Ремонт и техническое обслуживание строительных сооружений (Грузия - Тендер #56910462)

1.1.1 შენობის მოწყობილობების შეკეთება და ტექნიკური მომსახურება;

1.2.1 გასაწევი მომსახურების ჯგუფები:
- შენობის ელექტრო- და მექანიკური მოწყობილობების შეკეთება და ტექნიკური მომსახურება;
- ცენტრალური გათბობის შეკეთება და ტექნიკური მომსახურება;
- გამაგრილებელი ჯგუფების შეკეთება და ტექნიკური მომსახურება;
- წყალარინების მომსახურება;
1.2.2 გასაწევი მომსახურების ჩამონათვალი და ზღვრული ფასები მოცემულია პრეისკურანტში - დანართი N1.
1.2.3 მომსახურების პროცესში დაზიანებული ნაწილი, ან/და მოწყობილობა-დანადგარი უნდა შეიცვალოს ანალოგიური ახალი, მაღალი ხარისხის სათადარიგო ნაწილით ან/და მოწყობილობა-დანადგარით.
1.2.4 შეცვლილ ნაწილზე, ან/და მოწყობილობა-დანადგარზე მიმწოდებლის მხრიდან უნდა ვრცელდებოდეს გარანტია მიღება-ჩაბარების აქტის გაფორმების დღიდან არანაკლებ 1(ერთი) წლის განმავლობაში.
1.2.5 მომსახურება უნდა განხორცილდეს დანართი #1-ში (პრეისკურანტში) მითითებული მომსახურების სახეობების შესაბამისად.
1.2.6 მომსახურების გაწევა დიაგნოსტირების ჩათვლით უნდა განხორციელდეს: ქ. თბილისში - შეტყობინების მიღებიდან არაუგვიანეს 2(ორი) კალენდარული დღისა, ხოლო რეგიონებში - შეტყობინების მიღებიდან არაუგვიანეს 4(ოთხი) კალენდარული დღისა.
1.2.7 მომსახურება უნდა განხორციელდეს მიმწოდებლისა და შემსყიდველი ორგანიზაციის უფლებამოსილ წარმომადგენლებს შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების და ასეთი მომსახურებისათვის საჭირო მასალების ჩამონათვალი.
1.2.8 თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო მასალა და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.2.9 მომსახურების გაწევის პროცესში მიმწოდებლის ბრალეულობით სხვადასხვა მოწყობილობების დაზიანების შემთხვევაში, ზიანის აღმოფხვრის ხარჯებს სრულად აანაზღაურებს მიმწოდებელი.
1.2.10 მომსახურების გაწევის პროცესში ტექნიკური უსაფრთხოების ნორმების დაცვაზე პასუხს სრულად აგებს მიმწოდებელი.

1.4.1 ხელშეკრულების გაფორმებიდან 2024 წლის 25 დეკემბრის ჩათვლით.

1.5.1 მომსახურება უნდა განხორციელდეს ეტაპობრივად, ქ. თბილისში - შეტყობინების მიღებიდან არაუგვიანეს 2(ორი) კალენდარული დღისა, ხოლო რეგიონებში - შეტყობინების მიღებიდან არაუგვიანეს 4(ოთხი) კალენდარული დღისა.
1.5.2 მომსახურების მიწოდება უნდა განხორციელდეს ეტაპობრივად, შემსყიდველის მოთხოვნის შესაბამისად შემდეგ მისამართებზე: ქ. თბილისი, ვასო გოძიაშვილის ქუჩა #49; ქუთაისი, ნიკეას ქ. III, ჩიხი, #5; ახალციხე, ახალქალაქის გზატკ. N1; ამბროლაური, ბრატისლავა-რაჭის ქ. #2; ბათუმი, ქვედა სამება; გორი, თამარ მეფის ქ. #77; გურჯაანი, ტაბიძის ქ. #4; დუშეთი, იოსელიანის ქ. #31; მარნეული, ჟორდანიას ქ. # 48; ოზურგეთი, თაყაიშვილის ქ. #11; ზუგდიდი, მარცხენა სანაპიროს ქ. #35; მესტია, ბორის კახიანის ქუჩა, აეროპორტის მიმდებარე ტერიტორია; საჩხერე, თამარ მეფის ქ. #9.

2.2.1.1 პრეტენდენტს უნდა გააჩნდეს შენობის მოწყობილობების შეკეთება და ტექნიკური მომსახურების (მათ შორის ბიოუსაფრთხოების II დონის ლაბორატორიაში) მიწოდების გამოცდილება - 2021-2023 წლებში (თითოეულში ცალკ-ცალკე) უნდა ჰქონდეს მიწოდებული შენობის მოწყობილობების შეკეთება და ტექნიკური მომსახურება და ამ წლებში მისი ჯამური ღირებულება უნდა იყოს არანაკლებ 40000(ორმოცი ათასი) ლარი.
2.2.1.2 თუ მომსახურების მიწოდების დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტმა საკმარისია, ინფორმაციის სახით მიუთითოს შესყიდვის SPA/NAT/CMR /CNT ნომერი, ხოლო სხვა შემთხვევაში - უნდა წარმოადგინოს ხელშეკრულებები შესაბამისი მიღება-ჩაბარების აქტებით.

2.9.1 პრეტენდენტმა სატენდერო წინადადების ფასი უნდა წარმოადგინოს დანართი N1-ში მოცემული პრეისკურანტის ჯამური ღირებულების მიხედვით ეროვნულ ვალუტაში, ლარში საქართველოს მოქმედი კანონმდებლობით გათვალისწინებული გადასახადებისა და მომსახურების მიწოდებასთან დაკავშირებული ხარჯების ჩათვლით. სატენდერო წინადადების ფასი არ უნდა აღემატებოდეს ზღვრული პრეისკურანტის მთლიან ღირებულებას, აგრეთვე პრეტენდენტის მიერ წარმოდგენილი პრეისკურანტის ფასები ცალკეულ პოზიციებზე არ უნდა აღემატებოდეს ზღვრული პრეისკურანტის ფასებს შესაბამის პოზიციებზე.

2.9.2 პრეისკურანტში ფასები წარმოდგენილი უნდა იყოს არანაკლებ მეასედი სიზუსტით.

2.9.3 პრეტედენტის მიერ შემოთავაზებულ პრეისკურანტსა და ზღვრული პრეისკურანტის ღირებულებას შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტის ყოველ ცალკეულ პოზიციაზე - პრეისკურანტის ჯამური ღირებულების შემცირებისას, პრეტენდენტმა პროპორციულად უნდა შეამციროს თითოეულ პოზიციაზე ერთეული მომსახურების/საქონლის ღირებულება;

2.9.4 პრეტენდენტის მიერ წარმოდგენილ დაზუსტებულ პრეისკურანტში რომელიმე პოზიციის ერთეულის ფასის გაზრდა თავდაპირველად შემოთავაზებულ ფასთან შედარებით გამოიწვევს პრეტენდენტის დისკვალიფიკაციას;

2.9.5 პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის დანართი #1-ის (პრეისკურანტი) წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში;
2.9.6 დაუშვებელია პრეტენდენტის მიერ წარმოდგენილ პრეისკურანტში ზღვრული პრეისკურანტით გათვალისწინებული რომელიმე პოზიციის ამოღება, ან პოზიციის ნუმერაციის შეცვლა. აღნიშნული ქმედება გამოიწვევს პრეტენდენტის დისკვალიფიკაციას (შესაძლებელია მხოლოდ მარჯვენა, ბოლო სვეტში ციფრების ჩაწერა, დანარჩენი ველები არის დაბლოკილი).

4.1.1.1 თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მაშინ პრეტენდენტმა უნდა დაასაბუთოს ფასწარმოქმნის ადეკვატურობა აუდიტის/ექსპერტიზის დასკვნით, რითაც დადასტურდება მის მიერ ხელშეკრულებით ნაკისრი ვალდებულებების შესრულების შესაძლებლობა. დასკვნასთან ერთად წარმოდგენილ უნდა იქნას დასკვნის გამცემის უფლებამოსილების დამადასტურებელი დოკუმენტ(ებ)ის ქსეროასლ(ებ)ი.

7.2.1 ანგარიშსწორება განხორციელდება ეტაპობრივად, მომსახურების მიწოდების დამადასტურებელი დოკუმენტის - მიღება-ჩაბარების აქტის საფუძველზე.
7.2.2 ანგარიშსწორება განხორციელდება ლარში, უნაღდო ანგარიშსწორების ფორმით.

7.3.1 მიღება-ჩაბარების აქტის გაფორმების თარიღიდან არაუგვიანეს 10(ათი) საბანკო დღის ვადაში.

ასლან ცეცხლაძე, 577079779, aslan.tsetskhladze@lma.gov.ge ტექნიკურ საკითხებთან დაკავშირებით შეკითხვებისთვის იოსებ ჩორგოლაშვილი, ტელ: 599 983344;

10.1.1 პრეტენდენტმა ელექტრონული სისტემის საშუალებით უნდა წარმოადგინოს:
10.1.1.1 ფასების ცხრილი (პრეისკურანტი) დანართი #1-ის მიხედვით;
10.1.1.2 პრეტენდენტის გამოცდილების დამადასტურებელი დოკუმენტ(ებ)ი სატენდერო პირობების 2.2.1 პუნქტის შესაბამისად;
10.1.2 ტენდერში მონაწილეობით პრეტენდენტი ავტომატურად გამოხატავს თანხმობას სატენდერო პირობებზე;