Услуги по очистке и санации (Грузия - Тендер #59676719)

სსიპ დასაქმების ხელშეწყობის სახელმწიფო სააგენტოს ცენტრალური ოფისის, ასევე რეგიონული ოფისების დასუფთავების მომსახურების შესყიდვა

დასუფთავების მომსახურების გაწევა უნდა განხორციელდეს სააგენტოს როგორც ცენტრალურ, ასევე რეგიონულ ოფისებში. კერძოდ:

ოფისისების ფართობი (კვ.მ), მისამართები:
1. სსიპ დასაქმების ხელშეწყობის სახელმწიფო სააგენტოს ცენტრალური ოფისი - ქ. თბილისი, მიხეილ ასათიანის ქ. #9, ფარობი 855,42 კვ.მ, სველი წერტილი-6.
2. ქუთაისის ოფისი - ნიუპორტის ქუჩა, შესახვევი 1 N19, ფართობი 164,62 კვ.მ, სველი წერტილი - 2.
3. თელავის ოფისი - აღმაშენებლის ქ.N 41ა, ფართობი 178.7 კვ.მ, სველი წერტილი - 2.
4. რუსთავის ოფისი - მე-20 მიკრო რაიონი N7/74 ა, ფართობი120 კვ.მ, სველი წერტილი-3.
5. ოზურგეთის ოფისი - გაბრიელ ეპისკოპოსის ქ.N25, ფართობი 81,44 კვ.მ, სველი წერტილი-1.
6. გორის ოფისი - გმირების ქ.N18,ფართობი 202,60 კვ.მ, სველი წერტილი-1.
7. ზუგდიდის ოფისი - რუსთაველის ქ.N79, ფართობი 116.3 კვ.მ, სველი წერტილი-2.
8. ახალციხის ოფისი - სულხან საბას ქ. N2, ფართობი 216 კვ.მ, სველი წერტილი-4.
9. ამბროლაურის ოფისი ბრატისლავა რაჭის ქ. 15დ ფართობი 84კვ.მ, სველი წერტილი-4.

გასაწევი მომსახურების აღწერა:
1. ყოველდღიურად შესასრულებელი სამუშაოები:
• შენობების შემოსასვლელების, დერეფნების, კიბის უჯრედების, კიბის მოაჯირების, ფანჯრის რაფების, ავეჯის და ხის ჰორიზონტალური და ვერტიკალური ზედაპირების, ოთახების, ლიფტის, სველი წერტილების და სხვა ფართების და სველი წესით (შესამაბისი ქიმიური საშუალებებით) დასუფთავება; მიმწოდებლის მიერ შერჩეული უნდა იყოს დასუფთავებისათვის საჭირო ქიმიური საშუალებები მათი მწარმოებლის ინსტრუქციის დაცვით ისე, რომ არ დაზიანდეს დასასუფთავებელი ზედაპირები.
• საყოფაცხოვრებო ტექნიკის, როგორც შიდა ისე გარე ზედაბირის სველი წესით დასუფთავება;
• ნაგვის ურნების გაცლა, მათში პოლიეთილენის პარკების განთავსება და ნარჩენების შენობების გარეთ არსებულ ნაგვის ბუნკერებში მოთავსება .
• სველ წერტილებში (სამზარეულოსა და ტუალეტში) ხელსაწმენდი ქაღალდის და ტუალეტის ქაღალდის შევსება.
• სველ წერტილებში წმენდა-დასუფთავება უნდა განხორციელდეს სპეციალური ინვენტარის და დასუფთავების ხსნარების გამოყენებით. სველ წერტილებში გამოყენებული დასუფთავების საშუალებები და ინვენტარი არ უნდა იქნეს გამოყენებული სხვა ტერიტორიების დასასუფთავებლად. სველი წერტილების დასუფთავებისას გამოყენებული უნდა იქნეს ხსნარები, რომელთაც გააჩნიათ სადეზინფექციო თვისებები. მიმწოდებლის მიერ შერჩეული უნდა იყოს დასუფთავებისათვის საჭირო ქიმიური საშუალებები მათი მწარმოებლის ინსტრუქციის დაცვით ისე, რომ არ დაზიანდეს დასასუფთავებელი ზედაპირები.
• ლიფტის კარების სამოძრაო ქვედა ღიობების (ღარების) ამოწმენდა-ამოსუფთავება მტვერსასრუტით ან/და ხელით;
. სააგენტოს ცენტრალურ ოფისში (ქ. თბილისი, მიხეილ ასათიანის ქ. #9) კვირის სამუშაო დღეებში 16:00 საათამდე უნდა გამოცხადდეს მორიგე დამლაგებელი, რომელიც უზრუნველყოფს დღის განმავლობაში წარმოქმნილი დაბინძურების ოპერატიულ აღმოფხვრასა და სისუფთავის შენარჩუნებას ოფისის მთელ ტერიტორიაზე.

2. კვირაში ერთხელ შესასრულებელი სამუშაოები:
• რბილი იატაკის წმენდა პროფესიონალური ტექნიკის (მტვერსასრუტი) გამოყენებით.
• ჭერის როგორც მაღალის ასევე დაბალის და ფარდა - ჟალუზების სპეციალური საშუალებებით დასუფთავება.
3. არანაკლებ თვეში ერთხელ შესასრულებელი სამუშაოები:
• შუშებისა და ვიტრაჟების წმენდა უნდა განხორციელდეს ამ საქმიანობისათვის გამოსაყენებელი სპეციალური საშუალებებით
4. დასუფთავების მომსახურების გაწევისას გამოყენებულ უნდა იქნეს ეკოლოგიურად სუფთა და ადამიანის ჯანმრთელობისთვის უსაფრთხო საყოფაცხოვრებო, სპეციალური და პროფესიონალური დანიშნულების საწმენდი და მოსავლელი ქიმიური და სადეზინფექციო საშუალებები.
5. მიმწოდებელმა სამუშაო დროის დაწყებამდე (09:00 საათამდე) ნახევარი საათით ადრე უნდა უზრუნველყოს მის სამოქმედო ტერიტორიაზე დასუფთავების ყოველდღიური, ძირითადი სამუშაოების დასრულება.
6. მომწოდებელი ვალდებულია ოფისები მოამარაგოს შემდეგი საშუალებებით (როგორც ცენტრალურ, ასევე რეგიონული ოფისების): ქაღალდისა და საპნის პროდუქცია (არანაკლებ ორფენოვანი ქაღალდის ხელსახოცები და ტუალეტის ქაღალდები, თხევადი საპონი-დამარბილებლით) ჰაერის გამწმენდი აეროზოლები და უნიტაზის საწმენდი ზღარბებით. სველი წერტილებისთვის ქაღალდის და საპნის დისპენსერებით.

მომსახურების გაწევა უნდა განხორციელდეს ხელშეკრულების დადებიდან (არაუადრეს 2025 წლის 01 იანვრისა) 2025 წლის 31 დეკემბრის ჩათვლით.

1. სსიპ დასაქმების ხელშეწყობის სახელმწიფო სააგენტოს ცენტრალური ოფისი - ქ. თბილისი, მიხეილ ასათიანის ქ. #9.
2. ქუთაისის ოფისი - ნიუპორტის ქუჩა, შესახვევი 1 N19.
3. თელავის ოფისი - აღმაშენებლის ქ.N 41ა.
4. რუსთავის ოფისი - მე-20 მიკრო რაიონი N7/74 ა.
5. ოზურგეთის ოფისი - გაბრიელ ეპისკოპოსის ქ.N25.
6. გორის ოფისი - გმირების ქ.N18.
7. ზუგდიდის ოფისი - რუსთაველის ქ.N79.
8. ახალციხის ოფისი - სულხან საბას ქ. N2.
9. ამბროლაურის ოფისი ბრატისლავა რაჭის ქ. 15დ.

1. პრეტენდენტს 2022 წლის 01 იანვრიდან - აღნიშნული ტენდერის გამოცხადებამის დღემდე პერიოდში უნდა გააჩნდეს ჯამურად არანაკლებ 100 000 (ასი ათასი) ლარის ოდენობის თანხის ანალოგიური (დასუფთავების) მომსახურების გაწევის გამოცდილება.

2. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N2-ის შესაბამისად).

3. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.

2.9.1 პრეტენდენტმა უნდა გაითვალისწინოს, რომ ობიექტების ყოველდღიური მომსახურებისთვის გამოყოფილი თანამშრომლების ყოველთვიური შრომის ანაზღაურება უნდა შეადგენდეს ხელზე ასაღებ არანაკლებ 440 (ოთხასორმოცი) ლარს.
2.9.2 შემსყიდველი უფლებამოსილია, გამარჯვებულ პრეტენდენტთან გაფორმებული ხელშეკრულების მიმდინარეობის პერიოდში, გადაამოწმოს აღნიშნული პირობის შესრულება, როგორც ყოველდღიური მომსახურებისთვის გამოყოფილი თანამშრომლების გამოკითხვის გზით, ასევე მოსთხოვოს პრეტენდენტს შესაბამისი დადასტურებული სახელფასო უწყის(ებ)ის ან/და შესაბამისი საბანკო ამონაწერ(ებ)ის წარმოდგენა.

იმ შემთხვევაში, თუ ტენდერში მონაწილე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი) რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

ანგარიშსწორება მოხდება ეტაპობრივად, ყოველი თვის ბოლოს გაწეული მომსახურების შესაბამისად გაფრომებული მიღება-ჩაბარების აქტ(ებ)ისა და შესაბამისი საგადასახადო დოკუმენტაციის წარმოდგენის შემდეგ.

ანგარიშსწორება მოხდება მიღება-ჩაბარების აქტის და შესაბამისი დოკუმენტაციის წარდგენის შემდეგ 10 (ათი) სამუშაო დღის ვადაში.

ხათუნა მენაბდიშვილი, 577253365, khmenabdishvili@moh.gov.ge სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის მოდულის –,,კითხვა/პასუხის“ მეშვეობით

1. ტენდერში მონაწილეობის მიღებით პრეტენდენტი ავტომატურად გამოხატავს თანხმობას სატენდერო დოკუმენტაციით განსაზღვრულ მოთხოვნებზე.
2.მიმწოდებელი ვალდებულია, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით.
3. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი.
4. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
6. იმ შემთხვევაში, თუ სატენდერო პირობებზე ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა უნდა წარმოადგინოს ხელისმოწერისათვის გაცემული მინდობილობა.
7. პრედენდენტს არა აქვს უფლება წარმოადგინოს ალტერნატიული სატენდერო წინადადება.
8. სატენდერო წინადადებაში ერთეული ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებულ ყველა ხარჯი (დღგ-ს ჩათვლით).
9. თუ პრეტენდენტის მიერ ფასების ცხრილის ჯამური თანხა ნაკლები იქნება სისტემის შესაბამის ველში დაფიქსირებულ ფასზე პრეტენდენტის წინადადებად განიხილება ფასების ცხრილში მითითებული საერთო ფასი.
10. პრეტენდენტის მიერ ერთიანი ელექტრონული სისტემის მეშვეობით მომსახურების ფასების ცხრილის წარმოუდგენლობა გამოიწვევს მის დისკვალიფიკაციას დაზუსტების გარეშე.
11. პრეტენდენტის მიერ სავალდებულოდ წარმოსადგენი დოკუმენტებია:
სატენდერო დოკუმენტაციის 1.3. პუნქტის თანახმად - ფასების ცხრილი;
სატენდერო დოკუმენტაციის 2.2.1. პუნქტის თანახმად - ინფორმაცია პრეტენდენტის გამოცდილების შესახებ.