Ремонт и техническое обслуживание транспортных средств и оборудования и сопутствующие услуги (Грузия - Тендер #59369350)

სსიპ საფიანსო-ანალიტიკური სამსახურის ბალანსზე რიცხული ავტოსატრანსპორტო საშუალებების ტექნიკური მომსახურება.

ტექნიკური დავალება:
სატენდერო დოკუმენტაციის 1.3 პუნქტით განსაზღვრული პრეისკურანტით წარმოდგენილი, სსიპ საფიანსო-ანალიტიკური სამსახურის ბალანსზე რიცხული ავტოსატრანსპორტო საშუალებების ტექნიკური მომსახურება;
ელექტრონულ ტენდერში გამარჯვების შემთხვევაში პრეტენდენტმა უნდა უზრუნველყოს შემდეგი სახის ტექ-მომსახურების გაწევა:
- ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა;
- საცხებ-საპოხი მასალების შეცვლა;
- საჭიროების შემთხვევაში ევაკუატორით მომსახურება.

ა) მოსაწოდებელი ავტონაწილები უნდა იყოს ქარხნული წარმოების, ახალი (არამეორადი).
ბ) დეტალის შეცვლა გულისხმობს არსებული დეტალის შეცვლას ახლით და ამისათვის საჭირო ყველა მომსახურების გაწევას (მაგ. სხვა დეტალების მოხსნა-დაყენებას და ა.შ.);
გ) პრეტენდენტი ვალდებულია შემსყიდველის მიმართვის შემთხვევაში ჩაატაროს ავტოსატრანსპორტო საშუალების დათვალიერება, რის შემდეგადაც მხარეები ადგენენ დეფექტურ აქტს/დოკუმენტს, რომელშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, მათი ღირებულებები.
დ) შემსყიდველი უფლებამოსილია პრეტენდენტის მიერ შედგენილ დეფექტურ აქტში მითითებული სამუშაოების სისწორის გადამოწმება მოახდინოს ავტორიზებულ სერვისცენტრში ან მხარეთა შეთანხმებით სხვა სერვისცენტრში, ასევე სსიპ ლევან სამხარაულის სახელობის სასამართლო ექსპერტიზის ეროვნულ ბიუროში;
ე) პრეტენდენტის მმართველობაში ან და სარგებლობაში არსებულმა თითოეულმა სერვისცენტრმა ადგილებზე უნდა უზრუნველყოს ავტომანქანის ტექნიკური მომსახურება კვირაში 5 დღის განმავლობაში;
ვ) პრეტენდენტს უნდა შეეძლოს ერთდროულად შემსყიდველის არანაკლებ 2 ავტოსატრანსპორტო საშუალების მომსახურება;

ა) მომსახურება უნდა განხორციელდეს ხელშეკრულების ძალაში შესვლიდან (მაგრამ არაუადრეს 2025 წლის 1 იანვრისა) 2025 წლის 31 დეკემბრის ჩათვლით;
ბ) ავტოსატრანსპორტო საშუალების ტექნიკური მომსახურება გაწეული უნდა იქნას დაუყოვნებლივ, რიგგარეშედ. მომსახურების გაწევის ვადა, რომელიც აითვლება შემსყიდველის წერილობითი ან/და მიმწოდებლის ელექტრონულ ფოსტაზე შეტყობინების მიღებიდან ან/და ავტომობილის მომსახურების სერვისცენტრში წარდგენიდან, თითოეულ შემთხვევაში არ უნდა აღემატებოდეს:
• სავალი ნაწილებისათვის 2 (ორი) სამუშაო დღე;
• ელექტროობისათვის 2 (ორი) სამუშაო დღე;
• აგრეგატების შეკეთების/შეცვლისთვის 2 (ორი) სამუშაო დღე;
• სამღებრო/სათუნუქე სამუშაოებისათვის 10 (ათი) სამუშაო დღე;
• ხანგრძლივი მომსახურების (ძრავის, სიჩქარეთა კოლოფის) გაწევის დრო 10 (ათი) სამუშაო დღე;
• სხვა დანარჩენ შემთხვევებში „შემსყიდველის“ მიერ მითითებულ გონივრულ ვადას;
გ) პრეტენდენტმა შემსყიდველის ავტოსატრანსპორტო საშუალებებს უნდა მიანიჭოს პრიორიტეტი, რაც გულისხმობს მათ რიგგარეშე და დაუყოვნებლივ მომსახურებას, თუ ავტოტექმომსახურება ეხება ძრავის კაპიტალურ რემონტს ან დეფიციტური სათადარიგო ნაწილით უზრუნველყოფას, შესაძლებელია, მომსახურების გაწევის დრო განისაზღვროს მხარეთა შეთანხმებით, მაგრამ არაუმეტეს 10 სამუშაო დღისა. სათადარიგო ნაწილი არ ჩაითვლება დეფიციტურად თუ საქართველოს ბაზარზე მოიძებნება ერთი მიმწოდებელი მაინც, რომელიც ახორციელებს აღნიშნული სათადარიგო ნაწილის რეალიზაციას;

ავტოსატრანსპორტო საშუალების ტექნიკური მომსახურების გაწევა უნდა განხორციელდეს მიმწოდებლის სერვის-ცენტრ(ებ)ში.

1.7.1.1 ექსპლუატაციის პირობების დაცვის შემთხვევაში (თუ არ აღინიშნება გარეგანი მექანიკური ზემოქმედებით გამოწვეული დაზიანება) მიმწოდებლის მიერ გაწეულ ტექ-მომსახურებზე, უნდა ვრცელდებოდეს მინიმუმ 6 თვიანი გარანტია გარდა იმ სათადარიგო ნაწილებისა, რომელთა ექსპლუატაციის ვადა დამოკიდებულია ავტომანქანების გარბენზე. აღნიშნულმა სათადარიგო ნაწილებმა უნდა უზრუნველყონ ავტომანქანის გამართულად ექსპლუატაცია მინიმუმ ქვემოთ ჩამოთვლილ გარბენზე და პერიოდში:

• ავტომობილის ძრავის ღვედი - არანაკლებ 40 000 კმ;
• გენერატორის ღვედი – არანაკლებ 30 000 კმ;
• ავტომობილის ძრავზე, გადაცემათა კოლოფზე და ხიდებზე (კაპიტალური შეკეთების შემთხვევაში) არანაკლებ 1 წელი ან 40 000 კმ;
• ავტომობილის ძრავზე, გადაცემათა კოლოფზე და ხიდებზე (ახალი ნაწილის შემთხვევაში) არანაკლებ 2 წელი ან 80 000 კმ;
• ელექტრონულ მოწყობილობებზე (გარდა ელ. მცველებისა და ნათურებისა) არანაკლებ 1 წელი;
• XENON-ის ტიპის ნათურებზე (ქარხნულად აღჭურვილ ავტომობილებზე) არანაკლებ 6 თვე;
• სათუნუქე და სამღებრო სამუშაოებზე არანაკლებ 1 წელი;
• გადაბმულობის კომპლექტზე, სამუხრუჭე ხუნდებზე, დაკიდების დისკზე, მორგვის საკისრებზე და ყუმბარებზე არანაკლებ 25 000 კმ;

1.7.1.2 საგარანტიო ვადის განმავლობაში მიმწოდებელი ვალდებულია დაუყონებლივ, არაუგვიანეს 2 (ორი) სამუშაო დღის განმავლობაში, აღმოფხვრას აღმოჩენილი წუნი/დაზიანება, შემსყიდველის მხრიდან გასაწევი ყველანაირი დამატებითი ხარჯის გარეშე;

1.7.1.3 პრეტენდენტმა სატენდერო დოკუმენტაციის 1.7.1.1 და 1.7.1.2 პუნქტებით მოთხოვნილი საგარანტიო პირობების და ვადების დასადასტურებლად უნდა წარმოადგინოს ინფორმაცია.

2.2.1 პრეტენდენტს 2023 წლის პირველი იანვრიდან წინამდებარე ტენდერის გამოცხადების დღემდე, უნდა გააჩნდეს არანაკლებ 1 (ერთი) ანალოგიური სახის (ავტოსატრანსპორტო საშუალებ(ებ)ის ტექნიკური მომსახურების გაწევა) მომსახურების გაწევის გამოცდილება, რომლის სახელშეკრულებო ჯამური ღირებულება უნდა შეადგენდეს არანაკლებ 25,000.00 (ოცდახუთი ათასი) ლარს. აღნიშნულის დასადასტურებლად პრეტენდენტმა ერთიანი ელექტრონული სისტემის საშუალებით უნდა წარმოადგინოს ხელშეკრულება და მისი სრულად შესრულების დამადასტურებელი დოკუმენტაცია (მიღება-ჩაბარების აქტ(ებ)ი ან/და ანგარიშ-ფაქტურ(ები)ა). სახელმწიფო შესყიდვის შესახებ ხელშეკრულებ(ებ)ის არსებობის შემთხევაში საკმარისია შესაბამისი SPA, NAT, CMR და ა.შ. ნომრების შესახებ ინფორმაციის წარმოდგენა;
2.2.2 პრეტენდენტმა უნდა უზრუნველყოს არანაკლებ 1 (ერთი) შემსყიდველი ორგანიზაციის სარეკომენდაციო წერილის წარმოდგენა, მათთან 2022 წლიდან წინამდებარე ტენდერის გამოცხადების დღემდე გაფორმებული, ავტოსატრანსპორტო საშუალებების ტექნიკური მომსახურების გაწევისა და ამ ხელშეკრულებების ფარგლებში განსაზღვრული ვალდებულებების სრულად და ჯეროვნად შესრულების შესახებ. სარეკომენდაციო წერილი უნდა იყოს ორგანიზაციის ტიტულოვან ფურცელზე, დადასტურებული უფლებამოსილი პირის მიერ ხელმოწერით და შეიცავდეს შემდეგ ინფორმაციას:
• იმ ორგანიზაციის დასახელებას რომლისთვისაც იქნა მომსახურება გაწეული.
• ინფორმაციას ხელშეკრულების ღირებულებისა და მომსახურების მოწოდების ვადების შესახებ.
• ინფორმაციას ხელშეკრულებით განსაზღვრული ვალდებულებების სრულად და ჯეროვნად შესრულების შესახებ.

2.3.1.1 პრეტენდენტს ქალაქ თბილისის ტერიტორიაზე, საკუთრებაში ან/და სარგებლობაში უნდა გააჩნდეს მინიმუმ ერთი სერვის ცენტრი, რომელიც აღჭურვილი იქნება შემდეგი მოწყობილობა-მექანიზმებით:
1) საბურავის დაშლა აწყობისა და ბალანსირების დანადგარი;
2) თვლების შეყრის კომპიუტერული (რაზვალი) დანადგარი;
3) კომპიუტერული დიაგნოსტიკის მოწყობილობა;
4) საყრდენი დისკოს გასაჩარხი მოწყობილობა;
5) ავტომატურ გადაცემათა კოლოფში ზეთის შეცვლის აპარატი;
6) ძრავში ზეთის შესაცვლელი აპარატი;
7) ელექტრო მომარაგების სარეზერვო წყარო (გენერატორი);
8) ავტომანქანის არანაკლებ 4 (ოთხი) ამწე მექანიზმი;
9) ავტომანქანის ძრავში საწვავის შეფრქვევის სისტემის გაწმენდის აპარატი;
10) წინა მაშუქების რეგულირების აპარატი;
11) სამღებრო სამუშაოებისათვის განკუთვნილი საშრობი ოთახი;
12) სათუნუქე სამუშაოებისათვის განკუთვნილი ტერიტორია ან ფართი.

2.3.1.2 პრეტენდენტმა მომსახურების გაწევისთვის საჭირო მატერიალურ-ტექნიკური ბაზის შესახებ უნდა წარმოადგინოს შემდეგი ინფორმაცია/დოკუმენტაცია:
ქ. თბილისში საკუთრებაში და/ან სარგებლობაში არსებული სერვის-ცენტრ(ებ)ის (მისამართ(ებ)ის მითითებით, სადაც შემსყიდველს გაეწევა ტექნიკური მომსახურება) და მათი მატერიალურ-ტექნიკური ბაზის შესახებ (სერვის-ცენტრ(ებ)ის მიხედვით და კონკრეტულ პოზიციაზე ზუსტი რაოდენობის მითითებით) ინფორმაცია. ამასთან სერვის ცენტრ(ებ)ის საკუთრებაში ფლობის არსებობის შემთხვევაში პრეტენდენტმა უნდა წარმოადგინოს საკუთრების დამადასტურებელი დოკუმენტაცია, ხოლო სარგებლობის უფლებით ფლობის არსებობის შემთხვევაში პრეტენდენტმა უნდა წარმოადგინოს სარგებლობის უფლების დამადასტურებებლი დოკუმენტაციის ასლ(ებ)ი, რომლის სარგებლობის განსაზღვრული ვადა უნდა აღემატებოდეს წინამდებარე ტენდერით გათვალისწინებული მომსახურების გაწევის ვადას. სარგებლობის უფლების დამადასტურებელ დოკუმენტაციასთან ერთად წარმოდგენილი უნდა იქნეს უფლებამოსილი პირის (მეიჯარის) საკუთრების დამადასტურებელი დოკუმენტაციაც.

2.9.1 პრეისკურანტის ღირებულება წარმოდგენილი უნდა იყოს 1.3 პუნქტში მოცემული პრეისკურანტის ჯამური ღირებულების მიხედვით, მაგრამ არაუმეტეს განცხადებაში მითითებული პრეისკურანტის სავარაუდო ღირებულებისა და პრეისკურანტ(ებ)ის თითოეულ პოზიციაზე მითითებული სავარაუდო მაქსიმალური ერთეულის ფასისა. სატენდერო წინადადებაში საერთო და ერთეულის ფასი მითითებულ უნდა იქნეს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
2.9.2 სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
2.9.3 ტენდერში ვაჭრობა გაიმართება სატენდერო განცხადებით განსაზღვრული პრეისკურანტის სავარაუდო ღირებულებასთან მიმართებით;
2.9.4 პრეტენდენტის მიერ წარმოდგენილი წინადადების ან/და ელექტრონული ვაჭრობის შედეგად შესყიდვის ობიექტის პრეისკურანტის საერთო ფასის შემცირების/კლების შემთხვევაში, ფასთა კლება პროცენტულად და პროპორციულად უნდა აისახოს შემსყიდველის მიერ პრეისკურანტით განსაზღვრულ ყოველ კონკრეტულ პოზიციაზე პრეისკურანტის სავარაუდო ღირებულებასა და სისტემაში პრეტენდენტის მიერ დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად. ამასთან, თუ ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადის სახით, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.
2.9.5 პრეტენდენტის მიერ პრეისკურანტი წარმოდგენილი უნდა იქნას „Excel“-ის ფორმატში.
2.9.6 პრეტენდენტის მიერ წარმოდგენილ პრეისკურანტში, თითოეულ პოზიციაზე პრეტენდენტის მიერ დაფიქსირებული ერთეულის ფასი არ უნდა აჭარბებდეს აღნიშნულ პოზიციაზე სატენდერო პირობებით განსაზღვრულ ერთეულის მაქსიმალურ სავარაუდო ფასს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტს მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასასაბუთებლად პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (სხვა აკრედიტირებული პირის ან/და აუდიტის მიერ გაცემულ დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო პრეისკურანტში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული შესყიდვის ობიექტის მიწოდების/გაწევის შესაძლებლობა.

7.2.1. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
7.2.2. ანგარიშსწორება მოხდება უნაღდო ანგარიშსწორებით ლარში.

შემსყიდველი იღებს ვალდებულებას გადაუხადოს მიმწოდებელს ფაქტობრივად გაწეული მომსახურების ღირებულება ეტაპობრივად, შესაბამისი მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

ირაკლი ბახტაძე, 592144449, I.bakhtadze@mof.ge ლევან კვანტალიანი, 577797984, L.Kvantaliani@mof.ge

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხო ენაზე წარდგენის შემთხვევაში მათ უნდა დაერთოს სანოტარო წესით დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.2 ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია (გარდა პრეისკურანტისა), ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა).
10.1.3 პრეტენდენტის მიერ მექანიკური შეცდომის დაშვების შემთხვევაში, როგორიცაა არასწორი ჯამის ან ნამრავლის მითითება, სიტყვიერი და ციფრობრივი გამოსახულების შეუსაბამობა, შესაძლებელია შესწორდეს დაზუსტების გარეშე, ერთეულის ფასის უპირატესობის პრინციპის გათვალისწინებით, მხოლოდ იმ პირობით თუ აღნიშნული არ აღემატება სისტემის შესაბამის ველში დაფიქსირებულ საბოლოო ფასს.