Техническое обслуживание и ремонт (Грузия - Тендер #61209792)

ა(ა)იპ „თბილისის საბავშვო ბაგა-ბაღების მართვის სააგენტოს მიერ დაფუძნებული ადრეული და სკოლამდელი აღზრდისა და განათლების საჯარო დაწესებულებებში არსებული ვიდეოსამეთვალყურეო სისტემის პერიოდული შეკეთებისა და ტექნიკური მომსახურების სახელმწიფო შესყიდვა

1.2.1. პრეტენდენტი ვალდებულია წარმოადგინოს განფასებული პრეისკურანტი (დანართი N1); პრეისკურანტის (დანართი N1) წარმოუდგენლობა ან განუფასებლად წარმოდგენა გამოიწვევს პრეტენდენტის დისკვალიფიკაციას. პრეისკურანტი ჩაითვლება განუფასებლად, თუ განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
1.2.2. პრეტენდენტის მიერ შემოთავაზებული ერთეულის ღირებულებები არ უნდა აღემატებოდეს პრეისკურანტით განსაზღვრულ ზღვრულ ერთეულის ღირებულებებს, ხოლო პრეტენდენტის მიერ შემოთავაზებული ღირებულებების საერთო ჯამი არ უნდა აღემატებოდეს პრეისკურანტის სავარაუდო ჯამურ ღირებულებას. დაზუსტების ეტაპზე პრეისკურანტის რომელიმე პოზიციის ერთეულის ფასების გაზრდა გამოიწვევს პრეტენდენტის დისკვალიფიკაციას;
1.2.3. პრეტენდენტმა, საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს, მინიმუმ, პრეისკურანტის სავარაუდო ჯამურ ღირებულებასა და პრეტენდენტის მიერ სისტემაში დაფიქსირებულ, პრეისკურანტის საბოლოო ჯამურ ღირებულებას შორის არსებული პროცენტული სხვაობის მიხედვით, შემსყიდველის მიერ სისტემაში ატვირთულ პრეისკურანტში განსაზღვრულ ფასებთან მიმართებაში. პრეტენდენტი ვალდებულია, პრეისკურანტში მითითებული ერთეულის ღირებულებები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).
1.2.4. მიმწოდებელთან ხელშეკრულების გაფორმების შემდეგ, პრეისკურანტში მომსახურების რომელიმე პოზიციის არარსებობისას (მისი შესყიდვის აუცილებლობისას), ერთეულის ფასი დადგინდება შემსყიდველი ორგანიზაციის და მიმწოდებლის ერთობლივი შეთანხმებით, საბაზრო ფასის გათვალისწინებით.
1.2.5. მიმწოდებლის მიერ გამოყენებული აპარატურა უნდა შეესაბამებოდეს საქართველოში მოქმედი კანონმდებლობით განსაზღვრულ მოთხოვნებს, აკმაყოფილებდეს საერთაშორისო სტანდარტებს და არ უნდა წარმოადგენდეს საფრთხეს ადამიანის ორგანიზმისთვის. დაუშვებელია მწვავე სუნის ან სხვა უარყოფითი რეაქციის გამომწვევი საშუალებების გამოყენება.
1.2.6. პრეტენდენტის მიერ მომსახურების გაწევის დროს გამოყენებული უნდა იქნას ახალი (არამეორადი) აპარატურა;
1.2.7. მომსახურების გაწევის დროს დაცული უნდა იყოს უსაფრთხოების ნორმები, მიმწოდებელი ვალდებულია მომსახურების გაწევის დროს მისი ბრალეულობით შემსყიდველის ქონებაზე მიყენებული ნებისმიერი ზიანი აღმოფხვრას საკუთარი სახსრებით.
1.2.8. მიმწოდებელი ვალდებულია გაფუჭებული, შეცვლილი აპარატურა წარუდგინოს შესაბამის საბავშვო ბაგა-ბაღს;
1.2.9. საჭიროების შემთხვევაში, დაზიანებული საქონლის დემონტაჟი და შემდეგ ახლად მიწოდებული საქონლის მონტაჟი-ინსტალაცია უნდა უზრუნველყოს მიმწოდებელმა.

1.4.1. მიმწოდებელმა პრეისკურანტით გათვალისწინებული აპარატურის მიწოდება და მონტაჟი უნდა განახორციელოს ეტაპობრივად, 2025 წლის 25 დეკემბრის ჩათვლით, შემსყიდველის წერილობითი მოთხოვნიდან არაუგვიანეს 30 კალენდარული დღის ვადაში;

1.5.1. მომსახურების გაწევა უნდა განხორციელდეს ქ. თბილისის საბავშვო ბაგა-ბაღებში (იხ. დანართი N2);

1.7.1.1. მომწოდებლის მიერ შეცვლილ აპარატურაზე, სწორი ექსპლუატაციის პირობებში, უნდა ვრცელდებოდეს გარანტია მიღება-ჩაბარების აქტის გაფორმებიდან - არანაკლებ ორი წელი;
1.7.1.2. იმ შემთხვევაში, თუ საგარანტიო ვადის გასვლამდე, სწორი ექსპლუატაციის პირობებში, შეცვლილ აპარატურას აღმოაჩნდება დეფექტი, ნაკლის აღმოფხვრის მიზნით შემსყიდველი მიმართავს მიმწოდებელს, რომელიც აღმოჩენილ ნაკლოვანებას აღმოფხვრის უსასყიდლოდ, შემსყიდველის მოთხოვნიდან არაუგვიანეს 10 კალენდარული დღის ვადაში.

2.1.1.1. პრეტენდენტმა პრეისკურანტში (დანართ N1-ში) უნდა მიუთითოს შემოთავაზებული საქონლის მწარმოებლის ან/და ბრენდის, წარმოშობის ქვეყნის და მოდელის (არსებობის შემთხვევაში) დასახელება. იმ შემთხვევაში, თუ საქონელს მოდელი არ გააჩნია, ფასების ცხრილის მოდელის გრაფაში უნდა გაკეთდეს შესაბამისი მითითება ("არ გააჩნია"). დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის მწარმოებლის ან/და ბრენდის, წარმოშობის ქვეყნის და მოდელის (არსებობის შემთხვევაში) შესახებ, ასევე არ არის ან განუფასებლადაა წარდგენილი ფასების ცხრილი. ამასთან, პრეტენდენტის მიერ სატენდერო წინადადების წარმოდგენის შემდგომ, შემოთავაზებული საქონლის მწარმოებლის ან/და ბრენდის, წარმოშობის ქვეყნის და მოდელის (არსებობის შემთხვევაში) დასახელების ცვლილება გამოიწვევს პრეტენდენტის დისკვალიფიკაციას.

2.2.1.1. პრეტენდენტს, 2022 წლის 01 იანვრიდან, წინამდებარე ტენდერში „წინადადებების მიღება დასრულებულია“ სტატუსის მინიჭების თარიღამდე პერიოდში, უნდა გააჩნდეს ვიდეო სამეთვალყურეო სისტემის მიწოდების და მონტაჟის ან/და ტექნიკური მომსხაურების გამოცდილება არანაკლებ 200 000 ლარის ღირებულებით;
2.2.1.2. გამოცდილების დამადასტურებელი დოკუმენტაცია და ამავე დოკუმენტაციის წარმოდგენის პირობები:
ა) იმ შემთხვევაში, თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენებით, საკმარისია სატენდერო განცხადების ან CMR ნომრების შესახებ ინფორმაციის წარმოდგენა.
ბ) იმ შემთხვევაში, თუ შესყიდვა განხორციელებულია სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს შესაბამისი ხელშეკრულებ(ები)ა და ამავე ხელშეკრულებ(ებ)ის ფარგლებში გაფორმებული მიღება-ჩაბარების აქტ(ებ)ი, რაც დაადასტურებს პრეტენდენტის გამოცდილების შესაბამისობას სატენდერო დოკუმენტაციის 2.2.1.1. პუნქტით განსაზღვრულ მოთხოვნებთან.

2.3.1.1. საგარანტიო მომსახურების გასაწევად, შესაბამისი ვადის პერიოდით მიმწოდებლის მიერ დანართი N1-ის (პრეისკურანტი) 1-ლი, მე-2, მე-3, მე-4, მე-5, მე-6, მე-7, მე-8 და მე-12 პოზიციებზე შემოთავაზებული აპარატურის მწარმოებელს (ბრენდს) ქ. თბილისში უნდა გააჩნდეს სერტიფიცირებული მხარდაჭერის/შეკეთების პუნქტ(ებ)ი; აღნიშნულის დასტურად, პრეტენდენტმა შესყიდვების ერთიან ელექტრონულ სისტემაში უნდა ატვირთოს მწარმოებლის (ბრენდის) მიერ გაცემული წერილობითი ინფორმაცია (მისამართები და საკონტაქტო მონაცემები) სერტიფიცირებულ მხარდაჭერის/შეკეთების პუნქტ(ებ)ის შესახებ;

2.7.1.1. პრეტენდენტის მიერ შემოთავაზებული საქონლის ტექნიკური პარამეტრების სატენდერო პირობებთან და პრეტენდენტის მიერ წარმოდგენილ ტექნიკურ პარამეტრებთან შესაბამისობის დადგენის მიზნით, 1-ლი, მე-2, მე-3, მე-4, მე-5, მე-6, მე-7, მე-8, მე-9, მე-10, მე-11, მე-12, მე-17, მე-18 და მე-24 პოზიციებზე, პრეტენდენტმა უნდა წარმოადგინოს შემოთავაზებული პროდუქტის ტექნიკური პასპორტი ან/და data sheet, რომელშიც სრულად უნდა იყოს დაფიქსირებული შესყიდვის ობიექტის ყველა ტექნიკური პარამეტრი. მათ შორის არსებობის შემთხვევაში მითითებული უნდა იყოს მოდელიც.

2.9.1. შემოთავაზებული საქონლის ფასი უნდა შეიცავდეს მიმწოდებლის ყველა ხარჯს, მათ შორის ტრანსპორტირების ხარჯსა და საქართველოს კანონმდებლობით დადგენილ ყველა გადასახადს, დაკავშირებულს საქონლის მიწოდებასთან და შემსყიდველის საკუთრებაში გადაცემასთან.

2.9.2. შემოთავაზებული საქონლის საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარში.

2.9.3. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები განისაზღვრება მრავალნიშნა ათწილადის სახით, პრეტენდენტი ვალდებულია ერთეულის ღირებულებები შეამციროს და დაამრგვალოს მეასედებამდე (თეთრების სიზუსტით), შესაბამისად შეამციროს საერთო ღირებულებაც.

2.9.4. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე პრეტენდენტები ვალდებულები არიან სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.

2.9.5. პრეტენდენტის მიერ ერთიან ელექტრონულ სისტემაში ატვირთული ყველა დოკუმენტი ან/და ინფორმაცია ხელმოწერილი უნდა იყოს ხელმძღვანელის ან უფლებამოსილი პირის მიერ (ერთიან ელექტრონულ სისტემაში უფლებამოსილი პირის მიერ ხელმოწერილი დოკუმენტების ატვირთვის შემთხვევაში ასევე ატვირთულ უნდა იქნეს მისი უფლებამოსილების დამადასტურებელი შესაბამისი დოკუმენტ(ებ)ი).

2.9.6. პრეტენდენტს არ აქვს უფლება წარმოადგინოს ალტერნატიული წინადადება.

2.9.7. შემსყიდველი უფლებამოსილია ხელშეკრულების გაფორმებიდან, საქონლის მიწოდების სრულად განხორციელებამდე, მოთხოვოს მიმწოდებელს შესყიდვის ობიექტის/მისი შემადგენელი ნაწილის მიწოდებასთან დაკავშირებული ინფორმაცია.

2.9.8. მიმწოდებელი ვალდებულია კვარტალში ერთხელ, თითოეული ლოკაციის მიხედვით, შემსყიდველს წარუდგინოს სრულყოფილი ინფორმაცია კონკრეტულ ჯერზე მიწოდებული საქონლის რაოდენობის და გაწეული მომსახურების შესახებ, როგორც Excel-ის, ასევე ელექტრონული ხელმოწერით PDF ფორმატში.

2.9.9. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება შემოთავაზებული საქონლის მწარმოებელი ქვეყნით, მწარმოებლით ან/და ბრენდით და მოდელით (არსებობის შემთხვევაში)).

შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

3 Процентов

5 Процентов

6.3.1. ხელშეკრულების შესრულების უზრუნველყოფის საბანკო/სადაზღვევო გარანტიის მოქმედების ვადა მინიმუმ 60 (სამოცი) კალენდარული დღით უნდა აღემატებოდეს შესყიდვის ობიექტის საბოლოო მიწოდების ვადას.

6.4.1. გარანტია წარმოდგენილი უნდა იქნას საქართველოში მოქმედი საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან; გარანტია უნდა იყოს უპირობო, გამოუხმობადი და შემსყიდველ ორგანიზაციას უნდა აძლევდეს უფლებას გარანტიის გამცემისგან, პირველივე მოთხოვნისთანავე, მიიღოს შესაბამისი თანხა. გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

6.4.2. თეთრ სიაში რეგისტრირებული მიმწოდებელი შემსყიდველ ორგანიზაციას წარუდგენს მოთხოვნილი ოდენობის ხელშეკრულების შესრულების უზრუნველყოფის გარანტიის ნახევარს;

6.4.3. მიმწოდებლის მიერ ხელშეკრულებით ნაკისრი ვალდებულებების შეუსრულებლობის, აგრეთვე ნაწილობრივი ან არაჯეროვანი შესრულების მიზეზით ხელშეკრულების შეწყვეტის შემთხვევაში, შემსყიდველი უფლებამოსილია განახორციელოს ხელშეკრულების შესრულების უზრუნველყოფის საბანკო/სადაზღვევო გარანტიის სრული ოდენობით გამოყენება.

7.2.1. ანგარიშსწორება განხორციელდება მიმწოდებლის საბანკო ანგარიშზე, მიმწოდებლის მიერ საგადასახადო დოკუმენტის გამოწერისა და მიღება-ჩაბარების აქტის ხელმოწერის შემდგომ.

7.3.1. ანგარიშსწორება განხორციელდება მიმწოდებლის საბანკო ანგარიშზე, მიმწოდებლის მიერ საგადასახადო დოკუმენტის გამოწერის დღიდან და მიღება-ჩაბარების აქტზე ხელმოწერიდან არაუგვიანეს 10 (ათი) სამუშაო დღის ვადაში.

დავით მესხიშვილი, 577171188, d.meskhishvili@kids.org.ge

10.1.1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება ,,სახელმწიფო შესყიდვების შესახებ“ საქართველოს კანონის და ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების შესაბამისად.
10.1.2. ტექნიკური დოკუმენტაციის წარდგენა შესაძლებელია როგორც ქართულ, ისე უცხოურ ენებზე. დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს შემსყიდველი ორგანიზაცია.
10.1.3. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.

10.2. შესყიდვაში მონაწილე პირებმა (პრეტენდენტებმა) ერთიან ელექტრონულ სისტემაში უნდა ატვირთონ შემდეგი ტექნიკური ინფორმაცია/დოკუმენტები:
ა) პრეისკურანტი სატენდერო დოკუმენტაციის 1.3 და 2.1.1 პუნქტების მოთხოვნათა გათვალისწინებით;
ბ) ინფორმაცია საგარანტიო პირობების შესახებ სატენდერო დოკუმენტაციის 1.7.1 პუნქტის მოთხოვნათა გათვალისწინებით;
გ) პრეტენდენტის გამოცდილების დამადასტურებელი დოკუმენტაცია სატენდერო პირობების 2.2.1 პუნქტის მოთხოვნათა გათვალისწინებით;
დ) პრეტენდენტის მატერიალურ-ტექნიკურ ბაზის შესახებ ინფორმაცია სატენდერო დოკუმენტაციის 2.3.1 პუნქტის მოთხოვნათა გათვალისწინებით;