Юридические услуги (Грузия - Тендер #58153940)

საჯარო და კერძო თანამშრომლობის სააგენტოს საჭიროებისათვის იურიდიული მომსახურების შესყიდვა

• საქართველოს საჯარო და კერძო თანამშრომლობის მარეგულირებელი კანონმდებლობის ევროკავშირის კანონმდებლობასთან ჰარმონიზაციის პროცესში დახმარების გაწევა;
• ევროკომისიის მიერ წარმოდგენილი შენიშვნების ანალიზი, რომლებიც, ზოგადად, ეხება:

- საინიციატივო წინადადებებს;
- საჯარო და კერძო თანამშრომლობის პროექტის განხორციელების ტიპოლოგიის დამუშავებას;
- საჯარო და კერძო თანამშრომლობასთან დაკავშირებული ტერმინების ინკორპორირებას კანონმდებლობაში;
- საჯარო და კერძო თანამშრომლობის ხელშეკრულებაში ცვლილებების შეტანის შემთხვევებს;
- საჯარო და კერძო თანამშრომლობის კანონმდებლობის გავრცელების ფარგლებს;
- საჯარო და კერძო თანამშრომლობის პროექტის ღირებულებასა და ვადას;
- შერეული ტიპის კონტრაქტებს;
- შესარჩევი პროცესის კრიტერიუმებსა და შეზღუდვებს;
- ევროკავშირის დირექტივის სავალდებულო დანართების აპროქსიმაციას.

• საქართველოსა და ევროკავშირის კანონმდებლობას შორის არსებული განსხვავებების იდენტიფიცირება;
• „სახელმწიფო შესყიდვების შესახებ“ („საჯარო შესყიდვების შესახებ“) კანონის იმ მუხლებისა და დებულებების ანალიზი, რომლებიც დაკავშირებულია საჯარო და კერძო თანამშრომლობის კანონმდებლობასთან;
• საჯარო და კერძო თანამშრომლობის კანონმდებლობაში სხვა შეუსაბამობებისა და ხარვეზების იდენტიფიცირება;
• საჯარო და კერძო თანამშრომლობის კანონმდებლობაში შესატანი ცვლილებების პაკეტის პროექტის მომზადება;
• ევროკავშირის კანონმდებლობასთან შესაბამისობის ანგარიშის (Table of Concordance) მომზადება;
• ევროკავშირისგან მიღებული უკუკავშირის საფუძველზე, დამატებითი ცვლილებების განხორციელება მომზადებულ დოკუმენტებში, საჭიროების შემთხვევაში;
• შესასრულებელი სამუშაოს ფარგლებში დაგეგმილ შეხვედრებში მონაწილეობის მიღება;
• დაინტერსებულ მხარეებთან სხვადასხვა სახის კომუნიკაციის უზრუნველყოფა;
• სამუშაოს შესრულებისათვის საჭირო სხვა ღონისძიებების განხორციელება.

მომსახურების მიწოდების ვადა არაუგვიანეს 2024 წლის 25 დეკემბრისა.

(სამუშაოს ნაწილი, რომელიც დამოკიდებულია ევროკავშირისგან კომენტარების მიღებაზე, შესაძლოა, შესრულდეს მიღება-ჩაბარების აქტით გაფორმებული სამუშაოს დასრულების შემდგომ)

მომსახურების გაწევა უნდა განხორციელდეს შემდეგ მისამართზე: ქ. თბილისი, პ.ინგოროყვას N7 ან/და დისტანციურ რეჟიმში, შემსყიდველის მოთხოვნის შესაბამისად.

მიმწოდებელს უნდა გააჩნდეს მსგავსი სამუშაოს შესრულების,საჯარო და კერძო თანამშრომლობის პროექტებთან (საჯარო და კერძო თანამშრომლობის მოდალობით დაგეგმილი ან განხორცილებული პროექტი) და საჯარო და კერძო თანამშრომლობის კანონმდებლობაზე მუშაობის არანაკლებ 2 (ორი) წლიანი გამოცდილება 2018 წლიდან. აღნიშნულის დასადასტურებლად პრეტენდენტმა ერთიან ელექტრონულ სისტემაში სატენდერო წინადადებასთან ერთად უნდა ატვირთოს შესაბამისი ხელშეკრულებები და მიღება-ჩაბარების აქტები/ანგარიშ-ფაქტურები, ხოლო თუ პრეტენდენტს ხელშეკრულებ(ები)ა გაფორმებული აქვს სახელმწიფო შემსყიდველ ორგანიზაციასთან, საკმარისია მიუთითოთ შესაბამისი SPA,NAT,CMR.

პრეტენდენტმა უნდა წარმოადგინოს სარეკომენდაციო წერილი, რომელიც ასახავს კანდიდატის მიერ საჯარო და კერძო თანამშრომლობის მოდალობით დაგეგმილი ან განხორცილებული პროექტის ფარგლებში შესრულებულ სამუშაოს.
სარეკომენდაციო წერილი გაცემული უნდა იყოს 2018 წლის შემდგომ პერიოდში გაწეულ მომსახურებაზე.


მომსახურების ხარისხიანი შესრულების აუცილებლობიდან გამომდინარე:
(ა) პრეტენდენტს უნდა გააჩნდეს საერთაშორისო ორგანიზაციებთან, ან/და კომპანიებთან (მინიმუმ 1 (ერთი) საერთაშორისო ორგანიზაცია/კომპანია) ურთიერთობის (PPP საკითხებთან და პროექტებზე მუშაობის მიმართულებით) სულ მცირე ერთწლიანი გამოცდილება;
(ბ) პრეტენდენტი რეგისტრირებული/წარმოდგენილი უნდა იყოს იურიდიული ფირმების რანჟირების The Legal 500 სისტემის, იურიდიული ფირმების რანჟირების The IFLR1000 სისტემის ან იურიდიული ფირმების რანჟირების The Chambers and Partners სისტემის რეიტინგებში.

ყოველივე ზემოაღნიშნულის დადასტურების მიზნით, სახელმწიფო შესყიდვების ერთიანი ელექტრონული სისტემის მეშვეობით წარმოდგენილი უნდა იქნეს:
(1) ინფორმაცია/რეკომენდაცია, რომელიც დაადასტურებს ამ პუნქტის (ა) ქვეპუნქტით გათვალისწინებულ მოთხოვნას. აღნიშნული ინფორმაცია/რეკომენდაცია საერთაშორისო ორგანიზაციის/კომპანიის მიერ შესაძლებელია გაცემული იყოს ელექტრონული ფოსტის (ოფიციალური მეილი) საშუალებით;
(2) ინფორმაცია, რომელიც დაადასტურებს ამ პუნქტის (ბ) ქვეპუნქტით გათვალისწინებულ მოთხოვნას. აღნიშნული ინფორმაცია შესაძლებელია წარმოდგენილი იქნეს ოფიციალური ინტერნეტსაიტის მეშვეობით (ვებ-გვერდის მისამართი).

პრეტენდენტს მოეთხოვება
• საჯარო და კერძო თანამშრომლობის პროექტებთან (საჯარო და კერძო თანამშრომლობის მოდალობით დაგეგმილი ან განხორცილებული პროექტი) მუშაობის გამოცდილება;
• საჯარო და კერძო თანამშრომლობის კანონმდებლობაზე მუშაობის გამოცდილება;
• საჯარო და კერძო თანამშრომლობასთან დაკავშირებული ქართული კანონმდებლობის სიღრმისეული ცოდნა;
• ევროკავშირის კანონმდებლობის ცოდნა (დირექტივები: 2014/23/EU, 2014/24/EU, 2014/25/EU, 89/665/EEC და ა.შ.);
• “ასოცირების შესახებ შეთანხმება ერთის მხრივ, საქართველოსა და მეორეს მხრივ, ევროკავშირს და ევროპის ატომური ენერგიის გაერთიანებას და მათ წევრ სახელმწიფოებს შორის”;
• „საჯარო და კერძო თანამშრომლობის შესახებ“ კანონი;
• „საჯარო და კერძო თანამშრომლობის პროექტის შემუშავებისა და განხორციელების წესის დამტკიცების შესახებ“ მთავრობის 2018 წლის 17 აგვისტოს №426 დადგენილება;
• „სახელმწიფო შესყიდვების შესახებ“ კანონი;
• „საჯარო შესყიდვების შესახებ“ კანონი;
• „საქართველოს სამოქალაქო კოდექსი”;
• „ადგილობრივი თვითმმართველობის კოდექსი”;
• „საქართველოს საგადასახადო კოდექსი”;
• „ენერგეტიკისა და წყალმომარაგების შესახებ“ კანონი;
• „მეწარმეთა შესახებ” კანონი;
• სხვა შესაბამისი კანონმდებლობა.

ფასწარმოქმნის ადეკვატურობის დასაბუთება უნდა მოხდეს:

ექსპერტიზის დასკვნით ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), საიდანაც ნათლად გამოიკვეთება, რომ პრეტენდენტი შეუფერხებლად და ხარვეზის გარეშე განახორციელებს მომსახურებას დაფიქსირებულ შემოთავაზებულ ფასად.

ანგარიშსწორება განხორციელდება უნაღდო ანგარისწორებით ლარში, ფაქტობრივივად გაწეული მომსახურების შესაბამისად, მიღება–ჩაბარების აქტის გაფორმებისა და საგადასახადო ანგარიშ-ფაქტურის (არსებობის შემთხვევაში) წარმოდგენის შემდგომ.

მიღება -ჩაბარების აქტის გაფორმებიდან არაუგვიანეს 10 სამუშაო დღის ვადაში.

თამარ თარაშვილი, 577111321, t.tarashvili@gmail.com

„პერსონალურ მონაცემთა დაცვის შესახებ" საქართველოს კანონის შესაბამისად და სატენდერო დოკუმენტაციის მოთხოვნის საფუძველზე პრეტენდენტის მიერ წარდგენილი ტექნიკური დოკუმენტაციის განხილვის პროცესში განხორციელდება მომსახურების გაწევის პროცესში ჩართული პირების პერსონალური მონაცემების დამუშავება. შესაბამისად, პერსონალური ინფორმაციის დაცვის მიზნით შესაძლებელია ელექტრონულად წარმოდგენილ დოკუმენტში პერსონალის პირადი ნომერი და ტელეფონის ნომერი იყოს დაფარული. პრეტენდენტი ვალდებულია, იგივე დოკუმენტი რომელიც (პერსონალის პირადი და ტელეფონის ნომერის დაფარვით) ატვირთული იქნება სისტემაში სატენდერო წინადადების (ან დაზუსტებული ტექნიკური დოკუმენტაციის) სახით, შერჩევა-შეფასების ეტაპზე, სატენდერო კომისიის მოთხოვნის საფუძველზე წარმოადგინოს შემსყიდველ ორგანიზაციაში, ოფიციალური წერილის სახით. ოფიციალურად წარმოდგენილ დოკუმენტში ინფორმაცია თითოეული პირის შესახებ: სახელი გვარი, პირადი ნომერი და ტელეფონის ნომერი უნდა იყოს მითითებული დაფარვის გარეშე, რომლის ატვირთვას სახელმწიფო შესყიდვების ერთიან ელექტრონულ სისტემაში განხილვის ამსახველ ოქმთან ერთად (პირთა პერსონალური მონაცემების დაფარვით) უზრუნველყოფს თავად შემსყიდველი. იმ შემთხვევაში, თუ დაფიქსირდება სხვაობა პრეტენდენტის მიერ პერსონალური მონაცემების დაფარვით წარმოდგენილ დოკუმენტებსა და შემსყიდველ ორგანიზაციაში ოფიციალური წერილით წარმოდგენილ პერსონალური მონაცემების დაფარვის გარეშე წარმოდგენილ დოკუმენტაციას შორის, სატენდერო კომისია იმსჯელებს პრეტენდენტის დისკვალიფიკაციასთან დაკავშირებით.