Автомобили (Грузия - Тендер #58708575)

სსიპ ველური ბუნების ეროვნული სააგენტოს საჭიროებისთვის 1 (ერთი) ცალი კვადროციკლის სახელმწიფო შესყიდვა.

შესყიდვის ობიექტის მინიმალური ტექნიკური პარამეტრები, იხილეთ დანართში (ტექნიკური მახასიათებლები).

შენიშვნა:
1. ტექნიკურ მახასიათებლის იმ გრაფებში სადაც არის აღნიშვნა ივსება პრეტენდენტის მიერ, გრაფით მოთხოვნის პარამეტრებს ავსებს პერტენდენტი
2. საქონელი უნდა იყოს ახალი, ნივთობრივად და უფლებრივად უნაკლო.
3. შესყიდვის ობიექტის გამოშვების წელი უნდა იყოს არაუადრეს 2023.

სატენდერო წინადადებაში საერთო ფასი უნდა მოიცავდეს კვადროციკლის ტრანსპორტირების, განბაჟების, შემსყიდველისათვის გადაფორმებისა (სანომრე ნიშნების აღება) და ყველა სხვა ხარჯს, რომელიც დაკავშირებული იქნება საქონლის მიწოდებასთან..

შესყიდვის ობიექტის მინიმალური ტექნიკური პარამეტრები, იხილეთ დანართში (ტექნიკური მახასიათებლები).
იხ. თანდართული დოკუმენტი

საქონლის მიწოდება უნდა განხორციელდეს ხელშეკრულების გაფორმებუიდან 30 (ოცდაათი) კალენადრულ დღეში

საქონლის მოწოდება უნდა განხორცილდეს შემსყიდველის მისამართზე გარდაბნის მუნიციპალიტეტი, სოფ ფონიჭალის მიმდებარედ. თბილისი-რუსთავის გზატკეცილი, ყოფილი კრწანისის ტყეპარკის ტერიტორია

მოწოდებულ საქონელზე უნდა ვრცელდებოდეს გარანტია შესაბამისი მიღება-ჩაბარების აქტის გაფორმების დღიდან არანაკლებ 2 წელი ან 4000 კმ რომელიც ადრე დადგება (ძირითად აგრეგატებზე - ძრავა, ხიდი, გადაცემათა კოლოფი, ჰიდრავლიკური სისტემა, ელექტროობა და სავალი ნაწილები (გარდა სწრაფცვეთადი ნაწილებისა).

საგარანტიო პერიოდში გამოვლენილი დეფექტები მიმწოდებელმა უნდა აღმოფხვრას საკუთარი ხარჯით.

პრეტენდენტმა უნდა წარმოადგინოს მოთხოვნილ გარანტიაზე დასტურის შესახებ ინფორმაცია, რომელიც ასევე უნდა მოიცავდეს მომსახურებისათვის საჭირო პერიოდულობის (შესაცვლელი ნაწილების და ჩასატარებელი მომსახურების ჩამონათვალი შესაბამის პერიოდების მითითებით)
შესახებ მონაცემებს.

პრეტენდენტმა დანართ #1-ში (ფასების ცხრილი) უნდა მიუთითოს შესყიდვის ობიექტის (კადროციკლი) მწარმოებელი ქვეყნის, მწარმოებლის და მარკა/მოდელის შესახებ ინფორმაცია.


შენიშვნა:
ზემოაღნიშნული მოთხოვნის შესახებ ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას.

პრეტენდენტს, 2020 წლის 1 იანვრიდან ტენდერის გამოცხადების დღემდე უნდა გააჩნდეს კვადროციკლების ან/და მსგავსი ტიპის სატრანსპორტო საშუალების (კვადროციკლი (მათ შორის ბაგი), ან/და მოტოციკლი, ან/და თოვლში სასიარულო ავტოსატრანსპორტო საშუალება)) მიწოდების გამოცდილება, არანაკლებ შესყიდვის სავარაუდო ღირებულების 50%-ის ოდენობით.

აღნიშნული ინფორმაცია პრეტენდენტმა უნდა დაადასტუროს კონკრეტული ხელშეკრულებების და მიღება-ჩაბარების აქტების ან/და ანგარიშფაქტურების ან/და ინვოისების წარმოდგენით (სისტემაში ატვირთვით) და/ან სახელმწიფო შესყიდვების ერთიან ელექტრონულ სისტემაში კონკრეტული SPA/NAT/CMR ნომრ(ებ)ის მითითებით.


იმ შემთხვევაში თუ პრეტენდენტის მიერ მიწოდების დამადასტურებელი ხელშეკრულებები და მიღება– ჩაბარების აქტები დარეგისტრირებულია/ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტს შეუძლია სატენდერო დოკუმენტაციის N3 დანართის შენიშვნის გრაფაში მიუთითოს სისტემაში შესაბამისი დოკუმენტაციის რეგისტრაციის ნომერი.


საჭიროების შემთხვევაში შემსყიდველი უფლებამოსილია უზრუნველყოს წარმოდგენილი ინფორმაციის გადამოწმება.
იხ. სატენდერო დოკუმენტაციის თანდართული დანართი #3

1. პრეტენდენტს, კვადროციკლების ტექნიკური მომსახურების გაწევის მიზნით საქართველოს ტერიტორიაზე უნდა გააჩნდეს მინიმუმ 1 (ერთი) სერვისცენტრი. ამას გარდა, უნდა ჰყავდეს მობილური სერვის ჯგუფი, რომელიც გამოძახების შესაბამისად შეძლებს ადგილზე ჩასვლას და საჭირო ტექნიკური მომსახურების მიწოდებას.
2. პრეტენდენტმა ელექტრონული სისტემის მეშვეობით უნდა წარმოადგინოს დოკუმენტაცია/ინფორმაცია:

ა) - ინფორმაცია სერვის-ცენტრის ადგილმდებარეობის და მობილური სერვის ჯგუფის შესახებ.
ბ) - ინფორმაცია შემოთავაზებული სერვისცენტრი იმყოფება თუ არა პრეტენდენტის სარგებლობაში ან მმართველობაში (საკუთრება ან იჯარა ან სუბკონტრაქტორი).
გ) - პრეტენდენტმა იჯარის (სარგებლობაში/მმართველობაში) ან/და სუბკონტრაქტორის არსებობის
შემთხვევაში აღნიშნულის დადასტურება უნდა განახორციელოს შესაბამისი ხელშეკრულებების საფუძველზე. საკუთრების შემთხვევაში აღნიშნულის დადასტურება უნდა განახორციელოს შესაბამისი საკუთრების დამადასტურებელი დოკუმენტები საფუძველზე.

პრეტენდენტი უნდა იყოს შემოთავაზებული შესყიდვის ობიეტის (კვადროციკლი) მწარმოებლის ოფიციალური წარმომადგენელი (დისტრიბუტორი/დილერი) საქართველოში;

აღნიშნულის დასადასტურებლად პრეტენდენტმა ერთიანი ელექტრონული სისტემის მეშვეობით უნდა წარმოადგინოს საქართველოში ოფიციალური წარმომადგენლობის დამადასტურებელი დოკუმენტი (უცხოურენოვანი დოკუმენტის წარმოდგენის შემთხვევაში მიმწოდებელი ვალდებულია წარმოადგინოს ქართულად ნათარგმნი ნოტარიული წესით დამოწმებული დოკუმენტი).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია შემსყიდველის მოთხოვნის შესაბამისად უზრუნველყოს ფასწარმოქმნის ადეკვატურობის დასაბუთება (დასაბუთება შესაძლებელია განხორციელდეს სსიპ ლევან სამხარაულის სახელობის სასამართლოს ექსპერტიზის ეროვნული ბიუროს ან დამოუკიდებელი ექსპერტის/აუდიტორის მიერ გაცემული დასკვნით რომელიც ადასტურებს პრეტენდენტის მიერ დაფიქსირებულ ფასად სატენდერო წინადადებით ნაკისრი ვალდებულებების შესრულების შესაძლებლობას). იმ შემთხვევაში, თუ პრეტენდენტის მიერ არ იქნა წარმოდგენილი, ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მოხდება, უნაღდო ანგარისწორებით ლარებში.

ანგარიშსწორება მიმწოდებელთან განხორციელდება ხელშეკრულების შესაბამისად გაფორმებული
მიღება-ჩაბარების აქტის და მიმწოდებლის მიერ წარმოდგენილი ფინანსური დოკუმენტების საფუძველზე;

სატენდერო დოკუმენტაციის 7.2 პუნქტის მე-2 ქვეპუნქტში მითითებული დოკუმენტების წარმოდგენიდან არაუგვიანეს 5 (ხუთი) სამუშო დღის განმავლობაში.

შოთა ჯორჯიკია, 577182728, info@sanerge.com

1. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. უცხო ენაზე შედგენილი დოკუმენტები უნდა იყოს თარგმნილი ქართულ ენაზე და დამოწმებული სანოტარო წესით.

2. საქართველოს რეზიდენტი პრეტენტენტების მიერ სახელმწიფო შესყიდვების ერთიან ელექტრონულ სისტემაში ატვირთული ელექტრონული დოკუმენტი უნდა შეესაბამებოდეს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონით მე-3 მუხლის მე-3 პუნქტით დადგენილ მოთხოვნებს.


არარეზიდენტი პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია ხელმოწერილი ან/და ბეჭედდასმული უნდა იყოს უფლებამოსილი პირის მიერ.

3. პრეტენდენტ(ებ)ს არა აქვს უფლება წარმოადგინოს ალტერნატიული სატენდერო წინადადება.

4. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის/მოსაკრებელის/სახდელის გათვალისწინებით, რომელთა გადახდა ეკისრება მიმწოდებელს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.

5. პრეტენდენტი ვალდებულია ფასების ცხრილში (ხარჯთაღრიცხვა) მითითებული ერთეულისა და საერთო ფასები გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი);

6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს).

7. შემსყიდველი უფლებამოსილია, ხელშეკრულების შესრულების ნებისმიერ ეტაპზე მოახდინოს მიმწოდებლის მიერ, ვალდებულების შესრულების კონტროლი.

8. სატენდერო წინადადების წარდგენით პრეტენდენტი ავტომატურად გამოხატავს თანხმობას ტექნიკური პირობებით განსაზღვრულ მოთხოვნებზე.

8. ტენდერის დაფინანსების წყაროა: 2024 წლის სახელმწიფო ბიუჯეტიდან გამოყოფილი ასიგნებები.

პრეტენდენტებმა ტექნიკური დოკუმენტაციის სახით სისტემაში უნდა ატვირთონ შემდეგი დოკუმენტები და ინფორმაცია:

1. ფასების ცხრილი დანართი 1
2. ტექნიკური მახასიათებლები დანართი 2
3. ინფორმაცია საგარანტიო მომსახურების ვადებისა და პირობების შესახებ.
4. ინფორმაცია საგარანტიო პერიოდში გასაწევი მომსახურების პერიოდულობის შესახებ.
5. მწარმოებლის მიერ გაცემული დოკუმენტი რაც დაადასტურებს შემოთავაზებული საქონლის, ტექნიკური დავალებით განსაზღვრული ძირითადი ტექნიკური მახასიათებლების შესაბამისობას
სატენდერო მოთხოვნებთან (ქართულ ენაზე ნათარგმნი და ნოტარიულად დამოწმებული).
6. სერვის-ცენტრის (სადაც განხორციელდება სატრანსპორტო საშუალების ტექმომსახურება) და მობილური სერვის ჯგუფის შესახებ შესაბამისი ინფორმაცია/დოკუმენტაცია (სატენდერო დოკუმენაციის 2.3. მუხლის გათვალისწინებით).
7. გამოცდილების შესახებ ინფორმაცია/დოკუმენტაცია (სატენდერო დოკუმენაციის 2.2. მუხლის გათვალისწინებით) დანართი 3
8. წარმომადგენლობის შესახებ ინფორმაცია/დოკუმენტაცია (სატენდერო დოკუმენაციის 2.7. მუხლის გათვალისწინებით).
9. სატენდერო წინადადების ხელისმომწერისათვის უფლებამოსილი პირის მიერ გაცემული მინდობილობა (საჭიროების შემთხვევაში).