Ремонт и техническое обслуживание транспортных средств и оборудования и сопутствующие услуги (Грузия - Тендер #60142405)

ქვემო ქართლში სახელმწიფო რწმუნებულის ადმინისტრაციის სარგებლობაში არსებული ავტომობილების შეკეთება და ტექნიკური მომსახურება.

1.2.1 სახელმწიფო შესყიდვების ერთიან ელექტრონულ სისტემაში სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.

1.2.2 შესყიდვის ობიექტის ტექნიკური პირობები:
ქვემო ქართლში სახელმწიფო რწმუნებულის ადმინისტრაციის სარგებლობაში არსებული ავტომობილები, რომლებზეც უნდა განხორციელდეს (პრეისკურანტით) მიმდინარე რემონტი და ტექ. მომსახურება:
ა. ავტომანქანის მარკა Toyota Land Cruiser prado, ბენზინი, გამოშვების წელი 2013 (დანართი1)
ბ. ავტომანქანის მარკა Toyota Land Cruiser HZJ76L, დიზელი, გამოშვების წელი 2014 (დანართი2)
გ. ავტომანქანის მარკა Hyundai Sonata, ბენზინი, გამოშვების წელი 2011 (დანართი 3)
დ. ავტომანქანის მარკა Hyundai Sonata, ბენზინი, გამოშვების წელი2011 (დანართი 3)
ე. ავტომანქანის მარკა skoda fabia, ბენზინი, გამოშვების წელი 2012(დანართი 4)


1.2.3. პრეტენდენტმა ელექტრონული ვაჭრობა უნდა განახორციელოს პრეისკურანტის სავარაუდო ჯამურ ღირებულებაზე. პრეისკურანტების სავარაუდო ჯამური ღირებულება შეადგენს 508051.38 ლარს.
1.2.4. პრეტენდენტის მიერ სატენდერო წინადადების ფასის ნებისმიერი შემცირების შემთხვევაში ფასთა კლება პროპორციულად უნდა აისახოს შემსყიდველის მიერ დაფიქსირებულ (ერთიან ელექტრონულ სისტემაში ატვირთულ) ფასების ცხრილებში მოცემული ჩამონათვალის თითოეულ ერთეულის ფასებზე (პრეისკურანტის ფასებზე), თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს ფასების ცხრილის ჯამური ღირებულებაც.

1.2.5 .პრეტენდენტის მიერ დაფიქსირებულ საბოლოო ფასის შესაბამის ფასების ცხრილში მითითებული ერთეულის საქონლის/მომსახურების ღირებულება არ უნდა აღემატებოდეს შემსყიდველის მიერ შესაბამის გრაფაში მითითებული საქონლის/მომსახურების ერთეულის სავარაუდო ღირებულებას, წინააღმდეგ შემთხვევაში მოხდება პრეტენდენტის დისკვალიფიკაცია.

1.2.6. შეცვლილი ავტონაწილები უნდა იყოს ახალი და მაღალი ხარისხის, რაზეც სრული პასუხისმგებლობა ეკისრება მიმწოდებელს.

1.2.7. იმ შემთხვევაში, თუ აღმოჩნდა, რომ მიმწოდებლის მიერ არ არის სრულყოფილად შესრულებული მომსახურება, ან შეცვლილ ნაწილს აღმოაჩნდა წუნი (დეფექტი), მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით შემსყიდველის მოთხოვნის შესაბამისად, მოთხოვნიდან 3 (სამი) სამუშაო დღის განმავლობაში. წუნით შესრულებული სამუშაოების დაფიქსირების შემთხვევაში აღნიშნული ოდენობის თანხა არ ანაზღაურდება, გამოვლენილი ყველა დეფექტის ან ნაკლის აღმოფხვრამდე.

1.2.8. პრეტენდენტის მიერ განხორციელებული ტექნიკური მომსახურების დროს, გამოყენებულ სათადარიგო ნაწილებზე უნდა ვრცელდებოდეს გარანტია არანაკლებ 1(ერთი) წელი. გარანტია არ ვრცელდება გარეგანი ზემოქმედების შედეგად მიყენებულ ზიანზე.


1.2.9. პრეტენდენტმა შემსყიდველის ავტოსატრანსპორტო საშუალებებს უნდა მიანიჭოს პრიორიტეტი, რაც გულისხმობს მათ რიგგარეშე და დაუყოვნებლივ მომსახურებას.

1.2.10. პრეტენდენტი ვალდებულია შემსყიდველის მიმართვისას ჩაატაროს ავტოსატრანსპორტო საშუალების დათვალიერება, რის შემდეგაც მხარეები ადგენენ დეფექტურ აქტს, რომელშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, მათი ღირებულებები.

1.2.11. პრეისკურანტის განფასების ცხრილში რომელიმე დეტალის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს პრეისკურანტის ჯამური ღირებულების 10%–ს.

1.2.12. პრეტენდენტმა უნდა უზრუნველყოს საქართველოს მთელ ტერიტორიაზე ტექნიკური დახმარება-ევაკუატორით მომსახურება, შეტყობინებისთანავე (დაუყოვნებლივ და უსასყიდლოდ).

მომსახურების გაწევის ვადა განისაზღვრება ხელშეკრულების გაფორმებიდან 2025 წლის 31 დეკემბრის ჩათვლით, შემსყიდველის მოთხოვნის შესაბამისად.

მომსახურების გაწევის ადგილი: - მიმწოდებებელს უნდა გააჩნდეს სერვისცენტრი ქ. თბილისში ან/და ქ.რუსთავში გარდა ამისა შესაძლებელია საქართველოს ნებისმიერ ტერიტორიაზე, ასეთის არსებობის შემთხვევაში. პრეტენდენტს უნდა გააჩნდეს ყოველდღიურად (გარდა კვირა დღისა) 10:00 სთ-დან არაუადრეს 18:00 სთ-მდე მოქმედი სერვის ცენტრი, სერვისცენტრი დაკომპლექტებული უნდა იყოს მაღალკვალიფიციური სპეციალისტებით და აღჭურვილი უნდა იყოს ყველა იმ აპარატურითა და დანადგარებით რაც ავტოსატრანსპორტო საშუალებების გამართულ ექსპლუატაციაში მოსაყვანად არის საჭირო.

სხვადასხვა სახის ავტოსატრანსპორტო საშუალებების ტექნიკური მომსახურება უნდა განხორციელდეს მიმწოდებლისა და შემსყიდველის უფლებამოსილი პირების მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების შემდეგ შედგენილი დეფექტური აქტის საფუძველზე. დეფექტურ აქტში მითითებულ უნდა იქნას დაზიანებული ავტოსატრანსპორტო საშუალების მარკა, მოდელი, სახელმწიფო ნომერი, აღმოჩენილი ხარვეზი, აღნიშნული ხარვეზის აღმოფხვრისათვის საჭირო გასაწევი მომსახურებების ჩამონათვალი (საჭიროების შემთხვევაში შესაცვლელი სათადარიგო ნაწილების გათვალისწინებით), მომსახურების გაწევის ვადები და განახორციელოს აღნიშნული მომსახურება პრეისკურანტში მითითებული ღირებულებების შესაბამისად.
საგარანტიო ვადის განმავლობაში მიმწოდებელი ვალდებულია დაუყოვნებლივ აღმოფხვრას აღმოჩენილი წუნი/დაზიანება.
მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი სახის ზიანის ანაზღაურების ვალდებულება ეკისრება მიმწოდებელს.
ტენდერში გამარჯვებულმა ორგანიზაციამ ყოველ კონკრეტულ შემთხვევაზე უნდა მიანიჭოს პრიორიტეტული უფლება შემსყიდველი ორგანიზაციის ავტოსატრანსპორტო საშუალებებს, რაც გულისხმობს მათ რიგგარეშე მომსახურებას.

შემსრულებლის მიერ განხორციელებულ ტექნიკური მომსახურების დროს გამოყენებულ სათადარიგო ნაწილებზე უნდა ვრცელდებოდეს გარანტია არანაკლებ 1 (ერთი) წელი.

პრეტენდენტს უნდა გააჩნდეს 2023-2024 წლის განმავლობაში სახელმწიფო (საჯარო) დაწესებულებებთან ანალოგიური მომსახურების განხორციელების გამოცდილება არანაკლებ 100 000 (ასი ათასი) ლარზე, რაზედაც პრეტენდენტმა ელექტრონულ სისტემაში უნდა ატვირთოს შესაბამისი დოკუმენტი სადაც მიეთითება მისი გამოცდილების დამადასტურებელი შესყიდვის განცხადების (ტენდერის) ნომერი. იმ შემთხვევაში, თუ ერთიან ელექტრონულ სისტემაში არ არის ატვირთული ხელშეკრულების შესრულების შესაბამისი დოკუმენტაცია, პრეტენდენტი ვალდებულია წარმოადგინოს აღნიშნული საბუთები.

პრეტენდენტს უნდა გააჩნდეს ყოველდღიურად (გარდა კვირა დღისა) 10:00 სთ-დან არაუადრეს 18:00 სთ-მდე მოქმედი სერვის ცენტრი და აღჭურვილი უნდა იყოს ყველა იმ აპარატურითა და დანადგარებით რაც ავტოსატრანსპორტო საშუალებების გამართულ ექსპლუატაციაში მოსაყვანად არის საჭირო, პრეტენდენტს უნდა ქონდეს არანაკლებ 6 ბოქსი და მინიმუმ 4 ავტოამწე. შესაბამისად პრეტენდენტმა უნდა წარმოადგინოს ცნობა მატერიალურ-ტექნიკური ბაზის შესახებ და სერვისცენტრის საკუთრების ან/და სარგებლობის დამადასტურებელი დოკუმენტები (ამონაწერი საჯარო რეესტრიდან, ხელშეკრულება) რომელიც უნდა იყოს მოქმედი, შემსყიდველის მიერ ატვირთული ხელშეკრულების პროექტით გათვალისწინებული მომსახურების ვადაში (2025 წლის 31 დეკემბრის ჩათვლით).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და აუდიტის დასკვნით (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), წარმოდგენილი დასკვნით უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით განსაზღვრული მომსახურების შესრულების შესაძლებლობა. დასკვნის ხარჯებს ფარავს პრეტენდენტი.
დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის 12 ბრძანებით დამტკიცებული ელექტრონული ტენდერის ჩატარების წესი.

7.2.1. ანგარიშსწორება მოხდება უნაღდო ანგარისწორებით, ლარში.
7.2.2. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
7.2.3. ანგარიშსწორება მოხდება ეტაპობრივად, ფაქტიურად გაწეული მომსახურების შესაბამისი მიღება–ჩაბარების აქტის გაფორმებიდან და შესაბამისი ფინანსური დოკუმენტაციის წარმოდგენიდან 10 (ათი) სამუშაო დღის განმავლობაში.
7.2.4. დაფინანსების წყარო: 2025 წლის სახელმწიფო ბიუჯეტი.

შესაბამისი დოკუმენტაციის გაფორმებიდან არაუგვიანეს 10 სამუშაო დღე.

კონსტანტინე მეტონიძე, 599857828, kotemetonidze@gmail.com

10.1.1 .პრეტენდენტის მიერ ერთიან ელექტრონულ სისტემაში ასატვირთი დოკუმენტები:
10.1.2 ფასების ცხრილი- პრეისკურანტის განფასებული დანართი # 1, # 2, # 3, # 4. (PDF და excel ფორმატით, უფლებამოსილი პირის მიერ ელექტრონულად ხელმოწერილი ან ორგანიზაციის მიერ შტამპ დადებული.)
10.1.3 ცნობა გამოცდილების შესახებ (PDF ფორმატით უფლებამოსილი პირის მიერ მიერ ელექტრონულად ხელმოწერილი ან ორგანიზაციის მიერ შტამპ დადებული) 2023-2024 წლების განმავლობაში სახელმწიფო (საჯარო) დაწესებულებებთან სახელშეკრულებო ღირებულებით - არანაკლებ 100 000 (ასი ათასი) ლარზე, ცნობაში პრეტენდენტმა უნდა მიუთითოს ანალოგიური მომსახურების შესყიდვის განცხადების (ტენდერის) ნომერი.
10.1.4 პრეტენდენტმა უნდა წარმოადგინოს ცნობა მატერიალურ- ტექნიკური ბაზის შესახებ და სერვისცენტრის საკუთრების ან/და სარგებლობის დამადასტურებელი დოკუმენტები (ამონაწერი საჯარო რეესტრიდან, ხელშეკრულება) რომელიც მოქმედებს შემსყიდველის მიერ ატვირთული ხელშეკრულების პროექტით გათვალისწინებული მომსახურების ვადაში.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.7 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.8 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.9 პრეტენდენტი ვალდებულია სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია დაამოწმოს/დაადასტუროს კვალიფიციური ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა: ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით; გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.
10.1.10 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.11 სატენდერო კომისია არ ახდენს პრეტენდენტის დისკვალიფიკაციას, თუ მისი ტექნიკური დოკუმენტაცია არ შეიცავს ისეთ მონაცემ(ებ)ს ან/და შეიცავს ისეთ უზუსტობას/უზუსტობებს, რომლის/რომელთა წარდგენა ან/და დაზუსტება არ გამოიწვევს ტექნიკური დოკუმენტაციის არსებით ცვლილებას ან/და არ გაზრდის წინადადების ფასს. ამასთან, დაზუსტებას არ ექვემდებარება ტექნიკური დოკუმენტაცია, თუ არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.12 მომსახურების მიწოდება უნდა განხორციელდეს სატენდერო დოკუმენტაციით გათვალისიწინებული პირობების შესაბამისად. იმ შემთხვევაში თუ გარკვეული მიზეზების გამო არ გახდა საჭირო შესყიდვის ობიექტით გათვალისწინებული მომსახურების სრული მიწოდება, მიმწოდებელს არ უნდა გააჩნდეს პრეტენზია მიუწოდებელი მომსახურების ღირებულების ანაზღაურებაზე. (შემსყიდველი არაა ვალდებული გააცნოს მიმწოდებელს მომსახურების სრულად არ მოთხოვნის მიზეზები).

შენიშვნა : დანართები N1 N2 N3 N4 (პრეისკურანტები) ერთიან ელექტრონულ სისტემაში ატვირთულია Excel ფაილად. შესაბამისად პრეტენდენტმა დანართები N1 N2 N3 N4 (პრეისკურანტები) ერთიან ელექტრუნულ სისტემაში ელქტრონულად ხელმოწერილ ან შტამპდადებული PDF ფაილის გარდა, აგრეთვე უნდა ატვირთოს Excel ფაილად.