Оборудование, применяемое при чрезвычайных обстоятельствах, и средства защиты (Грузия - Тендер #52933717)

ვიდეოთვალთვალის კამერების და აპარატურის (თანმდევი მომსახურებით - მოწყობა/მონტაჟი და კონფიგურაცია) სახელმწიფო შესყიდვა.

1.2.1 შემოთავაზებული საქონელი უნდა იყოს ახალი და უნაკლო.
1.2.2 მიმწოდებელმა სამონტაჟო-გასამართი სამუშაოები უნდა აწარმოოს უსაფრთხოების ნორმების სრული დაცვით.
1.2.3 შესყიდვის ობიექტის დასახელება, ტექნიკური მახასითებლები და რაოდენობა მოცემულია შესყიდვის ობიექტის ტექნიკურ დავალებაში (დანართი N2), რომელიც ატვირთულია სატენდერო დოკუმენტაციის 1.2 პუნქტში.
1.2.4 სამონტაჟო-გასამართი სამუშაოების წარმოების დროს გამოწვეული არსებული ინფრასტრუქტურის და კომუნიკაციების ნებისმიერი სახის დაზიანების შემთხვევაში, მიმწოდებელი ვალდებულია საკუთარი სახსრებით მოახდინოს აღდგენითი სამუშაოების ჩატარება.
1.2.5 შემოთავაზებული კამერები თავსებადი უნდა იყოს უკვე ჩვენს ხელთ არსებულ ჩამწერთან რომლის, მოდელიც არის: DS-7732NI-K4.
1.2.6 შემოთავაზებული ჩამწერი თავსებადი უნდა იყოს პროგრამულ უზრუნველყოფასთან iVMS-4200.

ხელშეკრულების ძალაში შესვლიდან არაუმეტეს 60 (სამოცი) კალენდარული დღის განმავლობაში.

საქონლის მიწოდება (თანმდევი მომსახურებით - მოწყობა/მოწყობა და კონფიგურაცია) უნდა განხორციელდეს მისამართზე: ქ. თბილისი, მელიქიშვილის გამზ N1/კოსტავას N36, შპს თბილისის სახელმწიფო საკონცერტო დარბაზი.

1.7.1.1 შესყიდვის ობიექტის (ძირითად კომპონენტებზე, ფასების ცხრილის 1-5 და 7-10 პოზიციებზე მითითებულ საქონელზე) საგარანტიო ვადა უნდა ვრცელდებოდეს მიღება-ჩაბარების აქტის გაფორმებიდან არანაკლებ 1 (ერთი) წელს. (იხ. დანართი N1 - ფასების ცხრილი).
1.7.1.2 საგარანტიო ვადის პერიოდში, მიმწოდებელმა უნდა უზრუნველყოს დაუყოვნებლივ, შეტყობინების მიღებისთანავე (ტელეფონით, ელექტრონული ფოსტის საშუალებით და სხვ.), არაუმეტეს 3 (სამი) სამუშაო დღის განმავლობაში - რეაგირება, ხარვეზის აღმოჩენის შემთხვევაში - მისი გამოსწორება არაუმეტეს 5 (ხუთი) სამუშაო დღის განმავლობაში და თუკი შეკეთებას არ ექვემდებარება, არაუმეტეს 10 (ათი) სამუშაო დღის განმავლობაში მოახდინოს მისი ახლით შეცვლა.
1.7.1.3 საგარანტიო ვადის პერიოდში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია დაუყონებლივ აღმოფხვრას უხარისხოდ შესრულებული სამუშაოები საკუთარი ხარჯებით.
1.7.1.4 წუნის/ხარვეზის/დეფექტის მქონე საქონლის შეკეთების ან შეცვლის შემთხვევაში, საქონლის ტრანსპორტირება უნდა უზრუნველყოს მიმწოდებელმა.
1.7.1.5 პრეტენდენტი ვალდებულია ფასების ცხრილის 1-5 და 7-10 პოზიციებზე მითითებულ საქონელზე წარმოადგინოს მწარმოებელი კომპანიის მიერ გაცემული საგარანტიო დოკუმენტი ან წერილი.

პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის წარმოშობის ქვეყანა, მწარმოებელი კომპანია და მოდელი/მარკა (ასეთის არსებობის შემთხვევაში), ხოლო თუ შემოთავაზებულ საქონელს არ გააჩნია მოდელი, შესაბამის გრაფაში უნდა მიეთითოს "არ გააჩნია მოდელი/ მოდელი არ გააჩნია".

2.2.1.1 პრეტენდენტს უნდა გააჩნდეს უკანასკნელი 3 (სამი) წლის (2021-2023 წწ) განმავლობაში ვიდეოთვალთვალის კამერების (თანმდევი მომსახურებით - მოწყობა/მონტაჟი) მიწოდებასთან დაკავშირებული გამოცდილება. უკანასკნელი 3 (სამი) წლის (2021-2023 წწ) განმავლობაში, გამოცდილება ჯამურად უნდა შეადგენდეს არანაკლებ 30 000 ლარის ღირებულებას; მათ შორის, პრეტენდენტს შესრულებული და დასრულებული უნდა ჰქონდეს ერთი ხელშეკრულების ფარგლებში არანაკლებ 10 000 ლარის ღირებულების ვიდეოთვალთვალის კამერების მიწოდება (თანმდევი მომსახურებით - მოწყობა/მონტაჟი).
2.2.1.2 გამოცდილების დასადასტურებლად სისტემაში წარმოდგენილი უნდა იქნას შემდეგი დოკუმენტაცია: დასრულებული ხელშეკრულება/ხელშეკრულებები და შესაბამისი მიღება-ჩაბარების აქტ(ებ)ი სრულად.
2.2.1.3 სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი, სადაც მითითებული იქნება შესაბამისი SPA/ CMR/ NAT და ა.შ. ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.

2.9.1 პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
1. პრეტენდენტმა უნდა წარმოადგინოს რეკვიზიტები იმ ინფორმაციის შემცველობით, რომელიც არ აქვს ასახული სისტემაში არსებულ მიმწოდებლის პროფილში;
2. დანართი №1 ფასების ცხრილი (სატენდერო პირობების პუნქტი 1.3-ის შესაბამისად);
3. პრეტენდენტის გამოცდილებასთან დაკავშირებული დოკუმენტაცია (სატენდერო პირობების პუნქტი 2.2.1 შესაბამისად);
4. მწარმოებლის მიერ გაცემული საგარანტიო დოკუმენტი ან წერილი შემოთავაზებულ საქონელზე (სატენდერო პირობების პუნქტი 1.7.1.5-ის შესაბამისად).

ფასწარმოქმნის ადეკვატურობა შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი), რომლითაც დასტურდება პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობა.

ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1. ანგარიშსწორება განხორციელდება უნაღდო ანგარიშსწორებით ლარში.
7.2.2. ანგარიშსწორება განხორციელდება ვიდეოთვალთვალის კამერების მიწოდებისა და მოწყობა/მონტაჟი, კონფიგურაციის დასრულების შემდეგ, მიმწოდებლის მიერ წარმოდგენილი დოკუმენტის, (სადაც მითითებული იქნება ფაქტიურად მიწოდებული საქონლის დასახელება, რაოდენობა და ფასი) შესაბამისად შედგენილი მიღება–ჩაბარების აქტისა და ანგარიშ-ფაქტურის (არსებობის შემთხვევაში) საფუძველზე.

არაუგვიანეს 10 (ათი) სამუშაო დღის განმავლობაში.

გიორგი ჯავახიშვილი, 591400814, javakhishviligiorgi26@gmail.com ტექნიკურ საკითხებთან დაკავშირებით საკონტაქტო პირი - თემურ ჩაჩიბაია, ტელ: - 595 230-333 temochachibaia@gmail.com

10.1.1. სატენდერო წინადადების ერთეული და საერთო ფასი გამოსახული უნდა იყოს მხოლოდ ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული საქართველოს კანონმდებლობით გათვალისწინებული ყველა გადასახადის (მ.შ. დ.ღ.გ.-ს) ჩათვლით.
10.1.2. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ელექტრონული ხელმოწერით/კვალიფიციური ელექტრონული შტამპით (გარდა ფასების ცხრილისა, რომელიც შესაძლებელია წარმოდგენილ იქნეს Excel-ის ფორმატში). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით, შესრულებული თარგმანები ქართულ ენაზე, ნოტარიულად დამოწმებული. დოკუმენტთან დაკავშირებული სადავო საკითხ (ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4. პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი/ხარჯთაღრიცხვა (დანართი N1) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.5. სატენდერო პირობებში, შესყიდვის ობიექტის ტექნიკური და ხარისხობრივი მახასიათებლების აღწერისას, იმ შემთხვევაში თუ მითითებულია კონკრეტული სასაქონლო ნიშანი, მოდელი, პატენტი ან მწარმოებელი კომპანია, იგულისხმება „მსგავსი“ ან/და „ეკვივალენტური“.