Ремонт и техническое обслуживание строительных сооружений (Грузия - Тендер #59369351)

პერსონალურ მონაცემთა დაცვის სამსახურის ოფისების სამეურნეო-ტექნიკური მომსახურების შესყიდვა

მომსახურების აღწერა (ტექნიკური დავალება):
1.2.1 მომსახურების გაწევა ითვალისწინებს პერსონალურ მონაცემთა დაცვის სამსახურის ოფისებსა და მასში განთავსებული მოწყობილობებისა და დანადგარების სამეურნეო-ტექნიკურ მომსახურებას.
1.2.2 შესყიდვის ობიექტის სახელშეკრულებო ღირებულება შეადგენს 50 000 ლარს. ელექტრონული ვაჭრობა გაიმართება მომსახურების პრეისკურანტში მოცემული ზღვრული ფასების ჯამურ ღირებულებაზე.
1.2.3 პრეტენდენტის მიერ წარმოდგენილ მომსახურების პრეისკურანტში მოცემული მომსახურების ერთეულის ფასების კლება უნდა განხორციელდეს სატენდერო დოკუმენტაციაში მოცემული პრეისკურანტის ერთეულების ზღვრული ფასებიდან, არანაკლებ სატენდერო დოკუმენტაციასა და სატენდერო განცხადებაში მოცემული პრეისკურანტის ჯამურ სავარაუდო ღირებულებასა და პრეტენდენტის მიერ სისტემაში დაფიქსირებულ საბოლოო ფასს შორის არსებული პროცენტული სხვაობით, რომელიც დამრგვალებული უნდა იყოს მეასედის სიზუსტით.
1.2.4 პრეტენდენტის მიერ წარმოდგენილ პრეისკურანტში შემოთავაზებული ღირებულებები არ უნდა აღემატებოდეს პრეისკურანტში შესაბამის პოზიციებზე მოცემულ ერთეულის ზღვრულ ღირებულებებს, თუ რომელიმე პოზიციაზე პრეტენდენტი მომსახურებას გვთავაზობს უფასოდ, ერთეულის ფასის შესაბამის გრაფაში უნდა ჩაიწეროს „0“/„-“. პრეისკურანტში მითითებული ფასები უნდა მოიცავდეს როგორც საქონლის, ისე თანმდევი მომსახურების ღირებულებასაც.
1.2.5 იმ შემთხვევაში, თუ პრეისკურანტში მითითებულია მოწყობილობის/დანადგარის მარკა, მოდელი, ნომერი და სხვა, იგულისხმება, რომ მიმწოდებელის მიერ შესაძლებელია შემოთავაზებულ იქნეს აღნიშნულ მოწყობილობა/დანადგართან თავსებადი სათადარიგო ნაწილები.
1.2.6 ხელშეკრულების გაფორმების შემდეგ, პრეისკურანტში რომელიმე პოზიციის არარსებობისას (მისი შესყიდვის აუცილებლობისას), ერთეულის ფასი დადგინდება შემსყიდველი ორგანიზაციის და მიმწოდებლის ერთობლივი შეთანხმებით, საბაზრო ფასის გათვალისწინებით. ასეთ შემთხვევაში, პრეისკურანტში შესყიდვის ობიექტის ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.7 დაზიანებული ნაწილები უნდა შეიცვალოს ახალი სათადარიგო ნაწილებით.
1.2.8 იმ შემთხვევაში, თუ აღმოჩნდება, რომ მიმწოდებლის მიერ არ არის სრულყოფილად შესრულებული მომსახურება ან/და შეცვლილი ნაწილი აღმოჩნდა წუნდებული, მიმწოდებელი ვალდებულია, აღმოჩენილი ხარვეზი აღმოფხვრას საკუთარი ხარჯებით.
1.2.9 შემსყიდველის მხრიდან პრეისკურანტით გათვალისწინებული რომელიმე მომსახურების მოთხოვნის შემთხვევაში, მათ შორის, ავარიულად გაჩერებული მოწყობილობის/დანადგარის დათვალიერება და ექსპლუატაციაში გაშვება (თუ აღნიშნული დაკავშირებული არ არის დაზიანებული ნაწილ(ებ)ის შეკეთება ან/და შეცვლასთან) უნდა მოხდეს შემსყიდველის მოთხოვნიდან (შემსყიდველის უფლებამოსილი პირ(ებ)ის მიერ სატელეფონო შეტყობინების ან/და ელ. ფოსტაზე ტექსტური შეტყობინების გაგზავნის გზით) არაუგვიანეს 24 საათში, კვირის ნებისმიერ დღეს. ნებისმიერი დაზიანებული ნაწილის შეკეთება ან/და შეცვლა უნდა განხორციელდეს შემსყიდველის მოთხოვნიდან (შემსყიდველის უფლებამოსილი პირ(ებ)ის მიერ სატელეფონო შეტყობინების ან/და ელ. ფოსტაზე ტექსტური შეტყობინების გაგზავნის გზით) არაუგვიანეს 48 საათში, კვირის ნებისმიერ დღეს. იმ შემთხვევაში, თუ მოთხოვნილი მომსახურებისთვის საჭირო საქონლის შესყიდვა შეუძლებელია ადგილობრივ ბაზარზე, მიმწოდებელი და შემსყიდველი თანხმდებიან გონივრულ ვადაზე, რაც საკმარისი იქნება საქონლის შემოტანისთვის, მაგრამ არაუმეტეს 30 კალენდარული დღისა.
1.2.10 შემსყიდველის მოთხვონის შემთხვევაში, დანადგარის/მოწყობილობის დაზიანების მიზეზების დადგენის ან/და პერიოდული დათვალიერება/დიაგონისტიკისა და შესაბამისი დეფექტური აქტ(ებ)ის შედგენის მიზნით შესაძლებელია გამოძახებულ იქნეს ტექნიკოსი/ტექნიკური ჯგუფი, რომელიც ადგილზე უნდა გამოცხადდეს სატელეფონო შეტყობინების მიღებიდან არაუგვიანეს 24 საათში. ასეთ შემთხვევაში, მიმწოდებელსა და შემსყიდველს შორის უნდა შედგეს დეფექტური აქტი, რომელშიც მითითებული უნდა იქნას არსებული მდგომარეობა, გასაწევი მომსახურების ან/და ასეთი მომსახურებისათვის საჭირო საქონლის დეტალური აღწერა, ღირებულება, მომსახურების დაწყების ვადა და შემსყიდველთან შეთანხმებული სხვა ინფორმაცია.
1.2.11 მომსახურების გაწევა უნდა განხორციელდეს შესაბამისი გამოცდილების და კვალიფიკაციის მქონე სპეციალისტების მიერ, უსაფრთხოების წესებისა და შესაბამისი სტანდარტების დაცვით.
1.2.12 შენობებში მომსახურების გაწევისას მიმწოდებელმა მომსახურე პერსონალი უნდა უზრუნველყოს უნიფორმით, შესაბამისი ინსტრუმენტებით, საჭირო ინვენტარით და სხვა საშუალებებით, რომელიც საჭირო იქნება მომსახურების გაწევის პროცესში.
1.2.13 მიმწოდებელი ვალდებულია, დაიცვას მოწყობილობების/დანადგარების უსაფრთხო ექსპლუატაციის წესებით გათვალისწინებული ყველა მოთხოვნა.
1.2.14 მომსახურების გაწევის პროცესში მიმწოდებლის ბრალეულობით შენობის ინფრასტრუქტურის ან/და შენობაში არსებული მოწყობილობების/დანადგარების დაზიანების შემთხვევაში, ზიანის აღმოფხვრის ხარჯებს სრულად აანაზღაურებს მიმწოდებელი.
1.2.15 მომსახურების გაწევისას საკუთარი თანამშრომლების ან/და შემსყიდველისთვის ან/და მესამე პირების მიმართ მიყენებულ (მ/შ გაუფრთხილებლობით) ნებისმიერ შესაძლო ზიანზე პასუხისმგებლობა და აღნიშნული ზიანით გამოწვეული შესაძლო ხარჯების ანაზღაურება ეკისრება მიმწოდებელს.
1.2.16 ხელშეკრულების გაფორმების შემდეგ, მიმწოდებლის მიერ წარმოდგენილ უნდა იქნეს ელექტრონული ფოსტის მისამართი და არანაკლებ 2 (ორი) ტელეფონის ნომერი, რომლებზეც 24 საათის განმავლობაში შესაძლებელი იქნება შემსყიდველის მხრიდან შეტყობინების განხორციელება. ხელშეკრულების მოქმედების პერიოდში აკრძალულია მითითებული ნომრების გათიშვა. მათი დაზიანების ან შეცვლის შემთხვევაში მიმწოდებელი ვალდებულია, დაუყონებლივ აცნობოს ამის შესახებ შემსყიდველს და მიაწოდოს ინფორმაცია ალტერნატიული ნომრების შესახებ.
1.2.17 მიმწოდებელმა შეცვლილი დეტალები უნდა დატოვოს ობიექტზე, შემსყიდველის შესაბამის უფლებამოსილ პირთან.
1.2.18 მოწყობილობების/დანადგარების დასახელება და აღწერილობა მოცემულია შესყიდვის ობიექტის ტექნიკურ დავალებაში, რომელიც ატვირთულია სატენდერო დოკუმენტაციის 1.2 პუნქტში.
1.2.19 საქონლისა და მომსახურების პრეისკურანტი (დანართი N1) MS Excel-ის ფორმატის ფაილის სახით ატვირთულია სატენდერო დოკუმენტაციის 1.3 პუნქტში.

2025 წლის 1 იანვრიდან 2025 წლის 31 დეკემბრის ჩათვლით, შემსყიდველის მოთხოვნის შესაბამისად.

მომსახურების გაწევა უნდა განხორციელდეს ეტაპობრივად, შემსყიდველის მოთხოვნის შესაბამისად, მისამართებზე:

ქ. თბილისი, ნ. ვაჩნაძის ქ. N7.
ქ. თბილისი, სატივის ქ. N2.
ქ. ბათუმი, ბაქოს ქ. N48

მიმწოდებელი იღებს ვალდებულებას, რომ:
1.7.1.1 გაწეული მომსახურების ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
1.7.1.2 პრეისკურანტით გათვალისწინებული მომსახურების ფარგლებში დანადგარის/მოწყობილობის შეცვლილი სათადარიგო ნაწილი იქნება ახალი და უნაკლო.
1.7.1.3 შესყიდვის ობიექტის გარანტია - პრეისკურანტის I თავის („სამეურნეო-ტექნიკური“) N137, N138 და N139 პოზიციებით, ასევე, II, III და IV თავებით გათვალისწინებული მომსახურების გაწევისას შეცვლილ სათადარიგო ნაწილებზე საგარანტიო ვადა უნდა შეადგენდეს მიღება-ჩაბარების აქტის გაფორმების დღიდან არანაკლებ 6 (ექვსი) თვეს.
1.7.1.4 შეცვლილი სათადარიგო ნაწილების მიმართ საგარანტიო ვადის განმავლობაში აღმოჩენილი დეფექტის/ხარვეზის/წუნის გამოვლენის შემთხვევაში, შემსყიდველის შეტყობინებიდან დაუყოვნებლივ აღმოფხვრას გამოვლენილი დეფექტი/ხარვეზი/წუნი - შეაკეთოს ან შეცვალოს დეფექტის მქონე საქონელი ახლით, შემსყიდველის მხრიდან რაიმე დამატებითი დანახარჯების გაწევის გარეშე.

2.2.1.1 პრეტენდენტს 2023 წლის 01 იანვრიდან დღემდე უნდა გააჩნდეს ანალოგიური მომსახურების, კერძოდ, შენობების და მასში განთავსებული მოწყობილობებისა და დანადგარების (გათბობა-გაგრილების სისტემები) სამეურნეო-ტექნიკური მომსახურების გაწევის გამოცდილება, თითოეულ წელს არანაკლებ 100 000 ლარის ოდენობით. ზემოაღნიშნულის დასტურად პრეტენდენტის მიერ წარმოდგენილი უნდა იქნეს შესაბამისი ხელშეკრულებები და გაწეულ მომსახურებაზე გაფორმებული მიღება-ჩაბარების აქტები ან/და ფორმა N2 ან/და ექსპერტიზის დასკვნები ან/და ნებისმიერი სხვა სახის დოკუმენტი, რომელიც დაადასტურებს აღნიშნული სამუშაოების შესრულების შინაარსს და ღირებულებას.

2.2.1.2 იმ შემთხვევაში, თუ დამკვეთს წარმოადგენს კერძო სამართლის იურიდიული პირი ან ფიზიკური პირი (არა სახელმწიფო შემსყიდველი ორგანიზაცია), პრეტენდენტმა ზემოაღნიშნული დოკუმენტებთან ერთად უნდა წარმოადგინოს მომსახურების გაწევის ამსახველი დადასტურებული საგადასახადო ანგარიშ-ფაქტურები, ხოლო აღნიშნულის არარსებობის შემთხვევაში, ამონაწერი საბანკო ანგარიშიდან ან/და ჩეკი ან/და ჩეკთან გათანაბრებული სხვა დოკუმენტი.

2.2.1.3 იმ შემთხვევაში, თუ სატენდერო დოკუმენტაციის 2.2.1 პუნქტით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT და ა.შ ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ 2.2.1 პუნქტში მითითებულ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნეს ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში (შესაბამისი ტენდერის უნიკალური ნომრის მითითებით) პრეტენდენტის მიერ ატვირთულ საბოლოო ხარჯთაღრიცხვაში დაფიქსირებული ერთეულის ფასებით და აგრეთვე ჯამური ღირებულებით ამავე ხარჯთაღრიცხვით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება ეტაპობრივად, უნაღდო ანგარიშსწორებით ლარში, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე.

ანგარიშსწორება განხორციელდება ფაქტობრივად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 სამუშაო დღის განმავლობაში.

გვანცა სისოშვილი, 595331403, gsisoshvili@pdps.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთულ პრეისკურანტზე (დანართი N1) სავალდებულოა უფლებამოსილი პირის კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა (საჭიროების შემთხვევაში ატვირთულ უნდა იქნეს მინდობილობა ან რწმუნებულება). პრეისკურანტის (დანართი N) წარმოუდგენლობა ან განუფასებელი სახით წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.7 პრეტენდენტს არა აქვს უფლება, წარმოადგინოს ალტერნატიული სატენდერო წინადადება.
10.1.8 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - "კითხვა/პასუხის" მეშვეობით ან/და სატენდერო კომისიის აპარატში, ქ. თბილისი, ნ.ვაჩნაძის N7.