Ремонт и техническое обслуживание транспортных средств и оборудования и сопутствующие услуги (Грузия - Тендер #53122400)

ა(ა)იპ ადიგენის კეთილმოწყობისა და დასუფთავების სამსახურის დროებით სარგებლობაში არსებული ერთი ერთეული სპეციალური სატრანსპორტო საშუალება “KAMAZ 43253"-ის
შეკეთებისა და ტექნიკური მომსახურების შესყიდვა

სატენდერო წინადადების ფასი წარმოდგენილი უნდა იყოს სატენდერო დოკუმენტაციის დანართი N1-ში მოცემული მომსახურების და ნაწილების ერთეულის ფასების ღირებულების შესაბამისად, მაგრამ არაუმეტეს ტენდერის ჩატარების შესახებ განცხადებაში მითითებული მთლიანი სავარაუდო ღირებულებისა და დანართი N1-ში განსაზღვრული ერთეულების ფასებისა
პრეისკურანტის სავარაუდო ღირებულება განისაზღვრება 207 022,50 ლარით.
ტენდერში გამარჯვებულ პრეტენდენტთან ხელშეკრულება გაფორმდება 30 000 ლარზე

- იმ შემთხვევაში, თუ აღმოჩნდა რომ მომწოდებლის მიერ არ არის სრულყოფილად შესრულებული მომსახურება და/ ან შეცვლილი ნაწილი აღმოჩნდა წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.

- პრეტენდენტს უნდა გააჩნდეს მოქმედი სერვისცენტრი ქ. ახალციხეში, ერთდროულად არანაკლებ 2 ავტომანქანის მომსახურების საშუალებით, საჭიროების შემთხვევაში უნდა შეეძლოს მომსახურების გაწევა ქ. თბილისშიც. სერვისცენტრი უნდა ფუნქციონირებდეს ყოველდღიურად. პრეტენდენტის სერვისცენტრი დაკომპლექტებული უნდა იყოს მაღალკვალიფიციური სპეციალისტებით და აღჭურვილი იყოს თანამედროვე აპარატურითა და დანადგარებით.

- იმ შემთხვევაში თუ რომელიმე სერვის ცენტრში სრულყოფილად ვერ ხორციელდება ტექნიკური მომსახურეობის გაწევა, მიმწოდებელი ვალდებული საკუთარი სახსრებით უზრუნველყოს სხვადასხვა ტიპის სპეციალური ტექნიკის ალტერნატიულ სერვის ცენტრში გადაყვანა/ტრანსპორტირებას ან/და სხვა.

- პრეისკურანტში ავტოსატრანსპორტო საშუალების ტექნიკური მომსახურების/საქონლის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში ავტოსატრანსპორტო საშუალების ტექნიკური მომსახურების ერთულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

- მიმწოდებელს უნდა გააჩნდეს შეკეთების და ტექნიკური მომსახურების ყველა აუცილებელი საშუალება და პირობა (პერსონალისა და ინფრასტრუქტურის გათვალისწინებით.
- ავტომანქანის შეკეთება და ტექნიკური მომსახურება (სერვისი-სათადარიგო ნაწილები) გულისხმობს ავტოსატრანსპორტო საშუალების დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას; ავტომობილის ნაწილების შეკეთებას და/ან გამოცვლას.

მომსახურების გაწევა უნდა განხორციელდეს ხელშეკრულების გაფორმებიდან, 2024 წლის 31 დეკემბრის ჩათვლით, ეტაპობრივად, შემსყიდველის საჭიროების და მოთხოვნის შესაბამისად;
მიმწოდებელი ვალდებულია შემსყიდველის მიმართვიდან არაუგვიანეს 2 (ორი) კალენდარული დღის ვადაში, ჩაატაროს ავტოსატრანსპორტო საშუალებების დათვალიერება და უზრუნველყოს შესაბამისი დეფექტური აქტი(ებ)ს წარდგენა შემსყიდველისათვის, სადაც გასაწევი მომსახურეობის დეტალური აღწერა უნდა იყოს მოცემული, შემსყიდველის თანხმობის გარეშე, ავტოსატრანსპორტო საშუალებების შეკეთების შემთხვევაში, კომპანია იტოვებს უფლებას, არ აუნაზღაუროს მომწოდებელს გაწეული მომსახურების ღირებულება.
მომსახურების გაწევის ვადები თითოეულ შემთხვევაზე არ უნდა აღემატებოდეს:
1. სავალი ნაწილებისთვის - 3 კალენდარულ დღეს;
2. ელექტროობისთვის - 3 კალენდარულ დღეს;
3. ძირითადი აგრეგატებისთვის - 6 კალენდარულ დღეს;
4. სათუნუქე-სამღებრო სამუშაოებისათვის - 10 კალენდარულ დღეს;
5. იმ შემთხვევაში თუ საჭიროა ძრავისა და ძარის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით, მაგრამ როგორც წესი არაუმეტეს 15 კალენდარული დღის ვადაში, ხოლო გამონაკლის შემთხვევებში შესაძლებელია აღნიშნული ვადის გაზრდა მხოლოდ შემსყიდველთან შეთანხმებით;
სათადარიგო ნაწილი არ ჩაითვლება დეფიციტურად თუ საქართველოს ბაზარზე მოიძებნება ერთი მიმწოდებელი მაინც, რომელიც ახორციელებს აღნიშნული სათადარიგო ნაწილის რეალიზაციას;
მოცემული ვადების ათვლა დაიწყება ავტოსატრანსპორტო საშუალებების მიმწოდებლის მხრიდან წარმოდგენილი დათვალიერების (დეფექტური) აქტზე შემსყიდველისა და მიმწოდებლის მხრიდან წარმოდგენილი უფლებამოსილი პირების მიერ ხელმოწერის დღიდან, სადაც განისაზღვრება ტექ. მომსახურების დაწყებისა და დასრულების სავალდებულო ან/და შეთანხმებული ვადები.

მომსახურება გაწეულ უნდა იქნას დაუყოვნებლივ, რიგგარეშე.
მომსახურება უნდა განხორციელდეს: ქ. ახალციხეში. და საჭიროების შემთხვევაში ქ, თბილისში.

შეცვლილ ნაწილზე საგარანტიო ვადა ვრცელდება არანაკლებ 6 თვის მანძილზე - (ელექტროობზე, სავალ ნაწილებზე, ძირითადი აგრეგატები)
ტექნიკური მოთხოვნები

მიმწოდებელს საკუთრებაში ან სარგებლობაში უნდა გააჩნდეს ავტო ტექ. მომსახურების ობიექტი ქ.ახალციხეში. პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს ავტო ტექ. მომსახურეობის ობიექტის საკუთრების ან სარგებლობის დამადასტურებელი დოკუმენტი (სარგებლობის დამადასტურებელი დოკუმენტის მოქმედების ვადა უნდა იყოს არანაკლებ 2024 წლის 31 დეკემბრის ჩათვლით)
და ინფორმაცია ქსელში არსებული სერვისცენტრების შესახებ,

პრეტენდენტნა უნდა წარმოადგინოს სატენდერო დოკუმენტაციით განსაზღვრული ფორმის შესაბამისად:
ფასების ცხრილი (დანართი N1) მისი წარმოუდგენლობა გამოიწვევს პრეტენდენტის დისკვალიფიკაციას,
ინფორმაცია ქსელში არსებული სერვისცენტრების შესახებ, დანართი N2
უნდა ატვირთოს ავტო ტექ. მომსახურეობის ობიექტის საკუთრების ან სარგებლობის დამადასტურებელი დოკუმენტი
პრეტედენტმა უნდა წარმოადგინოს ინფორმაცია საგარანტიო ვადასთასთან დაკავშირებით

იმ შემთხვევაში, როდესაც ტენდერში ელექტრონული ვაჭრობის შედეგად გამარჯვებული მიმწოდებლის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის სავარაუდო ღირებულებაზე, პრეტენდენტმა ფასწარმოქმნის ადეკვატურობა ან/და ამ ფასად ტენდერით გათვალისწინებული ვალდებულების შესრულების შესაძლებლობა უნდა დაასაბუთოს საექსპერტო, აუდიტორული ან/და საშემფასებლო დადებითი დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი. დასკვნის წარმოუდგენლობა გამოიწვევს ტენდერში მონაწილე პრეტენდენტის დისკვალიფიკაციას.


- დასკვნაში დასაბუთებული უნდა იყოს, რომ დასკვნის გაცემის მომენტისათვის მიმწოდებელს ან/და ერიცხება მის მიერ წარმოდგენილ ფასების ცხრილში დაფიქსირებული ფასების შესაბამისი საქონლის მარაგი, ან/და გააჩნია ხელშეკრულება/ინვოისი საქონლის მოწოდებაზე შესაბამისი მომწოდებლისაგან და საქართველოს კანონმდებლობით განსაზღვრული სავალდებულო გადასახადებისა და მოსაკრებლების და მიწოდების ადგილზე ტრანსპორტირების ხარჯების ჩათვლით შეუძლია მის მიერ დაფიქსირებულ საბოლო სატენდერო წინადადების ფასად შესაბამისი საქონლის მოწოდება შემსყიდველისათვის.

ანგარიშსწორება მიმწოდებელთან განხორციელდება ეტაპობრივად- მიმწოდებლის მიერ ანგარიშსწორებისთვის საჭირო დოკუმენტაციის (დეფექტური აქტი, მიღება-ჩაბარების აქტი, მიღება-ჩაბარების აქტის და საგადასახადო ანგარიშფაქტურა -დღგს გადამხდელის შემთხვევაში) წარმოდგენიდან.

- იმ შემთხვევაში, თუ დაფიქსირებული იქნება შესრულებული სამუშაოს ნაკლი ან უხარისხობა, მიმწოდებელს დაკავებული თანხა არ აუნაზღაურდება დეფექტების გამოსწორებამდე.

ანგარიშსწორება განხორციელდება ეტაპობრივად, ფაქტიურად გაწეული მომსახურების მიხედვით, მიმწოდებლის მიერ ანგარიშსწორებისთვის საჭირო დოკუმენტაციის წარმოდგენიდან 10 (ათი) სამუშაო დღის ვადაში.

მარიამი სარიშვილი, 595127911, sarishvili234@gmail.com

1 სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგიმოს ალტერნატიული სატენდერო წინადადება;
3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი, დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა)(სავალდებულოა Excel-ის ფორმატი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს)
7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
8. მიმწოდებელი ვალდებულია: მომსახურება გაწიოს ამ სფეროში საერთაშორისოდ აღიარებული ნორმებისა და სტანდარტების შესაბამისად; დაიცვას უსაფრთხოების ზომები მოქმედი კანონმდებლობით დადგენილი წესების სრული დაცვით; გათვალოს მომსახურების განხორციელების პროცესში შესაძლო რისკები და უზრუნველყოს მოსალოდნელი საფრთხეების თავიდან არიდება; სრულად უზრუნველყოს მისი ქმედების/უმოქმედობის შედეგადა გარემოზე ან/და სხვა სახის ქონებაზე მიყენებული ზიანის ანაზღაურება; აუნაზღაუროს შემსყიდველს მისი ბრალეულობით გამოწვეული ნებისმიერი სახის მატერიალური და არამატერიალური ზარალი;
9. მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვრის ხარჯების ანაზღაურება ეკისრება მიმწოდებელს;