Газы (Грузия - Тендер #58649316)

სამედიცინო ჟანგბადის შესყიდვა.
1) აირადი ჟანგბადი
2) თხევადი ჟანგბადი

1) აირადი ჟანგბადი (ტრანსპორტირებით, საშიში ტვირთების გადაზიდვის წესების შესაბამისად) - არანაკლებ 99.5 % აირადი ჟანგბადის დატუმბვა 40 ლიტრიან ბალონში. არანაკლებ 150 კგ/სმ 2 ატმოსფერო- 30 ცალი
2) თხევადი ჟანგბადი (ტრანსპორტირებით, საშიში ტვირთების გადაზიდვის წესების შესაბამისად) - არანაკლებ 99.5 % - 12000 ლიტრი

ხელშეკრულების გაფორმებიდან 2024 წლის 31 დეკემბრის ჩათვლით, ეტაპობრივად, მოთხოვნიდან არაუმეტეს 3 სამუშაო დღეში.

1.5.1 მიმწოდებელი ვალდებულია ტრანსპორტირება განახორციელოს უსაფრთხოების წესების დაცვით, შესაბამისი სპეციალიზირებული ტრანსპორტით.

1.5.2 საქონელი მოწოდებული უნდა იყოს საქართველოს კანონმდებლობით დადგენილი ყველა სტანდარტისა და ნორმის დაცვით.

1.5.3 მოწოდების ადგილი:ზუგდიდის მუნიციპალიტეტი სოფ. რუხი. შპს "რუხის რესპუბლიკური საავადმყოფო".

პრეტენდენტმა უნდა წარმოადგინოს ფასების ცხრილის მოცემულ პოზიციაზე შემოთავაზებული საქონლის წარმოშობის ქვეყნისა და მწარმოებლის შესახებ ინფორმაცია.

2.7.1.1 მიწოდებული პროდუქტი უნდა იყოს ვარგისი, დარეგისტრირებული და ნებადართული საქართველოს მოქმედი კანონმდებლობით.

2.7.1.2 პრეტენდენტმა, ერთიან ელექტრონულ სისტემაში, უნდა წარმოადგინოს „ლიცენზირებისა და ნებართვების შესახებ“ საქართველოს კანონით განსაზღვრული ფარმაცევტული წარმოების სანებართვო მოწმობა და სანებართვო მოწმობის დანართი სამედიცინო ჟანგბადის წარმოებაზე.

შენიშვნა: იმ შემთხვევაში, თუ პრეტენდენტის მიერ წარმოდგენილი ლიცენზია/ნებართვის მოქმედების ვადა იწურება ხელშეკრულების მოქმედების პერიოდში, პრეტენდენტი/მიმწოდებელი ვალდებულია ლიცენცია/ნებართვის მოქმედების ვადის ამოწურვამდე 10 (ათი) სამუშაო დღით ადრე, შემსყიდველს წარუდგინოს განახლებული ლიცენზია/ნებართვა, რომლის მოქმედების ვადა უნდა აღემატებოდეს ხელშეკრულების მოქმედების ვადას.

პრეტენდენტმა სისტემაში უნდა ატვირთოს წინამდებარე პუნქტით განსაზღვრული სარეგისტრაციო მოწმობა/ლიცენზია/ნებართვა.

4.1.1.1. იმ შემთხვევაში, თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

4.1.1.2. ფასწარმოქმნის ადეკვატურობის 20%-ით მეტი ფასის კლების შემთხვევაში,დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება განხორციელდება ფაქტიურად მოწოდებული საქონლის მიხედვით, უნაღდო ანგარიშსწორებით, ეროვნულ ვალუტაში - ლარში, მიმწოდებლის მიერ წარმოდგენილი სასაქონლო ზედნადებისა და ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე მხარეებს შორის გაფორმებული მიღება-ჩაბარების აქტით.

ანგარიშსწორება განხორციელდება მიწოდებულ საქონელზე გაფორმებული მიღება-ჩაბარების აქტების გაფორმებიდან არაუგვიანეს 30 (ოცდაათი ) კალენდარულ დღეში.

თეა არქანია, 577424156, arkaniatea@gmail.com

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.

10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.

10.1.3. ალტერნატიული სატენდერო წინადადება არ განიხილება.

10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.

10.1.5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევებში) უნდა მიუთითოს დღგ-ს გათვალისწინებით.

10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.

10.1.7. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.

10.1.8. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.