Пакеты программного обеспечения для сетей, интернета и интранета (Грузия - Тендер #59336647)

პროგრამული უზრუნველყოფის პაკეტის ლიცენზიების (შემდგომ - საქონელი/შესყიდვის ობიექტი) და მწარმოებლის სტანდარტული პირობების შესაბამისი ტექნიკური მხარდაჭერის სახელმწიფო შესყიდვა.

შესყიდვის ობიექტის აღწერა და რაოდენობა იხილეთ ატვირთულ ფაილში - დანართი N1 (ტექნიკური დავალება).

1.4.1. საქონლის მიწოდების ვადაა: ხელშეკრულების დადებიდან 2024 წლის 25 დეკემბრის ჩათვლით პერიოდი.
1.4.2. პროგრამული უზრუნველყოფის პაკეტის ლიცენზიის მწარმოებლის სტანდარტული პირობების შესაბამისი ტექნიკური მხარდაჭერის ვადაა საქონლის მიწოდებიდან არანაკლებ 1 (ერთი) წელი.

შესყიდვის ობიექტის მიწოდება მოხდება ერთიანად, შემსყიდველის მისამართზე: ქ. თბილისი, ლ.მიქელაძის ქ. №3.

1.7.1.1. პრეტენდენტის მიერ შემოთავაზებულ შესყიდვის ობიექტს უნდა ჰქონდეს მწარმოებლის სტანდარტული პირობების შესაბამისი ტექნიკური მხარდაჭერა, მოქმედების ვადით - მიღება-ჩაბარების აქტის გაფორმებიდან არანაკლებ 1 (ერთი) წელი;
1.7.1.2. ლიცენზიის გააქტიურებიდან არანაკლებ 1 (ერთი) წლის განმავლობაში, შესყიდვის ობიექტის მწარმოებლის სტანდარტული პირობების შესაბამისი ტექნიკური მხარდაჭერის ფარგლებში გამოვლენილი რაიმე ხარვეზის ან პრობლემის აღმოფხვრაში, მიმწოდებელმა უნდა უზრუნველყოს შემსყიდველის დახმარება გონივრულ ვადაში, საკუთარი ხარჯით.

2.1.1.1 პრეტენდენტი ვალდებულია ფასების ცხრილში (დანართი N2) მიუთითოს შესყიდვის ობიექტის დასახელება, წარმოშობის ქვეყანა და მწარმოებელი კომპანია;
2.1.1.2 პრეტენდენტის მიერ 2.1.1.1 ქვეპუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას. გამონაკლისს წარმოადგენს და დაზუსტებას დაექვემდებარება დოკუმენტაცია, თუ შესყიდვის ობიექტის დასახელების, წარმოშობის ქვეყანის და მწარმოებელი კომპანიის შესახებ წარდგენილი ინფორმაცია არასრულყოფილია, ან შეიცავს უზუსტობებს.

2.2.1.1. პრეტენდენტმა ერთიანი ელექტრონული სისტემის საშუალებით უნდა წარმოადგინოს 2019 წლის 1 იანვრიდან - წინამდებარე ტენდერის გამოცხადებამდე პერიოდში, ტენდერით გათვალისწინებული პროგრამული უზრუნველყოფის პაკეტის ლიცენზიებიდან არანაკლებ ერთ-ერთის ანალოგიური საქონლის მიწოდების არანაკლებ 1 (ერთი) წარმატებით განხორციელებული პროექტის შესახებ ინფორმაცია, დანართი №3-ის შესაბამისად;
2.2.1.2. პრეტენდენტმა, გამოცდილების დასადასტურებლად, ერთიანი ელექტრონული სისტემის საშუალებით უნდა წარმოადგინოს ტენდერით გათვალისწინებული ანალოგიური საქონლის მიწოდების შესახებ დადებული ხელშეკრულებები და მისი შესრულების დამადასტურებელი დოკუმენტების ასლები (მიღება-ჩაბარების აქტი ან/და დამკვეთის/შემსყიდველის მიერ გაცემული საქონლის მიწოდების დამადასტურებელი ცნობა, რომელიც შეიცავს შემდეგ ინფორმაციას: გამცემი ორგანიზაციის სრული იურიდიული დასახელება, მისამართი, საიდენტიფიკაციო კოდი, უფლებამოსილი პირის ხელმოწერა/ელ. ხელმოწერა/ელ. შტამპი, შტამპი/ბეჭედი (არსებობის შემთხვევაში), დოკუმენტის გაცემის თარიღი, საკონტაქტო ინფორმაცია, რომელზეც შესაძლებელი იქნება აღნიშნული დოკუმენტის ნამდვილობის გადამოწმება) ან/და წარმოდგენილი უნდა იქნას SPA ან/და NAT ან/და CMR ნომრები (სადაც ატვირთული იქნება საქონლის მიწოდების და ხელშეკრულების შესრულების დამადასტურებელი დოკუმენტები);
2.2.1.3. დამკვეთის/შემსყიდველის მიერ გაცემული საქონლის მიწოდების დამადასტურებელი ცნობა გაცემული უნდა იყოს წინამდებარე ტენდერის გამოცხადებამდე არაუგვიანეს 3 თვისა. ამასთან, თუ წარმოდგენილი ცნობა არ შეიცავს 2.2.1.2 ქვეპუნქტით გათვალისწინებულ რეკვიზიტებს და მითითებული გაცემის ვადა დარღვეულია, სატენდერო კომისია არ განიხილავს მასში მითითებულ სხვა ინფორმაციას და აღნიშნული განიხილება დოკუმენტის წარმოუდგენლობად.
2.2.1.4. პრეტენდენტის მიერ წარმოდგენილ CMR/SPA/NAT ნომრების შესაბამის ველში, ტენდერით გათვალისწინებული ანალოგიური საქონლის მიწოდების სრულყოფილი დოკუმენტების არსებობის შემთხვევაში, პრეტენდენტის მიერ, 2.2.1.2. ქვეპუნქტში მითითებული სხვა დოკუმენტაციის წარმოდგენა სავალდებულო არ არის.

2.9.1. პრეტენდენტის მიერ ერთიან ელექტრონულ სისტემაში ასატვირთი დოკუმენტებია:
• შესყიდვის ობიექტის აღწერა და რაოდენობა, სატენდერო დოკუმენტაციის 1.2 პუნქტის მოთხოვნების შესაბამისად, დანართი N1-ის სახით;
• ფასების ცხრილი, დანართი №2-ის სახით, სატენდერო დოკუმენტაციის 1.3. პუნქტით განსაზღვრული ფორმის შესაბამისად და 2.1.1. პუნქტის მოთხოვნების გათვალისწინებით;
• გამოცდილების შესახებ ინფორმაცია, სატენდერო დოკუმენტაციის 2.2.1 პუნქტის მოთხოვნების შესაბამისად, დანართი №3-ის ფორმის გათვალისწინებით.

2.9.2. 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის ” 27-ე მუხლის მე-3 პუნქტის შესაბამისად, დაზუსტებას არ დაექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, მასში არ არის მითითებული ინფორმაცია შესყიდვის ობიექტის დასახელების, წარმოშობის ქვეყნის და მწარმოებლის შესახებ, ასევე არ არის, ან განუფასებლადაა წარდგენილი ხარჯთაღრიცხვა, შესაბამისად ზემოაღნიშნულ შემთხვევებში მოხდება პრეტენდენტის დისკვალიფიკაცია, გამონაკლისს წარმოადგენს და დაზუსტებას დაექვემდებარება დოკუმენტაცია, თუ შესყიდვის შესყიდვის ობიექტის სავაჭრო დასახელების, წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია, ან შეიცავს უზუსტობებს.
2.9.3. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების გათვალისწინებით, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია დადასტურებული/დამოწმებული უნდა იყოს უფლებამოსილი პირის მიერ (მინდობილი პირის შემთხვევაში, ატვირთული უნდა იქნეს მინდობილობა ან რწმუნებულება) კვალიფიციური ელექტრონული ხელმოწერით და/ან დამოწმებული უნდა იყოს კვალიფიციური ელექტრონული შტამპით.
2.9.4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, უპირატესობის მინიჭების საკითხს გადაწყვეტს სატენდერო კომისია.

შენიშვნა:
ა) თუ შესყიდვის ობიექტის აღწერილობა შეიცავს პატენტს/მოდელს/სასაქონლო ნიშანს/მწარმოებელს ან წარმოშობის ქვეყანას, იგულისხმება „მსგავსი“ ან „ანალოგიური“;
ბ) ტექნიკურ დავალებაში შესყიდვის ობიექტის მახასიათებლები განსაზღვრულია მინიმალური მონაცემებით. შემსყიდველისთვის მისაღები იქნება უკეთესი მახასიათებლების მქონე (გაუმჯობესებული მონაცემების) საქონლის შემოთავაზებაც.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტის ან/და აუდიტორის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების/აკრედიტაციის დამადასტურებელი დოკუმენტ(ებ)ის ასლი), რომლითაც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს პრეტენდენტის დისკვალიფიკაციას.

7.2.1. სატენდერო წინადადებაში საერთო ფასი უნდა მოიცავდეს საქონლის მიწოდებასთან დაკავშირებულ ყველა ხარჯს და საქართველოს კანონმდებლობით გათვალისწინებულ ყველა სახის გადასახადსა და მოსაკრებელს;
7.2.2. ხარჯები, რომლებიც წინადადების ფასში არ იქნება გათვალისწინებული არ დაექვემდებარება ანაზღაურებას;
7.2.3. მიმწოდებელთან ანგარიშსწორება განხორციელდება ერთიანად, უნაღდო ანგარიშსწორების ფორმით, საქართველოს ეროვნულ ვალუტაში, ლარში;
7.2.4. დაფინანსების წყარო: შემსყიდველის 2024 წლის საკუთარი სახსრები;
7.2.5. მიმწოდებელთან ანგარიშსწორება განხორციელდება საქონლის მიწოდების შემდგომ, მიღება-ჩაბარების აქტისა და საგადასახადო ანგარიშფაქტურის (დღგ-ს გადამხდელის შემთხვევაში) მიმწოდებლის მიერ წარმოდგენის შემდეგ.

ანგარიშსწორება განხორციელდება საქონლის მიწოდების შემდგომ, ერთჯერადად, შესაბამისი მიღება-ჩაბარების აქტისა და საგადასახადო ანგარიშ-ფაქტურის (არსებობის შემთხვევაში) წარმოდგენიდან 3 (სამი) სამუშაო დღის განმავლობაში.

მაკა ლეშკაშელი, 577187070, mleshkasheli@insurance.gov.ge

10.1.1. პრეტენდენტი ვალდებულია საქონლის ერთეულის ფასი დააფიქსიროს (დაამრგვალოს) მეასედის სიზუსტით;
10.1.2. სატენდერო წინადადების საერთო ფასის წარმოდგენა დასაშვებია მხოლოდ ეროვნულ ვალუტაში - ლარი;
10.1.3. პრეტენდენტს არა აქვს უფლება წარმოადგინოს ალტერნატიული სატენდერო წინადადება.