Автомобили (Грузия - Тендер #54365457)

ელექტროავტომანქანა

1.2.1. ელექტროავტომანქანა - 2 ცალი:

ოთხადგილიანი ელექტროავტომანქანის მინიმალური მახასიათებლები:

- გამოშვების წელი: - არაუადრეს 2023 წლის, ახალი ექსპლუატაციაში არ მყოფი ნივთობრივად და უფლებრივად უნაკლო განბაჟებული;
- ძრავის სახეობა: ელექტრო -არანაკლებ 48V/6 KW;
- სიგრძე: არანაკლებ 3240 მმ;
- სიგანე: არანაკლებ 1200 მმ;
- სიმაღლე: არანაკლებ 1800 მმ;
- ადგილების რაოდენობა: არანაკლებ 4 ადამიანი;
- სავარძლების განლაგება: ორ რიგად;
- სიჩქარე: არანაკლებ 20 კმ/სთ;
- სვლის მანძილი: არანაკლებ 80 კმ;
- აღმართის დაძლევა: არანაკლებ 20 %;
- სამუხრუჭე მანძილი: არაუმეტეს 6 მ;
- მოხვევის რადიუსი: არაუმეტეს 5.9 მ;
- აუცილებელი მოთხოვნა: სადგომი მუხრუჭი;
- აუცილებელი მოთხოვნა: უსაფთხოების ღვედი;
- აუცილებელი მოთხოვნა: განათება და სიგნალი;
- აუცილებელი მოთხოვნა: უკანა და გვერდითი ხედვის სარკეების ორივე მხარეს;
- აუცილებელი მოთხოვნა: წინა საქარე მინა;
- აუცილებელი მოთხოვნა: სახურავი;
- ექსტერიერის ფერი შეთანხმდეს შემსყიდველთან.

ტექნიკური დავალებით გათვალისწინებულია შესყიდვის ობიექტის მინიმალური ტექნიკური მახასიათებლები, რომლის გაუმჯობესებაც შეუძლია პრეტენდენტს გარდა აუცილებელი მოთხოვნებისა.

საქონლის - ელექტროავტომანქანის მოწოდება უნდა განხორციელდეს შესაბამისი ხელშეკრულების გაფორმებიდან 90 (ოთხმოცდაათი) კალენდარული დღის განმავლობაში.

1.5.1 ქ. თბილისის ტერიტორიულ ფარგლებში, შემსყიდველის მიერ მოთხოვნილ ადგილზე, თუმცა მხარეთა შეთანხმებით, შესაძლებელია ელექტროავტომანქანების მიწოდების ადგილად განისაზღვროს სხვა ქალაქებიც.
1.5.2. სატენდერო დოკუმენტაციით განსაზღვრულ ვადაში მიმწოდებელი საქონლის მიწოდებას უზრუნველყოფს საკუთარი ხარჯებით, საქართველოს კანონმდებლობით განსაზღვრული ყველა სახის გადასახადის, მოსაკრებლის ჩათვლით, მათ შორის, განბაჟებისა და სახელმწიფო რეგისტრაციის (შემსყიდველზე გადაფორმებისა და სტანდარტული ფასის სახელმწიფო სანომრე ნიშნების ჩათვლით) ხარჯების ჩათვლით.

1.7.1.1. მიმწოდებელი იძლევა გარანტიას, რომ მიწოდებული ელექტროავტომანქანა იქნება ახალი, ხარისხიანი, ექსპლუატაციაში არ მყოფი ნივთობრივად და უფლებრივად უნაკლო უპასუხებს ტექნიკური მახასიათებლებით გათვალისწინებულ მოთხოვნებს და დააკმაყოფილებს შემსყიდველის მოთხოვნებს;
მოწოდებელი ელექტროავტომანქანის საგარანტიო ვადა მიღება-ჩაბარების აქტის გაფორმებიდან, სწორი ექსპლუატაციის ნორმების დაცვით შეადგენს არანაკლებ 2 (ორი) წელს;
საგარანტიო პერიოდის განმავლობაში მიმწოდებელი ვალდებულია, ელექტროავტომანქანაზე გამოვლენილი ნებისმიერი საწარმოო დეფექტის აღმოფხვრა, შეკეთება ან ახლით შეცვლა განახორციელოს საკუთარი სახსრებით, შემსყიდველის მიერ წერილობითი მოთხოვნიდან არაუმეტეს 5 (ხუთი) სამუშაო დღის ვადაში. აღნიშნული ვადა, მხარეთა შეთანხმებით შესაძლებელია გაიზარდოს არაუმეტეს 30 (ოცდაათი) კალენდარულ დღემდე.
მიმწოდებელი ვალდებულია მოთხოვნისთანავე დაუყონებლივ განახორციელოს წუნდებული ან დეფექტის მქონე სსაქონლის შეცვლა შემსყიდველის მხრიდან რაიმე დამატებითი დანახარჯის გაწევის გარეშე.

2.1.1.1 პრეტენდენტი ვალდებულია ფასების ცხრილში შესაბამის გრაფაში მიუთითოს ინფორმაცია შესყიდვის ობიექტის წარმოშობის ქვეყნის, მწარმოებლის/ბრენდის და მარკა/მოდელის შესახებ.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

პრეტენდენტს საკუთრებაში ან სარგებლობაში უნდა გააჩნდეს მოქმედი სერვისცენტრი ქ. თბილისში, ასევე, უნდა გააჩნდეს სერვისცენტრი ქალაქ ბათუმში;
პრეტენდენტმა საგარანტიო მომსახურების გაწევა უნდა განახორციელოს ქალაქ ბათუმში, ხოლო საგარანტიო მომსახურება, რომელიც არ ხორცილდება ქ. ბათუმში პრეტენდენტი უფლებამოსილია განახორციელოს ქ. თბილისში, ასეთ შემთხვევაში ტრანსპორტირების ხარჯებს აანაზღაურებს პრეტენდენტი.
პრეტენდენტს უნდა ჰყავდეს მობილური სერვის ჯგუფი, რომელიც, საჭიროების შემთხვევაში, გამოძახებით, უზრუნველყოფს ტექნიკის ადგილზე შეკეთებას;
ზემოაღშნულის დასადასტურებლად პრეტენდენტმა ერთიანი ელექტრონული სისტემის მეშვეობით ტექსტის სახით უნდა წარმოადგინოს ინფორმაცია სერვისცენტრ(ებ)ის მისამართ(ებ)ის შესახებ. ამავდროულად პრეტენდენტმა ერთიანი ელექტრონული სისტემის მეშვეობით უნდა წარმოადგინოს სერვისცენტრ(ებ)ის საკუთრების ან/და სარგებლობის შესაბამისი დამადასტურებელი დოკუმენტ(ებ)ი.

2.7.1.შემოთავაზებული ელექტრომობილის ტექნიკური მახასიათებლების სატენდერო დოკუმენტაციით განსაზღვრულ მოთხოვნებთან ურთიერთშესაბამისობის დამადასტურებლად პრეტენდენტი ვალდებულია წარმოადგინოს ელექტრომობილის მწარმოებლის მიერ გაცემული დოკუმენტი ან ვებ-ბმული ავტომანქანის მწარმოებლის ოფიციალური ვებ-გვერდიდან, ან კატალოგიდან, რომელიც დაადასტურებს შემოთავაზებული ელექტრომობილის ტექნიკური მახასიათებლების შესაბამისობას სატენდერო დოკუმენტაციით განსაზღვრულ მოთხოვნებთან.

შენიშვნა: იმ შემთხვევაში, თუ პრეტენდენტის მიერ მწარმოებლის ოფიციალური ვებ-გვერდიდან წარმოდგენილ ლინკზე მოცემული ინფორმაცია იქნება ინგლისურენოვანი, მისი თარგმნა არ არის აუცილებელი.

2.7.2.პრეტენდენტი უნდა იყოს შემოთავაზებული შესყიდვის ობიექტის მწარმოებლის ოფიციალური წარმომადგენელი (დისტრიბუტორი/დილერი) საქართველოში;
აღნიშნულის დასადასტურებლად პრეტენდენტმა ერთიანი ელექტრონული სისტემის მეშვეობით უნდა წარმოადგინოს საქართველოში ოფიციალური წარმომადგენლობის დამადასტურებელი დოკუმენტი (უცხოურენოვანი დოკუმენტის წარმოდგენის შემთხვევაში მიმწოდებელი ვალდებულია წარმოადგინოს ქართულად ნათარგმნი ნოტარიული წესით დამოწმებული დოკუმენტი).

იმ შემთხვევაში, თუ პრეტენდენტს პროფილში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია დანართის სახით.

პრეტენდენტი ვალდებულია დანართები წარმოადგინოს მითითებული (ფასების ცხრილი დანართი N1) ფორმით.

სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტები წარმოდგენილი უნდა იყოს ქართულ ენაზე, დოკუმენტების უცხოურ ენაზე წარმოდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი.

ტენდერში ამხანაგობის მონაწილეობის შემთხვევაში პრეტენდენტი ვალდებულია იმოქმედოს სახელმწიფო შესყდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით;

ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტი მიენიჭება ქართულ ენოვან დოკუმენტს.

სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.

პრეტენდენტს არა აქვს უფლება წარმოადგინოს ალტერნატიული სატენდერო წინადადება.

სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს: სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამის სფეროში უფლებამოსილების/აკრედიტაციის დამადასტურებელი დოკუმენტი. დოკუმენტში გარკვევით უნდა იკითხებოდეს თუ რომელ სფეროშია აკრედიტირებული დასკვნის გამცემი პირი) ან/და სხვა იმ პირის მიერ, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ შესაბამის სფეროში სერტიფიცირებული შემფასებელი. სხვა პირის მიერ გაცემული საექსპერტო ან/და საშემფასებლო დასკვნა განხორციელებული უნდა იყოს და შეფასების ანგარიშზე/დასკვნაზე ხელი მოწერილი უნდა ჰქონდეს აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს; პრეტენდენტის მიერ შეფასების ანგარიშთან/დასკვნასთან ერთად წარმოდგენილ უნდა იქნას აკრედიტებული შემფასებელთა სერტიფიკაციის ორგანოს მიერ შემფასებელზე გაცემული სერტიფიკატის ასლი (სერთიფიკატის გამცემი შემფასებელთა სერტიფიკაციის ორგანო აუცილებლად უნდა იყოს აკრედიტებული სსიპ ,,აკრედიტაციის ერთიანი ეროვნული ორგანო-აკრედიტაციის ცენტრი’’-ს მიერ).

აღნიშნული დოკუმენტების წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

ვინაიდან, შსს სსიპ დაცვის პოლიციის დეპარტამენტის ფუნქციონირების მიზნით, დეპარტამენტის საქმიანობიდან გამომდინარე (საზოგადოებრივი მართლწესრიგისა და უსაფრთხოების დაცვა) მნიშვნელოვანია წინამდებარე ტენდერით გათვალისწინებული სატრანსპორტო საშუალებების მოწოდება უზრუნველყონ, - აღნიშნულიდან გამომდინარე, ტენდერის შედეგად გაფორმებული ხელშეკრულების ფარგლებში მიმწოდებლის პასუხისმგებლობის ფინანსური უზრუნველყოფის მიზნით გამოიყენება ხელშეკრულების შესრულების უზრუნველყოფის გარანტია.

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს შესყიდვის ობიექტის მიწოდების ვადას.

საბანკო ან სადაზღვევო დაწესებულების მიერ გაცემული ხელშეკრულების შესრულების უზრუნველყოფის უპირობო გამოუთხოვადი საბანკო გარანტია (რაც გულისხმობს, რომ გარანტი უპირობოდ, გამოუთხოვადად, ყოველგვარი უარყოფისა და გასაჩივრების უფლების გარეშე კისრულობს საგარანტიო თანხის სრული ოდენობით ანაზღაურების ვალდებულებას მიმწოდებლის მიერ წინამდებარე ტენდერის ფარგლებში შემსყიდველთან გაფორმებული ხელშეკრულების პირობების დარღვევის საფუძველზე, შემსყიდველის პირველივე წერილობითი მოთხოვნის მიღებისთანავე არაუგვიანეს 5 (ხუთი) სამუშაო დღის განმავლობაში. ამასთან, გარანტიით გათვალისწინებული თანხები შემსყიდველმა უნდა მიიღოს ყოველგვარი დამატებითი მტკიცებულების წარდგენის გარეშე, პირველი მოთხოვნისთანავე) წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. საგარანტიო დოკუმენტში არ უნდა იყოს მითითებული, რომ საგარანტიო თანხა მცირდება მიმწოდებლის მიერ ხელშეკრულებით ნაკისრი ვალდებულებების შესრულების (გაწეული მომსახურების ღირებულების) პროპორციულად. ხელშეკრულების შესრულების უზრუნველყოფის გარანტიაში მითითებულ უნდა იქნეს შესყიდვის კონკრეტული დასახელება, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის საიდენტიფიკაციო კოდი.

მხარეები ანგარიშსწორებას ახორციელებენ ლარებში, უნაღდო ანგარიშსწორებით;
მიმწოდებელი ანგარიშსწორებისას ვალდებულია წარმოადგინოს მოწოდებული შესყიდვის ობიექტის ღირებულება

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღის ვადაში.

გოჩა გოგოლაური, 577025250, gogolauri@spd.ge

პრეტენდენტმა უნდა უზრუნველყოს სატენდერო დოკუმენტაციით განსაზღვრული დოკუმენტების ატვირთვა სახელმწიფო შესყიდვების ერთიან ელექტრონულ სისტემაში, შემდეგი თანმიმდევრობით:

სატენდერო დოკუმენტაციით გათვალისწინებული ფასების ცხრილი დანართი N1;

სატენდერო დოკუმენტაციის (მოთხოვნა შესყიდვის ობიექტის სასაქონლო ნიშანთან, პატენტთან, მოდელთან, წარმოშობის წყაროსთან ან/და მწარმოებელთან დაკავშირებით) თანახმად ინფორმაცია შესყიდვის ობიექტების კონკრეტული მახასიათებლების, მოდელი, მწარმოებლის/დილერის Web-ბმულის, წარმოშობის ქვეყნისა და მწარმოებელთან დაკავშირებით, სატენდერო დოკუმენტაციაში მოცემული დანართი N1-ის მიხედვით;

სატენდერო დოკუმენტაციით (მიუთითეთ პრეტენდენტის მატერიალურ-ტექნიკურ ბაზასთან დაკავშირებული მოთხოვნები) გათვალისწინებული მოთხოვნების დამადასტურებელი დოკუმენტები (უცხოურენოვანი დოკუმენტის წარმოდგენის შემთხვევაში მიმწოდებელი ვალდებულია წარმოადგინოს ქართულად ნათარგმნი ნოტარიული წესით დამოწმებული დოკუმენტი);

სატენდერო დოკუმენტაციით (მიუთითეთ ლიცენზიასთან, სტანდარტებთან, აკრედიტაციასთან, ხარისხის შესაბამისობასთან და სხვ. დოკუმენტებთან დაკავშირებული მოთხოვნები) გათვალისწინებული მოთხოვნების დამადასტურებელი დოკუმენტაცია (უცხოურენოვანი დოკუმენტის წარმოდგენის შემთხვევაში მიმწოდებელი ვალდებულია წარმოადგინოს ქართულად ნათარგმნი ნოტარიული წესით დამოწმებული დოკუმენტი).

შენიშვნა: ყველა დოკუმენტი ხელმოწერილი უნდა იყოს (კვალიფიციური ელექტრონული ხელმოწერით ან/და კვალიფიციური ელექტრონული შტამპით) უფლებამოსილი პირის მიერ.

პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, საქართველოს შინაგან საქმეთა სამინისტროს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.