Техническое обслуживание и ремонт (Грузия - Тендер #61209788)

შესყიდვის ობიექტია სსიპ დაცული ტერიტორიების სააგენტოს ბალანსზე რიცხული ვიდეოსამეთვალყურეო სისტემის შეკეთება და ტექნიკური მომსახურება.

სსიპ დაცული ტერიტორიების სააგენტოს შენობებსა და ტერიტორიაზე დამონტაჟებული ვიდეოსათვალთვალო სისტემების ტექნიკური მომსახურება გულისხმობს შესმყიდველის მხრიდან შეტყობინების საფუძველზე უსაფრთხოების სისტემის ან მისი კომპონენტის ხარვეზიანი მუშაობის მიზეზის დადგენას და მათ აღმოფხვრას (შეკეთებას, შეცვლას და ა.შ.).
ობიექტზე მისვლის და ხარვეზის გამოსწორობის ვადა უნდა შეადგენდეს შეტყობინების მიღებიდან არაუმეტეს მომდევნო: ა) 2 (ორი) სამუშაო დღეს თბილისის ადმინისტრაციულ-ტერიტორიული საზღვრებში არსებულ ობიექტებზე; ბ) 3 (სამი) სამუშაო დღეს რეგიონებში არსებულ ობიექტებზე; გ) იმ შემთხვევაში როდესაც შეკეთება საჭიროებს 24 საათზე მეტ დროს ან აპარატურა არ ექვემდებარება ადგილზე შეკეთებას მიმწოდებელმა უნდა დაამონტაჟოს შემცვლელ აპარატურა (კამერა, ჩამწერი მოწყობილობა, და ა.შ.) შეკეთებული აპარატურის უკან დაბრუნებამდე.
მიმწოდებლის მიერ შეცვლილი აპარატურის დაზიანების შემთხვევაში შემსყიდველს პასუხისმგებლობა არ ეკისრება.
სავალდებულოდ გასათვალისწინებელი გარემოება: მომსახურების პროცესში შეცვლილი ტექნიკური საშუალებები სავალდებულოა თავსებადი იყოს არსებულ ვიდეო სამეთვალყურეო სისტემასთან და პროგრამულ უზრუნველყოფასთან IVMS - 4200.
მიმწოდებელმა ასევე უნდა უზრუნველყოს დამკვეთის მოთხოვნის საფუძველზე ობიექტზე დამონტაჟებული ვიდეოსამეთვალყურეო სისტემების დემონტაჟი და მითითებულ წერტილში ხელახალი მონტაჟი.

შესასრულებელ სამუშაოთა სირთულისა და სპეციფიკურობის გათვალისწინებით, პრეტენდენტს სამშენებლო ობიექტზე მუდმივად უნდა ჰყავდეს არანაკლებ ერთი შრომის უსაფრთხოების მენეჯერი, რომლის ვალდებულებაც და პასუხისმგებლობაც იქნება მოქმედი კანონმდებლობის ფარგლებში შრომის უსაფრთხოების დაცვა. იმ შემთხვევაში თუკი მის მიერ აღმოჩენილი იქნება რაიმე სახის დარღვევა ვალდებულია მოსთხოვოს ხელმძღვანელს სამუშაოთა შეჩერება პრობლების აღმოფხვრამდე და ამასთან აღნიშნულის თაობაზე აცნობოს შემსყიდველს.

ობიექტების ჩამონათვალი, სადაც დამონტაჟებულია ვიდეოსამეთვალყურეო სისტემები წარმოდგენილია დანართის N2 სახით.

თუ ხარვეზის გამოსწორების პროცესში მიმწოდებლის მიერ დაზიანდა შესაკეთებელი ტექნიკა, იგი უზრუნველყოფს მიყენებული ზარალის სრულ ანაზღაურებას.

პრეტენდენტის მიერ პრეისკურანტის საერთო ფასის შემცირების შემთხვევაში, ფასის კლება პროცენტულად და პროპორციულად უნდა აისახოს პრეისკურანტების (როგორც საბოლოო ასევე თავდაპირველი) წარმოდგენისას, პრეისკურანტების თითოეულ პოზიციაზე ფასის კლება უნდა განხორციელდეს, მინიმუმ შესყიდვის სავარაუდო (პრეისკურანტის) ღირებულებასა და პრეტენდენტის მიერ სისტემაში დაფიქსირებულ, პრეისკურანტების საბოლოო ჯამურ ღირებულებას შორის არსებული პროცენტული სხვაობის მიხედვით შესყიდვის სავარაუდო (პრეისკურანტის) ღირებულებასთან მიმართებაში.

პრეტენდენტი ვალდებულია, პრეისკურანტებში მითითებული ერთეულის ღირებულებები გამოსახოს და შესაბამისად გაიანგარიშოს ლარის მეასედის - თეთრების სიზუსტით (მძიმის შემდეგ ორი ციფრი).

თუკი, ფასების ცხრილში მითითებულ რომელიმე პოზიციაზე პრეტენდენტი საქონელსა და მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს ციფრი „0”.

თუ ხელშეკრულების დადების შემდეგ, ხელშეკრულების მოქმედების პერიოდში აღმოჩნდება, რომ პრეისკურანტში არ არსებობს რომელიმე სახის სათადარიგო ნაწილი/მომსახურება, აღნიშნული გასაწევი მომსახურების ან საქონლის ერთეულის ფასი დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში შესაბამისი სათადარიგო ნაწილის/მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

ობიექტზე მისვლის და ხარვეზის გამოსწორობის ვადა უნდა შეადგენდეს შეტყობინების მიღებიდან არაუმეტეს მომდევნო: ა) 2 (ორი) სამუშაო დღეს თბილისის ადმინისტრაციულ-ტერიტორიული საზღვრებში არსებულ ობიექტებზე; ბ) 3 (სამი) სამუშაო დღეს რეგიონებში არსებულ ობიექტებზე; გ) იმ შემთხვევაში როდესაც შეკეთება საჭიროებს 24 საათზე მეტ დროს ან აპარატურა არ ექვემდებარება ადგილზე შეკეთებას მიმწოდებელმა უნდა დაამონტაჟოს შემცვლელ აპარატურა (კამერა, ჩამწერი მოწყობილობა, და ა.შ.) შეკეთებული აპარატურის უკან დაბრუნებამდე.

მომსახურება უნდა განხორციელდეს დაცული ტერიტორიების სააგენტოს ცენტრალურ პარატსა და ტერიტორიეულ ადმინისტრაციებში, სატენდერო დოკუმენტაციის 1.2 პუნქტში მიმაგრებულ ფაილში (დანართი N2) მოცემულ მისამართებზე.

1.7.1.1 შესყიდვის ობიექტის საგარანტიო ვადა უნდა შეადგენდეს მიღება-ჩაბარების აქტის გაფორმებიდან - არანაკლებ 1 (ერთი) წელს.
1.7.1.2 გაწეული მომსახურების საგარანტიო ვადა უნდა შეადგენდეს მიღება-ჩაბარების აქტის გაფორმებიდან - არანაკლებ 1 (ერთი) წელს.
1.7.1.3 თუ საგარანტიო პერიოდის განმავლობაში საქონლის ექსპლუატაციისას გამოვლინდება დეფექტი ან/და ნაკლი, მიმწოდებელი ვალდებულია შემსყიდველის შეტყობინებიდან 10 (ათი) კალენდარული დღის ვადაში საკუთარი ხარჯით უზრუნველყოს დეფექტის აღმოფხვრა ან შეცვალოს დაზიანებული საქონელი ახალი ექსპლუატაციაში არ მყოფი ანალოგიური საქონლით.
1.7.1.4 საგარანტიო ვადაში შესყიდვის ობიექტის მიერ გამოვლენილი ხარვეზის/წუნის/დეფექტის აღმოფხვრის ხარჯების დაფარვა უნდა უზრუნველყოს მიმწოდებელმა.

2.2.1.1 პრეტენდენტს უნდა გააჩნდეს ვიდეო აპარატურის მიწოდება/თანმდევი მომსახურებით/მონტაჟით და ექსპლუატაციაში გაშვებით სამუშაოს შესრულების გამოცდილება. ამ შინაარსით განხორციელებული (დასრულებული) უნდა ჰქონდეს არანაკლებ 3 პროექტი.
2.2.1.2 პრეტენდენტის გამოცდილება უნდა დასადასტურდებოდეს: ხელშეკრულებით;
წარმოდგენილი ხელშეკრულებ(ებ)ის საფუძველზე გაფორმებული მიღება-ჩაბარების აქტებით ან/და სხვა შესრულების დამადასტურებელი დოკუმენტებით და დადასტურებული ანგარიშ-ფაქტურებით ან/და სასაქონლო ზედნადებ(ებ)ით;
2.2.1.3 სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

ტენდერში მონაწილე პრეტენდენტს, ტენდერით განთვალისწინებული მომსახურების სრული პერიოდის განმავლობაში უნდა გააჩნდეს მინიმუმ ორი სერვისცენტრი.
* აღმოსავლეთ საქართველოში - ქ.თბილისში ან თბილისიდან 30 კმ რადიუსში მინიმუმ ერთი სერვის ცენტრი,
* დასავლეთ საქართველოში - ქ. ქუთაისში ან ქუთაისიდან 30 კმ რადიუსში მინიმუმ ერთი სერვის ცენტრი.
შესაბამისად, დასავლეთ საქართველოში მდებარე სსიპ დაცული ტერიტორიების სააგენტოს ტერიტორიული ადმინისტრაციებისათვის კილომეტრაჟის დაანგარიშება მოხდება ქუთაისის ან ქუთაისის მიმდებარედ პრეტენდენტის მიერ შემოთავაზებული სერვის ცენტრიდან, ხოლო აღმოსავლეთ საქართველოში მდებარე სსიპ დაცული ტერიტორიების სააგენტოს ტერიტორიული ადმინისტრაციებისათვის კილომეტრაჟის დაანგარიშება მოხდება ქ. თბილისის ან თბილისის მიმდებარედ პრეტენდენტის მიერ შემოთავაზებული სერვის ცენტრიდან.

პრეტენდენტის მიერ წარმოდგენილი უნდა იქნას ინფორმაცია სერვის ცენტრების მდებარეობი და ზუსტი მისამართის შესახებ.

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯის გათვალისწინებით.
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.

1. იმ შემთხვევაში, თუ ტენდერში ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია შემსყიდველის მოთხოვნის შესაბამისად უზრუნველყოს ფასწარმოქმნის ადეკვატურობის დასაბუთება (დასაბუთება შესაძლებელია განხორციელდეს სსიპ ლევან სამხარაულის სახელობის სასამართლოს ექსპერტიზის ეროვნული ბიუროს ან დამოუკიდებელი ექსპერტის/აუდიტორის მიერ გაცემული დასკვნით, რომელიც ადასტურებს პრეტენდენტის მიერ დაფიქსირებულ ფასად სატენდერო წინადადებით ნაკისრი ვალდებულებების შესრულების შესაძლებლობას). იმ შემთხვევაში, თუ პრეტენდენტის მიერ არ იქნა წარმოდგენილი, ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.
2. ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

1. ანგარიშსწორება მოხდება, უნაღდო ანგარისწორებით ლარებში.
2. ანგარიშსწორება მიმწოდებელთან განხორციელდება ყოველთვიურად, ფაქტიურად გაწეული მომსახურების შესაბამისად გაფორმებული მიღება-ჩაბარების აქტის და საგადასახადო ანგარიშ-ფაქტურის საფუძველზე, (იმ შემთხვევაში, თუ მიმწოდებელი დარეგისტრირებულია დღგ-ს გადამხდელად).

სატენდერო დოკუმენტაციის 7.2 ველის მე-2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშო დღის განმავლობაში.

გიგა მენაბდიშვილი, 577925757, giga.menabdishvili@gmail.com

სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.