Ремонт и техническое обслуживание транспортных средств и оборудования и сопутствующие услуги (Грузия - Тендер #60042977)

საქართველოს ეკონომიკისა და მდგრადი განვითარების სამინისტროს ბალანსზე რიცხული 15 (თხუთმეტი) ერთეული სხვადასხვა მარკის ავტომანქანის (იხ. ტექნიკური დავალების ცხრილი - ავტომანქანების ჩამონათვალი) შეკეთება (ასეთი მომსახურებისათვის საჭირო საქონლის (სათადარიგო ნაწილების) გათვალისწინებით) და ტექნიკური მომსახურება.

1.2.1. მიმწოდებელმა უნდა უზრუნველყოს საქართველოს ეკონომიკისა და მდგრადი განვითარების სამინისტროს ბალანსზე არსებული ავტომანქანების (იხ. ავტომანქანების ჩამონათვალი) შეკეთება და ტექნიკური მომსახურება (პრეისკურანტის გათვალისწინებით) ეტაპობრივად, შემსყიდველის მოთხოვნის შესაბამისად, 2025 წლის 1 იანვრიდან 2025 წლის 31 დეკემბრის ჩათვლით.
1.2.2. მიმწოდებელს უნდა ქონდეს საკუთარი სერვის ცენტრი ქ. თბილისში (რომელიც უნდა მდებარეობდეს ქ. თბილისი, ზვიად გამსახურდიას სანაპირო #1-დან სამანქანო გზით არაუმეტეს 11-12,5 კილომეტრისა), ხოლო ქ. ბათუმში და ქ. ქუთაისში - საკუთარი ან ქვეკონტრაქტორი. სერვისცენტრები დაკომპლექტებული უნდა იყოს მაღალკვალიფიციური სპეციალისტებით და აღჭურვილი უნდა იყოს თანამედროვე აპარატურით და დანადგარებით. თბილისის სერვისცენტრში უნდა იყოს არანაკლებ 15 (თხუთმეტი) ავტო ამწე (აქედან მომსახურების ოპერატიულად შესასრულებლად შემსყიდველისთვის ყოველთვის უნდა იყოს თავისუფალი მინიმუმ 1 ამწე), დიაგნოსტიკის აპარატი, საყრდენი დისკის მოსაპრიალებელი (გასაჩარხი) აპარატი (დისკის მოუხსნელად), ზეთის შემცვლელი ბალონი, გადაცემათა კოლოფის ზეთის შემცვლელი აპარატი, განშლადობის გასასწორებელი დანადგარი, ვულკანიზაციის დანადგარი (ბალანსირების და დისკების გასწორების შესაძლებლობით), სამღებრო დანადგარი (საშრობი), ძრავის ამომღები ამწე და ელექტრო მომარაგების ალტერნატიული წყარო (გენერატორი), რომელიც სრულად უზრუნველყოფს ელ. კვებას (სრულად უზრუნველყოფაში იგულისხმება როგორც განათება, ასევე ყველა ძირითადი საშუალება/მოწყობილობა და დანადგარი). თბილისის სერვისცენტრს უნდა შეეძლოს ერთდროულად არანაკლებ 15 (თხუთმეტი) ავტომანქანის მომსახურება;
1.2.3. პრეტენდენტს უნდა გააჩნდეს გამართული სასაწყობე მეურნეობა პრეისკურანტით გათვალისწინებული ავტომანქანების მოდელებისათვის პირველადი ხარჯვადი სათადარიგო ნაწილების მინიმალური მარაგით;
1.2.4. მიმწოდებლის სერვისცენტრში სამინისტროს ავტომანქანების ერთდროულად მისვლის შემთხვევაში, მინიმუმ 2 ავტომანქანის მომსახურება გაწეული უნდა იქნას დაუყონებლივ, რიგგარეშე;
1.2.5. ავტომობილის დაზიანებული ნაწილი უნდა შეიცვალოს ახალი (არა მეორადი) მაღალი ხარისხის სათადარიგო ნაწილით გარდა განფასების ცხრილში (პრეისკურანტში) გათვალისწინებული მეორადი სათადარიგო ნაწილისა, ახალი (არამეორადი) სათადარიგო ნაწილები უნდა იყოს წარმოებული წამყვანი კომპანიების მიერ და შეესაბამებოდეს ავტომობილებისათვის დადგენილ სტანდარტებს;
1.2.6. პრეტენდენტმა ხელშეკრულების მოქმედების პერიოდში საჭიროების შემთხვევაში უნდა უზრუნველყოს შემსყიდველის წარმომადგენლისათვის თავისუფალი ფართის გამოყოფა. სერვისცენტრებში დაცული უნდა იყოს ჰიგიენური ნორმები;
1.2.7. მიმწოდებელმა შემსყიდველის მოთხოვნისთანავე (წერილი, ელ.ფოსტა ან/და სხვა ელექტრონული საშუალებები) უნდა ჩაატაროს შესაკეთებელი ავტომანქანის დათვალიერება, რის შემდგომაც, მხარეები ადგენენ დეფექტურ აქტს, რომელშიც მითითებული იქნება გასაწევი მომსახურების/სათადარიგო ნაწილის სახეობა, რაოდენობა/მოცულობა, მათი ღირებულებები, მომსახურების გაწევის/საქონლის მოწოდების კონკრეტული ვადა. შემსყიდველის ბალანსზე რიცხული ავტომანქანებისთვის ძრავის ზეთის, ზეთის ფილტრის, ჰაერის ფილტრის, სალონის ფილტრის, წინა და უკანა სამუხრუჭე ხუნდების გამოცვლის ვადა განისაზღვრება 1 სამუშაო დღემდე ვადით; სავალი ნაწილის შეკეთების ვადა განისაზღვრება 1 (ერთი)-დან 10 (ათი) სამუშაო დღემდე ვადით (დეტალის შეკვეთის საჭიროების შემთხვევაში). აგრეგატების შეკეთების/შეცვლის ვადა განისაზღვრება 1 (ერთი)-დან 15 (თხუთმეტი)-მდე სამუშაო დღით. სამღებრო/სათუნუქე სამუშაოების შესრულების ვადა განისაზღვრება 3 (სამი)-დან 15 (თხუთმეტი) სამუშაო დღემდე ვადით. თუ, დაზიანების/დაზიანებული ნაწილის განსაკუთრებით რთული ხასიათის გამო, აღნიშნულ ვადაში ვერ ხერხდება მიმწოდებლის მიერ მომსახურების გაწევა, მხარეები ყოველ კონკრეტულ შემთხვევაში დამატებით თანხმდებიან გონივრულ ვადაზე, მაგრამ არაუმეტეს 10 (ათი) სამუშაო დღისა.
1.2.8. ხელშეკრულების მოქმედების პერიოდში, პრეისკურანტში ავტოსტრანსპორტო საშუალების ტექნიკური მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ავტოსტრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს;
1.2.9. იმ შემთხვევაში თუ ხელშეკრულების მიმდინარეობის პერიოდში, შემსყიდველს ბალანსზე დაემატება ავტომანქანა, რომელიც იქნება იგივე პარამეტრების რაც გათვალისწინებულია მოცემულ ტენდერში (ტექნიკური დავალების ცხრილი - ავტომანქანების ჩამონათვალი), შესაძლებელი უნდა იყოს მომსახურების მიღება იმავე პირობებით, რითიც ისარგებლებენ ცხრილში ჩამოთვლილი ავტომანქანები.
1.2.10. ტექნიკური დავალების ცხრილში (ავტომანქანების ჩამონათვალი) მითითებული ავტომანქანების სახელმწიფო ნომრ(ებ)ის ცვლილების შემთხვევაში, დამატებითი შეთანხმების გარეშე შეტყობინების (კომუნიკაციის ნებისმიერი ფორმა) საფუძველზე უნდა მოხდეს მათი დამატება უფლებამოსილ ავტომანქანებში, სახელმწიფო ნომრის ცვლილებამ არ უნდა გამოიწვიოს შეფერხება მომსახურების მიღებისას.
1.2.11. მიმწოდებელი ვალდებულია ხელშეკრულების მოქმედების პერიოდში, ავტოსათადარიგო ნაწილის საქართველოს ფარგლებს გარეთ შეკვეთის შემთხვევაში, ავტომანქანაზე დეფექტური აქტის შედგენიდან 2 (ორი) კალენდარული დღის ვადაში წარუდგინოს შემსყიდველს შეკვეთის დამადასტურებელი დოკუმენტი.

შესყიდვის ობიექტის მიწოდება უნდა განხორციელდეს, ეტაპობრივად, შემსყიდველის მოთხოვნის შესაბამისად 2025 წლის 1 იანვრიდან 2025 წლის 31 დეკემბრის ჩათვლით. თუ სატენდერო პროცედურებიდან გამომდინარე ხელშეკრულება გაფორმდება 2025 წლის 1 იანვრის შემდეგ, მომსახურება უნდა განხორციელდეს ხელშეკრულების გაფორმებიდან 2025 წლის 31 დეკემბრის ჩათვლით

შესყიდვის ობიექტის მიწოდების ადგილია: ქ.თბილისი, ქ. ბათუმი და ქ. ქუთაისი (მიმწოდებელს უნდა ჰქონდეს საკუთარი სერვის ცენტრი ქ. თბილისში, რომელიც უნდა მდებარეობდეს ქ. თბილისი ზვიად გამსახურდიას სანაპირო №1-დან სამანქანო გზით არაუმეტეს 11-12,5 კილომეტრისა, ხოლო ქ. ბათუმში და ქ. ქუთაისში - საკუთარი ან ქვეკონტრაქტორი)

შესრულების ფორმა: ტექნიკური დავალების შესაბამისად.

1. მიმწოდებლის მიერ გაწეულ მომსახურებასა და შეცვლილ სათადარიგო ნაწილებზე (ახალი, არამეორადი), შესაკეთებელ სათადარიგო და მეორად ნაწილებზე გარანტია უნდა ვრცელდებოდეს არანაკლებ 8 (რვა) თვის განმავლობაში, გარდა სწრაფად ცვეთადი (ელექტრონათურები (გარდა XENON-ის ნათურისა), ელექტრომცველები, შუშის საწმენდი ჯაგრისები (ჩოთქები), გადაბმულობის ქურო, მომჭიმი საკისარი, ანთების სანთლები, მტვერდამცავები და ყველა სხვა სწრაფადცვეთადი დეტალი) დეტალებისა და იმ შემთხვევისა, როდესაც დაზიანება გამოწვეულია არასწორი ექსპლუატაციით. საყრდენ დისკ(ებ)ზე და სამუხრუჭე ხუნდებზე გარანტია უნდა ვრცელდებოდეს არანაკლებ 10,000 კილომეტრისა.

2. საგარანტიო პერიოდის განმავლობაში გამოვლენილ ხარვეზებს (საგარანტიო პირობების დადგომის შემთხვევაში) მიმწოდებელი აღმოფხვრის დამატებითი ანაზღაურების გარეშე.

1. პრეტენდენტს (ასევე ქვეკონტრაქტორ(ებ)ის არსებობის შემთხვევაში) უნდა გააჩნდეს ავტომანქანის შეკეთებისა და ტექნიკური მომსახურების გაწევის არანაკლებ 5 წლიანი გამოცდილება, ამასთან ყოველ წელიწადს არანაკლებ 200,000 (ორასი ათასი) ლარის ღირებულების გამოცდილება, რომლის თაობაზეც ინფორმაცია მოცემული უნდა იყოს ცხრილის სახით (დანართი #2) და აღნიშნულის შესაბამისი დამადასტურებელი დოკუმენტაცია (ხელშეკრულებ(ები)ა, მიღება-ჩაბარების აქტ(ებ)ი) ატვირთული უნდა იქნას ერთიან ელექტრონულ სისტემაში (სახელმწიფო შესყიდვის განხორციელების შემთხვევაში პრეტენდნტმა, ზემოთ ხსენებულ ცხრილში უნდა მიუთითოს შესაბამისი SPA/CMR/NAT ნომერი და ამ შემთხვევაში დამატებითი დოკუმენტაციის/ინფორმაციის წარმოდგენა სავალდებულო არ არის).

2. პრეტენდენტი (ასევე ქვეკონტრაქტორ(ებ)ის არსებობის შემთხვევაში) ვალდებულია გამოცდილების დასადასტურებლად სისტემის საშუალებით ასევე წარმოადგინოს არანაკლებ 4 (ოთხი) დადებითი სარეკომენდაციო წერილი სახელმწიფო ორგანიზაციებიდან (რეკომენდაციაში აუცილებლად უნდა იყოს მითითებული, თუ რამდენად ხარისხიანად, სრულად და დროულად შეასრულა მიმწოდებელმა ხელშეკრულებით გათვალისწინებული ვალდებულება. რეკომენდაციაში ასევე აუცილებლად უნდა იყოს მითითებული იმ ხელშეკრულების ღირებულება, რომლის ფარგლებშიც გაიცა რეკომენდაცია და რომლის ღირებულებაც უნდა შეადგენდეს არანკლებ 60,000.00 ლარს, სარეკომენდაციო წერილი გაცემული უნდა იყოს კონკრეტულად მოცემული ტენდერისათვის). თითოეული რეკომენდაცია გაცემული უნდა იყოს სხვადასხვა შემსყიდველი ორგანიზაციის მიერ.

2.3.1.1. მიმწოდებელს უნდა ქონდეს საკუთარი სერვის ცენტრი ქ. თბილისში (რომელიც უნდა მდებარეობდეს ქ. თბილისი, ზვიად გამსახურდიას სანაპირო #1-დან სამანქანო გზით არაუმეტეს 11-12,5 კილომეტრისა), ხოლო ქ. ბათუმში და ქ. ქუთაისში - საკუთარი ან ქვეკონტრაქტორი. სერვისცენტრები დაკომპლექტებული უნდა იყოს მაღალკვალიფიციური სპეციალისტებით და აღჭურვილი უნდა იყოს თანამედროვე აპარატურით და დანადგარებით. თბილისის სერვისცენტრში უნდა იყოს არანაკლებ 15 (თხუთმეტი) ავტო ამწე (აქედან მომსახურების ოპერატიულად შესასრულებლად შემსყიდველისთვის ყოველთვის უნდა იყოს თავისუფალი მინიმუმ 1 ამწე), დიაგნოსტიკის აპარატი, საყრდენი დისკის მოსაპრიალებელი (გასაჩარხი) აპარატი (დისკის მოუხსნელად), ზეთის შემცვლელი ბალონი, გადაცემათა კოლოფის ზეთის შემცვლელი აპარატი, განშლადობის გასასწორებელი დანადგარი, ვულკანიზაციის დანადგარი (ბალანსირების და დისკების გასწორების შესაძლებლობით), სამღებრო დანადგარი (საშრობი), ძრავის ამომღები ამწე და ელექტრო მომარაგების ალტერნატიული წყარო (გენერატორი), რომელიც სრულად უზრუნველყოფს ელ. კვებას (სრულად უზრუნველყოფაში იგულისხმება როგორც განათება, ასევე ყველა ძირითადი საშუალება/მოწყობილობა და დანადგარი). თბილისის სერვისცენტრს უნდა შეეძლოს ერთდროულად არანაკლებ 15 (თხუთმეტი) ავტომანქანის მომსახურება;
2.3.1.2. პრეტენდენტს უნდა გააჩნდეს გამართული სასაწყობე მეურნეობა პრეისკურანტით გათვალისწინებული ავტომანქანების მოდელებისათვის პირველადი ხარჯვადი სათადარიგო ნაწილების მინიმალური მარაგით;

2.3.1.3 შემსყიდველი იტოვებს უფლებას ტენდერში მონაწილე პრეტენდენტს (გამარჯვებულად გამოვლენამდე/სატენდერო წინადადების შეფასებამდე) გადაუმოწმოს მის მიერ წარმოდგენილი ინფორმაცია და სერვისცენტრი/მატერიალურ-ტექნიკური ბაზა (იმ შემთხვევაში თუ იქნება შეუსაბამობა წარმოდგენილ ინფორმაციასა და გადამოწმებულ/ფოტო მასალით დასაბუთებულ ინფორმაციას შორის, პრეტენდენტის წინადადება დაზუსტებას არ დაექვემდებარება და გამოიწვევს მის დისკვალიფიკაციას).

ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ქვეკონტრაქტორ(ებ)თან სამართლებრივი ურთიერთობის დოკუმენტ(ებ)ი (ხელშეკრულება, შეთანხმება ან სხვა ექვივალენტური დოკუმენტი), რომელთა მოქმედების ვადა იქნება მინიმუმ 2025 წლის 31 დეკემბრის ჩათვლით. ამასთან, ქვეკონტრაქტორის არსებობა შესაძლებელია მხოლოდ ქ. ქუთაისსა და ქ. ბათუმში.


ქვეკონტრაქტორი სატენდერო წინადადების მიღების დამთავრების დღისთვის არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – “შავ სიაში".

ა) პრეისკურანტის ღირებულება წარმოდგენილი უნდა იყოს 1.3 პუნქტში მოცემული პრეისკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და განფასების ცხრილების თითოეულ პოზიციაზე მითითებული სავარაუდო მაქსიმალური ერთეულის ფასისა. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
ბ) სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
გ) ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო ღირებულებასთან მიმართებით;
დ) პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტით განსაზღვრულ ყოველ კონკრეტულ პოზიციაზე. საბოლოოდ დაფიქსირებული ერთეულის ფასები უნდა დამრგვალდეს მეასედის სიზუსტით.

თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე:
1. შემსყიდველი ორგანიზაციის წერილობითი მოთხოვნის შემდგომ, პრეტენდენტმა უნდა უზრუნველყოს ფასწარმოქმნის ადეკვატურობის დასაბუთების წარმოდგენა.ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი).
2. პრეტენდენტმა ფასწარმოქმნის ადეკვატურობის დამადასტურებელი დოკუმენტის წარმოდგენასთან დაკავშირებული ხარჯის გაწევა უნდა უზრუნველყოს საკუთარი სახსრებით.

ანგარიშსწორება განხორციელდება ეტაპობრივად, ყოველთვიურად, გაფორმებული მიღება-ჩაბარების აქტისა და საგადასახადო ანგარიშფაქტურის საფუძველზე.

10 (ათი) სამუშაო დღე.

თეონა ასპანიძე, 598353363, taspanidze@moesd.gov.ge