Услуги в области садоводства (Грузия - Тендер #54365454)

შიდა ქართლის რეგიონში სსიპ ეროვნული სატყეო სააგენტოს დაქვემდებარებაში არსებულ სახელმწიფო ტყეში 62,4 ჰექტარზე ტყის აღდგენის მომსახურება (ტყის ბუნებრივი განახლების ხელშეწყობა).

განსახორციელებელი ღონისძიებების შესახებ დეტალური ინფორმაცია იხ. დანართ №1 ტყის აღდგენის პროექტები (ტექნიკური დავალება) და დანართ №2-ში (ხარჯთაღრიცხვა)

საპროექტო ობიექტები უზრუნველყოფილია მისასვლელი გზებით.



შენიშვნა:
პროექტებით გათვალისწინებული რიგი მომსახურებები განხორციელდა სსიპ ეროვნული სატყეო სააგენტოს მიერ, შესაბამისად ეს მომსახურებები არ არის ასახული გასაფასებელ ხარჯთაღრიცხვაში (ფასების ცხრილში).

1. მომსახურებასთან დაკავშირებით მიმწოდებლის მიერ ნაკისრი ყველა ვალდებულება სრულად უნდა განხორციელდეს ხელშეკრულების გაფორმებიდან, თითოეული პროექტისათვის დადგენილი ვადების შესაბამისად, 2024-2025-2026-2027 წლების განმავლობაში, მაგრამ არაუგვიანეს 2027 წლის 30 დეკემბრისა.
2. ყოველ საპროექტო ობიექტზე ტყის აღდგენის ღონისძიებები უნდა განხორციელდეს ხელშეკრულების ძალაში შესვლიდან შემსყიდველთან ყოველწლიურად შეთანხმებული გეგმა-გრაფიკის და მოცულობის მიხედვით, სადაც გაწერილი იქნება თითოეული ღონისძიების (შემოღობვა, გაწმენდა, მოვლა) შესრულების ვადები და მოცულობები.
3. მიმწოდებელი ვალდებულია უზრუნველყოს საპროექტო ობიექტების დაცვა ხელშეკრულების მოქმედების პერიოდში, ხოლო ზიანის შემთხვევაში მოახდინოს მისი ანაზღაურება დადგენილი წესით.
4. თუ ადგილი ექნება ისეთ კლიმატურ პირობებს (უამინდობა, უხვი ნალექი და სხვა), რის გამოც ვერ ხერხდება სამუშაოების განხორციელება, კონტრაქტორი ვალდებულია გონივრულ ვადაში აცნობოს შემსყიდველს აღნიშნულის თაობაზე და შემსყიდველის თანხმობის შემთხვევაში, ურთიერთშეთანხმების საფუძველზე შემუშავდება და შეთანხმდება განახლებული გეგმა-გრაფიკი ან საერთოდ არ განხორციელდება.

მომსახურება უნდა განხორციელდეს შიდა ქართლის რეგიონში, ხოლო საპროექტო ობიექტების მდებარეობა და ტყის აღდგენის პროექტებით განსახორციელებელი ღონისძიებები წარმოდგენილია შემდეგ ლოკაციებზე:

1. ხაშური სატყეო უბნის ალის სატყეო კვ №34,35 ლიტ №10-12,14,15,20,1-4 ფართობი 21.7 ჰა.
2. ხაშური სატყეო უბნის ხაშურის სატყეო კვ №10 ლიტ №3 ფართობი 2.5 ჰა.
3. ხაშურის სატყეო უბნის ალის სატყეო კვ №20 ლიტ №20,22,24,33 ფართობი 10 ჰა.
4. გორის სატყეო უბნის სკრა-ბნავისი სატყეო კვ №46 ლიტ №10-16, 15,18,20. ფართობი 28.2 ჰა.

სატენდერო პროცედურების განხორციელების ეტაპზე ქვეკონტრაქტორ(ებ)ის არსებობის შემთხვევაში სახელმწიფო შესყიდვების ერთიან ელექტრონულ სისტემაში ატვირთული უნდა იქნას პრეტენდენტსა და ქვეკონტრაქტორ(ებ)ს შორის გაფორმებული ხელშეკრულებ(ები)ა. ასევე, ატვირთული უნდა იქნეს ქვეკონტრაქტორის შესახებ ყველა ის ინფორმაცია და დოკუმენტი, რომლებიც მოეთხოვება პრეტენდენტს.

1. პრეტენდენტმა უნდა წარმოადგინოს სატენდერო წინადადების ფასი დანართის (ფასების ცხრილი) მიხედვით.
2. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია დამოწმებული უნდა იყოს კვალიფიციური ხელმოწერით/კვალიფიციური შტამპით, უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). (excel ფორმატში წარმოდგენილი ფასების ცხრილი არ საჭიროებს კვალიფიციური ხელმოწერით/კვალიფიციური შტამპით დამოწმებას).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველის მოთხოვნიდან პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება. დასაბუთება შესაძლებელია განხორციელდეს ექსპერტიზის ან/და აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. დასკვნა გაცემული უნდა იყოს ლიცენზირებული ან აკრედიტირებული ან/და უფლებამოსილი პირის მიერ. იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება. ამასთან, ფასწარმოქმნის ადეკვატურობის დამადასტურებელი დოკუმენტებით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

4 Процентов

8 Процентов

ხელშეკრულების შესრულების უზრუნველყოფის საბანკო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს ხელშეკრულების მოქმედების ვადას, რომლის მოქმედების ვადაც განისაზღვრება 2028 წლის 31 იანვრამდე.

1. ხელშეკრულების შესრულების უზრუნველყოფის გარანტია გაცემული უნდა იყოს საბანკო, სადაზღვეო ან სხვა საკრედიტო დაწესებულების მიერ.
2. ტენდერში გამოიყენება ხელშეკრულების შესრულების უზრუნველყოფის გარანტია, ხელშეკრულების საერთო ღირებულების 4%–ის ოდენობით (თეთრ სიაში დარეგისტრირებული მიმწოდებლის შემთხვევაში აღნიშნული ოდენობა ნახევრდება).
3. ხელშეკრულების შესრულების უზრუნველყოფის გარანტია წარმოდგენილი უნდა იყოს გამარჯვებული პრეტენდენტის მიერ ხელშეკრულების დადებამდე.
4. ხელშეკრულების შესრულების უზრუნველყოფის გარანტიის წარმოდგენა ხორციელდება მატერიალური სახით, სისტემის გამოყენების გარეშე.
5. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, ტენდერში გამოიყენება ხელშეკრულების შესრულების უზრუნველყოფის გარანტია, ხელშეკრულების საერთო ღირებულების 8%–ის ოდენობით (თეთრ სიაში დარეგისტრირებული მიმწოდებლის შემთხვევაში აღნიშნული ოდენობა ნახევრდება).

ანგარიშსწორება მიმწოდებელთან განხორციელდება ეტაპობრივად, ფაქტიურად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის ან მიღება-ჩაბარების აქტისა და საგადასახადო ანგარიშ-ფაქტურის (კანონმდებლობით დადგენილ შემთხვევაში) საფუძველზე.

ანგარიშსწორება მიმწოდებელთან განხორციელდება ეტაპობრივად, ფაქტიურად გაწეული მომსახურების მიხედვით, მომსახურების გაწვევის შემდეგ, მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

დავით ტაბატაძე, 599163130, Davit.Tabatadze@forestry.gov.ge

1. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი. სხვადასხვა ვალუტაში გამოსახული სატენდერო წინადადებები არ განიხილება.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
3. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
4. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული წინადადება.
6. დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნების შესაბამისად, არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს. ასეთ შემთხვევაში, სახელმწიფო შესყიდვების სააგენტოს თავმჯდომარის 2017 წლის 14 ივნისის № 12 ბრძანებით დამტკიცებული ,,ელექტრონული ტენდერის ჩატარების წესის’’ 27-ე მუხლის მე-3 პუნქტისა და 32-ე მუხლის პირველი პუნქტის ,,ბ’’ ქვეპუნქტის შესაბამისად სატენდერო კომისია განახორციელებს პრეტენდენტის დისკვალიფიკაციას.
7. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით.