Различые продукты питания (Грузия - Тендер #60116788)

საველე პირობებისთვის განკუთვნილი მშრალი ულუფის შესყიდვა.

ულუფის ტექნიკური მახასიათებლები:
- ერთი მშრალი ულუფის (პაკეტი) ენერგეტიკული ღირებულება უნდა შეადგენდეს არანაკლებ 1170 კალორიას.
- მშრალი ულუფის პაკეტი უნდა შეიცავდეს მზა კერძებს და საჭიროებდეს მხოლოდ შეთბობას;
- მშრალი ულუფის პაკეტის თითოეული შემადგენელი საკვები კომპონენტ(ებ)ი უნდა იყოს ქარხნული წარმოების, ვაკუუმური შეფუთვით, ჰერმეტული, წყალგაუმტარი, შეფუთვაზე მითითებული უნდა იყოს თითოეული კომპონენტის დასახელება, შემადგენლობა, გამოშვების თარიღი, ვარგისიანობის ვადა, ენერგეტიკული ღირებულება, გრამაჟი და საკვები დანამატი (არსებობის შემთხვევაში);
- მშრალი ულუფის პაკეტზე უნდა იყოს მითითებული მისი ენერგეტიკული ღირებულება, შემადგენლობა, შეფუთვის თარიღი, სერიული ნომერი და გამოყენების ინსტუქცია ქართულ ენაზე,მოქმედი კანონმდებლობის შესაბამისად;
- ხორციანი კერძი მომზადებული უნდა იყოს მხოლოდ საქონლის ხორცისაგან;
- შესაძლებლობიდან გამომდინარე თითოეულ პაკეტს უნდა გააჩნდეს ერთნაირი გამოშვების სერია.

შენიშვნა: მშრალი ულუფის კომპონენტები არ უნდა შეიცავდეს საქართველოს კანონმდებლობით
აკრძალულ საკვებ დანამატებს: კალიუმის ბრომატს - E924a, კალციუმის ბრომატს - E924b, ციტრუსის
წითელს - E121, ამარანტს - E123, ფორმალდეჰიდს - E240.

მშრალი ულუფის პაკეტის შემცველობის შესახებ ინფორმაცია იხილეთ მიმაგრებულ ფაილში:

ეტაპობრივად 2025 წლის 10 დეკემბრის ჩათვლით, შემსყიდველის მოთხოვნიდან არაუმეტეს 45 კალენდარული დღის განმავლობაში (მოთხოვნა განხორციელდება მეილის ან/და სატელეფონო კომუკიკაციის საშუალებით).

მიწოდების ადგილი თბილისი უცნობ გმირთა 182/ან ქუთაისი ავტომშენებლის 41 (ერთჯერადი მოთხოვნა არანაკლებ 5000 პაკეტი)

პრეტენდენტმა უნდა წარმოადგინოს ინფორმაცია საქონლის ვარგისიანობის ვადის შესახებ:
- მშრალი ულუფის ყველა კომპონენტს უნდა გააჩნდეს მშრალი ულუფის ვარგისანობის ვადა მიღება-ჩაბარების გაფორმებიდან უნდა განისაზღვრებოდეს არანაკლებ 18 თვე და ვადის შესახებ ინფორმაცია დატანილი უნდა იყოს მშრალი ულუფის ყველა კომპონენტზე); 80 F (27°C) ( მშრალ ულუფაზე წონის/ტემპერატურის მითითება შესაძლებელია ექვივალენტური მაჩვენებლის) ტემპერატურის შენახვის პირობების მითითებით.

პრეტენდენტმა ფასების ცხრილში (დანართი N1) უნდა მიუთითოს ინფორმაცია მისაწოდებელი საქონლის, ასევე მშრალი ულუფის შემადგენელი ყველა კომპონენტის მწარმოებელი/ბრენდი და წარმოშობის ქვეყნის შესახებ, აღნიშნული ინფორმაციის წარმოუდგენლობა გამოიწვევს პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების „ელექტრონული ტენდერის ჩატარების წესის" შესაბამისად.

ტენდერში მონაწილე პრეტენდენტს 2022 წლის 01 იანვრიდან მოცემულ ტენდერში წინადადებების მიღების დასრულების დღემდე უნდა გააჩნდეს კვების წარმოების ან/და საკვები საქონლის მიწოდების გამოცდილება (მშრალი ულუფის, დაკონსერვებული მზა პროდუქციის მაგ: დაკონსერვებული ლორის ძეხვი, საქონლის ხორცის კონსერვი და ა.შ), რომლის ჯამური ღირებულებაც უნდა შეადგენდეს არანაკლებ 100 000 (ასი ათასი) ლარს.აღნიშნულის დასტურად, პრეტენდენტმა ელექტრონულ სისტემაში უნდა ატვირთოს ხელშეკრულებ(ები)ა და ამ ხელშეკრულების საფუძველზე გაფორმებული მიღება-ჩაბარების აქტ(ებ)ი.ან/და შესრულების დამადასტურებელი სხვა დოკუმენტაცია.

- მშრალ ულუფას უნდა მოჰყვებოდეს ლაბორატორიული დასკვნის დედანი, რომლითაც უნდა დასტურდებოდეს სატენდერო დოკუმენტაციის 1.2 პუნქტში მოცემული მშრალი ულუფის კომპონენტების ადამიანის საკვებისთვის ვარგისიანობის შესახებ ინფორმაცია.
- ლაბორატორიულ დასკვნაში, ასევე, მითითებული უნდა იყოს ლაბორატორიული შემოწმების დამკვეთის, მშრალი ულუფის მწარმოებლის და ფირმის სახელწოდება. ამასთან, პრეტენდენტმა უნდა წარმოადგინოს სატენდერო დოკუმენტაციის 1.2 პუნქტში მოცემული გასაცხელებელი საშუალების შემოწმების დასკვნა საიდანაც უნდა დგინდებოდეს:
1. გასაცხელებელი საშუალება არ შეიცავს მაგნეზიუმს;
2. გასაცხელებელი საშუალების ეგზოთერმული რეაქციის დროს გამოყოფილი ორთქლი უვნებელია ადამიანებისთვის;

• ლაბორატორიული დასკვნის დედანთან და ნიმუშთან ერთად წარმოდგენილი უნდა იყოს ექსპერტიზაგავლილი (გამოკვლეული) ნიმუში დალუქულ მდგომარეობაში. (წარმოდგენილი უნდა იქნას ყველა კომპონენტი, რომელიც შემოწმებული იქნა ლაბორატორიაში/საექსპერტო დაწესებულებაში.

• დასკვნა გაცემული უნდა იყოს უშუალოდ პრეტენდენტის მიერ შემოთავაზებულ საქონელზე, დასკვნა გაცემული უნდა იყოს ქვემოთ ჩამოთვლილი ერთ-ერთი აკრედიტირებული საექსპერტო დაწესებულების ან ლაბორატორიის მიერ ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული შესაბამისი დასკვნის დედნები.

- სსიპ „ლევან სამხარაულის სახელობის სასამართლო ექსპერტიზის ეროვნული ბიურო“;
- საქართველოში აკრედიტებული ლაბორატორია;
- SGS;
- INTERTEK;
- EKOTEKS.
- SATRA;
- Teknoteks;
ზემოაღნიშნულ მოთხოვნათა დაუცველობის შემთხვევაში სატენდერო წინადადება არ ჩაითვლება მისაღებად, გარდა იმ შემთხვევისა, როდესაც აღნიშნული პირობების დაუცველობა განპირობებულია ლაბორატორიაში/საექსპერტო დაწესებულებაში არსებული პრაქტიკით ან შიდა რეგულაციებით ან კვლევის მეთოდოლოგიით. აღნიშნული მიზეზების არსებობა უნდა დასტურდებოდეს ლაბორატორიის საექსპერტო დაწესებულების ოფიციალური დოკუმენტით, არ იგულისხმება ელ.ფოსტაში მომზადებული ტექსტი, გარდა ელექტრონულ ფოსტაზე ლაბორატორიის/საექსპერტო დაწესებულების ოფიციალური ელექტრონული ფოსტის მეშვეობით გაკეთებული შეტყობინებისა.
აღნიშნული დოკუმენტი წარმოდგენილი უნდა იყოს შესყიდვის ობიექტის მიწოდების განსაზღვრული ვადის ფარგლებში.

ქ. თბილისი, გორგასლის ქ. N83 ა

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 30 კალენდარული დღით უნდა აღემატებოდეს ხელშეკრულების მოქმედების ვადას (ხელშეკრულების მოქმედების ვადად განისაზღვრება 2026 წლის 31 იანვარი).

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

მხარეები ანგარიშსწორებას ახორციელებენ ლარებში, უნაღდო ანგარიშსწორებით;
- მიმწოდებელი ანგარიშსწორებისას ვალდებულია წარმოადგინოს ფაქტიურად მიწოდებული საქონლის ღირებულება (ყველა გადასახადის გათვალისწინებით);
- ანგარიშსწორება შემსყიდველის მიერ განხორციელდება ფაქტიურად მოწოდებულ საქონელზე მიღება-ჩაბარების აქტის გაფორმებისა და საქართველოს კანონმდებლობის შესაბამისად, ანაზღაურებისათვის სათანადო დოკუმენტაციის (შესაბამისი სასაქონლო ზედნადებისა ან/და კანონით გათვალისწინებულ შემთხვევაში საგადასახადო ანგარიშ-ფაქტურის გამოწერის) წარმოდგენის შემდეგ;
- ხელშეკრულების ფარგლებში ანაზღაურებული იქნება მხოლოდ იმ მოწოდებული საქონლის ღირებულება, რომლის მოცულობასა და ხარისხზე არსებობს ორივე მხარის მიერ დადასტურებული აქტი

ანგარიშსწორება შემსყიდველის მიერ განხორციელდება ფაქტიურად მიწოდებულ საქონელზე მიღება-ჩაბარების აქტის გაფორმებისა და საქართველოს კანონმდებლობის შესაბამისად, ანაზღაურებისათვის სათანადო დოკუმენტაციის (შესაბამისი სასაქონლო ზედნადებისა ან/და კანონით გათვალისწინებულ შემთხვევაში საგადასახადო ანგარიშ-ფაქტურის გამოწერის) წარმოდგენის შემდეგ არაუგვიანეს 10 (ათი) სამუშაო დღის განმავლობაში.

ზაზა კანდელაკი, 577939904, z_kandelaki@mia.gov.ge

ალტერნატიული სატენდერო წინადადება არ მიიღება;
- სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;
- პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ფასების ცხრილი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით. აღნიშნულისთვის პრეტენდენტს აქვს ორი შესაძლო გზა: 1) ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით; 2) გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.
- რაც შეეხება სატენდერო პირობებით მოთხოვნილ სხვა დამატებით ინფორმაციას, მაგალითად: გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
- სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
- სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
- სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
- ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
- სატენდერო დოკუმენტაციაში, შესყიდვის ობიექტის ტექნიკური და ხარისხობრივი მაჩვენებლების აღწერისას, სადაც მითითებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი“ ან/და „ეკვივალენტური“. ასეთ შემთხვევაში, პრეტენდენტი ვალდებულია წარმოადგინოს სატენდერო დოკუმენტაციით განსაზღვრული შესყიდვის ობიექტის მსგავსი ან/და ეკვივალენტური მახასიათებლების მქონე საქონელი/მომსახურება;
- სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.
- ამხანაგობის მონაწილეებმა ტექნიკურ დოკუმენტაციაში მკაფიოდ უნდა განსაზღვრონ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის ხელშეკრულების ფარგლებში, წინააღმდეგ შემთხვევაში ,,ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 24-ე მუხლის მე-5 და მე-7 პუნქტების შესაბამისად ამავე ბრძანების 32-ე მუხლის პირველი პუნქტების ,,ბ“ ქვეპუნქტის საფუძველზე პრეტენდენტ ამხანაგობას მიეცემა დიკსვალიფიკაცია. ამასთან, ამხანაგობის შემთხვევაში სამუშაოების წარმოების უფლება მიეცემა მასში შემავალ კომპანიას მის მიერ განხორციელებული გამოცდილების ნაწილში.
- სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
- პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.