Банковские услуги и инвестиции (Грузия - Тендер #53553104)

საბანკო მომსახურება (POS (Point of sale) ტერმინალების მომსახურება).

ამ ტენდერით მოთხოვნილი მომსახურება გულისმობს POS (Point of sale) ტერმინალების საშუალებით სსიპ – ილიას სახელმწიფო უნივერსიტეტის დამხმარე ობიექტების მიერ გაწეული მომსახურების საფასურის უნაღდო ანგარიშსწორებით გადახდას და გარიგებების შედეგად შესული თანხების განთავსებას სახელმწიფო ხაზინაში უნივერსიტეტის სახელზე გახსნილ ანგარიშზე.

მომსახურების გაწევის მიზნით მიმწოდებელმა უნდა უზრუნველყოს:
(ა) 12 (თორმეტი) ერთეული POS ტერმინალის უნივერსიტეტისათვის დროებით სარგებლობაში გადაცემა (ხელშეკრულების გაფორმებიდან 2025 წლის 31 დეკემბრის ჩათვლით) საერთაშორისო (Visa/MasterCard/UnionPay) პლასტიკური ბარათების საშუალებით ანგარიშსწორების უზრუნველსაყოფად. ამასთან, POS ტერმინალების დროებით სარგებლობაში გადაცემა უნდა განხორციელდეს არაუგვიანეს ხელშეკრულების დადებიდან 5 (ხუთი) სამუშაო დღისა. საჭიროების შემთხვევაში, შესაძლებელი უნდა დამატებით POS ტერმინალების უსასყიდლოდ გამოყოფა.
(ბ) საჭიროების შემთხვევაში სსიპ – ილიას სახელმწიფო უნივერსიტეტის თანამშრომლებისთვის ინსტრუქტაჟის ჩატარება POS ტერმინალების გამოყენებასთან დაკავშირებით;
(გ) POS ტერმინალების გამართულად მუშაობა და ტექნიკური პრობლემების შემთხვევაში მათი აღმოფხვრა, ან ჩანაცვლება (POS ტერმინალის ჩანაცვლება უნდა მოხდეს 3 (სამი) სამუშაო დღის განმავლობაში);
(დ) ყოველი დღის განმავლობაში გარიგებების შედეგად შესული თანხების არაუგვიანეს მეორე სამუშაო დღისა სრულად (საკომისიოს ჩამოჭრის გარეშე) ჩარიცხვა სახელმწიფო ხაზინაში უნივერსიტეტის სახელზე გახსნილ ანგარიშზე;
(ე) ყოველი თვის დასრულებიდან 3 (სამი) სამუშაო დღის განმავლობაში თითოეული POS ტერმინალის მიხედვით საანგარიშო პერიოდში (თვე) შესრულებული ტრანზაქციების შესახებ დეტალური ამონაწერის მომზადება (ფორმატი: Microsoft Excel) და მიწოდება შემსყიდველისთვის ელექტრონული ფოსტის საშუალებით.

შენიშვნა: შესყიდვის სავარაუდო ღირებულება (საკომისიოს ჯამური ოდენობა) დათვლილია საანგარიშო პერიოდში POS ტერმინალების საშუალებით შემოსული თანხმების 1,5%. საორიენდაციო წლიური ბრუნვა საერთაშორისო (Visa/MasterCard/UnionPay) პლასტიკური ბარათების საშუალებით უნივერსიტეტის დამხმარე ობიექტების მიერ გასაწევი მომსახურების ღირებულება შეადგენს 3 300 000,00 ლარს.

ხელშეკრულების დადების თარიღიდან 2025 წლის 31 დეკემბრის ჩათვლით.

მომსახურების გაწევის მიზნით, მიმწოდებელმა სსიპ – ილიას სახელმწიფო უნივერსიტეტს დროებით სარგებლობაში (ხელშეკრულების დადებიდან 2025 წლის 31 დეკემბრის ჩათვლით) უნდა გადასცეს 12 (თორმეტი) ერთეული POS ტერმინალი უნივერსიტეტის დამხმარე ობიექტების მიერ გაწეული მომსახურების საფასურის უნაღდო ანგარიშსწორებით გადახდის მიზნით. ამასთან, POS ტერმინალების გადაცემა უნდა განხორციელდეს ხელშეკრულების დადებიდან 5 (ხუთი) სამუშაო დღის განმავლობაში.

შესყიდვის ობიექტის თავისებურების გათვალისწინებით (შესყიდვის ობიექტი არ მოითხოვს პრეტენდენტებისგან დამატებითი მატერიალური რესურსების სხვა ორგანიზაციებისგან შეძენას და აქედან გამომდინარე, დამატებითი ხარჯების გაწევას. ასეთ შემთხვევებში პრეტენდენტების ფასწარმოქმნის და ფასდაკლებების პოლიტიკა საკმაოდ მოქნილია), ასევე კონკურენციის გაზრდისა და ხელსაყრელი ფასის მიღების მიზნით, სახელმწიფო შესყიდვების საგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის“ მე-18 მუხლის მე-5 პუნქტის საფუძველზე, ფასწარმოქმნის ადეკვატურობის დამადასტურებელი დოკუმენტი წინამდებარე ტენდერში არ მოითხოვება.

ანგარიშსწორებისთვის მიმწოდებელი ვალდებულია, მიაწოდოს შემსყიდველს შესაბამისი ფინანსური დოკუმენტაცია (ინვოისი). ანგარიშსწორება განხორციელდება ეტაპობრივად, ფაქტიურად გაწეული მომსახურების მიხედვით. ფაქტიურად გაწეული მომსახურება განისაზღვრება საანგარიშო პერიოდში გარიგებების შედეგად შესული თანხიდან. 2025 წლის დეკემბერში გაწეული მომსახურების ღირებულების ანაზღაურება შეიძლება განხორციელდეს 2026 წლის იანვარში.

მიმწოდებლის მხრიდან შესაბამისი ფინანსური დოკუმენტაციის (ინვოისი) წარმოდგენიდან 10 (ათი) სამუშაო დღის განმავლობაში.

ივანე კვიტაიშვილი, 577237747, vaniko@iliauni.edu.ge

(1) იმ შემთხვევაში, თუ პრეტენდენტის მიერ არ იქნება წარმოდგენილი გასაწევი მომსახურების ხარჯთაღრიცხვა სატენდერო დოკუმენტაციის მოთხოვნების შესაბამისად, ან წარმოდგენილი იქნება განუფასებლად, მოხდება მისი დისკვალიფიკაცია (დაზუსტების გარეშე);
(2) წინამდებარე ტენდერში სატენდერო წინადადების წარმოდგენით, პრეტენდენტი ავტომატურად გამოხატავს თანხმობას, რომ მომსახურება გაწეული იქნება სატენდერო პირობების სრული დაცვით;
(3) სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად;
(4) „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი (Pdf ფაილი) უნდა იყოს ხელმოწერილი კვალიფიციური ელექტრონული ხელმოწერით, ან/და დამოწმებული კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, წარმოდგენილი უნდა იქნეს ასევე შესაბამისი მინდობილობა.