Ремонт и техническое обслуживание транспортных средств и оборудования и сопутствующие услуги (Грузия - Тендер #60042983)

შესყიდვის ობიექტს წარმოადგენს სსიპ სსსტც "დელტას" ბალანსზე რიცხული სხვადასხვა მარკის მსუბუქი ავტოსატრანსპორტო საშუალებების შეკეთება (ასეთი მომსახურებისათვის საჭირო საქონლის (სათადარიგო ნაწილების) გათვალისწინებით) და ტექნიკური მომსახურება.

1.2.1. მიმწოდებელმა უნდა უზრუნველყოს სსიპ სსსტც „დელტას“ ბალანსზე არსებული ცხრილში მითითებული ავტომანქანების შეკეთება და ტექნიკური მომსახურება (პრეისკურანტის გათვალისწინებით).
1.2.2. სერვის-ცენტრში მიყვანილი ავტომობილების მომსახურება გაწეული უნდა იქნას დაუყოვნებლივ, რიგგარეშე, ხოლო მობილური ჯგუფის გამოძახების შემთხვევაში მიმწოდებელმა შემსყიდველის მოთხოვნისთანავე (წერილი, ელ.ფოსტა ან/და სხვა ელექტრონული საშუალებები) უნდა ჩაატაროს შესაკეთებელი ავტომანქანის დათვალიერება, რის შემდგომაც, მხარეები ადგენენ დეფექტურ აქტს, რომელშიც მითითებული იქნება გასაწევი მომსახურების/სათადარიგო ნაწილის სახეობა, რაოდენობა/მოცულობა, მათი ღირებულებები, მომსახურების გაწევის/საქონლის მოწოდების კონკრეტული ვადა;
1.2.3. ავტომობილის დაზიანებული ნაწილი უნდა შეიცვალოს ახალი (გარდა პრეისკურანტით გათვალისწინებული მეორადი ნაწილებისა) მაღალი ხარისხის სათადარიგო ნაწილით. სათადარიგო ნაწილები უნდა იყოს წარმოებული წამყვანი კომპანიების მიერ და შეესაბამებოდეს ავტომობილებისათვის დადგენილ სტანდარტებს;
1.2.4. მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთისას, ავტომანქანაზე დეფექტური აქტის შედგენიდან 2 (ორი) კალენდარული დღის ვადაში წარუდგინოს შემსყიდველს შეკვეთის დამადასტურებელი დოკუმენტი (ბეჭდვითი ფორმით (არ უნდა იყოს ხელნაწერი); დოკუმენტი უნდა შეიცავდეს ინფორმაციას შეკვეთილი დეტალის/სათადარიგო ნაწილის, შეკვეთის განხორციელების თარიღის და შეკვეთით განსაზღვრული დეტალის ჩამოსვლის თარიღის შესახებ).
1.2.5. მიმწოდებელი ვალდებულია საჭიროების შემთხვევაში, წინამდებარე ტენდერით გათვალისწინებული ავტოსატრანსპორტო საშუალებების ელექტრო (კომპიუტერული) სისტემის დიაგნოსტიკა და სავალი ნაწილების შემოწმების მომსახურება გაუწიოს შემსყიდველს უსასყიდლოდ, როგორც ხელშეკრულების მოქმედების ნებისმიერ ეტაპზე, ასევე საგარანტიო პერიოდის განმავლობაში.
1.2.6. პრეტენდენტის სერვის ცენტრ(ებ)ი აღჭურვილი უნდა იყოს ვიდეო-კამერებით. კამერების ხედვის არეალში მოქცეული უნდა იყოს ყველა "ბოქსი" და ავტოსადგომი (დაცული ტერიტორია) და ამასთან, არანაკლებ 30 დღიანი ჩანაწერის უზრუნველყოფა, რომლის მიწოდება შემსყიდველის მოთხოვნის შემთხვევაში უნდა განხორციელდეს არაუგვიანეს 2 (ორი) სამუშაო დღისა; იმ შემთხვევაში თუ პრეტენდენტის სერვის ცენტრი არ არის აღჭურვილი ვიდეო-კამერებით, მიმწოდებელმა უნდა უზრუნველყოს შემოთავაზებული სერვის ცენტრ(ებ)ის აღჭურვა ხელშეკრულების გაფორმებიდან 15 (თხუთმეტი) კალენდარული დღის ვადაში.

1.4.1. მომსახურება უნდა განხორციელდეს ეტაპობრივად, ხელშეკრულების გაფორმებიდან - 2025 წლის 20 დეკემბრის ჩათვლით შემსყიდველის მოთხოვნის შესაბამისად.
1.4.2. შემსყიდველის ბალანსზე რიცხული ავტომანქანებისთვის ძრავის ზეთის, ზეთის ფილტრის, ჰაერის ფილტრის, სალონის ფილტრის, წინა და უკანა სამუხრუჭე ხუნდების გამოცვლის ვადა განისაზღვრება 1 (ერთი) სამუშაო დღით;
1.4.3. სავალი ნაწილის შეკეთების ვადა განისაზღვრება 1-დან 10-მდე სამუშაო დღით (დეტალის შეკვეთის საჭიროების შემთხვევაში).
1.4.4. აგრეგატების შეკეთების/შეცვლის ვადა განისაზღვრება 1-დან 15-მდე სამუშაო დღით.
1.4.5. სამღებრო/სათუნუქე სამუშაოების შესრულების ვადა განისაზღვრება 3-დან 15-მდე სამუშაო დღით.
1.4.6. თუ დაზიანების/დაზიანებული ნაწილის განსაკუთრებით რთული ხასიათის გამო, აღნიშნულ ვადებში ვერ ხერხდება მიმწოდებლის მიერ მომსახურების გაწევა, მხარეები ყოველ კონკრეტულ შემთხვევაში დამატებით თანხმდებიან გონივრულ ვადაზე, მაგრამ არაუმეტეს 10 (ათი) სამუშაო დღისა.

მიმწოდებელმა მომსახურების გაწევა უნდა უზრუნველყოს თბილისის ფარგლებში არსებული არანაკლებ 1 სერვის-ცენტრის საშუალებით.

ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებაზე, ახალ (არამეორად), შეკეთებულ და მეორად ნაწილებზე უნდა ვრცელდებოდეს შემდეგი საგარანტიო ვადები:
1.7.1.1. არანაკლებ 1 (ერთი) წელი, გარდა ელექტრონათურები (გარდა XENON-ის ნათურისა), ელექტრომცველები, შუშის საწმენდი რეზინები (ჯაგრისები), სამუხრუჭე ხუნდები, მომჭიმი საკისარი, ანთების სანთლები, მტვერდამცავები და ყველა სხვა სწრაფად ცვეთადი დეტალებისა.
1.7.1.2. XENON-ის ტიპის ნათურებზე (ქარხნულად აღჭურვილ ავტომობილებზე) - არანაკლებ 6 (ექვსი) თვე;
1.7.1.3. გადაბმულობის კომპლექტზე- არანაკლებ 40000 კმ, სამუხრუჭე ხუნდებზე-არანაკლებ 20000 კმ, დაკიდების დისკზე, მორგვის საკისრებზე და ყუმბარებზე - არანაკლებ 40000 კმ;
1.7.1.4. საგარანტიო პერიოდში, ავტომანქანის სათადარიგო ნაწილზე/გაწეულ მომსახურებაზე დეფექტის/ნაკლის/წუნის/ხარვეზის გამოვლენის შემთხვევაში, ხელშეკრულების მოქმედების ნებისმიერ ეტაპზე და ასევე, მისი მოქმედების დასრულების შემდგომ მიმწოდებელი ვალდებულია შეტყობინების მიღებისთანავე გონივრულ ვადებში (მაგრამ არაუგვიანეს სატენდერო დოკუმენტაციის 1.2.4. პუნქტით განსაზღვრული მომსახურების გაწევის შესაბამისი ვადებისა) ნაკლის/წუნის გამოსწორების მიზნით შეცვალოს იგი ახალი სათადარიგო ნაწილით, - შემსყიდველის მხრიდან დამატებითი დანახარჯების გაწევის გარეშე. ხოლო, საგარანტიო პირობებით ნაკისრი ვალდებულებების შესრულებაზე მიმწოდებლის მხრიდან უარის თქმის შემთხვევაში, შემსყიდველი უფლებამოსილია მიმწოდებელს ჩაატარებინოს ავტოტექნიკური ექსპერტიზა აკრედიტებულ საექსპერტო დაწესებულებაში-სათადარიგო ნაწილის/გაწეული მომსახურების ხარისხის/ვარგისიანობის/დაზიანების გამომწვევი მიზეზის დასადგენად, შემსყიდველის მხრიდან დამატებითი დანახარჯების გაწევის გარეშე. აღნიშნულ შემთხვევაში ექსპერტიზის ჩატარების ვადად განისაზღვრება დეფექტური აქტის შედგენიდან/გახსნიდან 15 (თხუთმეტი) სამუშაო დღე. მიმწოდებლის მხრიდან საგარანტიო პირობებით ნაკისრი ვალდებულებების შეუსრულებლობის შემთხვევაში, შემსყიდველი უფლებამოსილია მოსთხოვოს მიმწოდებელს შესაბამისი ხარჯების ანაზღაურება.
1.7.1.5. საგარანტიო პერიოდის განმავლობაში გამოვლენილ ხარვეზებს მიმწოდებელი აღმოფხვრის დამატებითი ანაზღაურების გარეშე.

პრეტენდენტს უნდა გააჩნდეს ანალოგიური საქმიანობის სფეროში (მსუბუქი ავტომანქანის შეკეთებისა და ტექნიკური მომსახურების გაწევის) გამოცდილება ბოლო 3 წლის (2022/2023/2024წწ) განმავლობაში. შესყიდვების ერთიან ელექტრონულ სისტემაში ატვირთული უნდა იყოს გაწეული მომსახურების დამადასტურებელი დოკუმენტები (ტენდერის SPA/NAT/CMR ნომრები (რომლებშიც ატვირთული იქნება შესრულების დამადასტურებელი დოკუმენტები) და/ან ხელშეკრულებები შესაბამისი მიღება-ჩაბარებების აქტებით და/ან სხვა დოკუმენტები), რომელთა ჯამური ღირებულება უნდა შეადგენდეს არანაკლებ 170,000.00(ას სამოცდაათი ათასი) ლარს.

2.3.1.1. პრეტენდენტს თბილისში უნდა გააჩნდეს მოქმედი არანაკლებ ერთი სერვის-ცენტრი.
2.3.1.2. სახელმწიფო შესყიდვების ერთიანი ელექტრონული სისტემის საშუალებით პრეტენდენტმა უნდა წარმოადგინოს:
ა) სერვის ცენტრის საკუთრებაში ან/და სარგებლობის უფლებით ფლობის დამადასტურებელი დოკუმენტები (ამონაწერი საჯარო რეესტრიდან ან ხელშეკრულება ან სხვა სახის დოკუმენტი), რითაც დადასტურდება სერვის ცენტრის საკუთრებაში ან/და სარგებლობის უფლებით ფლობა, ამასთანავე სარგებლობის უფლებით ფლობის შემთხვევაში წარმოდგენილი დოკუმენტი ძალაში უნდა იყოს მინიმუმ 2025 წლის 31 დეკემბრის ჩათვლით;
ბ) ინფორმაცია წერილობითი სახით სატენდერო დოკუმენტაციის 2.3.1.3. - 2.3.1.7. პუნქტების დაკმაყოფილების თაობაზე.

2.3.1.3. სერვის-ცენტრი აღჭურვილი უნდა იყოს შემდეგი აპარატურითა და დანადგარებით:
1) არანაკლებ 5 (ხუთი) ავტომანქანის ამწე-მოწყობილობა (ხუთივე ამწე-მოწყობილობა აღჭურვილი უნდა იყოს ავტომანქანის ძრავიდან გამონაბოლქვი კვამლის გამწოვი სისტემით);
2) არანაკლებ 1 (ერთი) კომპიუტერული დიაგნოსტიკის აპარატი;
3) არანაკლებ 1 (ერთი) ზეთის შემცვლელი ბალონი;
4) არანაკლებ 1 (ერთი) ძრავიდან ზეთის ამოსატუმბი აპარატი;
5) არანაკლებ 1 (ერთი) განშლადობის გასასწორებელი დანადგარი;
6) არანაკლებ 1 (ერთი) ვულკანიზაციის დანადგარი (ბალანსირების და დისკების გასწორების შესაძლებლობით);
7) არანაკლებ 1 (ერთი) სამღებრო სამუშაოებისთვის განკუთვნილი ფართი (ბოქსი);
8) არანაკლებ 1 (ერთი) ძრავის ამომღები ამწე;
9) არანაკლებ 1 (ერთი) კონდიციონერის დასატუმბი/ამოსატუმბი ელექტრო აპარატი.
რომლებიც განთავსებული უნდა იყოს ერთ სერვის-ცენტრში. ასევე, პრეტენდენტმა უნდა უზრუნველყოს ავტომანქანის ძირითადი აგრეგატების (ძრავი, გადაცემათა კოლოფი, სავალი ნაწილები, ელექტროობა, კონდიციონერის დატუმბვა/ამოტუმბვა) ადგილზე სერვის-ცენტრში შეკეთება.
2.3.1.4. პრეტენდენტს უნდა გააჩნდეს გამართული სასაწყობე მეურნეობა პრეისკურანტით გათვალისწინებული ავტომანქანების მოდელებისათვის პირველადი ხარჯვადი სათადარიგო ნაწილების მინიმალური მარაგით;
2.3.1.5. პრეტენდენტს უნდა ყავდეს შესაბამისი სპეციალისტებით დაკომპლექტებული არანაკლებ ერთი მობილური ჯგუფი.
2.3.1.6. პრეტენდენტს თბილისში ექსპლუატაციაში უნდა გააჩნდეს მოქმედი სერვის ცენტრ(ებ)ი, შემდეგი სამუშაო გრაფიკით:
ორშაბათიდან პარასკევის ჩათვლით - არაუგვიანეს 10:00სთ-დან არანაკლებ 18:00სთ-მდე,
შაბათ დღეს - არაუგვიანეს 10:00სთ-დან არანაკლებ 14:00 სთ-მდე;
2.3.1.7. პრეტენდენტის სერვის-ცენტრ(ებ)ს უნდა გააჩნდეს საჭირო ფართი იმისათვის, რომ უზრუნველყოს შემსყიდველის არანაკლებ 3 (სამი) ავტომანქანის განთავსება ბოქსებში ან/და შესაბამის სადგომზე/დაცულ ტერიტორიაზე (რომელთა ვიდეო-კამერებით აღჭურვა უნდა განხორციელდეს სატენდერო დოკუმენტაციის 1.2 პუნქტის მოთხოვნის შესაბამისად.
შემსყიდველი იტოვებს უფლებას ტენდერში მონაწილე პრეტენდენტს (გამარჯვებულად გამოვლენამდე) გადაუმოწმოს მის მიერ წარმოდგენილი ინფორმაცია და სერვის-ცენტრი/მატერიალურ-ტექნიკური ბაზა.

2.9.1. პრეტენდენტმა უნდა უზრუნველყოს გაუმართავი ავტომანქანის ევაკუატორით ტრანსპორტირება მის სარგებლობაში არსებულ სერვის-ცენტრში შემდგომი შეკეთების მიზნით საკუთარი სახსრებით, რამდენჯერაც არ უნდა გაფუჭდეს და სადაც არ უნდა გაფუჭდეს ავტომობილი საქართველოს ტერიტორიაზე, მიმწოდებელი ვალდებული იქნება უზრუნველყოს ევაკუატორით მომსახურების უზრუნველყოფა საკუთარი სახსრებით.
2.9.2. ტენდერის შერჩევა-შეფასების ეტაპზე შემსყიდველი უფლებამოსილია ჩაატაროს პრეტენდენტის (ქვეკონრაქტორის არსებობის შემთხვევაში ქვეკონრაქტორის) სერვის-ცენტრების დათვალიერება/ინსპექტირება სატენდერო დოკუმენტაციით განსაზღვრული მოთხოვნების შესაბამისობის დადგენის მიზნით.
2.9.3. პრეტენდენტის მიერ წარმოდგენილ პრეისკურანტში შემოთავაზებული ერთეულის ღირებულება არ უნდა აღემატებოდეს სატენდერო დოკუმენტაციის პრეისკურანტის შესაბამის პოზიციაზე დაფიქსირებულ ერთეულის ზღვრულ ღირებულებას;
2.9.4. სატენდერო წინადადებაში საერთო და ერთეულის ფასი გამოსახული უნდა იყოს მხოლოდ ლარში, საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
2.9.5. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე (მაგალითად, თუ პრეტენდენტმა სახელმწიფო შესყიდვების ერთიან ელექტრონულ სისტემაში დააფიქსირა პრეისკურანტის საბოლოო ჯამური ღირებულება, რომელიც 12%-ით ნაკლებია პრეისკურანტის სავარაუდო ღირებულებაზე, მაშინ პრეისკურანტის თითოეულ პოზიციაზე შემოთავაზებული ღირებულების გრაფაში უნდა მიეთითოს შესაბამის ზღვრულ ღირებულებაზე არანაკლებ 12%-ით ნაკლები თანხა).
2.9.6. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
2.9.7. პრეისკურანტის დაზუსტების შემთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა;
2.9.8. დაზუსტებას არ ექვემდებარება პრეისკურანტი, თუ იგი არ არის წარდგენილი ან განუფასებელი პოზიციების რაოდენობა აღემატება განსაფასებელი პოზიციების 1%-ს;
2.9.9. თუ პრეტენდენტი რომელიმე პოზიციის შესრულებას გვთავაზობს უფასოდ, შესაბამის გრაფაში უნდა დააფიქსიროს „0“, წინააღმდეგ შემთხვევაში აღნიშნული პოზიცია ჩაითვლება განუფასებლად.
2.9.10. თუ ხელშეკრულების მოქმედების პერიოდში აღმოჩნდება, რომ პრეისკურანტში არ არის გათვალისწინებული საჭირო მომსახურება, ამ შემთხვევაში საბაზრო ფასების გათვალისწინებითა და მხარეთა შეთანხმებით, შესაბამისი ცვლილების განხორციელების გზით მოხდება საჭირო პოზიციის დამატება პრეისკურანტში (ასეთ შემთხვევაში პრეისკურანტში მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს);
2.9.11. მიმწოდებელი უფლებამოსილია პრეისკურანტი ერთიან ელექტრონულ სისტემაში ატვირთოს მხოლოდ Excel-ის ფორმატის ცხრილის სახით. პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების შესაძლებლობა.

ანგარიშსწორება ხორციელდება უნაღდო ანგარიშსწორების ფორმით, საქართველოს ეროვნულ ვალუტაში მხარეების მიერ ხელშეკრულებაში მითითებულ საბანკო ანგარიშზე.
ანგარიშსწორება მოხდება ეტაპობრივად, ყოველი თვის დასრულების შემდეგ მიღება-ჩაბარების აქტის საფუძველზე.

მიღება–ჩაბარების აქტის გაფორმებიდან და შესაბამისი საგადასახადო დოკუმენტების წარმოდგენიდან 10 სამუშაო დღე, მაგრამ არაუგვიანეს 2025 წლის 31 დეკემბრისა.

ანი ბუხსიანიძე, 571222822, abukhsianidze@delta.gov.ge

10.1.1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე, დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. შემსყიდველმა შესაძლებელია სრულად არ აითვისოს შესყიდვის ობიექტის რაოდენობა ხელშეკრულების მოქმედების პერიოდში. ანგარიშსწორება განხორციელდება მხოლოდ გაწეული მომსახურების შესაბამისად.
10.1.4. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.5. ერთიან ელექტრონულ სისტემაში ატვირთულ დოკუმენტებზე „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად შესრულებული უნდა იყოს უფლებამოსილი პირის (მინდობილი პირის შემთხვევაში ასევე წარმოდგენილი უნდა იყოს შესაბამისი მინდობილობა) კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით, გარდა სატენდერო დოკუმენტაციის 2.9.11. პუნქტით გათვალისწინებული გამონაკლისისა.
10.1.6. წინამდებარე ტენდერში მონაწილეობით პრეტენდენტი ავტომატურად ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.