Машины, оборудование и канцелярские принадлежности, за исключением компьютеров, принтеров и мебели (Грузия - Тендер #61209809)

სხვადასხვა სახის კატრიჯები

შესყიდვის ობიექტის რაოდენობა/მოცულობა და ტექნიკური პარამეტრები იხილეთ ატვირთულ ფაილში (ტექნიკური დავალება დანართი N2)

შესყიდვის ობიექტის მოწოდება უნდა განხორციელდეს ხელშეკრულების გაფორმებიდან 2025 წლის 31 დეკემბრის ჩათვლით ეტაპობრივად, ყოველი მოთხოვნის დაფიქსირებიდან არაუმეტეს 5 (ხუთი) სამუშაო დღის განმავლობაში.

შესყიდვის ობიექტის მიწოდება უნდა განხორციელდეს შემდეგ მისამართზე: ქ.თბილისი, პ.ინგოროყვას ქ.N7. (მიმწოდებელი უზრუნველყოფს შესყიდვის ობიექტის მიწოდებას და გადატვირთვას).

1.7.1.1. ყველა მოწოდებულ კარტრიჯზე უნდა ვრცელდებოდეს გარანტია მის სრულ დაცლამდე, ხოლო, გამოუყენებელ კარტრიჯებზე მიღება-ჩაბარების აქტის გაფორმებიდან არანაკლებ 1 (ერთი) წელი;

1.7.1.2. დეფექტების აღმოჩენის შემთხვევაში, შემსყიდველის მხრიდან საქონლის ექსპლუატაციის ნორმების დაცვის შემთხვევაში, საგარანტიო ვადის განმავლობაში მიმწოდებელმა საკუთარი ხარჯებით უნდა აღმოფხვრას ექსპლუატაციის პროცესში გამოვლენილი ნებისმიერი ხარვეზი/წუნი (ტრანსპორტირების ჩათვლით), საჭიროების შემთხვევაში უზრუნველყოს წუნდებული საქონლის შეცვლა ახლით, ხარვეზის/წუნის გამოვლენიდან არანაკლებ 5 (ხუთი) სამუშაო დღის ვადაში, გარდა იმ შემთხვევისა, თუ ასეთი ხარვეზი გამოწვეულია მექანიკური დაზიანებით.

შენიშვნა: ზემოაღნიშნული ინფორმაცია წარმოდგენილი უნდა იყოს ერთიანი ელექტრონული სისტემის მეშვეობით.

2.1.1.1. პრეტენდენტმა ფასების ცხრილში (დანართი N1) უნდა მიუთითოს შესყიდვის ობიექტის წარმოშობის ქვეყანა, მწარმოებელი ან/და ბრენდი და მოდელი. აღნიშნული ინფორმაციის მიუთითებლობა გამოიწვევს პრეტენდენტის დისკვალიფიკაციას.

2.9.1. კარტრიჯები და დოლები უნდა იყოს თავსებადი ტექნიკური დავალება დანართ N2-ში არსებულ პრინტერებთან და შეესაბამებოდეს საბეჭდ მოწყობილობებს, შემოთავაზებული საქონელი უნდა იყოს ახალი, ქარხნული შეფუთვით მწარმოებლის ბრენდ კოლოფში, რომელზეც დაბეჭდილი (არა დაკრულ სტიკერზე) უნდა იყოს მწარმოებელი, ბრენდი, კარტრიჯის მოდელი, პრინტერთან თავსებადობა, გამოშვების თარიღი, მწარმოებლის მისამართი. ასევე მათ შეფუთვას უნდა გააჩნდეს გაყალბებისგან დამცავი ლოგოტიპიანი 3D ჰოლოგრამა, რომელზეც ასახულია უნიკალური შტრიხ-კოდი, რომელიც განანსხვავებს თითოეულ კარტრიჯს ერთმანეთისგან, ასევე უნდა იძებნებოდეს მწარმოებლის ოფიციალურ ვებ-გვერდზე კარტრიჯის და დოლის მოდელების პრინტერებთან თავსებადობა და ბეჭდვის რესურსი.

2.9.2. კატრიჯი ბეჭდვისას არ უნდა ავლენდეს ხარვეზებს: წერტილები, თეთრი და შავი ზოლები და ა.შ.

2.9.3. თუ მოწოდებული კარტრიჯი დააზიანებს შემსყიდველი ორგანიზაციის პრინტერს, მიმწოდებელს დაეკისრება ვალდებულება შემსყიდველს აუნაზღაუროს პრინტერის შეკეთების ხარჯები, ხოლო თუ დაზიანება არ დაექვემდებარება შეკეთებას, მიმწოდებელი ვალდებულია ჩაანაცვლოს დაზიანებული ტექნიკა არანაკლები ან გაუმჯობესებული პარამეტრების მქონე პრინტერით შეტყობინების მიღებიდან 30 (ოცდაათი) კალენდარული დღის ვადაში.

2.9.4. საჭიროების შემთხვევაში, ორმხრივი შეთანხმების საფუძველზე, შესაძლებელია განხორციელდეს შესასყიდი ობიექტ(ებ)ის სახეობათა და ჯამური რაოდენობის კორექტირება, ხელშეკრულების ჯამური ღირებულების ფარგლებში.

3.1.1. პრეტენდენტმა ნიმუშები უნდა წარადგინოს ტექნიკური დავალების შესაბამისად ყველა პოზიციაზე.

3.1.2. პრეტენდენტის მიერ წარმოდგენილ საქონლის ნიმუშ(ებ)ზე დატანილი უნდა იყოს ინფორმაცია წარმოშობის ქვეყნის, მწარმოებელის ან/და ბრენდის და მოდელის შესახებ.

3.1.3. პრეტენდენტის გამარჯვების შემთხვევაში შეტანილი საქონელი უნდა შეესაბამებოდეს (იდენტური უნდა იყოს) ტენდერზე წარმოდგენილ ნიმუშებს.

ქ.თბილისი, პ.ინგოროყვას ქ. N7.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

ანგარიშსწორება მოხდება უნაღდო ანგარიშსწორებით ლარში.

მიმწოდებელთან ანგარიშსწორება განხორციელდება ფაქტობრივად მიწოდებული შესყიდვის ობიექტის მიხედვით. მიღება–ჩაბარების აქტის ხელმოწერის, საგადასახადო ანგარიშ-ფაქტურისა და სასაქონლო ზედნადების (კანონმდებლობით დადგენილ შემთხვევებში) წარმოდგენის საფუძველზე, არაუგვიანეს 10 სამუშაო დღის ვადაში.

თალიკო ნასყიდაშვილი, 577285090, tnaskidashvili@gov.ge ტექნიკურ საკითხებთან დაკავშირებით დაუკავშირდით ელგუჯა სეხნიაშვილს - ტელ: 577288078

10.1.1. სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე;
10.1.2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში;
10.1.3. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
10.1.4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ორიგინალის სახით ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
10.1.5. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.6. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10.1.8. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო და ახალი საქონელი.
10.1.9 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი იქნება Excel-ის ფორმატის სახით.
10.1.10 „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.11. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.