Отделочные строительные работы (Грузия - Тендер #60043059)

საქართველოს ეროვნულ ბოტანიკური ბაღის ტერიტორიაზე არსებული ყოფილი სასადილოს და მებაღის შენობის რეაბილიტაცია-რეკონსტრუქციის სამუშაოების სახელმწიფო შესყიდვა

შესყიდვა მოიცავს შემსყიდველის მიერ წარმოდგენილ საპროექტო-სახარჯთაღრიცხვო დოკუმენტაციით განსაზღვრულ სამშენებლო სამუშაოებს (იხ. დოკუმენტაცია)

სამუშაოების შესრულების ვადაა ხელშეკრულების გაფორმებიდან 120 (ას ოცი) კალენდარული დღე.

1.5.1 მომსახურების მიწოდების არეალი: ქალაქი თბილისი, ბოტანიკურის ქ. N1; საქართველოს ეროვნული ბოტანიკური ბაღი;
1.5.2 მომსახურების ყველა ეტაპის ანგარიში, შეთანხმების დოკუმენტები, საექსპერტო დასკვნა, ზედამხედველობის ანგარიშები ან/და სხვა დოკუმენტაცია წარდგენილ უნდა იყოს შემდეგ მისამართზე: ქ. თბილისი ბოტანიკურის ქ. N1, ა(ა)იპ საქართველოს ეროვნული ბოტანიკური ბაღის ადმინისტრაცია;
1.5.3 მიმწოდებელი უზრუნველყოფს შემოთავაზებული სამშენებლო მეთოდების და მასალის შესაბამისობას საპროექტო მოთხოვნებთან და სამშენებლო ნორმებთან მიმართებით. მშენებლობაზე გამოყენებული სამშენებლო მასალების წარმომავლობის და ხარისხის შესაბამისობის სერტიფიკატების, მწარმოებლის მიერ ქარხანაში ნიმუშების ანალიზის და მასალის ტექნიკური სპეციფიკაციების სახელშეკრულებო მოთხოვნებთან და სამშენებლო ნორმებთან შესაბამისობის დამადასტურებელი დოკუმენტაციის წარმოდგენას შემსყიდველის მიერ დანიშნული საზედამხედველო ორგანიზაციის მოთხოვნისთანავე.
1.5.4 მომწოდებელი უზრუნველყოფს ყველა საჭირო მასალის (ბეტონის, ინერტული მასალების და ა.შ.) ლაბორატორიული კვლევებს, რომელიც ჩატარებული უნდა იყოს აკრედიტირებული ლაბორატორიული ორგანოს მიერ, ასევე წარმოადგენს ამა თუ იმ მასალის და ნაკეთობის შესაბამისობის დამადასტურებელ დოკუმენტს.
1.5.5 მიმწოდებელი უზრუნველყოფს შესრულებული სამუშაოების დამადასტურებელი დოკუმენტის ფორმა-2-ის, საშემსრულებლო ნახაზების, ფარული სამუშაოების აქტების, ტექნოლოგიური გამოცდის აქტების მომზადებას ან/და დამოწმებას;
1.5.6 მიმწოდებელი უზრუნველყოფს საზედამხედველო ორგანიზაციის მიერ გამოვლენილი ხარვეზის დადგენილ ვადებში გამოსწორებას;

1.6.1 მიმწოდბელის მიერ შესრულებულ სამუშაოებზე უნდა ვრცელდებოდეს შემდეგი სახის საგარანტიო ვადები:
1. ელექტრო გაყვანილობის მოწყობაში, წყალმომარაგების, წყალსარინების, სანიაღვრე სამუშაოების და სხვა სამშენებლო-მოსაპირკეთებელი სამუშაოებისას გამოყენებულ მასალებზე საგარანტიო ვადა უნდა შეადგენდეს არანაკლებ - 5 (ხუთი) წელს.
2. ყველა სხვა სახის სამუშაოსა და გამოყენებულ მასალებზე არანაკლებ - 2 (ორი) წელი.
1.6.2 საგარანტიო პერიოდის განმავლობაში, ექსპლუატაციის პირობების დაცვის პირობებში, დეფექტის ან ხარვეზის აღმოჩენის შემთხვევაში მიმწოდებელი ვალდებულია გამოვლენილი დეფექტი გამოასწოროს შემსყიდველთან შეთანხმებულ გონივრულ ვადაში, თავისი ხარჯებით, შემსყიდველის მხრიდან რაიმე დანახარჯის გაწევის გარეშე;
1.6.3 მიმწოდებლის მიერ ტექნიკური დოკუმენტაციის 1.6.2 ქვეპუნქტში მითითებული ვალდებულების შეუსრულებლობის შემთხვევაში, შემსყიდველ ორგანიზაციას უფლება აქვს საკუთარი ხარჯებით აღმოფხვრას ექსპლუატაციის პროცესში გამოვლენილი დეფექტები და მოსთხოვოს მიმწოდებელს შესაბამისი ხარჯების სრულად ანაზღაურება.

2.2.1.1 მიმწოდებელს 2021-2024წ.წ. დასრულებული უნდა ჰქონდეს სამშენებლო, სარეაბილიტაციო და სარემონტო სამუშაოები ჯამურად არანაკლებ წინამდებარე ტენდერის შესყიდვის ობიექტის სავარაუდო ღირებულებისა;
2.2.1.2 ქვეკონტრაქტორ(ებ)ის არსებობის შემთხვევაში ქვეკონტრაქტორ(ებ)ის მიერ შესასრულებელი სამუშაოების ჯამური მოცულობა არ უნდა აღემატებოდეს შესასრულებელი სამუშაოების მთლიანი მოცულობის 40%-ს;
2.2.1.3 გამოცდილების დამადასტურებელი დოკუმენტ(ებ)ის შეფასებისას მხედველობაში მიიღება უშაულოდ პრეტენდენტის გამოცდილება.
2.2.1.4 იმ შემთხვევაში, თუ სამუშაოების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენებით და სამუშაოების შესყიდვისა და მიწოდების დამადასტურებელი დოკუმენტები ატვირთული არის სახელმწიფო შესყიდვების ერთიან ელექტრონულ სისტემაში, შესაძლებელია წარმოდგენილი იყოს ინფორმაცია სახელმწიფო შესყიდვების ერთიან ელექტრონულ სისტემაში შესყიდვის ნომრის (SPA, NAT, DAP, DEP, CMR) შესახებ.
2.2.1.5 იმ შემთხვევაში, თუ სამუშაოების შესყიდვა განხორციელებული არის სახელმწიფო შესყიდვების ერთიანი ელექტრონული სისტემის გამოყენების გარეშე, წარმოდგენილი უნდა იყოს დასრულებული ხელშეკრულებები და ამავე ხელშეკრულებების ფარგლებში სამუშაოების მიწოდების დამადასტურებელი დოკუმენტები.
2.2.1.6 იმ შემთხვევაში, თუ პრეტენდენტის მიერ წარმოდგენილი ინფორმაცია/დოკუმენტები ფორმალურად შეესაბამება შემსყიდველის მიერ მოთხოვნილს, მაგრამ მათი შინაარსიდან, ან წარმოდგენის ფორმიდან გამომდინარე, მათი მეშვეობით მკაფიოდ ვერ დგინდება ის მონაცემები, რომელთა დადგენის მიზნითაც იყო ისინი მოთხოვნილი, სატენდერო კომისია უფლებამოსილია, მოსთხოვოს პრეტენდენტს დამატებითი ინფორმაციის, ან/და დოკუმენტების წარმოდგენა.
2.2.1.7 ამხანაგობის ელექტრონულ ტენდერში მონაწილეობის შემთხვევაში ამხანაგობაში შემავალი თითოეული პირი 100%-ით უნდა აკმაყოფილებდეს სატენდერო დოკუმენტაციის 2.2.1 პუნქტის მოთხოვნებს. ამხანაგობის მიერ ელექტრონულ ტენდერში მონაწილეობის პირობები რეგულირდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესი"-ს 24-ე მუხლით.

2.5.1.1 პრეტენდენტმა უნდა წარმოადგინოს სამუშაოების შესრულების გეგმა-გრაფიკი;
2.5.1.2 სამშენებლო სამუშაოების დასრულება უნდა განხორციელდეს წარმოდგენილი გეგმა-გრაფიკის შესაბამისად. მიმწოდებელს უფლება აქვს ხელშეკრულების გაფორმების შემდეგ, წარუდგინოს შემსყიდველს ხელშეკრულებით განსაზღვრული გეგმა-გრაფიკისგან განსხვავებული გეგმა-გრაფიკი, თითოეული ეტაპის ცვლილებების მიზეზის მითითებით. შემსყიდველი ვალდებულია განიხილოს წარმოდგენილი დოკუმენტები და მიაწოდოს მიმწოდებელს გეგმა-გრაფიკის ცვლილებაზე თანხმობა ან დასაბუთებული უარი.

2.8.1.1 ქვეკონტრაქტორ(ებ)ის არსებობის შემთხვევაში ქვეკონტრაქტორ(ებ)ის მიერ შესასრულებელი სამუშაოების ჯამური მოცულობა არ უნდა აღემატებოდეს შესასრულებელი სამუშაოების მთლიანი მოცულობის 40%-ს;
2.8.1.2 ქვეკონტრაქტორს ბოლო სამი წლის მანძილზე (2022-2024წ.წ.) უნდა გააჩნდეს შესასრულებლად გადაცემული სამუშაოების ანალოგიური ტიპის, ხასიათის, სირთულის და შინაარსის სამუშაოების შესრულების გამოცდილება.
2.8.1.3 ქვეკონტრაქტორი კომპანია ან კომპანიები არ უნდა იყვნენ რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“; წინააღმდეგ შემთხვევაში მოხდება პრეტენდენტის დისკვალიფიკაცია წინამდებარე ტენდერიდან დაზუსტების გარეშე.

შენიშვნა: ანალოგიური ტიპის და ხასიათის სამუშაოებში ჩაითვლება ერთი ხელშეკრულების ფარგლებში შესრულებული სამუშაოები, რომელიც/რომლის ნაწილიც მოიცავს არანაკლებ უშაულოდ ქვეკონტრაქტით გადაცემული სამუშაოების ანალოგიური ხასიათის მოცულობით/თანხმობრივად შესრულების დადასტურება

პრეტენდენტმა წინამდებარე ელექტრონული ტენდერის ფარგლებში, სახელმწიფო შესყიდვების ერთიან ელექტრონულ სისტემაში უნდა ატვირთოს შემდეგი დოკუმენტები:

1. ხარჯთაღრიცხვა დანართი N1 (წინამდებარე სატენდერო პირობების 1.3 პუნქტი);
2. ინფორმაცია პრეტენდენტის გამოცდილების შესახებ (წინამდებარე სატენდერო პირობების 2.2.1 პუნქტი);
3. ფინანსური და კალენდარული გეგმა-გრაფიკი (წინამდებარე სატენდერო პირობების 2.5.1 პუნქტი);
4. ინფორმაცია საგარანტიო ვადების შესახებ (წინამდებარე სატენდერო პირობების 1.6 პუნქტი);

4.1.1.1 პრეტენდენტის მიერ სახელმწიფო შესყიდვების ერთიან ელექტრონულ სისტემაში დაფიქსირებულ სატენდერო წინადადების საბოლოო ფასსა და წინამდებარე ელექტრონული ტენდერის სავარაუდო ღირებულებას შორის 20%-ით, ან მეტი ოდენობით სხვაობის შემთხვევაში, პრეტენდენტი ვალდებულია საკუთარი ხარჯებით უზრუნველყოს ფასწარმოქმნის ადეკვატურობის, კერძოდ შემოთავაზებულ ფასად ელექტრონული ტენდერით გათვალისწინებული სამუშაოების შესრულების შესაძლებლობის დადასტურება.
4.1.1.2 ფასწარმოქმნის ადეკვატურობის დადასტურება უნდა განხორციელდეს სსიპ „ლევან სამხარაულის სახელობის სასამართლო ექსპერტიზის ეროვნული ბიურო“-ს, ან შესაბამის სფეროში სხვა აკრედიტებული პირის მიერ გაცემული დასკვნის საფუძველზე.
4.1.1.3 ფასწარმოქმნის ადეკვატურობის დამადასტურებელი დოკუმენტი შედგენილი და გაცემული უნდა იყოს საქართველოს მთავრობის 2017 წლის 26 სექტემბრის N439 დადენილებით დამტკიცებული "სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდი"-ს მოთხოვნების შესაბამისად.
4.1.1.4 ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებულ სატენდერო წინადადების საბოლოო ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულ ფასებთან მიმართებით.
4.1.1.5 პრეტენდენტის მიერ წარმოდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

7.2.1 შესრულებული სამუშაოების ფორმა-2-ის ნიმუში (ვერსია) წინასწარ უნდა იქნეს შეთანხმებული დამკვეთთან.
7.2.2 მიმწოდებელი შემსყიდველს და საზედამხედველო ორგანიზაციას წერილობით თანადროულად წარუდგენს შესრულებული სამუშაოების ამსახველ დოკუმენტაციას, ფორმა-2-ს, რომელიც წარმოდგენიდან 5 სამუშაო დღის ვადაში დადასტურებული ან/და დაკორექტირებული და დამოწმებული უნდა იყოს საზედამხედველო ორგანიზაციის დირექტორის/წარმომადგენლის, ტექ. ზედამხედველის/მენეჯერის, მიმწოდებლის დირექტორის/წარმომადგენლის, შემსყიდველის მიერ გამოყოფილი პასუხისმგებელი პირის/პირების მიერ და წარმოდგენილი უნდა იქნეს შემსყიდველთან.
7.2.3 საზედამხედველო ორგანიზაციის მიერ შემსყიდველთან წარმოდგენილ შესრულებულ სამუშაოთა დაექსპერტებულ ფორმა-2-ს, თან უნდა ერთვოდეს ყველა საჭირო დოკუმენტი, რომლიც დაადასტურებს შესრულებული სამუშაოების ხარისხს ან მის შესაბამისობას საპროექტო მოთხოვნებთან: ფარული სამუშაოების აქტები; მასალების წარმოშობის სერთიფიკატები; ლაბორატორიული კვლევის დასკვნები, ფოტომასალები და სხვა.
7.2.4 იმ შემთხვევაში თუ მიმწოდებელი არღვევს ხელშეკრულების და ტექნიკური დავალების პირობებს, საზედამხედველო ორგანიზაცია უფლებამოსილია შესაბამისი საჯარიმო სანქციები დაასაბუთოს და ასახოს წარმოდგენილ დოკუმენტში.
7.2.5 შემსყიდველთან წარმოდგენილი ფორმა-2-ის სისწორეზე სრული პასუხისმგებლობა ეკისრება, როგორც მიმწოდებელს, ასევე საზედამხედველო ორგანიზაციას.
7.2.6 ანაზღაურება განხორციელდება ეტაპობრივი მიღება-ჩაბარების აქტის გაფორმებიდან 10 სამუშაო დღის ვადაში;

ეტაპობრივი ან/და საბოლოო ანგარიშსწორება განხორციელდება მხარეთა შორის გაფორმებული მიღება-ჩაბარების აქტისა და საქართველოს კანონმდებლობით გათვალისწინებული შესაბამისი საგადასახადო დოკუმენტაციის წარმოდგენიდან 10 (ათი) სამუშაო დღის განმავლობაში.

რუსლან მამარდაშვილი, 598204502, r.mamardashvili@gmail.com

10.1.1 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3 პრეტენდენტს არ აქვს უფლება წარმოადგინოს ალტერნატიული წინადადება;
10.1.4 დაინტერესებულ პირს აქვს შესაძლებლობა ადგილზე გაეცნოს ვითარებას;
10.1.5 ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.6 პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.7 სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს;