Различное оборудование общего и специального назначения (Грузия - Тендер #62922046)

სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი“–ს „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“ (GEO-С-NCDC) საგრანტო პროგრამის ფარგლებში გამანაწილებელი აპარატის (Vending machine) შესყიდვა.

სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი“–ს „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“ (GEO-С-NCDC) საგრანტო პროგრამის ფარგლებში გამანაწილებელი აპარატის (Vending machine) შესყიდვა.



1. გამოყენების სფერო

• აპარატები გამოყენებული იქნება სამედიცინო (დანიშნულების) საგნების გაცემისთვის.



2. სამუშაო გარემო
• ავტომატს უნდა შეეძლოს მუშაობა გარე და შიდა ინტერიერში თანაბრად. მორგებული იყოს თბილისის ზამთრის და ზაფხულის პირობებს, შესაბამის ტემპერატურულ ცვლილებებს და ტენიანობას.


3. აპარატის ზოგადი მახასიათებლები

• აპარატი უნდა იყოს ახალი და არა მეორადი.

• ავტომატი აღჭურვილი უნდა იყოს ვანდალიზმისგან დაცვის ყველა შესაძლებლობით, როგორიცაა ავტომატის დამტვრევა, ფულის სლოტის დაზიანება (ავტომატი შეჯანჯღარების შემთხვევაში უნდა იბლოკებოდეს ავტომატურად).

• ავტომატს უნდა გააჩნდეს შიდა ტემპერატურის რეგულირების საშუალება (მაცივარი), რათა მედიკამენტების და ტესტების შენახვის ტემპერატურული რეჟიმი სათანადოდ იყოს დაცული.

• ავტომატი უნდა მუშაობდეს გადახდის ნაღდი ანგარიშსწორების (ქაღალდის და ხურდა ფული) რეჟიმით (აპარატს არ უნდა გააჩნდეს უნაღდო ანგარიშსწორების შესაძლებლობა).

• ავტომატი აღჭურვილი უნდა იყოს საქართველოს ეროვნული ვალუტის (ლარის) ქაღალდის და ხურდა ფულის ამომცნობი/მიმღებ-დამბრუნებლით.

• ავტომატის კონფიგურაცია აუცილებელია ხდებოდეს USB პორტით.

• ავტომატი არ უნდა იყოს სპირალზე მომუშავე და არ ჰქონდეს ბოთლების და სხვა ცივი სასმელებისთვის განკუთვნილი თაროები/არხები. უნდა იყოს კონვეიერული ტიპის.

• ავტომატს უნდა ჰქონდეს მინიმუმ 8 მოძრავი არხი (ბილიკი) თაროზე, რომლის სიმაღლის რეგულირება შესაძლებელია ჩასადები პროდუქტის ზომის მიხედვით და ავტომატში უნდა იყოს მინიმუმ 5 თარო, მათი სიმაღლის რეგულირების შესაძლებლობით.

• ავტომატს უნდა ჰქონდეს თითოეულ თაროზე მოძრავი არხების რაოდენობის რეგულირების მოქნილი შესაძლებლობა (მაგ.: საჭიროების შემთხვევაში 4-დან 8 ბილიკამდე, პროდუქტის ზომაზე მორგებული განთავსების შესაძლებლობა).

• განგაშის სისტემა, რომელიც რაიმე ტიპის დაზიანების შემთხვევაში რთავს ხმოვან სიგნალიზაციას.

• ინტერნეტთან წვდომა სიმ-ბარათის (ელქტრონული ან მატერიალური სიმ-ბარათი) გამოყენებით.
დამატებით უნდა გააჩნდეს WiFi.

• მიმწოდებელმა უნდა უზრუნველყოს არანაკლებ 1 წლიანი საგარანტიო-სასერვისო მომსახურება.




დამატებითი მოთხოვნები (დამატებითი მაკომპლექტებელი აღჭურვილობა) სიგმა აპარატის მიმართ


შემსყიდველის მიზნებისთვის აპარატი უნდა ექვემდებარებოდეს შემდგომ მოდიფიკაციას. ამდენად, აპარატს უნდა გააჩნდეს ან მოდიფიცირების შედეგად (აპარატთან ერთად კომპლექტში მოწოდებული უნდა იქნეს) შესაძლებელი უნდა იყოს დააკმაყოფილოს ქვემოაღნიშნული მოთხოვნები:

• სენსორული LED (ე.წ. თაჩ სქრინი) მონიტორით და შიდა კომპიუტერით, რომელზეც ჩნდება პროდუქციის ჩამონათვალი და მანუალურად ხდება სასურველი პროდუქტის არჩევა ეკრანზე თითის შეხებით. აუცილებელია აღნიშული ეკრანი იყოს დარტყმაგამძლე.

• ავტომატის კომპიუტერული უზრუნველყოფა შესაძლებლობას უნდა იძლეოდეს რეალურ რეჟიმში, ონლაინ, გაკონტროლდეს ავტომატში მასალათა რაოდენობა.

• სპეციალური ე.წ. RFID ბარათების წამკითხველი.

• სპეციალური ბარათის მეშვეობით, ბარათის მფლობელს უნდა შეეძლოს ავტომატიდან გაიტანოს პროდუქცია.





შენიშვნა:


* პროდუქტის ტრანსპორტირება უნდა განხორციელდეს სანიტარულ–ჰიგიენური ნორმებისა და პირობების დაცვით.

* პრეტენდეტმა უნდა უზრუნველყოს საქონლის შეუფერხებელი მიწოდება. ასევე ტრანსპორტირება/მიწოდების ორგანიზაციულ-ტექნიკური საკითხების უზრუნველყოფა თავისივე ხარჯით.

* შესყიდვის ობიექტის ხარისხი უნდა შეესაბამებოდეს სატენდერო დოკუმენტაციით დადგენილ მოთხოვნებს.

* დაცული უნდა იქნეს „პროდუქტის უსაფრთხოებისა და თავისუფალი მიმოქცევის“ კოდექსით განსაზღვრული მოთხოვნები.

საქონლის მიწოდება უნდა განხორციელდეს ხელშეკრულების გაფორმებიდან 60 კალენდარული დღის ჩათვლით.

საქონლის მიწოდება უნდა განხორციელდეს ქ. თბილისში.

ტენდერში გამარჯვებულ პრეტენდენტს ზუსტი მისამართები ეცნობება ხელშეკრულების გაფორმებისას.

მიმწოდებელმა უნდა უზრუნველყოს არანაკლებ 1 წლიანი საგარანტიო-სასერვისო მომსახურება.

პრეტენდენტმა უნდა წარმოადგინოს შემდეგი ინფორმაცია/დოკუმენტები:

2.1.1.1. წარმოშობის ქვეყნის, მწარმოებელი კომპანიის, მოდელის (კატალოგის ნომრის) მითითება სავალდებულოა და უნდა იყოს ასახული ფასების ცხრილში.

2.1.1.2. შემოთავაზებული საქონლის ტექნიკური პარამეტრები - სატენდერო დოკუმენტაციის 1.2. პუნქტში მიმაგრებული ტექნუკური დავალების შესაბამისად (პრეტენდენტმა ტექნიკური დავალებებების თითოეულ პუნქტისთვის უნდა მიუთითოს შემოთავაზებული საქონლის პარამეტრი/მახასიათებლი/სპეციფიკაცია).

2.1.1.3. შემოთავაზებული საქონლის ტექნიკურ პარამეტრებთან ერთად წარმოდგენილ უნდა იქნას შემოთავაზებული საქონლის შესახებ მწარმოებლის მიერ განსაზღვრული ინფორმაცია, კერძოდ: კატალოგი ან/და ბუკლეტი, ან/და პასპორტი, ან/და ამონაბეჭდი მწარმოებლის ვებ გვერდიდან (ამონაბეჭდთან ერთად პრეტენდენტმა უნდა მიუთითოს კონკრეტული საქონონლის შესახებ ბმული).

აღნიშნული დოკუმენტაციით უნდა დასტურდებოდეს შემოთავაზებული საქონლის ტექნიკური დავალებით განსაზღვრულ თითოეულ პარამეტრთან/მახასიათებელთან/სპეციფიკაციასთან შესაბამისობა.

2.2.1.1. პრეტენდენტს უნდა გააჩნდეს 2021 წლიდან ტენდერის გამოცხადების დღემდე მსგავსი აპარატის მიწოდების გამოცდილება;

2.2.1.2. პრეტენდენტს უნდა გააჩნდეს 2021 წლიდან ტენდერის გამოცხადების დღემდე მსგავსი აპარატების მომსახურების არანაკლებ 1 წლიანი გამოცდილება;

2.2.1.3. იმ შემთხვევაში თუ პრეტენდენტის მიერ მიწოდებული საქონლის შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების ცხრილში ("ინფორმაცია პრეტენდენტის გამოცდილების შესახებ") მითითებით;

2.2.1.4. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს მოთხოვნილი გამოცდილების შესახებ ინფორმაცია ცხრილის (,,ინფორმაცია პრეტენდენტის გამოცდილების შესახებ") შესაბამისად (CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად დამოწმებული კვალიფიციური ხელმოწერით ან კვალიფიციური შტამპით.

პრეტენდენტმა უნდა წარმოადგინოს შემოთავაზებული აპარატების CE მარკირების დამადასტურებელი ინფორმაცია/დოკუმენტი.

1. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. დოკუმენტაციის უცხო ენაზე წარმოდგენის შემთხვევაში მას უნდა დაერთოს ნოტარიულად დამტკიცებული ქართული თარგმანი.

2. პრეტენდენტმა მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, საგარანტიო პირობები და ა.შ.) უნდა დაამოწმოს/დაადასტუროს კვალიფიციური ხელმოწერით/კვალიფიციური შტამპით. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას.

ფასწარმოქმნის ადეკვატურობა, შესაძლებელია დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი) რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

ანგარიშსწორება განხორციელდება საქონლის მიწოდების დასრულების შემდგომ.

შესყიდვის ობიექტის მიღება-ჩაბარებისათვის მიმწოდებელმა, უნდა წარმოადგინოს – სასაქონლო ზედნადები და საგადასახადო ანგარიშ-ფაქტურა (ასეთის არსებობის შემთხვევაში) მიწოდებული საქონლის დასახელების, რაოდენობის, ერთეულის ფასის და საერთო ღირებულების მითითებით.

ანგარიშსწორება განხორციელდება მიღება-ჩაბარების აქტის გაფორმებიდან არაუგვიანეს 20 (ოცი) სამუშაო დღის განმავლობაში.

გიორგი ირემაძე, 591196619, g.iremadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. ტენდერში მონაწილეობის მიღება შეუძლიათ მხოლოდ სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ მომხმარებლებს;

10.1.2. პრეტენდენტის სატენდერო წინადადების ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის ჩათვლით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;

10.1.3. ტენდერთან დაკავშირებული დოკუმენტები ან/და ინფორმაცია შესაძლებელია წარმოდგენილ იქნეს ქართულ ან/და უცხო ენაზე. დოკუმენტების ან/და ინფორმაციის უცხო ენაზე წარმოდგენის შემთხვევაში, მათ უნდა დაერთოს ქართული თარგმანი; სატენდერო კომისია, უფლებამოსილია, მოსთხოვოს პრეტენდენტს შესაბამისი დოკუმენტის ორიგინალის ან/და ნოტარიულად დამოწმებული ასლის წარმოდგენა, რომლითაც შესაძლებელი იქნება წარმოდგენილი დოკუმენტების ნამდვილობის დადასტურება.

10.1.4. პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში წარმოსადგენ, მის მიერ შექმნილ დოკუმენტებზე ან/და ინფორმაციაზე (გარდა excel-ის ფორმატის ფაილისა) შეასრულოს კვალიფიციური ელექტრონული ხელმოწერა, ან/და ეს დოკუმენტ(ებ)ი დაამოწმოს კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის გათვალისწინებით.

10.1.5. პრეტენდენტს არ აქვს უფლება წარმოადგინოს ალტერნატიული სატენდერო წინადადება;

10.1.6. პრეტენდენტი სატენდერო წინადადების წარმოდგენით ეთანხმება სატენდერო დოკუმენტაციითა და ხელშეკრულების პროექტით განსაზღვრულ ყველა მოთხოვნას.

10.1.7. არსებული ნორმატიული დოკუმენტ(ებ)ის ცვლილების ან/და ახალი ნორმატიული დოკუმენტ(ებ)ის შემოღების შემთხვევაში, მიმწოდებელი ვალდებულია, საქონელი და მასთან დაკავშირებული გარემოებები შეუსაბამოს შეცვლილ გარემოებებს.

10.1.8. სატენდერო კომისია სატენდერო წინადადებებს განიხილავს კანონმდებლობით დადგენილ ვადაში და შედეგები გამოქვეყნდება სისტემის მეშვეობით;

10.1.9. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;

10.1.10. ტენდერში გამარჯვებულად ჩაითვლება ის პრეტენდენტი, რომელიც დააფიქსირებს ყველაზე დაბალ სატენდერო წინადადების ფასს და ამასთან, დააკმაყოფილებს სატენდერო დოკუმენტაციითა და შესაბამისი სამართლებრივი აქტებით დადგენილ მოთხოვნებს;

10.1.11. იმ შემთხვევაში თუ ხელშეკრულების გასაფორმებლად მოწვევის შემდგომ აღმოჩნდება, რომ გამარჯვებული პრეტენდენტი არ ეთანხმება სატენდერო დოკუმენტაციითა და ხელშეკრულების პროექტით განსაზღვრულ რომელიმე პირობას, აღნიშნული აღქმული იქნება, როგორც მიმწოდებლის მხრიდან ხელშეკრულების გაფორმებაზე უარის თქმა, რისი გათვალისწინებითაც მოხდება მისი დისკვალიფიკაცია ტენდერიდან;

10.1.12. მიმწოდებელი ვალდებულია გაეცნოს და დაიცვას გლობალური ფონდის (დონორის მიერ პერიოდულად განახლებადი და გლობალური ფონდის ვებ.გვერდზე განთავსებული) „მიმწოდებლების ქცევის კოდექსი“-https://www.theglobalfund.org/media/3275/corporate_codeofconductforsuppliers_policy_en.pdf/, იხელმძღვანელოს საინფორმაციო სისტემებისა და მონაცემთა გაცვლის სახელმძღვანელოს (https://www.theglobalfund.org/media/9564/core_criticaldatamanagement_guidance_en.pdf) პირობებით.