Услуги в области бухгалтерского учета, аудита и налогообложения (Грузия - Тендер #60271214)

მიმწოდებელმა უნდა უზრუნველყოს შპს ,,აქტივების მართვისა და განვითარების კომპანიისთვის“ აქტივების შეფასების მომსახურება „შეფასების საერთაშორისო სტანდარტების“ (IVSC 2020) და ფინანსური ანგარიშგების საერთაშორისო სტანდარტ 13-ის (ფასს 13), „რეალური ღირებულების შეფასება“ მოთხოვნების შესაბამისად იმ მიზნით, რომ შეფასებული აქტივები აისახოს შპს ,,აქტივების მართვისა და განვითარების კომპანიის“ 2024 და 2025 წლების კონსოლიდირებულ ფინანსურ ანგარიშგებაში გადაფასების მოდელის შესაბამისად. შეფასებამ უნდა მოიცვას შპს ,,აქტივების მართვისა და განვითარების კომპანიის“ საინვესტიციო ქონება და ძირითადი საშუალებები. სახელმწიფო შესყიდვა არის ორწლიანი.

იხილეთ დანართი N1 ტექნიკური დავალება.

მომსახურების გაწევის ვადებია ხელშეკრულების გაფორმების შემდგომ 2 წლის განმავლობაში ეტაპობრივად, კერძოდ:
2024 წლის 1 იანვრის და 31 დეკემბრის მდგომარეობით შეფასების ანგარიშის საბოლოო ვერსია წარმოდგენილ უნდა იქნას შემსყიდველთან ელექტრონული ტენდერის შედეგად ხელშეკრულების გაფორმებიდან არაუგვიანეს 2025 წლის 20 აპრილისა, ხოლო 2025 წლის 31 დეკემბრის მდგომარეობით - არაუგვიანეს 2026 წლის 20 აპრილისა.
• მიმწოდებელი შეფასების ანგარიშის სამუშაო ვერსიას წარმოუდგენს შემსყიდველს არაუგვიანეს 2025/2026 წლის 1 აპრილისა.
• შემსყიდველმა ანგარიშის სამუშაო ვერსიის თაობაზე ფინანსური აუდიტორის მიერ გაკეთებული კომენტარები და შენიშვნები მიმწოდებელს უნდა წარუდგინოს ანგარიშის სამუშაო ვერსიის მიღებიდან 15 (თხუთმეტი) კალენდარული დღის განმავლობაში, არაუგვიანეს 2025/2026 წლის 20 აპრილისა. თუ შემსყიდველის მიერ კომენტარები და შენიშვნები არ იქნება წარდგენილი ამ ვადებში, ამ შემთხვევაში ანგარიშის სამუშაო ვერსია მიიჩნევა ანგარიშის საბოლოო ვერსიად იმ ფორმით, როგორც იყო წარდგენილი ანგარიშის სამუშაო ვერსია.
• მიმწოდებელი შემსყიდველს ანგარიშის საბოლოო ვერსიას წარუდგენს შემსყიდველის მხრიდან კომენტარების მიღებიდან 5 (ხუთი) კალენდარული დღის ვადაში, არაუგვიანეს მიმდინარე წლის 20 აპრილისა.

გაწეული მომსახურების შედეგების (დასკვნა) წარმოდგენა უნდა მოხდეს ქ. თბილისში კოსტავას ქ. N70-ში, შემსყიდველის სათაო ოფისში. დასკვნა წარმოდგენილ უნდა იქნას შპს ,,აქტივების მართვისა და განვითარების კომპანიის“ მიერ მომზადებულ ფორმაში, რომელიც შეთანხმებული იქნება ფინანსური აუდიტის ჩამტარებელ აუდიტორულ კომპანიასთან.

პრეტენდენტმა უნდა წარმოადგინოს ინფორმაცია აუდიტორულ ფირმაში დასაქმებულ სერტიფიცირებულ პირთა შესახებ (სახელები და გვარები), რომლებიც უშუალოდ ჩაერთვებიან მიმდინარე პროექტში - მინიმუმ 2 უძრავი ქონების ექსპერტი, მინიმუმ 2 მოძრავი ქონების ექსპერტი, 1 ბიზნესის შემფასებელი. (სერთიფიკატების მოქმედების ვადა უნდა აღემატებოდეს სატენდერო დოკუმენტაციით განსაზვრული მომსახურების გაწევის ვადას არანაკლებ 1 თვით. აღნიშნული ინფორმაცია შემსყიდველის მიერ შემოწმდება შესაბამის საჯარო ვებ-გვერდებზე).
ასევე, გამარჯვებულ პირთან ხელშეკრულების გაფორმების შემდეგ შემსყიდველი კომპანიისგან ინფორმაციის გამოთხოვნაზე უფლებამოსილი პირების ჩამონათვალი შეთანხმებული უნდა იყოს დამკვეთთან წერილობით. (ანალოგიური მოთხოვნები გავრცელდება ქვეკონტრაქტორ/ებზე, ასეთის არსებობის შემთხვევაში).

შეფასებას ხელს უნდა აწერდეს შემფასებელი, რომელსაც აქვს შემფასებლის უფლებამოსილება მოქმედი კანონმდებლობის მიხედვით (ბუღალტრული აღრიცხვის, ანგარიშგებისა და აუდიტის შესახებ კანონის 28 მუხლის მე-8 პუნქტის მიხედვით) . სამუშაოს მიახლოებითი მასშტაბის შესაფასებლად იხილეთ შპს ,,აქტივების მართვისა და განვითარების კომპანიის“ 2023 წლის ფინანსური ანგარიშგება პორტალ www.reportal.ge-ზე.

პრეტენდენტმა გამარჯვების შემთხვევაში ერთიან ელექტრონულ სისტემაში უნდა ატვირთოს რისკების დაზღვევის პოლისი ბუღალტრული აღრიცხვის, ანგარიშგებისა და აუდიტის ზედამხედველობის სამსახურის უფროსის 2016 წლის 17 ოქტომბრის №12 ბრძანების შესაბამისად.

პრეტენდენტს მინიჭებული უნდა ჰქონდეს სსიპ ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ სდპ (საზოგადოებრივი დაინტერესების პირი) აუდიტის უფლებამოსილება. (ინფორმაციის გადამოწმება მოხდება სსიპ ბუღალტრული აღრიცხვის, ანგარიშგებისა და აუდიტის ზედამხედველობის სამსახურის საიტის მეშვეობით saras.gov.ge);

შემსყიდველი ორგანიზაციის მხრიდან სატენდერო დოკუმენტაციით განსაზღვრული ყველა მოთხოვნა, რომელიც ვრცელდება ტენდერში მონაწილე პრეტენდენტებზე, აგრეთვე ანალოგიურად გავრცელდება ქვეკონტრაქტორ კომპანიებზე.
ქვეკონტრაქტორ(ებ)ის არსებობის შემთხვევაში, პრეტენდენტმა უნდა წარმოადგინოს გაფორმებული მოქმედი ხელშეკრულებ(ებ)ი, რომელთა მოქმედების ვადა იქნება არანაკლებ წინამდებარე ტენდერით გათვალისწინებული მომსახურების ვადისა. ხელშეკრულებაში ზუსტად უნდა იყოს განსაზღვრული ის სამუშაოები, რომელსაც ასრულებს ქვეკონტრაქტორი.

2.9.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს ქართულ ენაზე შესრულებული თარგმანი, ნოტარიული წესით დამოწმებული;
2.9.2 სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისი უფლებამოსილი პირის მიერ ან/და დამოწმებული კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემის საშუალებით უნდა წარმოადგინოს შესაბამისი მინდობილობა.
2.9.3 პრეტენდენტს უფლება აქვს წარმოადგინოს მხოლოდ ერთი სატენდერო წინადადება
2.9.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და ყველა ხარჯის გათვალისწინებით.
2.9.5 სატენდერო წინადადების საერთო ფასის წარმოდგენა დასაშვებია მხოლოდ ეროვნულ ვალუტაში - ლარში;
2.9.6 სატენდერო წინადადების წარდგენით პრეტენდენტი ავტომატურად გამოხატავს თანხმობას ტექნიკური პირობებით განსაზღვრულ მოთხოვნებზე.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

5 Процентов

10 Процентов

ხელშეკრულების შესრულების უპირობო და გამოუთხოვადი გარანტიის მოქმედების ვადა 30 კალენდარული დღით უნდა აღემატებოდეს ხელშეკრულების მოქმედების ვადას.

6.4.1 ხელშეკრულების შესრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის” მიერ ლიცენზირებული სადაზღვევო დაწესებულებიდან, ეროვნულ ვალუტაში - ლარი. შესაძლებელია ასევე, წარმოდგენილ იქნას უცხო ქვეყნის საბანკო დაწესებულების მიერ გაცემული საბანკო გარანტია, რომელიც გადაზღვეული იქნება საქართველოს ეროვნული ბანკის მიერ ლიცენზირებული საბანკო დაწესებულების მიერ.
6.4.2 ხელშეკრულების შესრულების უზრუნველყოფის გარანტია უნდა იყოს უპირობო და შემსყიდველს უფლებას აძლევდეს, გარანტიის გამცემი დაწესებულებისგან პირველივე მოთხოვნისთანავე, შემსყიდველის მხრიდან ყოველგვარი დასაბუთებისა და დოკუმენტაციის წარდგენის გარეშე, მიიღოს გარანტიით განსაზღვრული სრული თანხა.
6.4.3 ხელშეკრულების შესრულების უზრუნველყოფის გარანტია გამოიყენება მიმწოდებლის მიერ ხელშეკრულებით ნაკისრი ვალდებულებების შეუსრულებლობის ან არაჯეროვანი შესრულების რისკის თავიდან ასაცილებლად, ასევე, აღნიშნული ქმედებით გამოწვეული ნებისმიერი ზიანის ანაზღაურების მიზნით.
6.4.5 მიმწოდებლის მიერ ხელშეკრულებით ნაკისრი ვალდებულების სრულად შესრულების და შემსყიდველის მიერ ამ შესრულების მიღების შემდეგ, ასევე, ფორს-მაჟორული გარემოებების გამო ხელშეკრულების შეწყვეტის შემთხვევაში, შემსყიდველი ვალდებულია დაუბრუნოს მიმწოდებელს ხელშეკრულების შესრულების უზრუნველყოფის გარანტია.
6.4.6 მიმწოდებლის მიერ ხელშეკრულების შეწყვეტის შემთხვევაში, შემსყიდველი უფლებამოსილია, აამოქმედოს ხელშეკრულების შესრულების უზრუნველყოფის გარანტია.
6.4.7 შემსყიდველის მიერ ხელშეკრულებით გათვალისწინებულ შემთხვევაში (შემთხვევები, როდესაც შემსყიდველი უფლებამოსილია ცალმხრივად შეწყვიტოს ხელშეკრულება მიმწოდებლის ბრალეული ქმედებების გამო) ხელშეკრულების ცალმხრივად შეწყვეტისას, შემსყიდველი უფლებამოსილია მიმართოს გარანტიის გამცემ დაწესებულებას საბანკო გარანტიით გათვალისწინებული თანხის სრულად გამოთხოვის თაობაზე. ამ შემთხვევაში მიმწოდებელი არ თავისუფლდება შემსყიდველისათვის მიყენებული ზიანის ანაზღაურებისაგან, იმ სხვაობის ფარგლებში, რითაც აღემატება მიყენებული ზიანი ხელშეკრულების შესრულების უზრუნველყოფის გარანტიის ოდენობას.
6.4.8 სახელმწიფო შესყიდვების სააგენტოს თავმჯდომარის 2016 წლის 26 თებერვლის ბრძანება №2-ის შესაბამისად თეთრ სიაში დარეგისტრირებული პრეტენდენტის შემთხვევაში ხელშეკრულების შესრულების უზრუნველყოფის გარანტიის ოდენობა ნახევრდება.

7.2.1 მიმწოდებელთან ანგარიშსწორება განხორციელდება უნაღდო ანგარიშსწორების ფორმით, საქართველოს ეროვნულ ვალუტაში 2025 და 2026 წლების საკუთარი შემოსავლების ფარგლებში, შემდეგი განაწილებით:
2025 წელს გათვალისწინებული თანხა - 150 000.00 ლარი (აღნიშნული თანხა დაკორექტირდება ელექტრონულ ტენდერში გამარჯვებული პრეტენდენტის მიერ ვაჭრობის შედეგად დაფიქსირებული საბოლოო ფასის მიხედვით).
2026 წელს გათვალისწინებული სავარაუდო თანხა - 150 000.00 ლარი (აღნიშნული თანხა დაკორექტირდება ელექტრონულ ტენდერში გამარჯვებული პრეტენდენტის მიერ ვაჭრობის შედეგად დაფიქსირებული საბოლოო ფასის მიხედვით).

7.3.1. ანგარიშსწორება შემსყიდველის მიერ მოხდება შესაბამისი საგადასახადო ანგარიშ-ფაქტურის (კანონმდებლობით დადგენილ შემთხვევაში) წარმოდგენისა და მიღება–ჩაბარების აქტის ხელმოწერის შემდეგ არაუგვიანეს 10 სამუშაო დღის ვადაში.
7.3.2. თუ ანგარიშსწორების განხორციელების ვადის ბოლო დღე ემთხვევა არასამუშაო დღეს, მაშინ ანგარიშსწორება განხორციელდება მომდევნო სამუშაო დღეს.

თამარ ჯაფიაშვილი, 595034566, info@amadco.ge ინგა ცირდავა, 5 99 500 115, i.tsirdava@amadco.ge

პრეტენდენტის მიერ შესყიდვების ერთიან ელექტრონულ სისტემაში ასატვირთი დოკუმენტაცია:

1. ელექტრონულად ხელმოწერილი ტექნიკური დავალება - დანართი N1 (პუნქტი 1.2 შესაბამისად).
2. ფასების ცხრილი დანართი N2-ის შესაბამისად (პუნქტი 1.3 შესაბამისად).
3. მიმდინარე პროექტში ჩართული პირების აუდიტორების სახელმწიფო რეესტრის სარეგისტრაციო ნომრები (უნდა იყოს მოქმედი მომსახურების გაწევის მთელ პერიოდში) პუნქტი 2.4.1 შესაბამისად.
4. ქვეკონტრაქტორ(ებ)ის არსებობის შემთხვევაში ინფორმაცია სატენდერო დოკუმენტაციის 2.8.1. პუნქტის მოთხოვნის შესაბამისად.