Инженерные услуги (Грузия - Тендер #62774033)

ქ. თბილისში, კრწანისის რაიონის ტერიტორიაზე ბინათმესაკუთრეთა ამხანაგობების საერთო საკუთრებაში არსებული მრავალბინიანი საცხოვრებელი სახლების სამგზავრო და სატვირთო ლიფტების აღდგენა-შეკეთების სამუშაოებისთვის დეფექტური აქტების შედგენის მომსახურების სახელმწიფო შესყიდვა.

1.2.1 შემსყიდველის მიერ გაცემული წერილობითი დავალების საფუძველზე ობიექტზე გასვლა, აღმოჩენილი დეფექტების აღმოფხვრის მიზნით საჭირო ჩასატარებელი სამუშაოების მოცულობების დათვლა, დეფექტური აქტისა (სამუშაოთა მოცულობებისა და გამოსაყენებელი მასალების ზუსტი აღწერით) და შესაბამისი ხარჯთაღრიცხვის (საჭიროების შემთხვევაში) შედგენა (შემსყიდველის მიერ გადაცემული, შესაბამისი სამუშაოების ტენდერში გამარჯვებული კომპანიის მიერ დაფიქსირებული ერთეულის ფასების მიხედვით). საჭიროების შემთხვევაში, მიმწოდებელმა უნდა წარმოადგინოს შესაბამისი სქემატური ნახაზი და ობიექტის მდგომარეობის ამსახველი ფოტომასალა.
1.2.2 მიმწოდებელს შესყიდვის ობიექტის კონკრეტული მისამართ(ებ)ი, გასაწევი მომსახურება და ვადა გადაეცემა ეტაპობრივად, შემსყიდველის მიერ გაცემული წერილობითი დავალების საფუძველზე.
1.2.3 მომსახურების სპეციფიკიდან გამომდინარე შემსყიდველი არ იღებს ვალდებულებას მომსახურების გაწევის ვადაში ტექნიკური დავალებით გათვალისწინებული მომსახურების მოცულობების სრულად დაკვეთის შესახებ.
1.2.4 მომსახურების პროცესში მიმწოდებელმა უნდა იხელმძღვანელოს ქვეყანაში მოქმედი ნორმებითა და აღიარებული სტანდარტებით;
1.2.5 მიმწოდებელი ვალდებულია, შემსყიდველის დავალების საფუძველზე, საჭიროების შემთხვევაში, უზრუნველყოს ერთდროულად 5 (ხუთი) ობიექტზე დეფექტური აქტებისა და საჭიროების შემთხვევაში შესაბამისი სქემატური ნახაზების, განივი, გრძივი ჭრილების, ექსკიზური ნახაზის შედგენა, დეფექტური აქტში განსაზღვრული უნდა იყოს სამუშაოების შესრულების ვადა;
1.2.6 დეფექტური აქტების შედგენის დროს, მიმწოდებელმა უნდა იხელმძღვანელოს შემსყიდველის მიერ გადაცემული, შესაბამისი სამუშაოების შესასრულებლად გაფორმებული ხელშეკრულებით გათვალისწინებული, სამუშაოების ჩამონათვალით.
1.2.7 შემსყიდველი უფლებამოსილია, აცნობოს მიმწოდებელს დეფექტურ აქტში რაიმე წუნის (ხარვეზის) აღმოჩენის შესახებ, ხოლო მიმწოდებელი ვალდებულია, შენიშვნ(ებ)ის გაცნობიდან არაუგვიანეს 5(ხუთი) სამუშაო დღის ვადაში საკუთარი ხარჯით აღმოფხვრას დეფექტურ აქტში აღმოჩენილი წუნი (ხარვეზი).
1.2.8 მიმწოდებელი ვალდებულია, განახორციელოს საავტორო ზედამხედველობა კონკრეტულ ობიექტზე სამუშაოების მიმდინარეობის მთელი პერიოდის განმავლობაში.
1.2.9 სამუშაოების მიმდინარეობისას გაუთვალისწინებელი გარემოების აღმოჩენის შემთხვევაში, მიმწოდებელი ვალდებულია, შემსყიდველის მიერ გაცემული წერილობითი დავალების საფუძველზე, შეიტანოს სათანადო ცვლილებები (კორექტირება) შესაბამის დეფექტურ აქტებში, დამატებითი დანახარჯების გარეშე.
1.2.10 მიმწოდებელი შემსყიდველს დეფექტური აქტები უნდა წარუდგინოს ელექტრონული (PDF და Excel ფორმატში, ფონტით „Sylfaen”) და ნაბეჭდი ვერსიით და ასევე, საჭიროების შემთხვევაში, შესაბამისი სქემატური ნახაზები ნაბეჭდი სახით (4 ეგზემპლარად).

პრეტენდენტის მიერ სახელმწიფო შესყიდვების ერთიან ელექტრონულ სისტემაში ასატვირთი დოკუმენტების ჩამონათვალი;
ა) შესასრულებელი სამუშაოების ფასების ცხრილი დანართი №1;
ბ) ინფორმაცია პრეტენდენტის გამოცდილების შესახებ დანართი №2.

ეტაპობრივად, შემსყიდველის წერილობითი დავალების შესაბამისად, ხელშეკრულების გაფორმებიდან 2025 წლის 25 დეკემბრის ჩათვლით.

ქ. თბილისი, გ.გურამიშვილის ქ.#6, ქალაქ თბილისის მუნიციპალიტეტის კრწანისის რაიონის გამგეობის ადმინისტრაციული შენობა.

ტენდერში მონაწილე პრეტენდენტს 2022 წლის 01 იანვრიდან დღემდე ჯამურად უნდა გააჩნდეს სატენდერო ღირებულების არანაკლებ 150% ანალოგიური (საცხოვრებელი სახლების სამგზავრო და სატვირთო ლიფტების აღდგენა-შეკეთების სამუშაოებისთვის დეფექტური აქტების შედგენის მომსახურება) სამუშაოების საპროექტო დოკუმენტაციის, დეფექტური აქტების მომზადების (შესაბამისი ტექნიკური დავალებით და ესკიზით) გამოცდილება. აღნიშნული ინფორმაცია მოცემული უნდა იყოს დანართი №2-ში რომელიც სატენდერო წინადადებასთან ერთად ატვირთული უნდა იქნას ერთიან ელექტრონულ სისტემაში.
(წარმოდგენილ იქნას დამადასტურებელი დოკუმენტაცია – ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტი, ფორმა №2 ან სხვა).

1. 2019 წლის 1 იანვრიდან შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები ვალდებულები არიან, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
2. სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯარო სამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
3. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).

თანახმად სატენდერო კომისიის სხდომის ოქმი №1 - ისა ფასწარმოქმნის ადეკვატურობის დასაბუთება არ მოითხოვება.

ანგარიშსწორება მოხდება ეტაპობრივად უნაღდო ანგარიშსწორებით ლარში, ქ. თბილისის მუნიციპალიტეტის 2025 წლის ადგილობრივი ბიუჯეტის სახსრებით.

ანგარიშსწორება განხორციელდება ხელშეკრულების შესრულების დამადასტურებელი მიღება-ჩაბარების აქტის გაფორმებიდან არაუგვიანეს 10 სამუშაო დღის ვადაში.

თამარ მამისაშვილი, 557705205, tamar.mamisashvili15@gmail.com შალვა გათიკაშვილი, 599488500, shalvagatikashvili@gmail.com