Образовательные услуги (Грузия - Тендер #59336603)

პირველადი ჯანდაცვის პერსონალის ტრენინგი ლატენტური ტუბერკულოზური ინფექციის მკურნალობის ხელშეწყობის მიზნით მომსახურება.

შესყიდვის ობიექტი
შესყიდვის ობიექტს წარმოადგენს აივ ინფექციის/შიდსის, ტუბერკულოზისა და მალარიის წინააღმდეგ ბრძოლის გლობალური ფონდის (The Global Fund to Fight AIDS, Tuberculosis and Malaria) მიერ დაფინანსებული „საქართველოში აივ/შიდსისა და ტუბერკულოზის პრევენციის, მკურნალობის, მოვლისა და მხარდაჭერის ეროვნული სისტემების გაძლიერება“ პროგრამის ფარგლებში სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის“ მიერ დაგეგმილი მომსახურების (CPV80561000 - პროფესიული მომზადება ჯანმრთელობის დაცვის სფეროში) შესყიდვა - პირველადი ჯანდაცვის პერსონალის ტრენინგი ლატენტური ტუბერკულოზური ინფექციის მკურნალობის ხელშეწყობის მიზნით.
მომსახურების მიწოდების ვადა: 9 თვე ხელშეკრულების გაფორმებიდან.
ტექნიკური დავალება
ლატენტური ტუბერკულოზური ინფექცია ტუბერკულოზის არააქტიური ფორმაა. ინფექციის მქონე პირებს ტუბერკულოზისათვის დამახასიათებელი სიმპტომები, ან ნიშნები არ აქვთ და არც გადამდები არიან, თუმცა აქვთ აქტიური ტუბერკულოზის განვითარების და ინფექციურ მდგომარეობაში გადასვლის რისკი. კვლევებმა აჩვენა, რომ ინფიცირებულთა საშუალოდ 5-10%-თან მთელი სიცოცხლის, განსაკუთრებით კი საწყისი ინფიცირებიდან პირველი 5 წლის მანძილზე ვითარდება აქტიური ტუბერკულოზი. ამასთან, შემთხვევების 60-90%-ში ლატენტური ტუბერკულოზური ინფექციის პრევენციული მკურნალობით შესაძლებელია აქტიური ტუბერკულოზის განვითარების თავიდან აცილება. შესაბამისად, ლატენტური ტუბერკულოზის პრევენციული მკურნალობა საქართველოს ტუბერკულოზის კონტროლის ეროვნულ სტრატეგიაში გათვალისწინებულია, როგორც ერთ-ერთი მნიშვნელოვანი მიმართულება.
მიზანი
ტუბერკულოზური ინფექციის მქონე პირთა პრევენციულ მკურნალობაში ჩართვის ხელშეწყობა განახლებული გაიდლაინების შესაბამისად, პირველადი ჯანდაცვის პერსონალის უწყვეტი სამედიცინო განათლების გზით.

სპეციფიკური აქტივობებია:
• ტუბერკულოზური ინფექციის მართვის აკრედიტებული უსგ პროგრამის შესაბამისად სასწავლო მასალების შემუშავება
• პჯდ დაწესებულებების 720 ექიმის 3 დღიანი პირისპირ სწავლების უზრუნველყოფა, მათ შორის ტრენინგისთვის საჭირო ინფრასტრუქტურის უზრუნველყოფა.
• პროექტის ანგარიშის მომზადება,

იხილეთ ტექნიკური დავალება

მომსახურების მიწოდების ვადა: 9 თვე ხელშეკრულების გაფორმებიდან.

მომსახურება განხორციელდება 1.2. პუნქტში ატვირთული ტექნიკური დავალების მიხედვით.

ტენდერში მონაწილე პრეტენდენტი უნდა აკმაყოფილებდეს შემდეგ მოთხოვნებს:

1. პრეტენდენტს განხორციელებული უნდა ჰქონდეს სულ მცირე 2 მსგავსი პროგრამა დაწყებული 2015 წლიდან ტენდერის გამოცხადების თარიღამდე პერიოდში, დადასტურებული დოკუმენტურად.

ანალოგიურ მომსახურაში იგულისხმება:
 პირველადი ჯანდაცვის პერსონალის ტრენინგის ორგანიზება და განხორციელება
 კლინიკური პრაქტიკის გაიდლაინების/ პროტოკოლების შემუშავება პირველადი ჯანდაცვის პერსონალისთვის (რომელიც დამტკიცებულია შრომის ჯანმრთელობისა და სოციალური დაცვის სამინისტროს მიერ)
 გაიდლაინებისა და პროტოკოლების დანერგვის გამოცდილება (უპირატესად ტუბერკულოზური ინფექციის მართვა)
 პჯდ ხარისხის გაუმჯობესებისკენ მიმართული ღონისძიებების განხორციელების გამოცდილება
ზემოაღნიშნული კრიტერიუმის დადასტურების მიზნით პრეტენდენტმა უნდა წარმოადგინოს გამოცდილების შესახებ ინფორმაცია, შევსებული თანდართული ცხრილის შესაბამისად, რომელიც უნდა დაამოწმოს/დაადასტუროს კვალიფიციური ხელმოწერით ან კვალიფიციური შტამპით.
2. ტენდერში მონაწილე ორგანიზაციას უნდა ჰქონდეს ან უზრუნველყოს ტრენინგის განსახორციელებლად საჭირო სივრცე და აღჭურვილობა (საკუთარი ან დაქირავებული).
3. ტენდერში მონაწილე ორგანიზაციას უნდა გააჩნდეს ლატენტური ტუბერკულოზური ინფექციის მართვის აკრედიტირებული სასწავლო პროგრამა

- იმ შემთხვევაში თუ პრეტენდენტის მიერ გაწეული მსგავსი/ანალოგიური მომსახურების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (ცხრილი "ინფორმაცია გამოცდილების შესახებ").

- იმ შემთხვევაში თუ მსგავსი/ანალოგიური მომსახურების შესახებ ინფორმაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ინფორმაცია (ცხრილის "ინფორმაცია გამოცდილების შესახებ" შესაბამისად CON, SPA, NAT ან CMR ნომრების მითითების გარეშე), მიმწოდებლისა და შემსყიდველის მიერ ორმხრივად ხელმოწერილი, რომელიც უნდა იყოს დამოწმებული კვალიფიციური ხელმოწერით ან კვალიფიციური შტამპით.

ტენდერში მონაწილე ორგანიზაციას უნდა გააჩნდეს ან უზრუნველყოს ტრენინგის განსახორციელებლად საჭირო სივრცე და აღჭურვილობა (საკუთარი ან დაქირავებული).

ტენდერში მონაწილე პრეტენდენტის ძირითადი პერსონალი უნდა აკმაყოფილებდეს შემდეგ მოთხოვნებს:

1.პროექტში დასაქმებულ ძირითად პერსონალს (პროექტის ხელმძღვანელი, ტრენერი, კოორდინატორი) უნდა ჰქონდეს ანალოგიური მომსახურების მიწოდების გამოცდილება,დაწყებული 2015 წლიდან ტენდერის გამოცხადების თარიღამდე პერიოდში, დადასტურებული დოკუმენტურად.
2.პროექტის ფარგლებში დასაქმებულ ტრენერებს უნდა გააჩნდეთ შესაბამის თემატიკაში (ტუბერკულოზის მართვა), ტრენინგის განხორციელების გამოცდილება, დაწყებული 2015 წლიდან ტენდერის გამოცხადების თარიღამდე პერიოდში, დადასტურებული დოკუმენტურად.
3. ძირითადი პერსონალის კომპოზიცია და ფუნქციები;
4. ძირითადი პერსონალის ბიოგრაფიული რეზიუმე (CV);

პრეტენდენტის მიერ პერსონალის შესახებ ინფორმაციის წარმოდენა უნდა მოხდეს „პერსონალურ მონაცემთა დაცვის შესახებ“ საქართველოს კანონის დაცვით. CV-ის წარმოდგენის შემთხვევაში, უნდა დაიშტრიხოს პერსონალური მონაცემების შემცველი ინფორმაცია (პირადი ნომერი), ასევე CV ხელმოწერილი უნდა იყოს სუბიექტის მიერ და თან უნდა ახლდეს მონაცემთა სუბიექტის თანხმობა დოკუმენტის ერთიან ელექტრონულ სისტემაში განთავსებასთან დაკავშირებით

პრეტენდენტმა უნდა წარმოადგინოს მომსახურების გაწევის საორიენტაციო გეგმა-გრაფიკი 1.3 პუნქტში ატვირთული ცხრილის შესაბამისად.

ქვეკონტრაქტორის მიმართ მოთხოვნები, არსებობის შემთხვევაში:

* ძირითადი პერსონალი გამოცდილების შესახებ ინფორმაცია სატენდერო დოკუმენტაციის 2.4.1-ის შესაბამისად;

** ქვეკონტრაქტორის გამოცდილების შესახებ ინფორმაცია 2.2.1 პუნქტების მოთხოვნის შესაბამისად,

*** პრეტენდენტსა და ქვეკონტრაქტორს შორის შეთანხმება ურთიერთთანამშრომლობის შესახებ.

ზემოაღნიშნული კრიტერიუმების შესაბამისობის დადგენის მიზნით, წარმოდგენილ უნდა იქნეს შესაბამისი დამადასტურებული დოკუმენტები.

1. პრეტენდენტი ვალდებულია წარმოადგინოს მომსახურების განხორციელების ტექნიკური აღწერა 1.2 პუნქტში ატვირთული ტექნიკური დავალების შესაბამისად.

2. პრეტენდენტმა მიერ შექმნილი, წინადადების სახით წარსადგენი დოკუმენტები (მაგ., სატენდერო წინადადება - ფასების ცხრილი, გეგმა გრაფიკი, ინფორმაცია პრეტენდენტის გამოცდილების შესახებ და ა.შ). დაამოწმოს/დაადასტუროს კვალიფიციური ხელმოწერით ან კვალიფიციური შტამპით. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად.

რამდენადაც მომსახურება წარმოადგენს ინტელექტუალური მომსახურების ხასიათის შესყიდვას, ტენდერში პრეტენდენტს არ მოეთხოვება ფასწარმოქმნის ადექვატურობის დასაბუთება, იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

თუ ტენდერში გამარჯვებული პრეტენდენტი არის დღგ-ს გადამხდელი ან ხელშეკრულების გაფორმების პერიოდისთვის წარმოეშვა დღგ-ის გადამხდელად სავალდებულო რეგისტრაციის ვალდებულება, პრეტენდენტს მოეთხოვება ხელშეკრულების უზრუნველყოფის გარანტიის წარმოდგენა.

2 Процентов

2 Процентов

ხელშეკრულების უზრუნველყოფის გარანტია უნდა მოქმედებდეს ხელშეკრულების მოქმედების ვადის ამოწურვამდე.

1. უპირობო საბანკო გარანტია გაცემული საბანკო ან/და სადაზღვევო ორგანიზაციის მიერ.
უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნეს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

2. ხელშეკრულების უზრუნველყოფის საბანკო გარანტია წარდგენილი უნდა იქნეს შემსყიდველ ორგანიზაციაში ხელშეკრულების დადებამდე.

3. პრეტენდენტის მიერ წარმოდგენილ ხელშეკრულების შესრულების უზრუნველყოფის გარანტიაში არ უნდა იყოს მითითებული, რომ გარანტია მცირდება შესრულების პროპორციულად.

4. მიმწოდებელი არ არის ვალდებული წარადგინოს ხელშეკრულების უზრუნველყოფის საბანკო გარანტია, თუ ხელშეკრულების ღირებულება ნაკლებია 200 000 (ორასი ათასი) ლარზე.

5. შემსყიდველი ორგანიზაციის გადაწყვეტილებით, ამ პუნქტით გათვალისწინებული გარანტიის წარდგენისგან შესაძლებელია განთავისუფლდეს პოტენციური მიმწოდებელი მისი საქმიანი რეპუტაციის, გაწეული მომსახურების ხარისხისა და ცნობადობის გათვალისწინებით, აგრეთვე თეთრ სიაში რეგისტრირებული მიმწოდებელი.

ანგარიშსწორება განხორციელდება ფაზები მიხედვით, უნაღდო ანგარიშსწორებით, ფაქტიურად განხორციელებული მომსახურების შესაბამისად გაფორმებული მიღება-ჩაბარების აქტის საფუძველზე.

მე-2 და მე-3 ფაზებში მსმენელთა რაოდენობრივი და გეოგრაფიული გადანაწილება არის საორიენტაციო და ანაზღაურდება ფაქტიურად შესრულებული სამუშაოს მიხედვით (მსმენელთა რაოდენობა). შესაბამისად, პრეტენდენტმა უნდა განსაზღვროს ერთეულის ღირებულება. ამასთან, გეოგრაფიული განაწილება და გრაფიკის ცვლილება დასაშვებია შემსყიდველთან წერილობითი შეთანხმებით, ხელშეკრულებიც ცვლილების გარეშე.

ანგარიშსწორება განხორციელდება უნაღდო ანგარიშსწორებით, ფაქტიურად გაწეული მომსახურების საფუძველზე, მიღება- ჩაბარების აქტის გაფორმებიდან არაუგვიანეს 20 (ოცი) სამუშაო დღის ვადაში.

ხათუნა კაპანაძე, 595071622, kh.kapanadze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

10.1.1. ტენდერში მონაწილეობის მიღება შეუძლიათ მხოლოდ სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ მომხმარებლებს;
10.1.2.სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში. პრეტენდენტმა უნდა გაითვალისწინოს რომ სატენდერო წინადადების ღირებულება უნდა მოიცავდეს ამ ტენდერით გათვალისწინებულ მომსახურებასთან და მიწოდებასთან დაკავშირებულ ყველა ხარჯსა და კანონმდებლობით გათვალისწინებულ გადასახადებს, გარდა დამატებული ღირებულების გადასახადისა. მომსახურებასთან დაკავსირებული სხვა ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას. იმ შემთხვევაში თუ გამარჯვებული პრეტენდენტი ხელშეკრულების დადების მომენტში არის დღგ-ს გადამხდელი, შემსყიდველი ორგანიზაცია ხელშეკრულების ღირებულებაში გაითვალისწინებს შესაბამისი დღგ-ის ოდენობას, მოქმედი კანონმდებლობის შესაბამისად;
10.1.3. ტენდერში გამარჯვებულად ჩაითვლება ის პრეტენდენტი, რომელიც დააფიქსირებს ყველაზე დაბალ სატენდერო წინადადების ფასს და ამასთან, დააკმაყოფილებს სატენდერო დოკუმენტაციითა და შესაბამისი სამართლებრივი აქტებით დადგენილ მოთხოვნებს;
10.1.4. სატენდერო კომისია სატენდერო წინადადებებს განიხილავს კანონმდებლობით დადგენილ ვადაში და შედეგები გამოქვეყნდება სისტემის მეშვეობით;
10.1.5. ტენდერთან დაკავშირებული დოკუმენტები ან/და ინფორმაცია შესაძლებელია წარმოდგენილ იქნეს ქართულ ან/და უცხო ენაზე. დოკუმენტების ან/და ინფორმაციის უცხო ენაზე წარმოდგენის შემთხვევაში, მათ უნდა დაერთოს ქართული თარგმანი;
10.1.6. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.7. პრეტენდენტი სატენდერო წინადადების წარმოდგენით ეთანხმება სატენდერო დოკუმენტაციითა და ხელშეკრულების პროექტით განსაზღვრულ ყველა მოთხოვნას. თუ ხელშეკრულების გასაფორმებლად მოწვევის შემდგომ აღმოჩნდება, რომ გამარჯვებული პრეტენდენტი არ ეთანხმება სატენდერო დოკუმენტაციითა და ხელშეკრულების პროექტით განსაზღვრულ რომელიმე პირობას, აღნიშნული აღქმული იქნება, როგორც მიმწოდებლის მხრიდან ხელშეკრულების გაფორმებაზე უარის თქმა, რისი გათვალისწინებითაც მოხდება მისი დისკვალიფიკაცია ტენდერიდან;
10.1.8. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
10.1.9. მიმწოდებელი ვალდებულია გაეცნოს და დაიცვას გლობალური ფონდის „მიმწოდებელთა ქცევის ნორმების სახელმძღვანელო“ h ttps://www.theglobalfund.org/media/3275/corporate_codeofconductforsuppliers_policy_en.pdf;
• იხელმძღვანელოს საინფორმაციო სისტემებისა და მონაცემთა გაცვლის სახელმძღვანელოს https://www.theglobalfund.org/media/9564/core_criticaldatamanagement_guidance_en.pdf პირობებით;
• იხელმძღვანელოს და დაიცვას გლობალური ფონდის გრანტების შესახებ მარეგულირებელი ნორმები (14 ივნისი 2023), https://www.theglobalfund.org/media/13343/core_grantregulationsversionone_regulations_en.pdf;
ზემოხსენებული მარეგულირებელი ნორმების უგულვებელყოფა შეიძლება გახდეს ხელშეკრულების შეწყვეტის საფუძველი.