Ремонт и техническое обслуживание медицинского и высокоточного оборудования (Грузия - Тендер #57895155)

სსიპ საქართველოს ეროვნული არქივის საისტორიო ცენტრალური არქივის, უახლესი ისტორიის ცენტრალური არქივის და კინოფოტოფონო არქივის შენობებში დამონტაჟებული სახანძრო დეტექციისა და ავტომატური ხანძარქრობის (Ginge Kerr (Kidde) Argonite და Edwards EST3) სისტემების დეტალური ინსპექტირების სახელმწიფო შესყიდვა.

სსიპ საქართველოს ეროვნული არქივის საისტორიო ცენტრალური არქივის, უახლესი ისტორიის ცენტრალური არქივის და კინოფოტოფონო არქივის შენობებში დამონტაჟებული სახანძრო დეტექციისა და ავტომატური ხანძარქრობის სისტემების დეტალური ინსპექტირების მომსახურება გულისხმობს:

1. საპროექტო დოკუმენტაციისა და Ginge Kerr (Kidde) Argonite და Edwards EST3 მწარმოებლის სახელმძღვანელოების მიხედვით ინსპექტირების დეტალური გეგმის მომზადება და მოსამზადებელი სამუშაოები;

2. დამონტაჟებული ხანძრის დეტექციისა და ავტომატური ქრობის მართვის სისტემის დეტალური ინსპექტირება.
დეტალური ინსპექტირება მოიცავს:
- 3 ერთეული ხანძრის დეტექციისა და ხანძარქრობის მართვის პანელის (ჯამში 23 მარყუჟის მხარდაჭერით) დეტალურ ინსპექტირებას;
- 732 ერთეული კომბინირებული დეტექტორის დეტალურ ინსპექტირებას;
- 15 ერთეული სახანძრო კვების ბლოკის დეტალურ ინსპექტირებას;
- 203 ერთეული შემსვლელ-გამომსვლელი მოდულის დეტალურ ინსპექტირებას;
- 33 ერთეული სპეციალიზირებული ხანძარქრობის მართვის მოდულის დეტალურ ინსპექტირებას;
- 57 ერთეული დამაბოლოებელი რელეს დეტალურ ინსპექტირებას;
- 57 ერთეული სოლენოიდების გასათიში ღილაკის დეტალურ ინსპექტირებას;
- 24 ერთეული ხელით აქტივაციის ღილაკის დეტალურ ინსპექტირებას;
- 24 ცალი დაყოვნების ღილაკის დეტალურ ინსპექტირებას;
- 75 ერთეული აუდიო-ვიზუალური მაუწყებლის დეტალურ ინსპექტირებას;
- 21 ცალი დამხმარე რელეს დეტალურ ინსპექტირებას;

3. ხანძარქრობის არგონიტის ბალონების და "დაივერტერ" სისტემის დეტალური ინსპექტირება;
- 160 ერთეული 300 ბარიანი 80 ლიტრიანი არგონიტის ბალონის დეტალურ ინსპექტირებას;
- 160 ერთეული დაცლის შლანგის დეტალურ ინსპექტირებას;
- 6 ერთეული 300 ბარიანი კოლექტორის (ჯამში 160 ბალონისთვის) დეტალურ ინსპექტირებას;
- 135 ერთეული მანომეტრის დეტალურ ინსპექტირებას;
- 24 ერთეული მანომეტრის (მექანიკური გამშვებით) დეტალურ ინსპექტირებას;
- 28 ერთეული მიმართველი სარქველის დეტალურ ინსპექტირებას;
- 244 ერთეული გამფრქვევი საქშენის დეტალურ ინსპექტირებას;
- 10 ცალი "ძირითადი-სარეზერვო" გადამრთველის დეტალურ ინსპექტირებას;
- 132 ცალი კოლექტორის უკუსარქველის დეტალურ ინსპექტირებას;

4. მილგაყვანილობის დეტალური ინსპექტირება წნევის ქვეშ სტანდარტის შესაბამისად.
დეტალური ინსპექტირება მოიცავს:
- 31 მილგაყვანილობის ხაზის დეტალურ ინსპექტირებას;
- 2160 გრძივი მეტრი სხვადასხვა დიამეტრის მაღალი წნევის მილის დეტალურ ინსპექტირებას;
- 310 ერთეული მუხლის დეტალურ ინსპექტირებას;
- 211 ცალი სამკაპი გამანაწილებლის დეტალურ ინსპექტირებას;
- 248 ერთეული მილის შემაერთებლის დეტალურ ინსპექტირებას;

5. ინსპექტირების ანგარიშის მომზადება.

1.4.1. შესყიდვის ობიექტის მიწოდების ვადა შეადგენს ხელშეკრულების გაფორმებიდან არაუმეტეს 98 (ოთხმოცდათვრამეტი) კალენდარულ დღეს.

1.5.1 შესყიდვის ობიექტის მიწოდების ადგილია: ქ.თბილისი, ვაჟა–ფშაველას გამზ.№1; საისტორიო ცენტრალური არქივის, უახლესი ისტორიის ცენტრალური არქივის და კინოფოტოფონოდოკუმენტების ცენტრალური არქივის შენობები. ინსპექტირების ანგარიშის (მატერიალური სახით) წარმოდგენა უნდა განხორციელდეს იმავე მისამართზე (ქ.თბილისი, ვაჟა–ფშაველას გამზ.№1), სსიპ - საქართველოს ეროვნული არქივის ადმინისტრაციული შენობა.

2.2.1.1. პრეტენდენტს 2021-2024 წლებში უნდა გააჩნდეს სახანძრო დეტექციისა და ავტომატური ხანძარქრობის სისტემების ინსპექტირების გამოცდილება. პრეტენდენტმა უნდა წარმოადგინოს მინიმუმ ერთი რეკომენდაცია შემსყიდველი (დამკვეთი) ორგანიზაციისაგან რითაც უნდა დასტურდებოდეს საანგარიშო პერიოდში სახანძრო დეტექციისა და ავტომატური ხანძარქრობის სისტემების ინსპექტირების შესრულების გამოცდილება, დგინდებოდეს შესრულებული მომსახურების შინაარსი და სამუშაოების ჯეროვანი შესრულება. რეკომენდაცია გაცემული უნდა იყოს ამ ტენდერის გამოცხადების შემდგომ. პრეტენდენტი ვალდებულია წარმოადგინოს რეკომენდაციაში მითითებული შესრულებული მომსახურების დამადასურებელი დოკუმენტები: ან ხელშეკრულება/ები და შესაბამისი ხელშეკრულების დადასტურებული საგადასახადო ანგარიშ-ფაქტურები; ან მიღება-ჩაბარების აქტები და შესაბამისი მიღება-ჩაბარების დადასტურებული საგადასახადო ანგარიშ-ფაქტურები; ან დამკვეთის მიერ გაცემული შესრულებული მომსახურების დამადასტურებელი ცნობა და ცნობაში ასახული მომსახურების შესაბამისი დადასტურებული საგადასახადო ანგარიშ-ფაქტურები;
2.2.1.2. იმ შემთხვევაში თუ ანალოგიური გამოცდილება რეგისტრირებულია სახელმწიფო შესყიდვების სააგენტოს ერთიან ელექტრონულ სისტემაში, პრეტენდენტმა უნდა მიუთითოს სისტემის მიერ მინიჭებული SPA/CMR/NAT/GEO ნომერი. სისტემაში ატვირთული ინფორმაციით უნდა დასტურდებოდეს საანგარიშო პერიოდში სამუშაოების დასრულება, დგინდებოდეს შესრულებული მომსახურების შინაარსი და სამუშაოების ჯეროვანი შესრულება.
2.2.1.3. შემსყიდველი უფლებამოსილია ანალოგიური მომსახურების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული.

2.4.1.1. პრეტენდენტს უნდა ჰყავდეს არსებული ხანძრარქრობის სისტემის მწარმოებლის Ginge Kerr (Kidde) Argonite მიერ სერტიფიცირებული მინიმუმ ერთი სპეციალისტი, მის მიერ წარმოებული სისტემის მომსახურებაზე ან/და ინსპექტირებაზე.
2.4.1.2. აღნიშნულის დასადასტურებლად წარმოადგენილი უნდა იქნას მოქმედი სერტიფიკატის ასლი და თანამშრომლის თანხმობა, რომ წინამდებარე ტენდერის ფარგლებში თანახმაა მომსახურება გაუწიოს შემსყიდველს. სერთიფიკატის უცხოურ ენაზე წარმოდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
2.4.4.3. პერსონალის გამოცდილებასთან დაკავშირებული ინფორმაცია პრეტენდენტმა უნდა წარმოადგინოს ერთიანი ელექტრონული სისტემის საშუალებით.

პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
2.9.1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია;
2.9.2. ფასების ცხრილი (პუნქტი 1.3);
2.9.3. ინფორმაცია გამოცდილების შესახებ (პუნქტი 2.2.1);
2.9.4. ინფორმაცია პრეტენდენტის პერსონალის გამოცდილებასთან დაკავშირებით (პუნქტი 2.4.1)

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6 და მე-7 პუნქტების საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლის მხრიდან, ხელშეკრულებით ნაკისრი ვალდებულებების შესარულების შესაძლებლობას. პრეტენდენტმა უნდა გაითვალისწინოს, რომ „ ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის მე-5 პუნქტის თანახმად, ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

7.2.1. სატენდერო წინადადების საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
7.2.2. ანგარიშსწორება განხორციელდება უნაღდო ანგარიშსწორებით ეროვნულ ვალუტაში – ლარში, შესაბამისი შესრულების დამადასტურებელი დოკუმენტების, მხარეთა შორის გაფორმებული მიღება-ჩაბარების აქტისა და შემსყიდველის მიერ საქართველოს საგადასახადო კანონმდებლობით გათვალისწინებული შესაბამისი საგადასახადო ანგარიშფაქტურის დადასტურების საფუძველზე.
7.3.3.მიღება-ჩაბარების აქტი მხარეთა შორის გაფორმდება ფაქტობრივად მიწოდებული მომსახურების შესაბამისად, ხელშეკრულებით განსაზღვრული კონტროლის განმახორციელებელი პირი/ების მიერ შედგენილი დადებითი ინსპექტირების დასკვნის საფუძველზე.
7.3.4. ანაზღაურება შესაძლებელია განხორციელდეს ეტაპობრივად, ეტაპის შესრულების და მიღება-ჩაბარების გაფორმების შემდეგ.

ანგარიშსწორება განხორციელდება, სატენდერო დოკუმენტაციის 7.2 პუნქტით განსაზღვრული პირობების შესაბამისად შედგენილი დოკუმენტაციის წარმოდგენიდან/დადასტურებიდან, არაუგვიანეს 10 სამუშაო დღეში.

ნინო განჯელაშვილი, 577227478, nganjelashvili@archives.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.2. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
10.1.3. ალტერნატიული სატენდერო წინადადება არ განიხილება;
10.1.4. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებითა და სატენდერო დოკუმენტაციით მოთხოვნილ პირობებს.