულო სამუშაოები შრომის უსაფრთხოების პირობების დაცვით; უზრუნველყოს სამუშაო ადგილის ფარგლებში გარემოზე ეკოლოგიური ზემოქმედების მინიმუმამდე დაყვანა; მინიმუმამდე დაიყვანოს სამუშაოებთან დაკავშირებული ხმაურის, ვიბრაციის და მტვრის გავლენა გარემოზე; ყველა სახის მოსამზადებელი სამუშაოების დაწყება შეთანხმებული უნდა იყოს შემსყიდველთან; სამუშაოების დასრულების შემდეგ შემსრულებელი თავისი ძალებით და სახსრებით 5 დღის განმავლობაში ვალდებულია გაათავისუფლოს სამუშაო ადგილი სამშენებლო მოწყობილობა-დანადგარებისაგან, მასალებისაგან, დროებითი ნაგებობებისაგან და ა.შ.
1.5.5.ტაბლოს დგარის დახრის კუთხე უნდა შეთანმხდეს შემსყიდველთან.

1) შემოთავაზებულ შესყიდვის ობიექტზე საგარანტიო ვადა უნდა შეადგენდეს საბოლოო მიღება-ჩაბარების აქტის გაფორმების დღიდან არანაკლებ 3 (სამი) წელს, რომლის განმავლობაში რაიმე ნაკლის/დეფექტის გამოვლენის შემთხვევაში, ტენდერში გამარჯვებული ვალდებულია, შეტყობინების მიღებიდან, შემსყიდველის მიერ განსაზღვრულ გონივრულ ვადაში, გამოასწოროს წარმოქმნილი ნაკლოვანება/დეფექტი, შემსყიდველის მხრიდან დამატებითი დანახარჯების გაწევის გარეშე.
2) დეფექტის გამოვლენის შემთხვევაში მიმწოდებელი ვალდებულია უზრუნველყოს წუნდებული (უხარისხო) საქონლის შეცვლა და განახორციელოს შეცვლასთან დაკავშირებული ყველა მოქმედება საკუთარი ძალებით და საშუალებებით, შემსყიდველის მხრიდან ყოველგვარი დამატებითი დანახარჯების გაწევის გარეშე, შეტყობინების მიღებიდან არაუგვიანეს 15 (თხუთმეტი) დღის განმავლობაში. ამ ვადაში შედის საქონლის წაღება და ახალით შეცვლა.
შენიშვნა: პრეტენდენტმა, ფასების ცხრილის (იხ. 1.3 პუნქტი) შესაბამის სვეტში, შესაბამის პოზიციაზე, უნდა მიუთითოს ინფორმაცია საგარანტიო ვადის შესახებ, რომელიც არ უნდა იყოს დადგენილ ვადაზე ნაკლები.

ტენდერში მონაწილე პრეტენდენტის სატენდერო წინადადება უნდა შეიცავდეს მონაცემებს შემოთავაზებული შესყიდვის ობიექტის წარმოშობის წყაროს (მწარმოებელი ქვეყანა), მწარმოებლისა და მოდელის (ასეთის არსებობის შემთხვევაში) შესახებ. აღნიშნული ინფორმაცია წარმოდგენილი უნდა იქნეს ფასების ცხრილის - დანართ #1-ში.

პრეტენდენტს 2019 წლის პირველი იანვრიდან მოცემული ტენდერის გამოცხადების თარიღამდე, უნდა ჰქონდეს ტაბლოების მიწოდების ან/და ტაბლოების მონტაჟის ან/და საინფორმაციო ტაბლოების პროგრამულ–ტექნიკური მომსახურების ან/და GPS მოწყობილობების პროგრამულ–ტექნიკური მომსახურების არანაკლებ 200 000.00 (ორასიათასი ლარი და 00 თეთრი) ლარის ოდენობის გამოცდილება. რაზედაც პრეტენდენტი ვალდებულია წარმოადგინოს, მხარეთა მიერ ხელმოწერილი ხელშეკრულებ(ები)ა და შესაბამისი მიღება-ჩაბარების აქტ(ებ)ი.

გარე გამოყენების ტაბლოების მწარმოებელს უნდა გააჩნდეს ხარისხის მართვის სერტიფიკატი ISO 9001, რომელიც დასტურდება შესაბამისი სერთიფიკატით. (ხარისხის დამადასტურებელი სერთიფიკატი პრეტენდენტის მიერ წარმოდგენილი უნდა იქნეს შესყიდვების ერთიან ელექტრონულ სისტემაში) ასევე ტაბლოებს უნდა გააჩნდეს პანელის წყალგაუმტარობის სტანდარტის (IP 65) დამადასტურებელი დოკუმენტი.ზემოაღნიშნულის დამადასტურებელი (ISO 9001 და IP 65 ) დოკუმენტაცია წარმოდგენილი უნდა იქნეს შესყიდვების ერთიან ელექტრონულ სისტემაში (ინფორმაციის ან დოკუმენტის უცხო ენაზე წარმოდგენის შემთხვევაში თან უნდა დაერთოს ნოტარიულად დამოწმებული თარგმანი ქართულ ენაზე).

2.9.1. საქონელი უნდა იყოს ახალი, ქარხნული წესით შეფუთული, ისე, რომ დაცული იყოს გარემო ზემოქმედებისაგან, გარდა იმ პროდუქციისა, რომლის შეფუთვაც შეუძლებელია ქარხნული წესით.
2.9.2. იმ შემთხვევაში, თუ მიწოდებული საქონელი აღმოჩნდება უხარისხო, საწარმოო წუნით ან/და დეფექტით ან/და ტექნიკური დავალებით განსაზღვრულ პარამეტრებთან შეუსაბამო, მიმწოდებელი ვალდებულია დაუყოვნებლივ განახორციელოს წუნდებული საქონლის შეცვლა, ახალი, იდენტური პარამეტრების მქონე შესყიდვის ობიექტით, შემსყიდველის მხრიდან რაიმე დამატებითი დანახარჯის გაწევის გარეშე.
2.9.3. სამონტაჟო სამუშაოები უნდა განხორციელდეს საქართველოს მოქმედი კანონმდებლობით დადგენილ წესებისა და ნორმების სრული დაცვით.
2.9.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. (დღგ-ს გარეშე)
2.9.5 სატენდერო წინადადების ფასი სახელმწიფო შესყიდვების ერთიანი ელექტრონულ სისტემაში მითითებული უნდა იქნას დღგ-ს გარეშე (იმის მიუხედავად არის თუ არა პრეტენდენტი დღგ-ს გადამხდელად რეგისტრირებული). იმ შემთხვევაში თუ გამარჯვებული პრეტენდენტი იქნება დღგ-ს გადამხდელი, ხელშეკრულების დადებისას ხელშეკრულების ღირებულებაში იქნება გათვალისწინებული დღგ-ს ოდენობა.
2.9.6 მოწოდებული საქონელი უნდა იყოს ახალი.

პრეტენდენტმა, შემსყიდველ ორგანიზაციაში, უნდა წარმოადგინოს საქონლის ნიმუში.

ქ. რუსთავი, ი. გაგარინის #18.

1.ფასწარმოქმნის ადეკვატურობა შესაძლებელია დასაბუთდეს აუდიტორების ,ექსპერტის ან/და აუდიტორული ფირმების სახელმწიფო რეესტრში დარეგისტრირებული ან/და შესაბამის სფეროში აკრედიტირებული პირის დასკვნის საფუძველზე.
2.ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

ანგარიშსწორება იწარმოებს „მიმწოდებლის“ მიერ სრულად მიწოდებული საქონლის დამადასტურებელი შესაბამისი მიღება-ჩაბარების აქტისა და ფინანსური დოკუმენტაციის წარმოდგენის საფუძველზე.

შესაბამისი დოკუმენტაციის წარმოდგენიდან 10 (ათი) სამუშაო დღე.

გიგა სუთიძე, 577549134, gigasutidze@gmail.com

• სახელმწიფო შესყიდვების ერთიან ელექტრონულ სისტემაში (შემდგომში - სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების შესაბამისად.
• ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
• დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
• სახელმწიფო შესყიდვების ერთიან ელექტრონულ სისტემაში (შემდგომში - სისტემა) ატვირთული ყველა დოკუმენტი ან/და ინფორმაცია უფლებამოსილი პირის მიერ უნდა იყოს ხელმოწერილი ან/და ბეჭედ დასმული (ბეჭდის არსებობის შემთხვევაში). (საჭიროების შემთხვევაში ატვირთულ უნდა იქნას მინდობილობა ან რწმუნებულება).
• პრეტენდენტი ვალდებულია, სახელმწიფო შესყიდვების ერთიან ელექტრონულ სისტემაში სატენდერო წინადადების სახით წარსადგენი, მის მიერ შექმნილი დოკუმენტები დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.