Услуги в области сточных вод (Грузия - Тендер #61209810)

საყოფაცხოვრებო ნარჩენების, ბიოლოგიური გამწმენდი ნაგებობის "ბიოტალ 60"-ის (წარმადობა 60 კუბური მეტრი) მომსახურების შესყიდვა.

1.2.1. მომსახურეობა გულისხმობს, შინაგან საქმეთა სამინისტროს ობიექტებზე არსებული „ბიოტალ 60“-ის (წარმადობა 60 მ3) საყოფაცხოვრებო ნარჩენების, ბიოლოგიური გამწმენდი ნაგებობის მომსახურებას შემსყიდველის მოთხოვნის შესაბამისად;
1.2.2. ტექნიკური პასპორტით განსაზღვრული სწორი ექპლუატაციის პირობებში, მომწოდებელმა უნდა უზრუნველყოს, რომ საყოფაცხოვრებო ჩამდინარე წყლების სრული ბიოლოგიური გამწმენდი დანადგარი ფუნქციონირებდეს მომსახურების გაწევის პერიოდში უწყვეტად, 24 საათიან რეჟიმში;
1.2.3. მომსახურეობა გულისხმობს დანადგარის პერიოდულ შემოწმებას. საჭიროების შემთხვევაში უნდა მოხდეს დანადგარის არა-გეგმიური შემოწმება და მომსახურება, მიმწოდებელთან გაგზავნილი შეტყობინების შემთხვევაში (შეტყობინება ხორციელდება სატელეფონო ზარის ან ელექტრონული ფოსტის მეშვეობით.);
1.2.4. პრობლემის აღმოფხვრა გულისხმობს დანადგარის გამართული ფუნქციონირების რეჟიმში დაბრუნებას;
1.2.5. მომსახურეობის ანაზღაურება განხორციელდება დაზიანების შესაბამისად, ყველა ინცინდენტზე ინდივიდუალურად;
1.2.6. მომსახურე ფირმა ვალდებულია, შემსყიდველის მოთხოვნის შესაბამისად, საჭიროების შემთხვევაში ან და რევიზიის მიზნით წინასწარ შეთანხმებულ დროს, გამწმენდ ნაგებობაში შეასრულოს ქვემოთ ჩამოთვლილი სამუშაოები:

1.2.6.1. უნდა შემოწმდეს ლამის მოცულობა აერაციულ კამერაში;
1.2.6.2. აქტიური ლამის მოცულობა მთლიან წყალთან მიმართებაში უნდა იყოს 30-50% ფარგლებში. ამ მოცულობაზე ნაკლები ან მეტი მოცულობის შემთხვევაში აუცილებელია შესაბამისი სამუშაოების ჩატარება;
1.2.6.3. უნდა მოხდეს სეპტიკური კამერის და აერაციული კამერის ამოტუმბვა, რაც გულისხმობს ზედმეტი ლამის, მყარი ნარჩენის და არა-ბიოდეგრადირებადი ნარჩენის მოშორებას ასინიზატორის საშუალებით. ამოტუმბვის დაწყებამდე ნახევარი საათით ადრე აუცილებელია კომპრესორის გამორთვა, რათა დანადგარში არსებული ლამი დაილექოს დანადგარის ძირზე. ამოტუმბვასთან ერთად დანადგარი ეტაპობრივად უნდა შეივსოს სუფთა წყლით.
1.2.6.4. უნდა მოხდეს აერაციული კამერაში განთავსებული ბიო-მედიის შემოწმება. საჭიროების შემთხვევაში ბიო-მედია უნდა გაირეცხოს (ადგილზევე ან მოიხსნას და შემდგომ ხელახლა დამაგრდეს);
1.2.6.5. საჭიროების შემთხვევაში უნდა ჩატარდეს პრეისკურანტში მითითებული სხვა მომსახურეობა;
1.2.6.6. პრეისკურანტში მითითებული - „ბიოლოგიურად აქტიური მიკრო-ორგანიზმების (ბაქტერიების) ჩამატება“ ანაზღაურდება ვიზიტის ფარგლებში საჭირო რაოდენობის მიკრო-ორგანიზმების (ბაქტერიების) დამატების შემთხვევაში და არ არის დამოკიდებული დამატებული „ბაქტერიების“ მოცულობაზე;

1.2.7. შემსრულებელმა გაუმართაობის დიაგნოზის დასმა, დეტალების შეცვლა და სისტემის ჩართვა/ექსპლუატაციაში გაშვება უნდა მოახდინოს აგრეგატის ობიექტიდან გატანის გარეშე; აუცილებლობის შემთხვევაში, აგრეგატის გატანა უნდა მოხდეს ხელშეკრულების კოორდინატორთან შეთანხმებით;
1.2.8. შემსრულებელმა შეცვლილი დეტალები უნდა დატოვოს ობიექტზე, შესაბამის უფლებამოსილ პირთან;
1.2.9. მიმწოდებელი ვალდებულია ხელშეკრულების გაფორმებიდან უახლოეს პერიოდში მიმწოდებლის მიერ გამოყოფილ პერსონალს ჩაუტაროს შესაბამისი ტრენინგი/სწავლება, რომლის დროსაც უნდა აუხსნას თუ რა სამუშაოებია ჩასატარებელი მიმწოდებლის მიერ ყოველთვიურად;
1.2.10. მომსახურეობა უნდა განხორციელდეს შესაბამისი კვალიფიკაციის მქონე სპეციალისტების მიერ;
1.2.11. სპეციალისტი აღჭურვილი უნდა იყოს ყველა საჭირო ხელსაწყოთი;
1.2.12. მუშაობის დროს დაცული უნდა იყოს უსაფრთხოების ნორმები;
1.2.13. მომწოდებლმა სამუშაოების წარმოებისას დაუდევრობის შედეგად მიყენებული ზიანი უნდა აღმოფხვრას საკუთარი ხარჯებით;
1.2.14. შესყიდვის ღირებულება უნდა მოიცავდეს ტრანსპორტირების ხარჯს და საქართველოს კანონმდებლობით გათვალისწინებულ ყველა გადასახადს.

1.4.1. მომსახურება უნდა განხორციელდეს ხელშეკრულების გაფორმებიდან 2026 წლის 31 მარტის ჩათვლით. მომსახურეობა მოიცავს, საყოფაცხოვრებო ნარჩენების, ბიოლოგიური გამწმენდი ნაგებობის „ბიოტალ 60“-ის (წარმადობა 60 მ3) მომსახურებას შემსყიდველის მოთხოვნის შესაბამისად.

1.4.2. მიმწოდებელი ვალდებულია შეტყობინების მიღებიდან არაუმეტეს 1 საათის განმავლობაში დაუკავშირდეს შემსყიდველის წარმომადგენელს, გასცეს შესაბამისი სატელეფონო კონსულტაცია და არაუმეტეს 48 საათის განმავლობაში გააგზავნოს ობიექტზე საავარიო ჯგუფი, რომელმაც უნდა უზრუნველყოს დაზიანების მიზეზის დადგენა და დეფექტური აქტის შედგენა (დეფექტური აქტის შესადგენად საჭირო ხარჯების ანაზღაურება უნდა განახორციელოს მიმწოდებელმა), ასევე იგივე ვადაში უნდა უზრუნველყოს დაზიანების აღმოფხვრა, პრეისკურანტში მითითებული სამუშაოების ჩატარებით და დეტალების შეცვლით.

შენიშვნა: მოთხოვნა/შეტყობინება შესაძლებელია განხორციელდეს ელექტრონული ფოსტის ან/და ოფიციალური წერილის მეშვეობით ან/და ტელეფონით.

მომსახურების გაწევის ადგილი: გგარდაბნის მუნიციპალილეტი, სოფ. კრწანისი (იალღუჯა).

1.7.1.1 საგარანტიო ვადა შეცვლილ დეტალებზე და გაწეულ მომსახურებაზე არანაკლებ 1 (ერთი) წელი. პრეტენდენტი ვალდებულია ერთიანი ელექტრონული სისტემის მეშვეობით წარმოადგინოს ინფორმაცია საგარანტიო ვადის შესახებ.

1.7.1.2 ხელშეკრულების მოქმედების ნებისმიერ ეტაპზე და ასევე მისი მოქმედების დასრულების შემდგომ, საგარანტიო პერიოდში აღმოჩენილი ხარვეზის ან/და ნაკლის არსებობის შემთხვევაში, მიმწოდებელი ვალდებულია შეტყობინების მიღებიდან არაუგვიანეს სატენდერო დოკუმენტაციის 1.4 პუნქტით განსაზღვრული მომსახურების გაწევის შესაბამისი ვადებისა და პირობების შესაბამისად გამოასწოროს ნაკლი, შემსყიდველის მხრიდან დამატებითი დანახარჯების გაწევის გარეშე. მოთხოვნა/შეტყობინება შესაძლებელია განხორციელდეს ელექტრონული ფოსტის ან/და ოფიციალური წერილის მეშვეობით ან/და ტელეფონით.

2.9.1 პრეტენდენტი ვალდებულია წარმოადგინოს ინფორმაცია 24 საათის განმავლობაში ჩართული ორი მობილური სატელეფონო ნომრის და ორი ელ-ფოსტის მისამართის შესახებ - საკონტაქტო პირების მითითებით.
2.9.2. დავალება გაიცემა, როგორც სიტყვიერად, ასევე ელექტრონულ ფოსტაზე შეტყობინების გაგზავნის გზით. ელექტრონულ ფოსტაზე შეტყობინების მიღების თარიღი ჩაითვლება შესასრულებელი დავალების გაცემის თარიღად;
2.9.3 პრეტენდენტის მიერ, წარმოდგენილ პრეისკურანტში (დანართი N1) მითითებული ერთეულის ფასები არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო მაქსიმალურ ფასებს;
2.9.4. პრეტენდენტის მიერ წარმოდგენილ დაზუსტებულ პრეისკურანტში რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე;
2.9.5. პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი N1-ის (პრეისკურანტის) წარმოუდგენლობა ან არსებითად შეუსაბამო დანართი N1-ის (პრეისკურანტის) წარმოდგენა (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), გამოიწვევს პრეტენდენტის დისკვალიფიკაციას აღნიშნულ ტენდერში;
2.9.6. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტის მოცემული ჩამონათვალის ერთეულის ფასებზე, თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და კლებადობით დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც (როგორც სატენდერო წინადადების წარდგენის ეტაპზე ასევე დაზუსტების არსებობის შემთხვევაში).

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ანგარიშსწორება მოხდება უნაღდო ანგარიშსწორებით ეროვნულ ვალუტაში ლარში.

7.3.1. ანგარიშსწორება შემსყიდველის მიერ მოხდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტისა და შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) შსს შესაბამისი სამსახურის მიერ ეკონომიკურ დეპარტამენტში წარმოდგენის შემდეგ არაუგვიანეს 15 კალენდარული დღის ვადაში. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.
7.3.1.1. 2025 წლის საბიუჯეტო ასიგნების ფარგლებში სახელშეკრულებო ღირებულების - არუმეტეს 80 %;
7.3.1.2. 2026 წლის საბიუჯეტო ასიგნების ფარგლებში სახელშეკრულებო ღირებულების - არუმეტეს 20 %.

ნინო გეწაძე, 577556121, n.gecadze@mia.gov.ge ტექნიკურ საკითხებთან დაკავშირებით დაუკავშირდით ავთანდილ ტყეშელაშვილს ტელ: 577 96-05-66

10.1.1 სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.6 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 მომსახურების პრეისკურანტი დანართი N1-ის მიხედვით (მომსახურების პრეისკურანტის წარმოუდგენლობა ან/და განუფასებელი მომსახურების პრეისკურანტის წარმოდგენა, დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).

10.2.2 ინფორმაცია 24 საათის განმავლობაში ჩართული ორი მობილური სატელეფონო ნომრის და ორი ელ-ფოსტის მისამართის შესახებ - საკონტაქტო პირების მითითებით.

10..2.3 ინფორმაცია შეცვლილ დეტალებზე და გაწეულ მომსახურებაზე საგარანტიო ვადის შესახებ.