Распределение воды и сопутствующие услуги (Грузия - Тендер #60271210)

სასმელი წყლის ფილტრაციის და დისპენსერების დროებით სარგებლობაში გადმოცემის მომსახურების შესყიდვა

სასმელი წყლის ფილტრაციის და დისპენსერების დროებით სარგებლობაში გადმოცემის მომსახურება გულისხმობს თანამედროვე საფილტრაციო სისტემით აღჭურვილი წყლის დისპენსერების მონტაჟს შემდგომში სუფთა სასმელი წყლით მომარაგების მიზნით;
მომსახურების გაწევის მისამართბი და დისპენსერების რაოდენობა იხილეთ ფასების ცხრილში;

• დისპენსერი განკუთვნილი უნდა იყოს ოფისისთვის (პარამეტრებით და ფუნქციებით); უნდა იყოს ექსპლუატაციაში არმყოფი (არ უნდა იყოს აღდგენილი და მეორადი);
• უნდა გააჩნდეს სასმელი წყლის ფილტრაციის თანამედროვე სტანდარტების შესაბამისი დისპენსერები სენსორული ან/და მექანიკური პანელით, ცივი, ცხელი და ოთახის ტემპერატურის წყლის ჩამოსხმის.
• ჯამური ავზის მოცულობა - არანაკლებ 5 ლიტრი.
დისპენსერის გაუმართაობის შემთხვევაში მიმწოდებელი ვალდებულია სატელეფონო ან/და ელექტრონული ფოსტის საშუალებით შეტყობინების მიღების შემდგომ ქ.თბილისში არაუგვიანეს 2 დღისა, ხოლო რეგიონებში არაუგვიანეს 3 დღისა შეცვალოს, ან ადგილზე შეაკეთოს გაუმართავი დისპენსერი.
• მიმწოდებელი ვალდებულია ყოველ 6 თვეში ერთხელ უზრუნველყოს ყველა დაისპენსერზე წყლის ფილტრების შეცვლა/შემსყიდველთან შეთანხმებით. − დისპენსერების ინსტალაციის ღირებულება, ისევე როგორც ფილტრების შეცვლა და ტექნიკური მონიტორინგი უნდა შედიოდეს შესყიდვის მომსახურების ფასში და პასუხს უნდა აგებდეს დისპენსერის მიმწოდებელი.
• დისპენსერი სავალდებულოა აღჭურვილი იყოს დაცვის შინაგანი და გარეგანი ორმაგი მექანიზმით :
1) გაჟონვის მექანიკური სტოპერი - რომელიც დისპენსერის შინაგანი დაზიანების შემთხვევაში გრძნობს გაჟონვას და ავტომატურად წყვეტს დისპენსერისთვის წყლის მიწოდებას.
2) დისპენსერს უნდა გააჩნდეს მექანიკური ან სენსორული ღილაკები სამივე ტემპერატურის წყლის მიწოდებისთვის.
3) წნევის მარეგულირებელი, რომელიც ასტაბილურებს შემავალ წნევას დისპენსერში.


- მიმწოდებელი ვალდებულია, იჯარით სარგებლობის პირობებში უსასყიდლოდ უზრუნველყოს ტექნიკური ჯგუფის მომსახურება, შეკეთება/საჭიროების შემთხვევაში ახლით ჩანაცვლება, ფილტრების შეცვლა, რაც ასევე ითვალისწინებს დისპენსერის მწყობრიდან გამოსვლის შედეგად შემსყიდველის დაზიანებული ქონების ზარალის ანაზღაურებას.
- მიმწოდებელი ვალდებულია ხელშეკრულების გაფორმებიდან არაუმეტეს 10 (ათი) სამუშაო დღის ვადაში უსასყიდლოდ გადასცეს შემსყიდველს დისპენსერები დროებითი სარგებლობის უფლებით და უზრუნველყოს მათი მონტაჟი შემსყიდველის მიერ მითითებულ ადგილას. დისპენსერები უნდა იყოს სუფთა, ვიზუალურად და ტექნიკურად გამართულ მდგომარეობაში;
- ხელშეკრულების ვადის გასვლის შემდეგ მიმწოდებელი ვალდებულია უკან წაიღოს თავისი ინვენტარი;
- მიმწოდებელი ვალდებულია საკუთარი ხარჯებით უზრუნველყოს სამონტაჟო სამუშაოები და აღადგინოს პირვანდელ მდგომარეობაში, მონტაჟის შედეგად დაზიანებული საოფისე სივრცე;
- მიმწოდებელი ვალდებულია ხელშეკრულების გაფორმებისთანავე შეადგინოს მოქნილი სქემა და თავად აწარმოოს წყლის ფილტრების შეცვლა/აღრიცხვა საჭიროების მიხედვით.

1.წყლის დისპენსერების დამონტაჟება უნდა განხორციელდეს ხელშეკრულების გაფორმებიდან 10 სამუშაო დღის ვადაში.

2. მომსახურების გაწევა უნდა განხორციელდეს დისპენსერების დამონტაჟებიდან 2025 წლის 31 დეკემბრის ჩათვლით.

მომსახურების გაწევა უნდა განხორციელდეს შემდეგ მისამართებზე:

1. ქ. თბილისი, ი.ჭავჭავაძის გამზ #49ა
2. ქ. თბილისი, რ.გაბაშვილის N71
3. ქ. თბილისი, ცაბაძის N17ა
4. ქ.გორი სამეფოს ქ. N50
5. ქ.ქუთაისი, ჯავახიშვილის ქ. N5
6. ქ.ფოთი 26 მაისის ქ. შენობა N2
7. ქ.ახალციხე 9 აპრილის ქ. N24
8. ქ. რუსთავი, ვახუშტის ქ. N8

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. პრეტენდენტმა უნდა წარმოადგინოს რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ მიმწოდებლის პროფილში;
2. დანართი №1 (ფასთა ცხრილი, პუნქტი 1.3);

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე:
1. შემსყიდველი ორგანიზაციის წერილობითი მოთხოვნის შემდგომ, პრეტენდენტმა უნდა უზრუნველყოს ფასწარმოქმნის ადეკვატურობის დასაბუთების წარმოდგენა ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/ აკრედიტაციის დამადასტურებელი დოკუმენტი).
2. პრეტენდენტმა, აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით.
3. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

1.ანგარიშსწორება მოხდება უნაღდო ანგარიშსწორებით ლარში, ეტაპობრივად, ფაქტობრივად მიწოდებული მომსახურების შესაბამისად.
2.ანგარიშსწორება მოხდება მიღება–ჩაბარების აქტის გაფორმების და ანგარიშფაქტურის წარმოდგენის შემდგომ.

დოკუმენტების სრულად წარმოდგენიდან არაუგვიანეს 10 (ათი) სამუშაო დღის განმავლობაში.

მარიამ სამსონია, 599455556, msamsonia@nasp.gov.ge

1. სატენდერო წინადადების ერთეული და საერთო ფასი გამოსახული უნდა იყოს მხოლოდ ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის ჩათვლით, დღგ-ს ჩათვლით;
2. პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. პრეტენდენტი ვალდებულია, მის მიერ შექმნილი, წინადადების სახით წარსადგენ დოკუმენტებზე (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.) შეასრულოს კვალიფიციური ელექტრონული ხელმოწერა (GEO Signing CA) ან/და ეს დოკუმენტები დაამოწმოს კვალიფიციური ელექტრონული შტამპით (GEO Eseal CA). აღნიშნულისთვის პრეტენდენტს აქვს ორი შესაძლო გზა:
2.1 ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
2.2 გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით (GEO Signing CA) ან/და კვალიფიციური შტამპით (GEO Eseal CA).
3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. არაქართულენოვანი დოკუმენტაცია არ განიხილება. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით, შესრულებული თარგმანები ქართულ ენაზე, ნოტარიულად დამოწმებული. დოკუმენტთან დაკავშირებული სადავო საკითხ (ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
4. პრეტენდენტმა უნდა უზრუნველყოს განფასება დ.ღ.გ-ს ჩათვლით დანართი №1-ის მიხედვით;
5. სხვადასხვა ვალუტაში გამოსახული სატენდერო წინადადება არ განიხილება;
6. ნავაჭრის დაზუსტების შემთხვევაში, პრეტენდენტმა ფასის კლება პოზიციებზე უნდა განახორციელოს პროპორციულობის პრინციპით, ასევე, კლება პრეტენდენტმა უნდა განახორციელოს სატენდერო წინადადებაში დაფიქსირებული ფასიდან გამომდინარე;
7. პრეტენდენტს არა აქვს უფლება წარმოადგინოს ალტერნატიული სატენდერო წინადადება..