Медицинские услуги (Грузия - Тендер #63163029)

ანტიტუბერკულოზურ მკურნალობაზე დამყოლობის გაუმჯობესების მომსახურება.

შეყიდვის ობიექტი
შესყიდვის ობიექტს წარმოადგენს შიდსთან, ტუბერკულოზსა და მალარიასთან ბრძოლის გლობალური ფონდის „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“ პროგრამის ფარგლებში ანტიტუბერკულოზურ მკურნალობაზე დამყოლობის გაუმჯობესების მომსახურების (CPV85100000-ჯანდაცვის სფეროს მომსახურებები) გაწევა.
მომსახურების მიწოდების საორიენტაციო ვადაა ხელშეკრულების გაფორმებიდან 2025 წლის 31 დეკემბრის ჩათვლით, საორიენტაციოდ 7,5 თვე.
ტექნიკური დავალება
საქართველოში ტუბერკულოზის მართვის კუთხით მნიშვნელოვანი წარმატების მიუხედავად, გამოწვევად რჩება მკურნალობის მიმართ პაციენტთა დამყოლობა. მკურნალობის შეწყვეტის შედარებით მაღალი მაჩვენებლები განპირობებულია მრავალი ფაქტორით, მათ შორის სოციალური და ეკონომიკური გარემოებებით, და მკურნალობის ხანგრძლივი კურსის დასრულების სირთულით, მკურნალობის პროცესში ფსიქოსოციალური მხარდაჭერის აუცილებლობითა და ტუბსაწინააღმდეგო მედიკამენტებით გამოწვეული გვერდითი მოვლენებისა და გართულებების მართვის საჭიროებით. საერთაშორისო გამოცდილებასა და მტკიცებულებებზე ჯანმრთელობის მსოფლიო ორგანიზაციამ გამოაქვეყნა ტუბერკულოზის მკურნალობის შედეგების გასაუმჯობესებლად მიმართული სათემო მხარდაჭერის სერვისების სტანდარტული პაკეტი და მისი მიწოდების გზები, მათ შორის პაციენტთა განათლებისა და მკურნალობაზე დამყოლობის გაუმჯობესების მიმართულებით. წინამდებარე ტექნიკური დავალება მიზნად ისახავს ანტიტუბერკულოზურ მკურნალობაზე დამყოლობის მხარდაჭერის ადამიანზე ორიენტირებული მოდელის დანერგვას შემდეგ ქალაქებში/მუნიციპალიტეტებში: ქუთაისი, ბათუმი, ზუგდიდი, რუსთავი და მარნეული, გლობალური ფონდის GEO-C-NCDC პროგრამის ფარგლებში.
მოდული: მულტირეზისტენტული ტუბერკულოზი.
ინტერვენცია: მულტირეზისტენტული ტუბერკულოზის მკურნალობა.
პროექტის მიზანია: ტუბსაწინააღმდეგო მკურნალობაზე დამყოლობის და მკურნალობის გამოსავლის გაუმჯობესება, ინფექციის ტრანსმისიისა და რეზისტენტობის განვითარების რისკის შემცირების ხელშეწყობა.
პროექტის ამოცანები:
ამოცანა 1: ამბულატორიულ დონეზე ტუბერკულოზის მკურნალობის სერვისის მიმწოდებელ შერჩეულ დაწესებულებებში პაციენტთა ინდივიდუალური მართვის მოდელის დანრგვა.
ამოცანა 2: ტუბერკულოზით დაავადებული პირის ინდივიდუალური მართვის მოდელის განხორციელება.
სამიზნე ჯგუფი: ქუთაისის, ბათუმის, ზუგდიდის, რუსთავის და მარნეულის ტუბერკულოზის ამბულატორიული მკურნალობის სერვისის მიმწოდებელ დაწესებულებებში
ამბულატორიულ მკურნალობაზე მყოფი აქტიური ტუბერკულოზის მქონე პაციენტები, რომელთა საორიენტაციო რაოდენობა შეადგენს 230 პირს.
პროექტის ფარგლებში განსახორციელებელი აქტივობები
ფაზა 1
ამოცანა 1: ამბულატორიულ დონეზე ტუბერკულოზის მკურნალობის სერვისის მიმწოდებელ შერჩეულ დაწესებულებებში პაციენტთა ინდივიდუალური მართვის მოდელის დანრგვა.
აქტივობა 1.1 მკურნალობაზე დამყოლობის გაუმჯობესების მომსახურების პროტოკოლის და პროგრამის მონიტორინგის გეგმის შემუშავება:
1.1.1პროტოკოლის ადაპტირება -ჯანმოს გაიდლაინის საფუძველზე და ზემოთ მითითებული სერვისების, ასევე ტბ აბულატორიული მომსახურების არსებული პრაქტიკის გათვალისწინებით, შემუშავებულია მკურნალობაზე დამყოლობის გაუმჯობესების მომსახურების პროტოკოლი (მიწოდებული იქნება შემსყიდველის მიერ).თითოეული დასწესებულებისთვის უნდა მოხდეს დამყოლობის გაუმჯობესების მომსახურებაში ჩართული პერსონალის იდენტიფიცირება და მათი ჩართულობით პროტოკოლის ადაპტირება. პროტოკოლი ასევე უნდა მოიცავდეს აღნიშნული პერსონალის სამუშაოთა აღწერილობასა და საჭირო დოკუმენტაციის წარმოების ნიმუშებს, მათ შორის:
• შემთხვევის მენეჯერის სამუშაოს აღწერილობა;
• ინდივიდუალური შემთხვევის მართვის პროტოკოლი/პროცედურა;
• პაციენტის საჭიროების შეფასების კითხვარი;
• პაციენტის ინფორმირებული თანხმობის ფორმა შემთხვევის მართვის შესახებ;
• ინდივიდუალური შემთხვევის მართვის რეგისტრაციის ფორმა;
• ინდივიდუალური დახმარების გეგმა.
1.1.2 მონიტორინგის გეგმა - მომწოდებელმა უნდა შეიმუშაოს მონიტორინგის გეგმა, რომელიც უნდა მოიცავდეს პროტოკოლის შესაბამისად განსაზღვრულ მონაცემებს, მონაცემთა შეგროვების პერიოდულობას, ასევე პროცესის ინდიკატორებსა და მათზე ანგარიშგების პერიოდულობას. უნდა უზრუნველყოს ინდივიდუალური შემთხვევების მონაცემთა ბაზის შექმნა.
აქტივობა 1.2 მკურნალობაზე დამყოლობის გაუმჯობესების მომსახურების მიწოდებაში ჩართული პერსონალის ტრენინგები
მომწოდებელმა უნდა უზრუნველყოს მომსახურების მიწოდებისთვის შერჩეული პერსონალის ტრენინგი. ტრენინგის ხანგრძლივობა 2 დღე. ტრენინგი უნდა ჩატარდეს თითოეულ შერჩეულ დაწესებულებაში, ადგილზე.
სტანდარტულად, ტუბერკულოზის მკურნალობაზე დამყოლობის გაუმჯობესების გუნდის შემადგენლობაში მოაზრებულია (განისაზღვრება პროტოკოლით):
• ექიმი ფტიზიატრი/პულმონოლოგი;
• ფსიქოლოგი;
• შემთხვევის მენეჯერი;
• თანაბარგანმანათლებელი.
აქტივობა 1.3 საინფორმაციო მასალის მომზადება და ბეჭდვა:
მიმწოდებლის მიერ უნდა მომზადდეს საინფორმაციო-საკომუნიკაციო მასალა რომელიც უნდა მოიცავს ტუბერკულოზსა და მის მართვასთან დაკავშირებულ ინფორმაციას, ხელმისაწვდომი მომსახურებების და საკონტაქტო ინფორმაციის ჩათვლით. მასალა უნდა დაიბეჭდოს ფლაერების სახით (2000 ფლაერი).

აქტივობა 1.4 საბაზისო მონაცემების შეგროვება და მონაცემთა საწყისი ბაზის ფორმირება
მიმწოდებლის მიერ უზრუნვლყოფილი უნდა იყოს თითოეული დაწესებულების დონეზე პროექტით გათვალისწინებული ფაზა 2 - ის დაწყებამდე წინა პერიოდის (2025წ 1 იანვრიდან) მკურნალობაზე მყოფი პაციენტების თაობაზე მონაცემთა მონიტორინგის ბაზაში შეტანა და ბაზისურ მონაცემთა ფორმირება.
ფაზა 2
ამოცანა 2: ტუბერკულოზით დაავადებული პირის ინდივიდუალური მართვის მოდელის განხორციელება.
პროტოკოლით განსაზღვრული სერვისების მიწოდების უზრუნველყოფა ტუბერკულოზის ამბულატორიულ მკურნალობაზე მყოფ პაციენეტებისთვის, შერჩეულ დაწესებულებებში.
აქტივობა 2.1 სენსიტიური და რეზისტენტული ტუბერკულოზის მქონე, ამბულატორიულ მკურნალობაზე მყოფი პაციენტების საჭიროების შეფასება
ინდივიდუალური საჭიროების გამოვლენის მიზნით საწყისი შეფასება უტარდება სენსიტიური და რეზისტენტული ტუბერკულოზის მქონე ყველა პაციენტს, რომელიც დაიწყებს ამბულატორიულ მკურნალობას მომსახურების მიწოდების პერიოდში (ფაზა 2 დასაწყისი). შეფასებას ატარებს შერჩეული პირი, რომელიც ყველაზე ხშირ კონტაქტში იმყოფება პაციენტთან (ეს შეიძლება იყოს მედდა, ფთიზიატრი ან დამყოლობის კონსულტანტი, განისაზღვრება პროტოკოლით). საჭიროების შეფასება სავარაუდოდ ჩაუტარდება 230 პირს.
აქტივობა 2.2 სენსიტიური და რეზისტენტული ტუბერკულოზის მქონე, ამბულატორიულ მკურნალობაზე მყოფი პაციენტების სამოტივაციო კონსულტაცია
ტუბერკულოზის დიაგნოზის დადასტურების შემდეგ ყველა პაციენტს უნდა მიეწოდოს დეტალური ინფორმაცია დაავადების, მისი მკურნალობის, შეწყვეტასთან დაკავშირებული რისკების შესახებ და ჩაუტარდეს სამოტივაციო კონსულტაცია სამედიცინო პერსონალის მიერ. ასევე მიეწოდება ინფორმაცია შემთხვევის მენეჯერის (სხვა დამატებითი მომსახურების შესახებ ინფორმაცია, რომელიც გნისაზღვრება პროტოკოლით) მომსახურების არსებობის შესახებ, რომლით სარგებლობაც პაციენტს საჭიროების შემთხვევაში შეუძლია. სამოტივაციო კონსულტაცია ჩაუტარდება 230 პირს.
აქტივობა 2.3 სენსიტიური და რეზისტენტული ტუბერკულოზის მქონე, ამბულატორიულ მკურნალობაზე მყოფი პაციენტების კონსულტაცია ფსიქოლოგის/ფსიქიატრის მიერ
საწყისი შეფასების საფუძველზე ან/და შემდგომში მკურნალობის პროცესში საჭიროების გამოვლენის შემთხვევაში პაციენტს უნდა გაეწიოს ფსიქოლოგის და/ან ფსიქიატრის კონსულტაცია. იქ სადაც საჭირო კომპეტენციის სპეციალისტის ჩართვა ვერ ხერხდება, მომწოდებელმა უნდა უზრუნველყოს ონლაინ კონსულტაციის ორგანიზება. ერთ პაციენტს შესაძლოა დასჭირდეს ერთზე მეტი კონსულტაცია ფსიქოლოგის მიერ და სულ გათვალისწინებულია 140 კონსულტაცია.
აქტივობა 2.4 სენსიტიური და რეზისტენტული ტუბერკულოზის მქონე, ამბულატორიულ მკურნალობაზე მყოფი პაციენტების კონსულტაცია თანაბარგანმანათლებლის მიერ
მკურნალობის დაწყებისას ან შემდგომ მკურნალობის პროცესში პაციენტის სურვილის შემთხვევაში, მას უნდა ჩაუტარდეს კონსულტაცია თანაბარგანმანათლებლის მიერ. ამისთვის შესაძლებელია როგორც პირისპირ შეხვედრა, ასევე ონლაინ კონსულტაცია. პროექტით გათვლისწინებულია 23 კონსულტაციის გაწევა.
აქტივობა 2.5 პაციენტებისთვის მომსახურების მიწოდება, მათი საჭიროებების შესაბამისად, ინდივიდუალური შემთხვევების მართვის გზით
საწყისი შეფასების შემდეგ, პაციენტთან შეთანხმებისა და მისგან ინფორმირებული თანხმობის მიღების შემდეგ, ინფორმაცია ინდივიდუალური საჭიროების შესახებ გადაეცემა შემთხვევის მენეჯერს. ინდივიდუალური შემთხვევა, შემთხვევის მენეჯერის ფუნქციები, სამუშაოთა აღწერილობა განისაზღვრება პროტოკოლით.
ასევე, ინდივიდუალური საჭიროების გათვალისწინებით, მომსახურების ფარგლებში გათვალისწინებულია შემთხვევის მართვისთვის აუცილებელი მინიმალური ხარჭების ანაზღაურება (მაგ. სხვადასხვა სამედიცინო გამოკვლევა, მედიკამენტების შეძენა), რომელთა საჭიროებას განსაზღვრავს შემთხვევის მენეჯერი. შემსყიდველის მიერ შემთხვევის მართვაზე გაწეული დანახარჯის ანაზღაურება მოხდება მხოლოდ ხარჯების და გადახდის დამადასტურებელი დოკუმენტების წარდგენის შემთხვევაში, რომელიც ემსახურება ინდივიდუალური შემთხვევის მართვის მიზნებს, შემთვევაზე საშუალოდ 90 ლარის ოდენობით.
შემთხვევის მენეჯერი ვალდებულია მოახდინოს ინდივიდუალური შემთხვევების სათანადო დოკუმენტირება, მათ შორის უზრუნველყოს ინდივიდუალური შემთხვევის მართვასთან დაკავშირებული ხარჯების დამადასტურებელი დოკუმენტების შენახვა. წინა წლების გამოცდილებაზე დაყრდნობით პაციენტთა დაახლოებით 20% მკურნალობის პროცესში დგება მკურნალობისთვის თავის დანებების რისკის ქვეშ, ან წყვეტს მკურნალობას, შესაბამისად პროექტით დაგეგმილი ინდივიდუალური შემთავევის მართვის სამიზნე ჯგუფს წარმოადგენს 46 პაციენტი. ერთ პაციენტის ინდივიდუალური შემთხვევის მართვისთვის საშუალოდ გათვალისწინებულია ორი თვე.
აქტივობა 2.6 ამბულატორიულ მკურნალობაზე მყოფი პაციენტების მოძიება მკურნალობის შეწყვეტის შემთხვევაში
ამბულატორიულ მკურნალობაზე მყოფი პაციენტის მიერ 3 დღით ან მეტი ხნის განმავლობაში მკურნალობის შეწყვეტის შემთხვევაში, საჭიროა მათი მოძიება და მკურნალობის გაგრძელების უზრუნველყოფა. ეს მოიცავს სატელეფონო კომუნიკაციას და საჭიროების შემთხვევაში ვიზიტს ბინაზე (ან სხვა ადგილას პაციენტის არჩევანის შეასბამისად), წყვეტის მიზეზების გამოვლენას და მათ დაძლევაში დახმარებას, პაციენტის თანხლებას დაწესებულებაში. აღნიშნული აქტივობის ფარგლებში შესაძლებელია როგორც პროექტში მონაწილე დაწესებულებებში, ასევე საჭიროების შემთხვევაში, შემსყიდველთან შეთანხმებით, შესაბამის რეგიონში ამბულატორიულ მკურნალობაზე მყოფი პაციენტების მოძიება. ბენეფიციარების საერთო რაოდენობა შეადგენს 23 პირს.
აქტივობა 2.7 შერჩეულ დაწესებულებებში ადგილზე საზედამხედველო ვიზიტების განხორციელება
თითოეული დაწესებულებაში მინიმუმ ერთი ვიზიტის განხორციელება, პროექტის მიმდინარეობის მონიტორინგის შედეგების განხილვისა და დამხმარე ზედამხედველობის მიზნით.
ამავე აქტივობის ფარგლებში, მომსახურების მიმწოდებელმა უნდა უზრუნველყოს დამატებით ონლაინ ტრენინგის ჩატარება, გამოვლენილი საჭიროების შესაბამისად; ასევე, გამოცდილების გაზიარების მიზნით ონლაინ ჩართვების ორგანიზება მომსახურების მიმწოდებელ დაწესებულებებს შორის.
პროექტის განხორციელება დაგეგმილია ფაზებად
ფაზა 1
მოიცავს პირველი ამოცანის ფარგლებში დაგეგმილი ღონისძიებების შესრულებას და მისი ხანგრძლივობაა ხელშეკრულების გაფორმებიდან 2 თვე. ანაზღაურება განხორციელდება ფაზის დასრულების შემდეგ.
წარმოსადგენი დოკუმენტები:
• მკურნალობაზე დამყოლობის გაუმჯობესების მომსახურების პროტოკოლი;
• მონიტორინგის გეგმა, ინდივიდუალური შემთხვევების მონაცემთა ბაზა;
• საინფორმაციო მასალის ნიმუში და ბეჭდვის დამადასტურებელი დოკუმენტი;
• ტრენინგის მასალები;
• ტრენინგზე დამსწრეთა ხელმოწერილი სია.
ფაზა 2
მოიცავს მეორე ამოცანით დაგეგმილი ღონიძიებების შესრულებას, ფაზის ხანგრძლივობაა 6 თვე. ფაზის ფარგლებში შესრულებული სამუშაო წარმოდგენილი უნდა იყოს ყოველთვიურად.
ანაზღაურება განხორციელდება ყოველთვიურად ფაქტობრივად შესრულებული სამუშაოს შესაბამისად. წარმოდგენილი ყოველთვიური ანგარიში უნდა მოიცავდეს თითოეული დაწესებულების დონეზე, ასევე პროექტის აგრეგირებულ მონაცემებს, რომელსაც უნდა დაერთოს შემდეგი დოკუმენტების ასლები:
• თითოეულ პაციენტზე საჭიროებების შეფასების შევსებული ფორმა;
• სამოტივაციო კონსულტირების ანგარიში;
• ფსიქოლოგის/ფსიქიატრის კონსულტაციის ანგარიში;
• თანაბარგანმანათლებლის კონსულტაციის ანგარიში;
• პაცინტთა მოძიების და მკურნალობაში ჩართვის ანგარიში;
• შემთხვევის მართვის ანგარიში;
• შემთხვევის მართვის პროცესში გაწეული ხარჯის შემთხვევაში, ამ ხარჯის დამადასტურებელი დოკუმენტები);
• შევსებული მონაცემთა ბაზა.

ზემოთ მითითებულ დოკუმენტები წარმოდგენილი უნდა იყოს პაციენტების პირადი ინფორმაციის მითითების გარეშე.

იხილეთ ტექნიკური დავალება

მომსახურების მიწოდების საორიენტაციო ვადა: ხელშეკრულების გაფორმებიდან 2025 წლის 31 დეკემბრის ჩათვლით, საორიენტაციოდ 7.5 თვე,

მომსახურების განხორციელების არეალია ქუთაისი, ბათუმი, ზუგდიდი, რუსთავი და მარნეული.

ტენდერში მონაწილე პრეტენდენტს უნდა გააჩნდეს:

1. ტუბერკულოზის მართვის სხვადსხვა ასპექტზე გაიდლაინების ან პროტოკოლების შემუშავების და დანერგვის გამოცდილება; უკანასკნელი 3 წლის განმავლობაში (დაწყებული 2022 წლიდან ტენდერის გამოცხადების თარიღამდე პერიოდში) შემუშავებული და დანერგილი უნდა ქონდეს მინიმუმ ერთი გაიდლაინი ან ერთი პროტოკოლი.
2. მსგავსი პროექტის (დაავადებათა მართვის გაუმჯობესება, სამედიცინო და მასთან დაკავშირებული მომსახურებების შესაძლებლობების განვითარება - ტრენინგების უზრუნველყოფა; დამხმარე ზედამხედველობა) რეგიონში განხორციელების გამოცდილება.

ზემოაღნიშნული კრიტერიუმის დადასტურების მიზნით პრეტენდენტმა უნდა წარმოადგინოს გამოცდილების შესახებ ინფორმაცია, შევსებული თანდართული ცხრილის შესაბამისად, რომელიც უნდა დაამოწმოს/დაადასტუროს კვალიფიციური ხელმოწერით ან კვალიფიციური შტამპით.

- იმ შემთხვევაში თუ პრეტენდენტის მიერ გაწეული მსგავსი/ანალოგიური მომსახურების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (ცხრილი "ინფორმაცია გამოცდილების შესახებ").

- იმ შემთხვევაში თუ მსგავსი/ანალოგიური მომსახურების შესახებ ინფორმაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ინფორმაცია (ცხრილის "ინფორმაცია გამოცდილების შესახებ" შესაბამისად CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.

პრეტენდენტის და/ან მისი სუბკონტრაქტორ(ებ)ის (არსებობის შემთხვევაში) ძირითად პერსონალს, შემდეგი შემადგენლობით: ( პროექტის მენეჯერი; ფტიზიატრი/პულმონოლოგი; ფსიქოლოგი ან/და ფსიქიატრი; შემთხვევის მენეჯერი; თანაბარგანმანათლებელი) უნდა ჰქონდეს ანალოგიური მომსახურების გაწევის გამოცდილება პროექტით გათვალისწინებული ფუნქციის შესაბამისად.

ზემოაღნიშულ კრიტერიუმთან შესაბამისობის დადასტურების მიზნით პრეტენდენტმა უნდა წარმოადგინოს შესაბამისი დოკუმენტაცია ( ძირითადი პერსონალის რეზიუმე_СV, სერტიფიკატები, სადაც რელევანტურია).

ტრენინგის თემატიკიდან გამომდინარე შესაძლებელია სხვა კვალიფიკაციის ტრენერის მოწვევა (მაგ. ტრენინგი სამოტივაციო კონსულტაციაში), რომელიც არ განიხილება ძირითად პერსონალად. ასეთ შემთხვევაშიც წარმოდგენილი უნდა იყოს მოწვეული ტრენერის CV და სხვა, რელევანტური გამოცდილების დამადასტურებელი ინფორმაცია.

პრეტენდენტის მიერ პერსონალის შესახებ ინფორმაციის წარმოდენა უნდა მოხდეს „პერსონალურ მონაცემთა დაცვის შესახებ“ საქართველოს კანონის დაცვით. CV-ის წარმოდგენის შემთხვევაში, უნდა დაიშტრიხოს პერსონალური მონაცემების შემცველი ინფორმაცია (პირადი ნომერი), ასევე CV ხელმოწერილი უნდა იყოს სუბიექტის მიერ და თან უნდა ახლდეს მონაცემთა სუბიექტის თანხმობა დოკუმენტის ერთიან ელექტრონულ სისტემაში განთავსებასთან დაკავშირებით.

პრეტენდენტმა უნდა წარმოადგინოს მომსახურების გაწევის საორიენტაციო გეგმა-გრაფიკი, თანდართული ცხრილის შესაბამისად.

ქვეკონტრაქტორის მიმართ მოთხოვნები, არსებობის შემთხვევაში:

* ძირითადი პერსონალი გამოცდილების შესახებ ინფორმაცია სატენდერო დოკუმენტაციის 2.4.1-ის შესაბამისად;
** ქვეკონტრაქტორთან ურთიერთთანამშრომლობის შესახებ შეთანხმება.

ზემოაღნიშნულ კრიტერიუმთან შესაბამისობის დადგენის მიზნით, წარმოდგენილ უნდა იქნეს შესაბამისი დამადასტურებული დოკუმენტები.

1.პრეტენდენტი ვალდებულია წარმოადგინოს მომსახურების განხორციელების ტექნიკური აღწერა - მეთოდოლოგია, 1.2 პუნქტში ატვირთული ტექნიკური დავალების შესაბამისად (დანართი 6).

2. პრეტენდენტმა მიერ შექმნილი, წინადადების სახით წარსადგენი დოკუმენტები (მაგ., სატენდერო წინადადება - ფასების ცხრილი, გეგმა გრაფიკი, ინფორმაცია პრეტენდენტის გამოცდილების შესახებ და ა.შ). დაამოწმოს/დაადასტუროს კვალიფიციური ხელმოწერით ან კვალიფიციური შტამპით. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.

რამდენადაც მომსახურება წარმოადგენს ინტელექტუალური მომსახურების ხასიათის შესყიდვას, ტენდერში პრეტენდენტს არ მოეთხოვება ფასწარმოქმნის ადექვატურობის დასაბუთება, იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

ანგარიშსწორება მოხდება ფაქტიურად განხორციელებული მომსახურების შესაბამისად გაფორმებული მიღება-ჩაბარების აქტის საფუძველზე.

ფაზა 1 -ის ანაზღაურება მოხდება ფაზის ბოლოს.
ფაზა 2-ის ანაზღაურება განხორციელდება ყოველთვურად.

გაწეულ მომსახურებაზე ანგარიშწორება განხორციელდება მიღება-ჩაბარების აქტიდან გაფორმებიდან არაუგვიანეს 5 (ხუთი) სამუშაო დღის ვადაში.

ხათუნა კაპანაძე, 595071622, kh.kapanadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. ტენდერში მონაწილეობის მიღება შეუძლიათ მხოლოდ სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ მომხმარებლებს;
10.1.2.სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში. პრეტენდენტმა უნდა გაითვალისწინოს რომ სატენდერო წინადადების ღირებულება უნდა მოიცავდეს ამ ტენდერით გათვალისწინებულ მომსახურებასთან და მიწოდებასთან დაკავშირებულ ყველა ხარჯსა და კანონმდებლობით გათვალისწინებულ გადასახადებს, გარდა დამატებული ღირებულების გადასახადისა. მომსახურებასთან დაკავსირებული სხვა ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას. იმ შემთხვევაში თუ გამარჯვებული პრეტენდენტი ხელშეკრულების დადების მომენტში არის დღგ-ს გადამხდელი, შემსყიდველი ორგანიზაცია ხელშეკრულების ღირებულებაში გაითვალისწინებს შესაბამისი დღგ-ის ოდენობას, მოქმედი კანონმდებლობის შესაბამისად;
10.1.3. ტენდერში გამარჯვებულად ჩაითვლება ის პრეტენდენტი, რომელიც დააფიქსირებს ყველაზე დაბალ სატენდერო წინადადების ფასს და ამასთან, დააკმაყოფილებს სატენდერო დოკუმენტაციითა და შესაბამისი სამართლებრივი აქტებით დადგენილ მოთხოვნებს;
10.1.4. სატენდერო კომისია სატენდერო წინადადებებს განიხილავს კანონმდებლობით დადგენილ ვადაში და შედეგები გამოქვეყნდება სისტემის მეშვეობით;
10.1.5. ტენდერთან დაკავშირებული დოკუმენტები ან/და ინფორმაცია შესაძლებელია წარმოდგენილ იქნეს ქართულ ან/და უცხო ენაზე. დოკუმენტების ან/და ინფორმაციის უცხო ენაზე წარმოდგენის შემთხვევაში, მათ უნდა დაერთოს ქართული თარგმანი;
10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.7. პრეტენდენტი სატენდერო წინადადების წარმოდგენით ეთანხმება სატენდერო დოკუმენტაციითა და ხელშეკრულების პროექტით განსაზღვრულ ყველა მოთხოვნას. თუ ხელშეკრულების გასაფორმებლად მოწვევის შემდგომ აღმოჩნდება, რომ გამარჯვებული პრეტენდენტი არ ეთანხმება სატენდერო დოკუმენტაციითა და ხელშეკრულების პროექტით განსაზღვრულ რომელიმე პირობას, აღნიშნული აღქმული იქ