Компьютерное оборудование и принадлежности (Грузия - Тендер #53122398)

ქალაქ თბილისის მუნიციპალიტეტის მერიის უსაფრთხოების საქალაქო სამსახურისათვის მონიტორების (თანმდევი მომსახურებით - მონტაჟი) სახელმწიფო შესყიდვა.

1.2.1 მომწოდებელი ვალდებულია დემონტაჟი გაუკეთოს, არსებულ 15 ცალ მონიტორს.
1.2.2 მომწოდებელმა უნდა დაამონტაჟოს ახალი 15 ცალი მონიტორი არსებულ მეტალის კონსტრუქციაზე ქარხნული კრონშტეინების მეშვეობით.
1.2.3 მონიტორების კედელი უნდა განლაგდეს შემდეგი პრინციპით: ჰორიზონტალურად 5-5 მონიტორი, ხოლო ვერტიკალურად 3-3 მონიტორი.
1.2.4 ერთი ცალი მონიტორი, მომწოდებელმა უნდა დაამონტაჟოს შემსყიდველის მიერ მითითებულ კედელზე.
1.2.5 მომწოდებელმა მონიტორები უნდა დაუკავშიროს არსებულ კომპიუტერებს შესაბამისი კაბელებით და დააკონფიგუროს ისინი შემყიდველთან შეთანხმებით.
1.2.6 კაბელები კომპაქტურად უნდა დამაგრდეს ვიდეო კედლისთვის განკუთვნილ რკინის კონსტრუქციაზე და არსებული საკაბელო არხებით დაუკავშირდეს კომპიუტერებს.
1.2.7 მომსახურების გაწევის დროს, არსებული ინფრასტრუქტურის და კომუნიკაციების ნებისმიერი სახის დაზიანების შემთხვევაში, მომწოდებელი ვალდებულია საკუთარი სახსრებით მოახდინოს დაზიანებულის აღდგენა;
1.2.8 მიმწოდებელმა, მომსახურების გაწევა უნდა განახორციელოს უსაფრთხოების ნორმების სრული დაცვით;
1.2.9 მონიტორებს უნდა მოყვებოდეს და მიმწოდებელმა მონიტორების ღირებულებაში უნდა გაითვალისწინოს შემდეგი კაბელები:
1.2.9.1 Displayport to Displayport 10 მ. - 9 ცალი;
1.2.9.2 Displayport to Displayport არანაკლებ 7 მ. და არაუმეტეს 10 მ. – 15 ცალი;
1.2.9.3 Displayport to Displayport არანაკლებ 5 მ. და არაუმეტეს 7 მ. – 7 ცალი;
1.2.9.4 HDMI to Displayport არანაკლებ 1 მ. და არაუმეტეს 1,8 მ. – 16 ცალი.
1.2.10 შემოთავაზებული შესყიდვის ობიექტის პარამეტრებისა და ტექნიკური მახასიათებლების შესახებ ინფორმაციის გადამოწმების უზრუნველსაყოფად, პრეტენდენტის მიერ წარმოდგენილ უნდა იქნას შემოთავაზებული საქონლის მწარმოებლის მიერ გაცემული წერილი (წარმოდგენილ დოკუმენტში სრულად უნდა იყოს მითითებული ინფორმაცია „შესყიდვის ობიექტის ტექნიკური დავალების“ პარამეტრებისა და ტექნიკური მახასიათებლების გრაფით განსაზღვრული მონაცემების შესახებ, პრეტენდენტის მიერ ფასების ცხრილით (დანართი N1) შემოთავაზებული საქონლის ტექნიკური მახასიათებლების შესაბამისად).
1.2.11 მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.


1.2.12 შესყიდვის ობიექტის დასახელებები, ტექნიკური მახასიათებლები და რაოდენობა მოცემულია შესყიდვის ობიექტის ტექნიკურ დავალებაში, რომელიც ატვირთულია სატენდერო დოკუმენტაციის 1.2 პუნქტში.

ხელშეკრულების ძალაში შესვლიდან 75 (სამოცდათხუთმეტი) კალენდარული დღის განმავლობაში.

ქ. თბილისი, ლვოვის ქუჩა N56.

1.7.1.1 მიმწოდებელი იღებს ვალდებულებას, რომ მიწოდებული საქონლის ხარისხი უპასუხებს ხელშეკრულებით გათვალისწინებულ პირობებს და დააკმაყოფილებს შემსყიდველის მოთხოვნებს.
1.7.1.2 შემოთავაზებული საქონელი უნდა იყოს ახალი და უნაკლო.
1.7.1.3 საგარანტიო ვადა შეადგენს მიღება-ჩაბარების აქტის გაფორმებიდან 3 (სამი) წელს;
1.7.1.4 საგარანტიო პერიოდში მოწოდებული საქონლის მიერ წუნის/დეფექტის/ხარვეზის გამოვლენის შემთხვევაში, მიმწოდებელი ვალდებულია შემსყიდველის დავალებიდან არაუგვიანეს 7 (შვიდი) კალენდარული დღის განმავლობაში შეაკეთოს ან შეცვალოს ახლით წუნის/დეფექტის/ხარვეზის მქონე საქონელი.
1.7.1.5 წუნის/დეფექტის/ხარვეზის გამო შეკეთების ან ახლით შეცვლის შემთხვევაში, შესყიდვის ობიექტის ტრანსპორტირება უნდა უზრუნველყოს მიმწოდებელმა.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი ან/და სავაჭრო ნიშანი და მარკა ან/და მოდელი.
2.1.1.2 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტის ასლი), რომლებშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
დასკვნის წარმოუდგენლობა ან უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება მოხდება უნაღდო ანგარიშსწორებით ლარში, 2024 წლის ადგილობრივი ბიუჯეტის სახსრებიდან.

ფაქტიურად მიწოდებული შესყიდვის ობიექტის შესაბამისად, მიღება–ჩაბარების აქტის გაფორმებიდან 10 (ათი) სამუშაო დღის განმავლობაში.

ვერიკო ალშიბაია, 577044952, v.alshibaia@tbilisi.gov.ge , ტექნიკურ საკითხებთან დაკავშირებით საკონტაქტო პირი: ნინო ხიჯაკაძე; მობილური ტელეფონის ნომერი: 599-02-04-84; ელექტრონული ფოსტა: n.khijakadze@tbilisi.gov.ge.

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება). პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული სატენდერო დოკუმენტაციის დანართ N1-ის (ფასების ცხრილი/მომსახურების ხარჯთაღრიცხვა/პრეისკურანტი) შესაბამისი ინფორმაცია წარმოდგენილ უნდა იქნეს MS Excel-ის ფორმატის ფაილის სახით, რომელიც არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს), ხოლო პრეტენდენტის მიერ ტენდერის ფარგლებში შედგენილ სხვა დოკუმენტაციაზე სავალდებულოა კვალიფიციური ელექტრონული ხელმოწერის შესრულება ან კვალიფიციური ელექტრონული შტამპის დასმა.
10.1.4 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არ აქვს უფლება წარმოადგინოს ალტერნატიული სატენდერო წინადადება.

10.1.7 პრეტენდენტის მიერ ერთიან ელექტრონულ სისტემაში ასატვირთი მონაცემები:
10.1.7.1 ფასების ცხრილი (დანართი N1) MS Excel-ის ფორმატის ფაილის სახით, სატენდერო დოკუმენტაციის 2.1.1.1 პუნქტით მოთხოვნილი ინფორმაციის გათვალისწინებით;
10.1.7.2 შემოთავაზებული საქონლის მწარმოებლის მიერ გაცემული წერილი, სატენდერო დოკუმენტაციის 1.2.10 პუნქტის შესაბამისად.