Полные или частичные строительные работы и публичные работы (Грузия - Тендер #53553108)

მთაწმინდის რაიონის ტერიტორიაზე კიბეებისა და კედლების მოწყობისა და შეკეთების სამუშაოები

მთაწმინდის რაიონის ტერიტორიაზე კიბეებისა და კედლების მოწყობისა და შეკეთების სამუშაოები შესრულებული უნდა იყოს დანართი N1-ით განსაზღვრული ხარჯთაღრიცხვის შესაბამისად თანამედროვე ტექნოლოგიის გამოყენებით და სტანდარტების დაცვით

მიწოდება მოხდება ეტაპობრივად, შემსყიდველის მიერ გაცემული დავალებების შესაბამისად.

მიმწოდებელს სამშენებლო ობიექტის კონკრეტული მისამართი, საპროექტო დოკუმენტაცია და სამუშაოებისთვის განსაზღვრული ვადები გადაეცემა წერილობით;

მიმწოდებელი ვალდებულია საჭიროების შემთხვევაში ერთდროულად იმუშაოს მინიმუმ 3 (სამი) მისამართზე.

სამუშაოების სპეციფიკიდან გამომდინარე, შემსყიდველი არ იღებს ტექნიკური დავალებით განსაზღვრული სამუშაოების სრული მოცულობით დაკვეთის ვალდებულებას;

მიმწოდებელმა ობიექტზე უნდა განათავსოს მინიმუმ 1 ცალი საინფორმაციო დაფა (100 სმ/80 სმ) შემსყიდველის მიერ გადაცემული ესკიზის შესაბამისად;

მიმწოდებლის მიერ შესრულებული სამუშაოს რაოდენობრივ, ხარისხობრივ და ლაბორატორიულ შემოწმებას ჩაატარებს ა(ა)იპ თბილისის მუნიციპალური ლაბორატორია.

სამუშაოების დასრულების შემდეგ, საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება, რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით.

ეტაპობრივად, 2024 წლის 31 დეკემბერის ჩათვლით

ქ. თბილისი, მთაწმინდის რაიონის ტერიტორია

სამუშაოები უნდა ჩატარდეს იმ გარანტიით, რომ შესყიდვის ობიექტი სწორი ექსპლუატაციის პირობებში არ გამოავლენს დეფექტებს მისი მიღებიდან მინიმუმ 5 წლის განმავლობაში

პრეტენდენტს 2021 წლის 1 იანვრიდან უნდა გააჩნდეს ჯამურად არანაკლებ 1 500 000 (ერთი მილიონ ხუთასი ათასი) ლარის ღირებულების რკინაბეტონის გამოყენებით გრუნტის დამჭერი ან/და საყრდენი კედლების მოწყობა/რეაბილიტაციის ან/და ახლის მშენებლობის სამუშაოების შესრულების გამოცდილება. აღნიშნული ინფორმაცია მოცემული უნდა იყოს დანართი N2-ში რომელიც სატენდერო წინადადებასთან ერთად ატვირთული უნდა იქნას ერთიან ელექტრონულ სისტემაში.

თუ დანართი N2-ში ნაჩვენები სამუშაოები არ განხორციელებულა სახელმწიფო შესყიდვების ერთიანი ელექტრონული სისტემის გამოყენებით, ამ შემთხვევაში უნდა აიტვირთოს სამუშაოების შესრულების დამადასტურებელი შემდეგი დოკუმენტაცია: ხელშეკრულება, მიღება-ჩაბარების აქტი შესრულების ფორმა N2-ით და დადასტურებული საგადასახადო ანგარიშ-ფაქტურა. წარმოდგენილი უნდა იქნეს დამკვეთის მიერ შესყიდვების ერთიანი ელექტრონული სისტემის გამოყენებით გაფორმებული ხელშეკრულების ელექტრონული ტენდერის ნომერი ან CMR ნომერი (ასეთის არსებობის შემთხვევაში) რის საფუძველზე მოხდა ქვეკონტრაქტის გაფორმება.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან აკრედიტაციის ეროვნულ ცენტრში აკრედიტებული სხვა პირის მიერ გაცემული შესაბამისი დასკვნა, რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა.
წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო სატენდერო წინადადების საბოლოო ფასის შესაბამის ხარჯთაღრიცხვაში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს რესურსული მეთოდით შედგენილი ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას

5 Процентов

10 Процентов

ხელშეკრულების უზრუნველყოფის საბანკო გარანტიის მოქმედების ვადა სულ ცოტა 60 კალენდარული დღით უნდა აღემატებოდეს ხელშეკრულებით განსაზღვრულ შესყიდვის ობიექტის მიწოდების ვადას

ხელშეკრულების შესრულების უზრუნველყოფის უპირობო, გამოუთხოვადი გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში

ანგარიშსწორება განხორციელდება მხარეებს შორის გაფორმებული მიღება-ჩაბარების აქტის საფუძველზე
მიღება-ჩაბარების აქტის გაფორმება მოხდება შემსყიდველთან ა(ა)იპ „თბილისის მუნიციპალური ლაბორატორია“-ს მიერ ხელმოწერილი შესრულებული სამუშაოების მოცულობისა და ხარისხის დამადასტურებელი დოკუმენტაციის (ფორმა N2 და ფარული სამუშაოების აქტები) წარმოდგენის შემდეგ.

ანგარიშსწორება მოხდება ადგილობრივი ბიუჯეტის სახსრებით, მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში

ხათუნა შიუკაშვილი, 599696678, kh.shiukashvili@tbilisi.gov.ge ტექნიკურ საკითხებთან დაკავშირებით: ინფრასტრუქტურული პროექტების მართვისა და პროექტირების განყოფილების უფროსი - მიხეილ ლეჟავა ტელ: 577 77 09 99

1.სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
3. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული ქართული თარგმანი.
4. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
5.სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
6.შემსყიდველ ორგანიზაციაში წარმოსადგენი ყველა დოკუმენტის ნამდვილობაზე პასუხისმგებელია პრეტენდენტი.
7. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8.სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.