Ремонт и техническое обслуживание транспортных средств и оборудования и сопутствующие услуги (Грузия - Тендер #60042985)

სსიპ - ღვინის ეროვნული სააგენტოს ბალანსზე რიცხული ავტოსატრანსპორტო საშუალებებისათვის რეცხვისა და ქიმწმენდის მომსახურების შესყიდვა.

* ხელით რეცხვაში იგულისხმება ავტომანქანის რეცხვა სტანდარტულად გარედან (მინიმუმ მაღალი ხარისხის სარეცხი საშუალებების (ქაფი) გამოყენებით, მაღალი წნევის სარეცხი მოწყობილობებით რეცხვა, წყლის გადავლება და გამშრალება) და შიგნიდან (მინიმუმ მტვერსასრუტით დასუფთავება, მტვრის და ჭუჭყის მოშორება ჩვრებით და სხვა სათანადო საშუალებებით);
* ქიმწმენდის მომსახურება გულისხმობს ავტომობილის სალონის, საბარგულის, ჭერის,იატაკის, სავარძლების, ფეხსაგების, ინტერიერის სრულფასოვნად წმენდას-ქიმიურ დამუშავებას.
* აუცილებელი პირობები: მომსახურების გაწევა უნდა განხორციელდეს მიმწოდებლის მიერ დამზადებული შესაბამისი მომსახურების დამადასტურებელი საბუთის - ტალონის მეშვეობით.
* ტალონი უნდა შეიცავდეს შემდეგ მინიმალურ ინფორმაციას:
ა) მიმწოდებლის დასახელება;
ბ) ტალონის საიდენტიფიკაციო ნომერი;
გ) ავტომანქანის სახეობა (ტიპი);
დ) მომსახურების სახეობა;
ე) ტალონის ცალი მხარე დამოწმებული უნდა იყოს შემსყიდველის ბეჭდით, რომელზეც დატანილი იქნება ავტომანქანის სახელმწიფო ნომერი, დაუმოწმებელ ტალონზე მიმწოდებლის მიერ მომსახურება არ უნდა განხორციელდეს;
* შემსყიდველის მოთხოვნიდან 2 (ორი) სამუშაო დღის ვადაში მიმწოდებელმა უნდა უზრუნველყოს შემსყიდველისთვის მოთხოვნილი რაოდენობის ტალონების მიწოდება;
* ავტომანქანის რეცხვის მომსახურება უნდა განხორციელდეს შემსყიდველის მიერ ავტომანქანის მიმწოდებლის სამრეცხაოში მიყვანიდან 1 საათის განმავლობაში, ხოლო ავტომანქანის ქიმწმენდა უნდა განხორციელდეს ავტომანქანის სამრეცხაოში მიყვანიდან 24 საათის განმავლობაში.
* მიმწოდებელმა უნდა უზრუნველყოს ავტოსატრანსპორტო საშუალებების როგორც გარეგანი, ასევე შიდა (სალონის, საბარგული) ნაწილის რეცხვა ხელით, სპეციალური მოწყობილობების, ინვენტარისა და სარეცხი საშუალებების გამოყენებით. რეცხვისთვის გამოყენებულ უნდა იქნეს მაღალი ხარისხის სარეცხი და საწმენდი საშუალებები.
* მიმწოდებელმა უნდა უზრუნველყოს ავტოსატრანსპორტო საშუალებების ქიმიური წმენდის მომსახურების გაწევა, რაც მოიცავს ავტომანქანების ინტერიერის, ავტომანქანის ძრავის, სალონის და საბარგულის სრულად წმენდას შესაბამისი ხსნარებით.
* მიმწოდებელმა უნდა უზრუნველყოს ავტომობილების ინტერიერის (სალონი საბარგული) ქიმიური წმენდა. წმენდა უნდა მოხდეს სპეციალური მოწყობილობების, ინვენტარისა და საწმენდი საშუალებების გამოყენებით;
* წმენდისას უნდა მოხდეს სალონის პლასტიკური და ტყავის/ნაჭრის ელემენტების დამუშავება დამცავი და დამარბილებელი სპეციალური სითხით და კრემებით, სალონის გაწმენდა და დეზინფექცია, არასასიამოვნო სუნის ლიკვიდაცია;
* მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვის ხარჯების ანაზღაურება ეკისრება მიმწოდებელს.
* მიმწოდებლის ავტოსამრეცხაო სადგური უნდა მდებარეობდეს შემსყიდველის ფაქტიური მისამართიდან (ქ. თბილისი მარშალ გელოვანის №32) არაუმეტეს 8 კილომეტრის მანძილზე (მანძილში იგულისხმება სამანქანო გზა).
* მიმწოდებელს უნდა გააჩნდეს შესაბამისი ტექნიკით აღჭურვილი, კეთილმოწყობილი, არანაკლებ ხუთი ჯიხური;
* კეთილმოწყობილი მოსასვენებელი ადგილი მძღოლებისთვის.

ხელშეკრულების გაფორმებიდან 2025 წლის 27 დეკემბრის ჩათვლით.

მომსახურეობის გაწევის ადგილია ტენდერში გამაჯვებული პრეტედენტის მიერ შემოთავაზებული ავტოსამრეცხაოს მისამართი, რომელიც უნდა მდებარეობდეს სსიპ - ღვინის ეროვნული სააგენტოს ფიზიკური მისამართიდან არაუმეტეს 8 კმ საავტომობილო მანძილზე.

მიმწოდებელს სასურველია თბილისის მასშტაბით გააჩნდეს სამრეცხაოების ქსელი. აუცილებელია, რომ მიმწოდებელს მინიმუმ ერთი ობიექტი, გააჩნდეს სსიპ ღვინის ეროვნული სააგენტოს ფაქტობრივი ადგილსამყოფელიდან (თბილისი, მარშალ გელოვანის №32) არაუმეტეს 8 კილომეტრის (საავტომობილო გზა) დაშორებით, სადაც უნდა ფუნქციონირებდეს მინიმუმ 5 (ხუთი) სამრეცხაო ჯიხური.

პრეტენდენტმა უნდა წარმოადგინოს ინფორმაცია არსებული ავტოსამრეცხაო(ები)ს შესახებ დანართი №2-ის მიხედვით, შესაბამისი მისამართების მითითებით. ასევე, საკუთრების ან/და სარგებლობის დამადასტურებელი დოკუმენტების ასლები. იმ შემთხვევაში, თუ პრეტენდენტს სამრეცხაო აღებული აქვს დროებით სარგებლობაში (ქირავნობა, იჯარა, ლიზინგი, უზუფრუქტი და/ან სხვა) სისტემაში უნდა ატვირთოს შესაბამისი ხელშეკრულების ასლი, რომელიც ძალაში უნდა იყოს მინიმუმ 2025 წლის 31 დეკემბრის ჩათვლით.

ქვეკონტრაქტორის არსებობის შემთხვევაში იგი უნდა აკმაყოფილებდეს ტენდერით განსაზღვრულ მოთხოვნებს და ასევე, პრეტენდენტმა უნდა წარმოადგინოს ქვეკონტრაქტორ(ებ)თან არსებული სამართლებრივი ურთიერთობის დოკუმენტ(ებ)ის ასლები (ხელშეკრულება, შეთანხმება ან სხვა ექვივალენტური დოკუმენტი, რომელიც ძალაში უნდა იყოს მინიმუმ 2025 წლის 31 დეკემბრის ჩათვლით, სადაც მითითებული უნდა იყოს ინფორმაცია შესაბამისი ავტოსამრეცხაო სადგურის შესახებ).

*ქვეკონტრაქტორი არ უნდა იყოს რეგისტრირებული შავ სიაში.

2.9.1 პრეტენდენტის მიერ ერთიან ელექტრონულ სისტემაში ატვირთული დოკუმენტაცია „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე საჭიროებს კვალიფიციურ ელექტრონულ ხელმოწერის შესრულებას ან/და კვალიფიციურ ელექტრონულ შტამპის დასმას.
2.9.2. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის ან აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. ექსპერტიზის ან აუდიტორის დასკვნასთან ერთად წარმოდგენილი უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად, უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი (სერთიფიკატი და სხვა) ან სახელმწიფოს მიერ აღიარებული სხვა დამადასტურებული დოკუმენტი. ასევე, შესაძლებელია სახელმწიფოს მიერ აღიარებული ორგანიზაციის მიერ გაცემული საექპერტო დასკვნის წარმოდგენა.

ანგარიშსწორება მოხდება უნაღდო ანგარიშსწორებით ლარში, ფაქტობრივად გაწეული მომსახურეობის შესაბამისად, მხარეთა შორის გაფორმებული მიღება-ჩაბარების აქტ(ებ)ის საფუძველზე.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

თამარ ჯებაშვილი, 593459545, Tamar.Jebashvili@wine.gov.ge