Услуги в области бухгалтерского учета, аудита и налогообложения (Грузия - Тендер #62774029)

შპს ,,ემ თი ეი“-ს (ყოფილი შპს „მთის კურორტების განვითარების კომპანია“) აუდიტორული მომსახურების გაწევა „ბუღალტრული აღრიცხვა-ანგარიშგებისა და აუდიტის შესახებ“ საქართველოს კანონის შესაბამისად.

მიმწოდებელმა უნდა უზრუნველყოს შპს ,,ემ თი ეი“-ს (ყოფილი შპს „მთის კურორტების განვითარების კომპანია“) აუდიტორული მომსახურების გაწევა „ბუღალტრული აღრიცხვა- ანგარიშგებისა და აუდიტის შესახებ“ საქართველოს კანონის შესაბამისად, რომელიც უნდა მოიცავდეს შემდეგი სახის მომსახურებას:

- შპს ,,ემ თი ეი“-ს 2024 წლის სრული ფინანსური ანგარიშგების და მმართველობითი ანგარიშგებების აუდიტი - ფინანსური აღრიცხვის საერთაშორისო სტანდარტების (IFRS) შესაბამისად;
- შპს ,,ემ თი ეი“-ს 2024 წლის საგადასახადო აუდიტი. შესაძლო რისკების იდენტიფიცირება და ცალკე ანგარიშის მომზადება;
- შპს ,,ემ თი ეი“-ს 2024 წელს განხორციელებული სახელმწიფო შესყიდვების „სახელმწიფო შესყიდვების შესახებ“ კანონთან შესაბამისობის სისწორის დადგენა.

„ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის მიხედვით კომპანიას მიენიჭა საზოგადოებრივი დაინტერესების პირის სტატუსი. კანონის შესაბამისად კომპანიას მოეთხოვება მმართველობის ანგარიშის წარდგენაც, საქმიანობის მიმოხილვის ნაწილში. აუდიტორულმა კომპანიამ დასკვნაში უნდა გამოთქვას თავის მოსაზრება მმართველობითი ანგარიშის და ამევე საანგარიშგებო პერიოდის ფინანსურ ანგარიშგებებთან თანხვედრის თაობაზე. აუდიტის დასკვნასთან ერთად აუდიტორმა კომპანიამ უნდა მოამზადოს აუდიტის დროს აღმოჩენლი შიდა კონტროლისა და აღრიცხვის სისტემის ნაკლოვანებების შესახებ მენეჯმენტის წერილი; პრეტენდენტმა უნდა მიიღოს სადამკვირებლო მონაწილეობა ორგანიზაციის აქტივების ინვენტარიზაციის პროცესში; კომპანიას გაუწიოს კონსულტაცია აუდიტის შედეგებით გამოვლენილ ცალკეულ ხარვეზებთან დაკავშირებით; კომპანია ფინანსურ ანგარიშგებას ადგენს ფინანსური აღრიცხვის საერთაშორისო სტანდარტების (ფასს) შესაბამისად (ცნობისათვის: კომპანიას ჩატარებული აქვს 2023 წლის ფინანსური ანგარიშების აუდიტი, ასევე ჩატარდა 2023 წელს შესყიდული სპეციალიზირებული ძირითადი საშუალებების შეფასება/გადაფასება); შ.პ.ს. „ემ თი ეი“-ს ძირითადად საქმიანობს მომსახურეობის სფეროში. კომპანიის კაპიტალს წარმოადგენს უძრავ-მოძრავი ქონება, რომელიც ძირითადად შედგება საბაგირო გზების, მიწის ნაკვეთებისა და მასზე დამაგრბული შენობა-ნაგებობების, ასევე სპეცტექნიკისაგან. კომპანიის შემოსავლის ძირითადი წყაროა აბონიმენტების რეალიზაცია, ასევე გარკვეული ტიპის უძრავი ქონების იჯარით გაცემა, ბანკებში სადეპოზიტო ანგარიშებზე განთავსებული თანხებიდან მიღებული საპროცენტო შემოსავლები. ასევე შპს „ემ თი ეი“ დამფუძნებლის და 100% წილის მფლობელის მიერ კაპიტალში შეტანილი თანხებით ანხორციელებს მსხვილ ინფრასტრუქტურულ პროექტებს. კომპანიის სამეწარმეო საქმიანობის წლიურმა ბრუნვამ 2024 წელს შეადგინა 27 მილიონი ლარი, ხოლო კომპანიის აქტივების მოცულობა 112 მილიონი ლარია.
ვინაიდან, შპს ,,ემ თი ეი“-ს, "ბუღალტრული აღრიცხვის, ანგარიშგებისა და აუდიტის შესახებ" საქართველოს კანონის მიხედვით მიენიჭა საზოგადოებრივი დაინტერესების პირის სტატუსი, ვალდებულია უზრუნველყოს საკუთარი ფინანსური ანგარიშგების აუდიტი ყოველი საანგარიშგებო პერიოდისთვის სრული IFRS სტანდარტის მიხედვით და ამავდროულად, აუდიტორმა/აუდიტორულმა ფირმამ უნდა გამოთქვას მოსაზრება კომპანიის მმართველობით ანგარიშგებასთან დაკავშირებით, არსებული მოთხოვნების გათვალისწინებით.

მომსახურება უნდა განხორციელდეს ხელშეკრულების ძალაში შესვლიდან არაუგვიანეს 60 კალენდარული დღისა.

გაწეული მომსახურების შედეგების (დასკვნა) წარმოდგენა უნდა მოხდეს ქ. თბილისში კოსტავას ქ N70-ში, შპს "ემ თი ეის" ოფისში.

2.2.1.1. პრეტედენტს უნდა ჰქონდეს გამოცდილება ისეთი კომპანიის ანგარიშგების აუდიტორული შემოწმებისა, რომელთა აქტივების (ძირითადი საშუალებების) ჯამური ღირებულება აღემატება 250,000,000 ლარს, რასაც დაადასტურებს ხელშეკრულებით და შესრულების დამადასტურებელი შესაბამისი დოკუმენტით (მიღება-ჩაბარება ან ანგარიშ-ფაქტურა).
2.2.1.2. პრეტენდენტს უნდა გააჩნდეს მმართველობით ანგარიშგებაზე მუშაობის გამოცდილება, რასაც დაადასტურებს ხელშეკრულებით და შესრულების დამადასტურებელი შესაბამისი დოკუმენტით (მიღება-ჩაბარება ან ანგარიშ-ფაქტურა).

იმ შემთხვევაში თუ გამოცდილების დასადასტურებლად წარმოდგენილ უნდა იქნას სახელმწიფო შესყიდვის ხელშეკრულებები საკმარისია SPA/CMR/NAT და ა.შ. ნომრების მითითება რის საფუძველზეც შესაძლებელი იქნება ინფორმაციის გადამოწმება სახელმწიფო შესყიდვების ერთიან ელექტრონულ სისტემაში. განხილვაში მიიღება მხოლოდ დასრულებულია სტატუსის მქონე ხელშეკრულებები სადაც ასევე მოცემული იქნება ხელშეკრულების შესრულების დამადასტურებელი დოკუმენტაცია.

2.4.1.1. პრეტენდენტმა სახელმწიფო შესყიდვების ერთიან ელექტრონულ სისტემაში უნდა წარმოადგინოს ინფორმაცია აუდიტორულ ფირმაში დასაქმებულ პირთა/პირის შესახებ (სახელები და გვარები), რომლებიც ჩართული იქნებიან აუდიტორული შემოწმების პროცესში და დარეგისტრირებულ იქნებიან ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ აუდიტორების სახელმწიფო რეესტრში (მინიმუმ ერთი პირი). შესაბამისად, პრეტენდენტმა სახელმწიფო შესყიდვების ერთიან ელექტრონულ სისტემაში უნდა წარმოადგინოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ბრძანების ასლები, ამ პირების აუდიტორების სახელმწიფო რეესტრში რეგისტრაციის თაობაზე ან/და ამ პირების აუდიტორების სახელმწიფო რეესტრის სარეგისტრაციო ნომერი.

2.7.1.1. ტენდერში მონაწილე პრეტენდენტი უნდა იყოს დარეგისტრირებული ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ აუდიტორული (აუდიტური) ფირმების სახელმწიფო რეესტრში - www.saras.gov.ge. შესაბამისად, პრეტენდენტმა სახელმწიფო შესყიდვების ერთიან ელექტრონულ სისტემაში უნდა წარმოადგინოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის ბრძანების ასლი, მისი აუდიტორული (აუდიტური) ფირმების სახელმწიფო რეესტრში რეგისტრაციის თაობაზე ან/და აუდიტორული (აუდიტური) ფირმების სახელმწიფო რეესტრში სარეგისტრაციო ნომერი.

2.7.1.2. პრეტენდენტს უნდა გააჩნდეს რისკების დაზღვევის პოლისი არანაკლებ 250.000 (ორასორმოცდაათი ათასი) ლარზე.

2.7.1.3. პრეტენდენტს (ან ქსელს, რომლის წარმომადგენელიცაა პრეტენდენტი) უნდა ჰქონდეს მინიჭებული სდპ-ს აუდიტის უფლება საქართველოს კანონმდებლობის შესაბამისად.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება განხორციელდება გაწეულ მომსახურებაზე გაფორმებული მიღება–ჩაბარების აქტის და წარმოდგენილი ანგარიშ ფაქტურის საფუძველზე.

შესაბამისი მომსახურების დამადასტურებელი ანგარიშფაქტურის (არსებობის შემთხვევაში) წარმოდგენიდან და მიღება-ჩაბარების აქტის ხელმოწერიდან არაუგვიანეს 10 სამუშაო დღის ვადაში.

გვანცა შაშვიაშვილი, 595087704, g.shashviashvili@mta.ski

სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.

ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

იმ შემთხვევაში, თუ სატენდერო დოკუმენტაციის რომელიმე პუნქტში იკითხება კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება "მსგავსი“, "ანალოგიური“ ან "ექვივალენტური.