Ремонт и техническое обслуживание транспортных средств и оборудования и сопутствующие услуги (Грузия - Тендер #60043064)

შპს აქტივების მართვისა და განვითარების კომპანიის საკუთრებაში არსებული ავტოსატრანსპორტო საშუალებების რეცხვისა და ქიმწმენდის მომსახურება.

ავტომანქანების (სედანი, ჯიპი/პიკაპი) რეცხვა/გასუფთავების მომსახურება უნდა განხორციელდეს საბარათე (პლასტიკური ბარათი) ან/და ტალონების სისტემის მეშვეობით.


1.2.1 ავტომანქანების რეცხვა/გასუფთავების მომსახურება უნდა განხორციელდეს საბარათე (პლასტიკური ბარათი) ან/და ტალონების სისტემის მეშვეობით.
• პლასტიკური ბარათებით მომსახურების შემთხვევაში:
ტენდერში გამარჯვებული ორგანიზაცია ვალდებულია, შემსყიდველი უზრუნველყოს ისეთი ტიპის ელექტრონული საშუალებით, რომლის მეშვეობითაც შემსყიდველს შესაძლებლობა ექნება გაააქტიუროს შეძენილი, მისი კუთვნილი რეცხვის მომსახურების ლიმიტები სპეციალურ ანგარიშზე, ონლაინ, 24 საათის განმავლობაში შეუზღუდავად, პლასტიკურ ბარათებზე მისი შემდგომი განაწილების მიზნით. სპეციალურ ანგარიშზე რეცხვის მომსახურების ჩარიცხვის შემდეგ იგი უნდა წარმოადგენდეს შემსყიდველი ორგანიზაციის საკუთრებას და შემსყიდველ ორგანიზაციას უფლება უნდა ჰქონდეს ანგარიშზე არსებული ნაშთის ფარგლებში შეუზღუდავად, თავისი შეხედულებისამებრ, გადაანაწილოს მის კუთვნილ ერთ ან რამდენიმე პლასტიკურ ბარათზე. პლასტიკური ბარათის წარდგენის შემთხვევაში, მისი წარმდგენი უფლებამოსილია მიიღოს ბარათზე ჩარიცხული რეცხვის მომსახურება შესაბამის ავტოსამრეცხაო სადგურში. მიმწოდებლის მიერ გაცემულ ქვითარზე ასახული უნდა იყოს დარჩენილი რეცხვის რაოდენობა.
მიმწოდებელმა უნდა უზრუნველყოს პლასტიკური ბარათების დამზადება, ავტოსატრანსპორტო საშუალებების სახელმწიფო ნომრების დატანით და შემსყიდველისათვის უსასყიდლოდ მიწოდება ხელშეკრულების გაფორმებიდან 5 (ხუთი) სამუშაო დღის განმავლობაში.
• ტალონებით მომსახურების შემთხვევაში:
ტენდერში გამარჯვებული ორგანიზაცია ვალდებულია, მომსახურების დამადასტურებელ ტალონებზე უზრუნველყოს მიმწოდებლისა და შემსყიდველის დასახელების (შესაძლებელია ლოგოტიპი), ავტომობილის სახელმწიფო სარეგისტრაციო ნომრის განთავსება, უნდა იყოს დანომრილი და დამოწმებული უნდა იყოს ბეჭედით. მიმწოდებელმა უნდა უზრუნველყოს ტალონების დამზადება და შემსყიდველისათვის უსასყიდლოდ მიწოდება ხელშეკრულების გაფორმებიდან 5 (ხუთი) სამუშაო დღის განმავლობაში.


1.2.2 მიმწოდებელმა უნდა უზრუნველყოს სატრანსპორტო საშუალებების გარეგანი რეცხვა უკონტაქტო რეცხვისათვის საჭირო მაღალი წნევის სარეცხი აპარატურით და ასევე შიდა (სალონის, საბარგული) ნაწილის რეცხვა მტვერსასრუტით/ხელით. რეცხვა უნდა წარმოებდეს მაღალი ხარისხის სარეცხი და საწმენდი სპეციალური საშუალებებისა (ქაფი, გელი, სპეციალური სითხეები, საბურავის საწმენდი საშუალებები და სხვა) და სპეციალური მოწყობილობების გამოყენებით. რეცხვის შემდეგ უნდა მოხდეს ავტომანქანის გაშრობა.
1.2.3 ქიმიურ წმენდაში შედის ავტომობილის საბარგულის, სალონის, ჭერის იატაკის, სავარძლების, ფეხსაგების, სავენტილაციო, გათბობისა და კონდიცირების მილების წმენდა-დეზინფექცია, ინტერიერის სრულფასოვნად წმენდა. ავტოტრანსპორტის ქიმიური წმენდა უნდა მოხდეს შესაბამისი აპარატით (ქიმიური ხსნარის შემფრქვევი და უკან გამოსატუმბი აპარატი), მტვერსასრუტით, მობილური საშრობით და ამისთვის გამოყენებული უნდა იქნას უმაღლესი ხარისხის და ჯანმრთელობისთვის უსაფრთხო სპეციალური ხსნარები.
ქიმიური წმენდის მომსახურება უნდა განხორციელდეს მხოლოდ შემსყიდველის უფლებამოსილი წარმომადგენლის მიერ მიმწოდებელზე გადაცემული დავალებიდან არაუგვიანეს 3 (სამი) კალენდარული დღის ვადაში.
1.2.4 ავტომანქანების რეცხვითი და ქიმიური წმენდის მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზიანის აღმოფხვის ხარჯების ანაზღაურება ეკისრება მიმწოდებელს.
1.2.5 ავტოსამრეცხაოსთან მისასვლელი გზა უნდა იყოს კეთილმოწყობილი (მოასფალტებული ან სხვა შესაბამისი მასალით მოპირკეთებული).
1.2.6 ავტომანქანების რეცხვითი და ქიმიური წმენდის მომსახურების გაწევის დაწყება უნდა მოხდეს მიმწოდებლის საკუთრებაში/სარგებლობაში, არსებულ ავტოსამრეცხაო(ებ)ში (ყოველდღიური გრაფიკით 09:00 საათიდან არანაკლებ 20:00 საათამდე) შემსყიდველის თანამშრომლების მიერ ავტომანქანის მიყვანიდან, სატელეფონო კომინუკაციიდან ან/და შესაბამისი ბარათის წარდგენიდან არაუგვიანეს 30 წუთის განმავლობაში. ამასთან, შემსყიდველის მოთხოვნის შემთხვევაში მიმწოდებელმა უნდა უზრუნველყოს სატელეფონო კონტაქტის საშუალებით შემსყიდველისათვის ინფორმაციის მიწოდება თავისუფალი სამრეცხაო ბოქსის შესახებ, რათა არ მოხდეს შემსყიდველის ავტომანქანის დაყოვნება ადგილზე მისვლისას.
1.2.7 შემსყიდველი უფლებამოსილია, გადაამოწმოს პრეტენდენტის მიერ წარმოდგენილ მისამართებზე განთვსებული ავტოსამრეცხაოების შესაბამისობა სატენდერო დოკუმენტაციის ტექნიკურ პირობებთან მიმართებაში.
1.2.8 ავტომანქანაზე სახელმწიფო ნომრის შეცვლის, ან შემსყიდველის ბალანსზე ახალი ავტომობილის დამატების შემთხვევაში მიმწოდებელი ვალდებულია უზრუნველყოს შესაბამისი ტალონების/ბარათების უსასყიდლოდ დამზადება და მიწოდება შესაბამისი ინფორმაციის მიწოდებიდან არაუგვიანეს 3 (სამი) სამუშაო დღის ვადაში.


შენიშვნა:
• სატენდერო წინადადების წარმომდგენი პრეტენდენტი ავტომატურად ეთანხმება სატენდერო პირობების 1.2 პუნტში მოცემული ტექნიკური დავალებით განსაზღვრულ პირობებს.
• სატენდერო პირობების 1.2 პუნტში მოცემული ტექნიკური დავალება წარმოადგენს დანართს N1, რაც დაერთვება ხელშეკრულებას.

მომსახურების გაწევის ვადა: ტენდერის შედეგად გაფორმებული ხელშეკრულების ხელმოწერიდან 2025 წლის 31 დეკემბრის ჩათვლით, ეტაპობრივად.

მომსახურების გაწევის ადგილია მიმწოდებლის საკუთრებაში/სარგებლობაში არსებული ავტოსამრეცხაო(ები) სატენდერო პირობების 1.2 პუნქტში განსაზღვრული მოთხოვნების შესაბამისად.

პრეტენდენტს საკუთრებაში/სარგებლობაში უნდა გააჩნდეს მინიმუმ ერთი ავტოსამრეცხაო არანაკლებ 4 (ოთხი) ე.წ. „ბოქსით“ ქ. თბილისში, შემსყიდველის ცენტრალური ოფისიდან (კოსტავას ქ.N70) საავტომობილო გზით არაუმეტეს 3 კილომეტრში (მოქმედი მინიმუმ 2025 წლის 1 იანვრიდან 2025 წლის 31 დეკემბრის ჩათვლით), სადაც ერთდროულად უნდა შეძლოს არანაკლებ 3 (სამი) ავტომანქანის რეცხვა და მინიმუმ 1 (ერთი) ავტომანქანის ქიმიური წმენდა.
ავტოსამრეცხაო უნდა იყოს გადახურული ნაგებობა და აღჭურვილი თანამედროვე შესაბამისი აპარატურითა და დანადგარებით (ერთდროულად არანაკლებ 3 (სამი) ავტომანქანის უკონტაქტო რეცხვისათვის საჭირო მაღალი წნევის სარეცხი აპარატურა, მტვერსასრუტი, ქაფის აპარატი ა.შ. და მინიმუმ 1 (ერთი) ერთეული ქიმიური წმენდის აპარატი (ქიმიური ხსნარის შემფრქვევი და უკან გამოსატუმბი აპარატი) მტვერსასრუტით და მობილური საშრობით)).
შენიშვნა:

პრეტენდენტის მიერ სატენდერო წინადადებით წარმოდგენილი ავტოსამრეცაო(ები)ს სატენდერო პირობებთან შესაბამისობის დადგენის მიზნით, აუცილებლობის შემთხვევაში, შესწავლილი იქნება შემსყიდველის მიერ. იმ შემთხვევაში თუ შემოთავაზებული ავტოსამრეცხაო(ები) არ დააკმაყოფილებს სატენდერო პირობების მოთხოვნებს მოხდება პრეტენდენტის დისკვალიფიკაცია.

2.9.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
2.9.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
2.9.3 პრეტენდენტის მიერ შექმნილი, წინადადების სახით წარმოსადგენი დოკუმენტები უნდა იქნას ელექტრონულად ხელმოწერილი შესაბამისად უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა, რწმუნებულება...) ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტმა, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტზე უნდა შეასრულოს კვალიფიციური ელექტრონული ხელმოწერა ან/და ეს დოკუმენტი დაამოწმოს კვალიფიციური ელექტრონული შტამპით (იხ. ინსტრუქცია შემდეგ ბმულზე: http://procurement.gov.ge/ELibrary/metod-mititebebi-da-recomendaciebi.aspx.
2.9.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით.
2.9.5 სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
2.9.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია სისტემაში ატვირთოს ფასწარმოქმნის ადეკვატურობის დამადასტურებელი დოკუმენტი.
ფასწარმოქმნის ადეკვატურობა, უნდა დასაბუთდეს ექსპერტიზის დასკვნით (პრეტენდენტის მიერ დასკვნასთან ერთად ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან აუდიტორული დასკვნით (აუდიტორის დასკვნის წარმოდგენის შემთხვევაში, აუდიტორული კომპანია და აუდიტორი უნდა ირიცხებოდეს „ბუღალტრული აღრიცხვის, ანგარიშგების და აუდიტის ზედამხედველობის სამსახურის“ შესაბამის რეესტრში და წარმოდგენილ უნდა იქნას ინფორმაცია მათი სარეგისტრაციო ნომრების შესახებ).
ზემოაღნიშნული პირობების დაუცველობა, ფასწარმოქმნის ადეკვატურობის დასაბუთების დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული მოთხოვნები.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება ეტაპობრივად, თვის განმავლობაში მიმწოდებლის მიერ ფაქტობრივად გაწეული ავტომანქანების რეცხვის/ქიმწმენდის მომსახურების ღირებულების შესაბამისად, მხარეთა შორის მიღება-ჩაბარების აქტის გაფორმებიდან არაუგვიანეს 10 სამუშაო დღეში.

თამარ ჯაფიაშვილი, 595034566, info@amadco.ge ბექა ბერაძე 595 11 14 01, b.beradze@amadco.ge

პრეტენდენტის მიერ ერთიან ელექტრონულ სისტემაში ატვირთულ უნდა იქნას:
ა) ფასების ცხრილი;
ბ) დამადასტურებელი დოკუმენტი პრეტენდენტის საკუთრებაში/სარგებლობაში არსებული მინიმუმ ერთი ავტოსამრეცხაო(ები)ს შესახებ - ქ. თბილისში, შემსყიდველის ცენტრალური ოფისიდან (კოსტავას ქ.N70) საავტომობილო გზით არაუმეტეს 3 კილომეტრში არანაკლებ 4 (ოთხი) ე.წ. „ბოქსით“. სადაც მოხდება მომსახურების გაწევა (მოქმედი მინიმუმ 2025 წლის 1 იანვრიდან 2025 წლის 31 დეკემბრის ჩათვლით). ინფორმაცია უნდა მოიცავდეს მონაცემებს მატერიალურ-ტექნიკური ბაზის შესახებ - სატენდერო პირობების 2.3.1. პუნქტში მითითებული მოთხოვნების შესაბამისად.
გ) ელექტრონულად ხელმოწერილი ტექნიკური დავალება.