Образовательные услуги (Грузия - Тендер #53553096)

პროექტის „დევნილ მოზარდთა ჩართულობის სამოქალაქო სივრცეები" ფარგლებში აფხაზეთიდან იძულებით გადაადგილებულ მოზარდთა და ახალგაზრდათა სატრენინგო მომსახურება.

1.2.1. მომსახურება გაწეული უნდა იქნას ქ. სენაკში.
პრეტენდენტმა უნდა უზრუნველყოს 70 ახალგაზრდის სწავლება (შეიქმნება მინიმუმ 4 ჯგუფი, თითოეულში მაქსიმუმ 20 მონაწილე: ჯგუფები შეიქმნება ასაკის მიხედვით - უმცროს და უფროს წევრს შორის ასაკობრივი სხვაობა არ უნდა აღემატებოდეს 3 წელს. მაგალითად: 7-10 წლის მოზარდები, 11– 13 წლის მოზარდები და 13 – 16 წლის მოზარდები და ახალგაზრდები. ტრენინგები ჩატარდება ორი თვის განმავლობაში ყოველ შაბათ-კვირას - სულ 16 დღე. პრეტენდენტმა (კოორდინატორი) თავად უნდა შეარჩიოს 70 ახალგაზრდა შემსყიდველთან შეთანხმებით (მონაწილეთა ასაკი 7-16 წელი). ასაკის დაკორექტირება შესაძლებელია შემსყიდველთან შეთანხმებით.
1.2.2. სივრცეების ტრენინგ-პროგრამის მეთოდოლოგია უნდა მოიცავდეს შემდეგ თემებს:
• მულტიკულტურალიზმი
• ბულინგი და მისი პრევენცია
• გუნდურობა
• პროფორიენტაცია
• სოციალური მედია-მარკეტინგი
• გენდერული თანასწორობა
• ბავშვთა უფლებები
• ჯანსაღი ცხოვრების წესი
• ეფექტური კომუნიკაცია
• მოხალისეობა
• პრეზენტაციები
• პროექტების წერა და ფინანსების მოძიება
• მეწარმეობის განვითარება
• პროპაგანდა (სახეები, როლი, მნიშვნელობა)
• დეზინფორმაცია და მისი სახეები
• სლოგანი და სპიჩი
• საჯაროდ საუბრის შიში (სპიკერობის შიში)

პროცესი უნდა მოიცავდეს შემდეგ აქტივობებს:
● საგანმანათლებლო-სახალისო აქტივობები
● შემეცნებითი აქტივობები
● სხვადასხვა საგანანმანათლებლო - სარეკრეაციო აქტივობები

1.2.3. შემსყიდველის მიერ შეთავაზებულ სატრენინგო სივრცეს (ფართი) ყოველ შაბათ-კვირას უნდა ემსახურებოდეს დამლაგებელი და ყოველი სატრენინგო დღის ბოლოს ფართი უნდა იწმინდებოდეს შესაბამისი სანიტარულ-ჰიგიენური საშუალებებით (ქლორი და სხვა). ადგილზე თითოეულ სატრენინგო დღეს უნდა იყოს 70 ადამიანზე გათვლილი ჰიგიენური საშუალებები (საპონი, ტუალეტის ქაღალდი, ქაღალდის ხელსახოცი ხელის გასამშრალებლად, ნაგვის პარკები და სხვა).
1.2.4. მიმწოდებელმა უდნა უზრუნველყოს 70 ახალგაზრდისთვის საჭირო რაოდენობის საკანცელარიო ნივთები (იხ. დანართი 1). პროექტის დასრულების შემდეგ მიმწოდებელმა შემსყიდველთან შეთანხმებით უნდა დაამზადოს შესაბამისი დიზაინის სერტიფიკატები და გადასცეს მონაწილეებს.
1.2.5. მიმწოდებელს ადგილზე უნდა ჰყავდეს შესაბამისი გამოცდილებისა და კვალიფიკაციის მინიმუმ 2 ტრენერი და 1 კოორდინატორი. ტრენერებს უნდა გააჩნდეთ ახალგაზრდებთან მუშაობის მინიმუმ ერთწლიანი გამოცდილება და შესაბამისი კვალიფიკაციის დამადასტურებელი დოკუმენტები. პროექტის დასრულების შემდეგ ტრენერებმა უნდა წარმოადგინონ ანგარიშები პროექტის შესახებ.
1.2.6. კოორდინატორს უნდა ჰქონდეს არაფორმალური განათლების მიმართულებით მინიმუმ 1 წლიანი გამოცდილება, რაც უნდა დასტურდებოდეს შესაბამისი დოკუმენტაციით (კოორდინატორის კანდიდატურას განსაზღვრავს თავად პრეტენდენტი შემსყიდველთან შეთანხმებით). კოორდინატორმა უნდა უზრუნველყოს სივრცის ზედამხედველობა და პროექტის მონაწილეების მობილიზება შემსყიდველთან შეთანხმებით (აფხაზეთის ოკუპირებული ტერიტორიიდან დევნილი 70 ახალგაზრდის მობილიზება). კოორდინატორმა უნდა უზრუნველყოს მონაწილეთა მხრიდან მშობლის თანხობის ფურცლის შევსება და მათი დროული მიწოდება შემსყიდველისთვის (თანხმობის ფორმას მიაწოდებს შემსყიდველი). კოორდინატორმა უნდა აწარმოოს მონაწილეთა დასწრების აღრიცხვა. ასევე, გადაიღოს ფოტოები და ვიდეო და ყოველის შაბათ-კვირის სესიის შემდეგ ორშაბათს მიაწოდოს შემსყიდველს, ყოველი სესიის დაწყების წინ გააკეთოს რამდენიმეწუთიანი ვიდეო ჩართვა. თუ კოორდინატორი დასრულებამდე გამოეთიშა პროექტს, ის დროულად (მაქსიმუმ 5 დღიან ვადაში) უნდა იყოს ჩანაცვლებული შემსყიდველთან შეთანხმებით, სხვა შემთხვევაში არ მოხდება მისი მომსახურების ანაზღაურება. თუკი კოორდინატორის ჩანაცვლების პერიოდი ემთხვევა შაბათ-კვირის სესიებს, კოორდინატორის ფუნქცია-მოვალეობები დამატებით უნდა შეითავსოს ერთ-ერთმა ტრენერმა.
1.2.7. პრეტენდენტმა უნდა უზრუნველყოს მონაწილეთა სრული დასწრება (თითოეულ დღეს 70 მონაწილე). საერთო ჯამში პროექტის დასრულების შემდეგ 16 დღეზე სულ უნდა განხორციელდეს 1120 დასწრება - 16 ჯერ 70. თუკი პროექტის ბოლოს ჯამური დასწრება იქნება სრული დასწრების (1120) 90%-ზე ნაკლები, შემსყიდველი იტოვებს უფლებას, პრეტენდეტნს აუნაზღაუროს პროექტის განხორციელებისთვის წინასწარ განსაზღვრული თანხის 90% (კვების განფასების საერთო ხარჯების ფარგლებში). თუკი პროექტის ბოლოს ჯამური დასწრება იქნება სრული დასწრების (1120) 80%-ზე ნაკლები, შემსყიდველი იტოვებს უფლებას, პრეტენდეტნს აუნაზღაუროს პროექტის განხორციელებისთვის წინასწარ განსაზღვრული თანხის 70%(კვების განფასების საერთო ხარჯების ფარგლებში) , ხოლო იმ შემთხვევაში, თუკი პროექტის ბოლოს ჯამური დასწრება იქნება სრული დასწრების (1120) 70%-ზე ნაკლები, შემსყიდველი იტოვებს უფლებას, პრეტენდეტნს აუნაზღაუროს პროექტის განხორციელებისთვის წინასწარ განსაზღვრული თანხის 50%(კვების განფასების საერთო ხარჯების ფარგლებში).
იმ შემთხვევაში, თუკი პროექტის მონაწილე გააცდენს სესიას / სესიებს, პრეტენდენტი ვალდებულია, შემსყიდველს წარუდგინოს აღნიშნული მონაწილის მშობლის მიერ დაწერილი ახსნა-განმარტებითი წერილი. ამ შემთხვევაში გაცდენა ჩაითვლება საპატიოდ. ერთი და იმავე მონაწილის მიერ სესიების 3 ჯერ გაცდენის შემთხვევაში, უნდა მოხდეს აღნიშნული მონაწილის ჩანაცვლება სხვა კანდიდატით სარეზერვო სიიდან. სარეზერვო სია პრეტენდენტმა უნდა შეადგინოს პროექტის დაწყებამდე შემსყიდველთან შეთანხმებით.
1.2.8. მიმწოდებელმა უნდა უზრუნველყოს ტრენინგების ჩატარების დღეებში (შაბათ-კვირას) მონაწილეთა (70 ადამიანი) კვება, რომელიც მიეწოდება მონაწილეებს ყოველი სესიის (თითოეულ სესიაზე იქნება მაქსიმუმ 20 მონაწილე) დასასრულს ერთჯერადად. კვება უნდა განხორციელდეს შემსყიდველის მიერ წინასწარ გაწერილი მენიუს შესაბამისად (იხ. დანართი) და მონაწილეებს მიეწოდოთ ერთჯერადი ყუთების (ე.წ. ლანჩბოქსების სახით).
1.2.9. პროექტის ფარგლებში მიმწოდებელმა ერთჯერადად უნდა განახორციელოს გასვლითი კულტურულ-შემეცნებითი ღონისძიება (ექსკურსია).კულტურულ-შემეცნებითი ღონისძიება უნდა განხორციელდეს იმერეთის რეგიონში, ადგილი უნდა შეირჩეს შემსყიდველთან წინასწარი შეთანხმებით და უნდა მოიცავდეს კულტურული ღირსშესანიშნაობების დათვალიერებას. პრეტენდენტმა კულტურულ-შემეცნებითი ღონისძიების დღეს უნდა უზრუნველყოს თითოეული მონაწილის კვება სულ მცირე ერთჯერ. მიმწოდებელს საქართველოს კანონმდებლობის თანახმად ეკისრება სრული პასუხისმგებლობა ტრანსპორტის სრულად გამართვასა და მის უსაფრთხოებაზე ასევე პროექტის მონაწილეების უსაფრთხოდ ტრანპორტირებაზე.

მომსახურების გაწევის ვადა შემსყიდველთან შეთანხმებით (პროექტის დაწყების სავარაუდო თარიღი მიმდინარე წლის 25 მაისი).

ქ. სენაკი (შემსყიდველის მიერ შეთავაზებული სატრენინგო სივრცე/ფართი), ასაკობრივი ჯგუფების მიხედვით სესიების (ტრენინგის) ხანგრძლივობა განისაზღვრება 7-12 წლის ახალგაზრდებისთვის 90 წუთი, ხოლო 13-16 წლის მოზარდებისა და ახალგაზრდებისთვის სესია განისაზღვრება 120 წუთი (სესიის დრო არ მოიცავს კვებისთვის განკუთვნილ დროს).

პრეტენდენტს 2022 წლის 01 იანვრიდან უნდა გააჩნდეს არანაკლებ 30000 (ოცდაათი ათასი) ლარის ღირებულების სატრენინგო მომსახურების მიწოდების გამოცდილება, რაზეც უნდა წარმოადგინოს შესაბამისი მიწოდების დამადასტურებელი ხელშეკრულებები და მიღება-ჩაბარების აქტები ან/და სხვა დამადასტურებელი დოკუმენტები.
სატენდერო დოკუმენტაციის დანართი №2–ში CMR/SPA/NAT... ნომრ(ებ)ი-ს მითითების შემთხვევაში დამატებითი დოკუმენტ(ებ)ი-ს (ხელშეკრულებები, მიღება–ჩაბარების აქტები, ან სხვა მიწოდების დამადასტურებელი დოკუმენტები) წარმოდგენა სავალდებულო არ არის.

ტრენერი (მინიმუმ 2 პერსონა) - ტრენერს უნდა გააჩნდეს ახალგაზრდებთან მუშაობის მინიმუმ 1 წლიანი გამოცდილება და ტრენერობის დამადასტურებელი სერტიფიკატი.სერტიფიკატი და გამოცდილების დამადასტურებელი დოკუმენტები არ უნდა იქნეს გაცემული პრეტენდენტი ორგანიზაციის მიერ.

კოორდინატორი (1 პერსონა) - კოორდინატორს უნდა ჰქონდეს არაფორმალური განათლების მიმართულებით მინიმუმ 1 წლიანი გამოცდილება, რაც უნდა დასტურდებოდეს შესაბამისი დოკუმენტაციით (ცნობა, რეკომენდაცია)

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო მომსახურების ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასით და აგრეთვე ჯამური ღირებულებით ამავე მომსახურების ფასების ცხრილით განსაზღვრული მომსახურების გაწევის შესაძლებლობა.
პრეტენდენტმა აღნიშნული დასკვნის ღირებულება უნდა დაფაროს საკუთარი ხარჯებით და უნდა უზრუნველყოს მისი წარმოდგენა ერთიანი ელექტრონული სისტემის მეშვეობით, შემსყიდველის მიერ მოთხოვნილი ვადის შესაბამისად, დასკვნის წარმოუდგენლობის შემთხვევაში პრეტენდენტი დისკვალიფიცირებული იქნება ტენდერიდან.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

მიმწოდებლის მოთხოვნის შემთხვევაში ანგარიშსწორება შეიძლება განხორციელდეს ეტაპობრივად. ანგარიშსწორება მოხდება უნაღდო ანგარიშსწორებით ლარში.

ანგარიშსწორების ეტეპობრივად განხორციელების შემთხვევაში მომსხურების ანაზღაურება მოხდება ერთი თვის სატრენინგო მომსახურების დასრულების შემდეგ, შესაბამისი მიღება-ჩაბარების აქტის გაფორმებიდან 10 სამუშაო დღის განმავლობაში. საბოლოო ანგარიშსწორება განხორციელდება ფაქტიურად გაწეული მომსახურების დასრულების შემდეგ, მიღება–ჩაბარების აქტის გაფორმებიდან 10 სამუშაო დღის განმავლობაში.

ვლადიმერ ყიფიანი, 577092622, vkipiani.justice@gmail.com ტექნიკურ საკითხებთან დაკავშირებით საკონტაქტო პირი ბ-ნი ნიკა ჩერქეზია, ტელეფონის ნომერი 511 16 34 73.

10.1.1. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში - სისტემა) ატვირთული ყველა დოკუმენტი ან/და ინფორმაცია დამოწმებული უნდა იყოს უფლებამოსილი პირის მიერ კვალიფიციური ელექტრონული ხელმოწერით ან/და კვალიფიციური ელექტრონული შტამპით.
10.1.4 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 ფასების ცხრილი (დანართი №1) (ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).
10.2.2 ინფორმაცია პრეტენდენტის გამოცდილების შესახებ სატენდერო დოკუმენტაციის 2.2.1. პუნქტის შესაბამისად.
10.2.3. ინფორმაცია პრეტენდენტის პერსონალის კვალიფიკაციის შესახებ სატენდერო დოკუმენტაციის 2.4.1 პუნქტის შესაბამისად