Почтовая и курьерская службы (Грузия - Тендер #59336604)

საფოსტო და საკურიერო მომსახურების შესყიდვა.

ტექნიკური დავალება

საფოსტო -საკურიერო მომსახურების მოთხოვნები:
1. საფოსტო მომსახურების გაწევა ადგილობრივად (ქვეყნის შიგნით): გზავნილების ადრესატისთვის ჩაბარება უნდა განხორციელდეს მიმწოდებელის მიერ თბილისში - 1-3 სამუშაო დღის, რეგიონში - 3-7 სამუშაო დღის განმავლობაში (დღეების ათვლა უნდა დაიწყოს კურიერისთვის გზავნილის ჩაბარების მომდევნო სამუშაო დღიდან).
2. გზავნილების მოძრაობის ასახვა უნდა განხორციელდეს ელექტრონული პროგრამის მეშვეობით, რაზეც შემსყიდველს ექნება ხელმისაწვდომობა.
3. სწრაფი საფოსტო მომსახურება: კურიერის გამოძახება 16:00 საათამდე. 12:00 საათამდე გადაცემული გზავნილის ჩაბარება იმავე სამუშაო დღის ბოლომდე, ხოლო 12:00 საათის შემდგომ გადაცემული - მომდევნო სამუშაო დღის 12:00 საათამდე.
4. საერთაშორისო გზავნილების ადრესატზე ჩაბარება უნდა განხორციელდეს შემსყიდველის მიერ გზავნილის ჩაბარებიდან: ზონაN1, ზონა N2 და ზონა N3 -ში ჩვეულებრივი საერთაშორისო საფოსტო მომსახურებით - 14 სამუშაო დღის, ხოლო სწრაფი საერთაშორისო საფოსტო მომსახურებით 3-7 სამუშაო დღის განმავლობაში.
5. საერთაშორისო გზავნილის ჩაბარების დამადასტურებელი დოკუმენტი მოწოდებული უნდა იქნას ქართულ ენაზე, რომელშიც მითითებული უნდა იყოს ჩაბარების ზუსტი დრო, თარიღი და ჩაბარებაზე ხელმომწერი პირის სახელი/გვარი გარკვევით.
6. ამანათების გაგზავნა (გატანა-მოტანა) - ადრესატისთვის ჩაბარება უნდა განხორციელდეს მომწოდებლის მიერ.
7. მიმწოდებელმა უნდა განახორციელოს უფასო საკურიერო მომსახურება.
8. გზავნილის ჩაუბარებლობის შემთხვევაში გზავნილი დაუბრუნდეს შემსყიდველს შესაბამისი მიზეზის მითითებით მიტანიდან - 5 სამუშაო დღის შემდეგ. საერთაშორისო გზავნილის უკან დაბრუნება გაგზავნის ღირებულებით.
9. ჩაბარებული და ჩაუბარებელი გზავნილების და ამანათების, როგორც ადგილობრივი, ასევე საერთაშორისოს, მოძრაობა უნდა აისახოს ელექტრონულად მომენტალურად გზავნილის უნიკალური კოდის ქვეშ, რაც მოგვცემს ინფორმაციას: გზავნილის ჩაბარების დროის, თარიღის, მიმღები პირის ვინაობის, ჩაუბარებელი გზავნილის დაბრუნების დროის და ჩაუბარებლობის მიზეზის შესახებ.
10. უნდა არსებობდეს შემსყიდველის მიერ ჩაბარების დასტურის ელექტრონულად ამობეჭვდის საშუალება.
11. შესაძლებელი უნდა იყოს გზავნილებისთვის თვალის მიდევნება ინტერნეტის საშუალებით ონლაინ რეჟიმში უნიკალური კოდის (ე. წ. თრექინგი) მეშვეობით გზავნილის რეალურ დროში ადგილმდებარეობის დადგენის მიზნით; საერთაშორისო სწრაფ გზავნილებზე – სატრანზიტო ქვეყნების ჩათვლით.
12. კონკრეტული გზავნილის დაზიანების ან დაკარგვის შემთხვევაში შემსყიდველს უნდა ეცნობოს მომენტალურად.
13. გზავნილის დაზიანების ან დაკარგვის შემთხვევაში მიმწოდებელი ვალდებულია აუნაზღაუროს შემსყიდველს კონკრეტული გზავნილის საკურიერო მომსახურების ღირებულება, ამანათის დაკარგვის ან დაზიანების შემთხვევაში - ამანათის ღირებულება.
14. პრეტენდენტის მიერ წარმოდგენილი დოკუმენტაცია დამოწმებული უნდა იყოს კვალიფიციური ელექტრონული ხელმოწერით/შტამპით.

შენიშვნა: ფასების ცხრილში მოცემულია მომსახურების სავარაუდო მოცულობა, რომელიც შეიძლება სრულად არ იქნეს ათვისებული. ასევე, თუ მომსახურების გაწევისას აღმოჩნდა, რომ მომსახურების ჩამონათვალიდან რომელიმე პოზიციაზე მომსახურების მოცულობა (რაოდენობა) ამოიწურა და აღნიშნული მომსახურების გაწევა დამატებით გახდა აუცილებელი, შემსყიდველის შეხედულებისამებრ მხარეთა შეთანხმების საფუძველზე შესაძლებელია ხელშეკრულების ფარგლებში განხორციელდეს ცვლილება სხვა მომსახურების მოცულობის (რაოდენობის) შემცირებით.

მომსახურების გაწევა უნდა განხორციელდეს ეტაპობრივად, 2025 წლის 1 იანვრიდან 2025 წლის 31 დეკემბრის ჩათვლით.

მომსახურების გაწევა უნდა განხორციელდეს საქართველოს და საერთაშორისო ტერიტორიაზე.
მიმწოდებლის მიერ გზავნილის გატანა უნდა განხორციელდეს შემდეგი მისამართიდან: ქ. თბილისი, აკაკი წერეთლის გამზირი N144.

1. პრეტენდენტს 2022 წლიდან აღნიშნული ტენდერის გამოცხადებამდე პერიოდში უნდა გააჩნდეს ჯამურად არანაკლებ 22000 (ოცდა ორი ათასი) ლარის ოდენობის თანხის ადგილობრივი და საერთაშორისო საფოსტო და საკურიერო მომსახურების გაწევის გამოცდილება.

2. იმ შემთხვევაში თუ პრეტენდენტის მიერ გაწეული ანალოგიური გამოცდილების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N2-ის შესაბამისად).

3. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N2-ის შესაბამისად CON, SPA, NAT ან CMR ნომრების მითითების გარეშე), რომელიც ორივე მხარის უფლებამოსილი წარმომადგენლების მიერ უნდა იყოს დამოწმებული კვალიფიციური ელექტრონული ხელმოწერით ან კვალიფიციური ელექტრონული შტამპით.

1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;

2. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;

3. პრეტენდენტს არ აქვს უფლება წარმოადგინოს ალტერნატიული წინადადება;

4. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;

5. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;

6. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, სატენდერო წინადადების ფასი მოიცავს შესყიდვის ობიექტის მიწოდებასთან დაკავშირებით მიმწოდებლის ყველა ხარჯს და საქართველოს კანონმდებლობით გათვალისწინებულ გადასახადებს;

7. პრეტენდენტის მიერ ერთიან ელექტრონულ სისტემაში ასატვირთი დოკუმენტები:
- 1.3 მუხლით განსაზღვრული - ფასების ცხრილი;
- 2.2.1 მუხლით განსაზღვრული - ინფორმაცია პრეტენდენტის გამოცდილების შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

ანგარიშსწორების ფორმა - უნაღდო ანგარიშსწორება ეროვნულ ვალუტაში (ლარი);
ანგარიშსწორება განხორციელდება ეტაპობრივად, ფაქტიურად გაწეული მომსახურების მიხედვით, მხარეებს შორის გაფორმებული მიღება-ჩაბარების აქტის საფუძველზე.

ანგარიშსწორება განხორციელდება შესაბამისი მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

ლალი დევიძე, 599899059, ldevidze@moh.gov.ge