Услуги в области садоводства (Грузия - Тендер #60316767)

ჰიდროთესვის მეთოდით მწვანე გაზონის მოწყობის მომსახურების სახელმწიფო შესყიდვა.

1.2.1 ჰიდროთესვა განხორციელდება სხვადასხვა სირთულის ტერიტორიებზე, სხვადასხვა გარემო პირობებში. აღნიშნული გარემოებები გათვალისწინებული უნდა იყოს ბალახის ჯიშების შერჩევისას.
1.2.2 ჰიდროთესვის მეთოდით ბალახის თესლის დათესვაზე საჭირო სპეციალური მასალის ცელულოზას (ცელულოზას შემადგენლობა: ა) ქაღალდი გადამუშავებული, რომელიც უნდა იყოს ნესტის საუკეთესო დამჭერი; ბ) ბალახის თესლის სპეციალური წებო, რომელიც ხელს უნდა უშლიდეს თესლის ჩამორეცხვას; გ) სასუქი, რომელიც ხელს უნდა უწყობდეს თესლის განვითარებას; დ) ბიოდანამატი, რომელიც ხელს უწყობს ბალახის გრძელვადიან პერსპექტივაში განვითარებას. მასალის ხარჯი 1 კვ/მ ცელულოზა არანაკლებ 0.1 კგ / წებო არანაკლებ 0.02 კგ, სასუქი (npk) არანაკლებ 0.04 კგ.) შერევა უნდა განხორციელდეს შემსყიდველის ზედამხედველის თანდასწრებით.
1.2.3 მიმწოდებელმა თესვის დაწყებამდე შემსყიდველთან უნდა წარმოადგინოს თესლის წარმოშობის დოკუმენტი. მისაწოდებელი თესლი არ უნდა იყოს გენმოდიფიცირებული.
1.2.4 შემსყიდველის მოთხოვნის შემთხვევაში, მიმწოდებელი ვალდებულია უზრუნველყოს შემსყიდველის დავალებით განსაზღვრულ ტერიტორიაზე 1 დღეში არანაკლებ 500 კვ.მ მიწის მოსწორება და არანაკლებ 1000 კვ.მ-ზე ბალახის თესვა ჰიდროთესვის მეთოდით.
1.2.5 შემსყიდველის მოთხოვნის შემთხვევაში, მიმწოდებელი ვალდებულია უზრუნველყოს ერთდროულად შემსყიდველის დავალებით განსაზღვრულ დღეში არანაკლებ 2 ტერიტორიაზე შესყიდვის ობიექტის მიწოდება (დღეში არანაკლებ 1000 კვ.მ მიწის მოსწორება და 2000 კვ.მ თესვის უზრუნველყოფა).
1.2.6 მიმწოდებელი ვალდებულია მიღება-ჩაბარების აქტის გაფორმებისას შემსყიდველს წარმოუდგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს ან სხვა აკრედიტირებული პირის მიერ (სხვა აკრედიტირებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), ან დარგობრივი ორგანიზაციის (შპს, სსიპ, ა(ა)იპ) ან სამეცნიერო-კვლევითი ინსტიტუტის მიერ გაცემული შესაბამისი დასკვნა გაწეული მომსახურების რაოდენობის, თესვის ნორმისა და დათესილ ბალახში არანაკლებ 6 კომპონენტის (სახეობის) არსებობის შესახებ. მიმწოდებელმა აგრეთვე უნდა წარმოადგინოს ლაბორატორიული დასკვნა შეტანილი ნოყიერი ნიადაგის ნაზავის დანართი N2-ით მოთხოვნილ პარამეტრებთან შესაბამისობის შესახებ. მიღება-ჩაბარების აქტი გაფორმდება დადებითი დასკვნის შემთხვევაში.
1.2.7 იმისათვის, რომ შემსყიდველი დარწმუნდეს პრეტენდენტის შესაძლებლობაში ტენდერით გათვალისწინებული მატერიალურ-ტექნიკური ბაზის მობილიზებასთან დაკავშირებით, რათა შესყიდვის ობიექტის საჭიროებისა და სპეციფიკის გათვალისწინებით, თავიდან იქნეს აცილებული შემდგომში ხელშეკრულების შეუსრულებლობისა და შესაბამისად გასაწევი მომსახურების ჩაშლის რისკი, ერთიან ელექტრონულ სისტემაში დაფიქსირებული ყველაზე დაბალი ფასის მქონე პრეტენდენტი ვალდებულია აღნიშნულ ტენდერზე წინადადების მიღების დასრულების შემდეგ, არაუგვიანეს 2 (ორი) სამუშაო დღის ვადაში, შემსყიდველს წარმოუდგინოს ქარხნული წარმოების ჰიდროსათესი დანადგარები, რაზეც გაფორმდება შესაბამისი აქტი (დასურათებული). ხოლო, ყოველი მომდევნო დაბალფასიანი პრეტენდენტი (არსებობის შემთხვევაში) ვალდებულია წინა პრეტენდენტისთვის დისკვალიფიკაციის სტატუსის მინიჭებიდან, არაუგვიანეს 2 (ორი) სამუშაო დღის ვადაში, შემსყიდველს წარმოუდგინოს ქარხნული წარმოების ჰიდროსათესი დანადგარები, რაზეც გაფორმდება შესაბამისი აქტი. ქარხნული წარმოების ჰიდროსათესი დანადგარების (მითითებული რაოდენობის შესაბამისად) წარმოუდგენლობის ან/და წარმოდგენილი ტექნიკური აღჭურვილობის სატენდერო დოკუმენტაციის შეუსაბამობის შემთხვევაში, შემსყიდველის მიერ მოხდება პრეტენდენტის დისკვალიფიკაცია. აღნიშნული შემოწმება განხორციელდება შემსყიდველის მიერ საამისოდ გამოყოფილი ინსპექტირების ჯგუფის მიერ და გაფორმდება დათვალიერების აქტი.
1.2.8 გასაწევი მომსახურებების სახეობები, განზომილებები და რაოდენობები მითითებულია მომსახურების ხარჯთაღრიცხვაში (დანართი N1), რომელიც ატვირთულია სატენდერო დოკუმენტაციის 1.3 პუნქტში.
1.2.9 ნიადაგის ნაზავის ქიმიური მახასიათებლები (დანართი N2) ატვირთულია სატენდერო დოკუმენტაციის 1.2 პუნქტში.

1.4.1 ხელშეკრულების ძალაში შესვლიდან 2025 წლის 30 ნოემბრის ჩათვლით, ეტაპობრივად, შემსყიდველის დავალების შესაბამისად.
1.4.2 სატენდერო დოკუმენტაციის 1.4.1 პუნქტით გათვალისწინებულ შემსყიდველის წერილობით დავალებაში მითითებული იქნება ინფორმაცია გასაწევი მომსახურების რაოდენობის, ადგილ(ებ)ისა და გასაწევი მომსახურების ვად(ებ)ის შესახებ.

ქ. თბილისის მუნიციპალიტეტის ფარგლებში, შემსყიდველის წერილობით დავალებით განსაზღვრული ტერიტორია/ტერიტორიები.

პრეტენდენტს 2021 წლის 01 იანვრიდან უნდა გააჩნდეს შესყიდვის სავარაუდო ღირებულების არანაკლებ 100%-ის ღირებულების ჰიდროთესვის მეთოდით მწვანე გაზონის მოწყობის მომსახურების გაწევის გამოცდილება. აღნიშნულის დასადასტურებლად პრეტენდენტის მიერ ერთიან ელექტრონულ სისტემაში ატვირთულ უნდა იქნას ხელშეკრულებ(ები)ა და ამ ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ი ან/და შესრულების დამადასტურებელი სხვა დოკუმენტაცია.

პრეტენდენტს საკუთრებაში ან სარგებლობაში უნდა გააჩნდეს არანაკლებ 2 ქარხნული წარმოების ჰიდროსათესი დანადგარი. აღნიშნულის დასადასტურებლად პრეტენდენტმა უნდა წარმოადგინოს საკუთრების შემთხვევაში, საკუთრების დამადასტურებელი დოკუმენტაცია, ხოლო, სარგებლობის უფლებით ფლობის შემთხვევაში - ხელშეკრულება მესაკუთრე პირთან (რომლის მოქმედების ვადა ტოლი უნდა იყოს ან აღემატებოდეს მომსახურების გაწევის საბოლოო ვადას) და ჰიდროსათესი დანადგარის მესაკუთრის საკუთრების დამადასტურებელი დოკუმენტაცია.

იმისათვის, რომ შემსყიდველი დარწმუნდეს პრეტენდენტის შესაძლებლობაში ტენდერით გათვალისწინებული მატერიალურ-ტექნიკური ბაზის მობილიზებასთან დაკავშირებით, რათა შესყიდვის ობიექტის საჭიროებისა და სპეციფიკის გათვალისწინებით, თავიდან იქნეს აცილებული შემდგომში ხელშეკრულების შეუსრულებლობისა და შესაბამისად გასაწევი მომსახურების ჩაშლის რისკი, ერთიან ელექტრონულ სისტემაში დაფიქსირებული ყველაზე დაბალი ფასის მქონე პრეტენდენტი ვალდებულია აღნიშნულ ტენდერზე წინადადების მიღების დასრულების შემდეგ, არაუგვიანეს 2 (ორი) სამუშაო დღის ვადაში, შემსყიდველს წარმოუდგინოს ქარხნული წარმოების ჰიდროსათესი დანადგარები, რაზეც გაფორმდება შესაბამისი აქტი. ხოლო, ყოველი მომდევნო დაბალფასიანი პრეტენდენტი (არსებობის შემთხვევაში) ვალდებულია წინა პრეტენდენტისთვის დისკვალიფიკაციის სტატუსის მინიჭებიდან, არაუგვიანეს 2 (ორი) სამუშაო დღის ვადაში, შემსყიდველს წარმოუდგინოს ქარხნული წარმოების ჰიდროსათესი დანადგარები, რაზეც გაფორმდება შესაბამისი აქტი. ქარხნული წარმოების ჰიდროსათესი დანადგარების (მითითებული რაოდენობის შესაბამისად) წარმოუდგენლობის ან/და წარმოდგენილი ტექნიკური აღჭურვილობის სატენდერო დოკუმენტაციის შეუსაბამობის შემთხვევაში, შემსყიდველის მიერ მოხდება პრეტენდენტის დისკვალიფიკაცია. აღნიშნული შემოწმება განხორციელდება შემსყიდველის მიერ საამისოდ გამოყოფილი ინსპექტირების ჯგუფის მიერ და გაფორმდება დათვალიერების აქტი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე მომსახურების ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს ხელშეკრულებით გათვალისწინებული მომსახურების გაწევის დასრულების ვადას.

6.4.1 ტენდერში გამოყენებულ იქნება ხელშეკრულების შესრულების უზრუნველყოფის საბანკო გარანტია, სატენდერო დოკუმენტაციის 6.1 და 6.2 პუნქტების შესაბამისად, დანართი N3–ის მიხედვით.
6.4.2 უპირობო, გამოუთხოვადი ხელშეკრულების შესრულების უზრუნველყოფის გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.3 იმ შემთხვევაში თუ პრეტენდენტის მიერ ერთიან ელექტრონულ სისტემაში დაფიქსირებული სატენდერო წინადადება შეადგენს 200 000 ლარზე ნაკლებს, საბანკო გარანტიის მექანიზმი არ გამოიყენება.

ანგარიშსწორება მოხდება უნაღდო ანგარიშსწორებით ლარში, 2025 წლის ადგილობრივი ბიუჯეტის სახსრებით.

7.3.1 ეტაპობრივად, ფაქტიურად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.
7.3.2 შემსყიდველის წერილობითი დავალების შესრულების შემდეგ, სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს ან სხვა აკრედიტირებული პირის მიერ (სხვა აკრედიტირებული პირის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), ან დარგობრივი ორგანიზაციის (შპს, სსიპ, ა(ა)იპ) ან სამეცნიერო-კვლევითი ინსტიტუტის მიერ გაცემული შესაბამისი დასკვნის წარმოდგენისა და შუალედური მიღება-ჩაბარების აქტის საფუძველზე მოხდება გაწეული მომსახურების ღირებულების 80%-ის ანაზღაურება, ხოლო ამავე მომსახურების საბოლოო მიღება-ჩაბარების აქტის გაფორმების შემდეგ (საბოლოო მიღება-ჩაბარების აქტი გაფორმდება თესვის შედეგად წარმოქმნილი ერთგვაროვანი მწვანე საფარის ჩამოყალიბების დადასტურების შემდეგ) ანაზღაურდება დარჩენილი 20%.

ვერიკო ალშიბაია, 577044952, v.alshibaia@tbilisi.gov.ge , ტექნიკურ საკითხებთან დაკავშირებით საკონტაქტო პირი - ჯამბული ქანთარია, მობილური ტელეფონის ნომერი - 577151571, ელექტრონული ფოსტა - jambulkantaria5@gmail.com;

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 მომსახურების ხარჯთაღრიცხვა (დანართი N1) MS Excel-ის ფორმატის ფაილის სახით.
10.1.7.2 დოკუმენტაცია პრეტენდენტის გამოცდილების შესახებ , სატენდერო დოკუმენტაციის 2.2.1 პუნქტის შესაბამისად.
10.1.7.3 დოკუმენტაცია პრეტენდენტის მატერიალურ-ტექნიკური ბაზის შესახებ, სატენდერო დოკუმენტაციის 2.3.1 პუნქტის შესაბამისად.