Компьютерное оборудование и принадлежности (Грузия - Тендер #53259814)

სპეციალური საგამოძიებო სამსახურის მიერ სასერვერო ინფრასტრუქტურისთვის უწყვეტი კვების წყაროს (თანმდევი მომსახურებით - მონტაჟი) სახელმწიფო შესყიდვა

1.2.1 პროექტის ტექნიკური ამოცანა არის 2 (ორი) დაშორებული სასერვერო ოთახის უწყვეტი კვების სისტემით უზრუნველყოფა, რომელიც უნდა მოიცავდეს არანაკლებ 6კვა/5.4კვტ N+1 რეზერვირებულ სიმძლავრეს. გადაწყვეტილების თითო კომპლექტი უნდა მოიცავდეს 2 ცალ 6კვა ორმაგი გარდაქმნით აღჭურვილ უწყვეტი კვების წყაროს, გამომავალი ხაზებით დაკავშირებული ATS (Automatic Transfer Switch)-ის მეშვეობით. ყოველ ლოკაციაზე საჭიროა არანაკლებ 16 ცალი C13 და არანაკლებ 2 ცალი C19 გამომავალი რეზერვირებული პორტების რაოდენობა, რომელიც უნდა იყოს უზრუნველყოფილი ან ცალკე არანაკლებ 32A კვების გამანაწილებლის მეშვეობით ან განთავსებული ATS-ის გამომავალ პანელზე. სისტემას უნდა გააჩნდეს გარემოს ტემპერატურა-ტენიანობის და ინფრასტრუქტურის ცენტრალიზირებული დაშორებული მონიტორინგის საშუალება რეალურ დროში ცენტრალური კონსოლიდან და მობილური აპლიკაციით, დელეგირებული წვდომით ადგილობრივი პერსონალისთვის. ღრუბლოვანი სერვისების მეშვეობით სისტემას უნდა შეეძლოს გაუმართაობების ანალიტიკა, დაკავშირებული აგრეგატების ფიზიკური მდგომარეობის მონიტორინგი და ლოგირება.
1.2.2 მიმწოდებელმა უნდა უზრუნველყოს ტექნიკის სრულყოფილი ინსტალაცია, უწყვეტი კვების წყაროების დაერთება შესაბამისი ნომინალის ავტომატურ ამომრთველზე, ავტომატური გადამრთველის (ATS) და პროგრამული უზრუნველყოფის კონფიგურაცია.
1.2.3 შემოთავაზებული საქონელი (პირველი, მე-2 და მე-3 პოზიცია) უნდა იყოს ურთიერთთავსებადი.
1.2.4 მიმწოდებელმა უნდა უზრუნველყოს მოწოდებული საქონლის მონტაჟისთვის საჭირო ყველა აქსესუარის/სახარჯი მასალის მოწოდება.
1.2.5 მიმწოდებელმა უნდა უზრუნველყოს მოწოდებულ საქონელზე აპარატურის დაერთება შემსყიდველთან შეთანხმებით და საჭიროების შემთხვევაში, არსებული UPS-ების დაერთება ახალ მართვის სისტემაზე.
1.2.6 მიმწოდებელმა, სამონტაჟო სამუშაოების დასრულების შემდგომ, უნდა ჩაატაროს ტესტი სისტემის გამართულ ფუნქციონირებაზე.

1.2.7 შესყიდვის ობიექტის დასახელება, რაოდენობები და მინიმალური ტექნიკური მახასიათებლები მოცემულია შესყიდვის ობიექტის ტექნიკურ დავალებაში, რომელიც ატვირთულია 1.2 პუნქტში.

ხელშეკრულების ძალაში შესვლიდან არაუგვიანეს 90 (ოთხმოცდაათი) კალენდარული დღე.

მიწოდების (თანმდევი მომსახურებით - მონტაჟი) ადგილები: ქ. თელავი, ერეკლე მეორის გამზ. №16 (ს.კ. 53.20.37.089), ქ. ზუგდიდი, კოსტავას ქ. №58 (ს.კ. 43.31.49.116.01/508; ს.კ. 43.31.49.116.01/509), შემსყიდველის ადმინისტრაციული შენობები.

1.7.1.1 ფასების ცხრილის (დანართი N1) პირველ (როგორც უწყვეტი კვების წყაროზე, ასევე ელემენტზე) და მე-2 პოზიციებზე შემოთავაზებულ საქონელს უნდა მოყვებოდეს მიღება-ჩაბარების აქტის გაფორმებიდან არანაკლებ 2 წლიანი მწარმოებლის გარანტია (აღნიშნული ინფორმაცია პრეტენდენტმა უნდა მიუთითოს ფასების ცხრილში).
1.7.1.2 შემოთავაზებული საქონელი უნდა იყოს ახალი და უნაკლო.
1.7.1.3 საგარანტიო პერიოდში შესყიდვის ობიექტის მიერ გამოვლენილი წუნის/ხარვეზის/დეფექტის შემთხვევაში, მიმწოდებელი ვალდებულია შემსყიდველის დავალებიდან არაუგვიანეს 10 (ათი) კალენდარული დღის ვადაში შეაკეთოს წუნდებული/ხარვეზის ან დეფექტის მქონე საქონელი, ხოლო შეკეთების შეუძლებლობის შემთხვევაში, წუნდებული/ხარვეზის ან დეფექტის მქონე საქონელი შეცვალოს ახლით შემსყიდველის მიერ განსაზღვრულ გონივრულ ვადაში.
1.7.1.4 წუნის/ხარვეზის/დეფექტის მქონე საქონლის შეკეთების ან შეცვლის შემთხვევაში საქონლის ტრანსპორტირება და მონტაჟი უნდა უზრუნველყოს მიმწოდებელმა.

შენიშვნა: პრეტენდენტმა სატენდერო წინადადებაში უნდა წარმოადგინოს სატენდერო დოკუმენტაციის 1.7.1.1 პუნქტით განსაზღვრული მოთხოვნის შესაბამისი ინფორმაცია.

2.1.1.1 პრეტენდენტი ვალდებულია, ფასების ცხრილში (დანართი N1) მიუთითოს შესყიდვის ობიექტის მწარმოებელი ქვეყანა, მწარმოებელი კომპანია და მარკა/მოდელი (მარკა/მოდელის არარსებობის შემთხვევაში პრეტენდენტმა უნდა მიუთითოს ტექსტი: „მარკა/მოდელი არ გააჩნია“).
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.7.1.1 პრეტენდენტი უნდა იყოს ფასების ცხრილის პირველ, მე-2 და მე-3 პოზიციაზე შემოთავაზებული საქონლის მწარმოებლის ოფიციალური/ავტორიზებული პარტნიორი/წარმომადგენელი/გადამყიდველი და სისტემაში უნდა ატვირთოს აღნიშნულის დამადასტურებელი დოკუმენტაცია (ე.წ. MAF, ავტორიზაციის წერილი ან სხვა), სადაც მითითებული უნდა იყოს მწარმოებლის მიერ საქართველოში არსებული ავტორიზებული სერვის ცენტრის დასახელება და საკონტაქტო ინფორმაცია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (დანართი N1) (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება უნაღდო ანგარიშსწორებით, შესყიდვის ობიექტის მიწოდების შესახებ გაფორმებული მიღება-ჩაბარების აქტის და შესაბამისი საგადასახადო დოკუმენტაციის საფუძველზე (არსებობის შემთხვევაში), სპეციალური საგამოძიებო სამსახურის 2024 წლის ბიუჯეტის სახსრებით.

მიღება–ჩაბარების აქტის გაფორმებიდან და შესაბამისი საგადასახადო დოკუმენტაციის წარმოდგენიდან (არსებობის შემთხვევაში) 10 სამუშაო დღის განმავლობაში.

ბადრი საჯაია, 599700335, bsajaia@sis.gov.ge

10.1.1 სახელმწიფო შესყიდვების ერთიან ელექტრონულ სისტემაში (შემდგომში – სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის შესაბამისად.
10.1.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.3 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.6 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.7 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.8 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.9 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის - „კითხვა/პასუხის“ მეშვეობით, ან/და სატენდერო კომისიის აპარატში, ქ. თბილისი, მ. ასათიანის ქ. N9.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.2.1 ფასების ცხრილი (დანართი N1), სატენდერო დოკუმენტაციის 1.7.1.1 და 2.1.1.1 ქვეპუნქტებით მოთხოვნილი ინფორმაციის გათვალისწინებით (ფასების ცხრილის წარმოუდგენლობა ან განუფასებელი ფასების ცხრილის წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.2.2 სატენდერო დოკუმენტაციის 2.7.1 ქვეპუნქტით მოთხოვნილი დოკუმენტაცია.