Полные или частичные строительные работы и публичные работы (Грузия - Тендер #52897522)

შესყიდვის ობიექტს წარმოადგენს ჭაბურღილის მოწყობა ხარჯთაღრიცხვის შესაბამისად.

1.2.1. სამუშაოები შესრულებული უნდა იქნას სატენდერო დოკუმენტაციის №1 და №2 დანართის შესაბამისად. დანართ(ებ)ში ჩამოთვლილ საქონელზე, სადაც მითითებულია კონკრეტული სასაქონლო ნიშანი, მოდელი, წარმოშობის წყარო ან მწარმოებელი იგულისხმება „მსგავსი“ ან ექვივალენტური“.
1.2.2. შემოთავაზებული მასალები და შესრულება უნდა იყოს მაღალი ხარისხის და შეესაბამებოდეს ამ სფეროში არსებულ სტანდარტებს. სამუშაოების შესრულებისას საჭირო მასალების გამოყენების საკითხი უნდა შეთანხმდეს შემსყიდველთან სამუშაოების შესრულებამდე.
1.2.3. მიმწოდებელი ვალდებულია შემსყიდველის მოთხოვნის შემთხვევაში წარმოადგინოს მასალების/დანადგარების შესაბამისობის და ხარისხის დამადასტურებელი სერთიფიკატები. თუ შემოთავაზებული მასალები ან/და შესრულებული სამუშაო არ შეესაბამება შემსყიდველის მოთხოვნებს ან ამ სფეროში არსებულ სტანდარტებს, მიმწოდებელი ვალდებულია საკუთარი ხარჯებით გამოასწოროს შესრულებული სამუშაო ან შესთავაზოს შემსყიდველს მისთვის მისაღები სხვა მასალები.
1.2.4. ,,მიმწოდებელი“ ვალდებულია, სამუშაოები განახორციელოს საქართველოს კანონმდებლობით გათვალისწინებული შესაბამისი სამშენებლო და გარემოსდაცვითი ნორმებისა და წესების მიხედვით, ასევე სამუშაოების მიმდინარეობის პროცესში დაიცვას უსაფრთხოების წესები „შრომის უსაფრთხოების შესახებ“ საქართველოს ორგანული კანონის მოთხოვნათა შესაბამისად.
1.2.5. სამუშაოს მასშტაბის გათვალისწინებით, მიმწოდებელმა სამუშაოს შესრულება უნდა უზრუნველყოს შესაბამისი რაოდენობის, სანდო, სათანადო უნარ-ჩვევების მქონე პერსონალით.
1.2.6. სამუშაოს შესრულების პროცესში, მიმწოდებელმა უნდა უზრუნველყოს სამუშაოების მიმდინარეობის ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი, ასევე წერილობითი რეკომენდაციების და მითითებების შესრულება;
1.2.7. სამუშაოს შესრულების პროცესში გამოყენებული ყველა ტექნიკური აღჭურვილობა და ინსტრუმენტი უნდა იყოს მუშა მდგომარეობაში, მათი ექსპლუატაცია უნდა ხდებოდეს მწარმოებლის მიერ განსაზღვრული წესით. ტექნიკური აღჭურვილობის და ინსტრუმენტის ექსპლუატაციისას დაუშვებელია არაქარხნული (კუსტარული) წესით დამზადებული დეტალის ან/და სათადარიგო ნაწილის გამოყენება.
1.2.8. ,,მიმწოდებელი“ ვალდებულია, მუშაობისას მინიმუმამდე დაიყვანოს ხმაურის დონე და მტვრის რაოდენობა, ყოველი სამუშაო დღის ბოლოს მაქსიმალურად დაასუფთაოს სამუშაოს ჩატარების ადგილი და გაიტანოს სამშენებლო ნარჩენები საამისოდ გამოყოფილ ადგილზე, ხოლო სამუშაოების დასრულების შემდეგ გაათავისუფლოს სამუშაო ადგილი და მიმდებარე ტერიტორია.
1.2.9. მიმწოდებელმა უნდა უზრუნველყოს, სამუშაოების შესრულების პროცესში, მიმწოდებლის მიზეზით (მათ შორის გაუფრთხილებლობით), შემსყიდველისთვის ან/და მესამე პირისთვის მიყენებული ზიანის სრული ანაზღაურება საკუთარი ხარჯით.
1.2.10. გაუთვალისწინებელი სამუშაოების ხარჯების ანაზღაურება განხორციელდება მხოლოდ ასეთი ხარჯების არსებობის შემთხვევაში. გაუთვალისწინებელი ხარჯების არსებობისას მიმწოდებელმა უნდა უზრუნველყოს ასეთი ხარჯების დეტალური გაშიფვრა და დასაბუთება, რომლის საფუძველზეც განხორციელდება ფორმა №2-ის გაფორმება. გაუთვალისწინებლი სამუშაოების გაწევის უფლება მიმწოდებელს ეძლევა მხოლოდ შემსყიდველის თანხმობის შემთხვევაში.
1.2.11. სამშენებლო ობიექტზე მომუშავე პირთა სიცოცხლისა და ჯანმრთელობისათვის უსაფრთხოების დაცვაზე სრულად პასუხისმგებელია მიმწოდებელი.
1.2.12. პრეტენდენტს უფლება აქვს წინასწარ, ტენდერში წინადადების წარდგენამდე, მოახდინოს ობიექტის დათვალიერება და გაეცნოს სამუშაოების შესრულების ადგილას არსებულ სიტუაციას.

სამუშაოები უნდა განხორციელდეს ხელშეკრულების გაფორმებიდან 8 (რვა) სამუშაო დღეში.

სამუშაოები უნდა განხორციელდეს შემდეგ მისამართზე - თბილისი, ბერი გაბრიელ სალოსის გამზირი №191დ.

1.6.1. შესრულებული სამუშაოების და დამონტაჟებული დანადგარების საგარანტიო ვადა შეადგენს, საბოლოო მიღება-ჩაბარების აქტის გაფორმებიდან არანაკლებ 2 (ორი) წელს.
1.6.2. საგარანტიო ვადის განმავლობაში, ექსპლუატაციის პროცესში რაიმე წუნის (ნაკლოვანებები, დეფექტი) აღმოჩენის შემთხვევაში მიმწოდებელი ვალდებულია შეტყობინების მიღებიდან, შემსყიდველის მიერ განსაზღვრულ გონივრულ ვადაში, გამოასწოროს წარმოქმნილი ნაკლოვანება/დეფექტი საკუთარი ხარჯებით.

2.4.1.1. პრეტენდენტს აუცილებლად უნდა ჰყავდეს შესაბამის სფეროში საინჟინრო განათლების მქონე მინიმუმ - 1 (ერთი) სპეციალისტი, მუშაობის არანაკლებ 5 წლიანი გამოცდილებით, რომელიც გამარჯვების შემთხვევაში სხვა პასუხისმგებელ პირებთან ერთად დაამოწმებს შესყიდვის ობიექტზე წარმოდგენილ ფარული სამუშაოების აქტებს, შესრულებული სამუშაოს აქტები (ფორმა №2) და მიღება-ჩაბარების აქტებს..
2.4.1.2. ერთიან ელექტრონულ სისტემაში ატვირთული უნდა იყოს:
ა) ზემოთაღნიშნული სპეციალისტ(ებ)ის პირადობის დამადასტურებელი მოწმობის და საინჟინრო განათლების დამადასტურებელი დიპლომის ასლები;
ბ) აღნიშნულ პირებთან გაფორმებული შრომითი ხელშეკრულების ასლები, რომელიც ადასტურებს მიმწოდებელთან მათი მუშაობის ფაქტს;
გ) ინფორმაცია სპეციალისტების შესახებ დანართი №3-ის სახით.

2.9.1. მიმწოდებელი ვალდებულია სახელშეკრულებო ობიექტზე აწარმოოს სამუშაოთა წარმოების ჟურნალი, რომელშიც ყოველდღიურად ჩაწერს დღიური შესრულებული სამუშაოების მოცულობას, შემსრულებელი პერსონალის მონაცემებს, გამოყენებული მექანიზმების და მოწყობილობების ჩამონათვალს, ხარისხის დაცვის პროცედურებს და სხვა. მოცემულ ჟურნალში, ზედამხედველი სისტემატურად, ხოლო შემსყიდველი პერიოდულად აღნიშნავს თავის შენიშვნებს, დაკვირვებებს და რეკომენდაციებს სამუშაოს წარმოების შესახებ; ჟურნალში ჩაიწერება განსაკუთრებული დავალებები, აღმოჩენილი დეფექტები და მათი აღმოფხვრის ვადები.
2.9.2. მიმწოდებელი ვალდებულია აწარმოოს ყველა საშემსრულებლო ტექნიკური დოკუმენტაცია, რომელიც განსაზღვრულია მოქმედი სამშენებლო ნორმებით და სტანდარტებით; (სამუშაოთა წარმოების ჟურნალი და სხვა დოკუმენტები უნდა იწარმოოს საქართველოს ეკონომიკური განვითარების მინისტრის 2008 წლის 10 იანვრის №1–1/23 ბრძანებით განსაზღვრული ფორმის შესაბამისად).
2.9.2. მიმწოდებელი ვალდებულია საკუთარი სახსრებით უზრუნველყოს სატენდერო დოკუმენტაციის 7.2.3. პუნქტში ხსენებელი საექსპერტო დასკვნის წარმოდგენა.

4.1.1.1. ფასწარმოქმნის ადეკვატურობა შესაძლებელია, დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიუროს" ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო დასკვნით, რომლიც შედგენილი იქნება საქართველოს მთავრობის 2017 წლის 26 სექტემბრის N439 დადგენილებით დამტკიცებული "ტექნიკური რეგლამენტის - სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის" შესაბამისად.
4.1.1.2. საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო დასკვნის წარმოდგენი შემთხვევაში, პრეტენდენტის მიერ, დასკვნასთან ერთად, დამატებით წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი;
4.1.1.3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

7.2.1 ანგარიშსწორება განხორციელდება უნაღდო ანგარიშსწორებით, ეროვნულ ვალუტაში - ლარში. დასაშვებია როგორც ერთიანი, ასევე ეტაპობრივი ანგარიშსწორება.
7.2.2 ანაზღაურდება მიმწოდებლის ფაქტიურად შესრულებული სამუშაოები, რაც უნდა დადასტურდეს მხარეთა შორის შედგენილი მიღება-ჩაბარების აქტის გაფორმების გზით.
7.2.3 მიღება-ჩაბარების აქტ(ებ)ის გაფორმებისათვის მიმწოდებელი ვალდებულია, წარუდგინოს შემსყიდველს შესაბამისი სამუშაოს შესრულების დასადასტურებლად საჭირო ინფორმაცია და დოკუმენტაცია - ფორმა №2 და სსიპ „ლევან სამხარაულის სასამართლო ექსპერტიზის ეროვნული ბიუროს“ ან/და შესაბამის სფეროში საქართველოს კანონმდებლობით განსაზღვრული აკრედიტაციის მქონე პირის მიერ მომზადებული საექსპერტო დასკვნა. (მიმწოდებლის მიერ დასკვნასთან ერთად წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).
7.2.4. დაფინანსების წყაროს წარმოადგენს 2024 წლის შემსყიდველის საკუთარი შემოსავლები.

ანგარიშსწორება განხორციელდება ანგარიშსწორებისთვის აუცილებელი დოკუმენტების სრულყოფილად გაფორმებიდან და წარმოდგენიდან არაუგვიანეს 10 (ათი) სამუშაო დღის განმავლობაში.

გიორგი, 577180881, glekiashvili@delta.gov.ge

10.1.1. ყველგან თუკი სადმე მითითებულია სასაქონლო ნიშანი, მოდელი ან მწარმოებელი, იგულისხმება ,,მსგავსი“ ან ,,ეკვივალენტური“.
10.1.2. მიმწოდებელი უფლებამოსილია ხარჯთაღრიცხვა ერთიან ელექტრონულ სისტემაში ატვირთოს მხოლოდ Excel-ის ფორმატის ცხრილის სახით.
10.1.3. პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.4. პრეტენდენტი ვალდებულია წინადადების წარმოდგენისას ერთიანი ელექტრონული სისტემის საშუალებით ატვირთოს სატენდერო დოკუმენტაციის 1.3, 2.4.1.2 და 2.5.1. პუნქტებით გათვალისწინებული ინფორმაცია/დოკუმენტაცია.
10.1.5. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე.
10.1.6. დოკუმენტების ან/და ინფორმაციის უცხოურ ენაზე წარდგენის შემთხვევაში, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული წესის 21-ე მუხლის მე-6 პუნქტის შესაბამისად, მას უნდა დაერთოს ნოტარიულად დამოწმებული ქართული თარგმანი.
10.1.7. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.8. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.9. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.10. პრეტენდენტი ვალდებულია საქონლის ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10.1.11. შემსყიდველის მოთხოვნის შემთხვევაში ხარჯთაღრიცხვის დაზუსტებამ, არცერთ პოზიციაზე არ უნდა გამოიწვიოს შესყიდვის ობიექტების ერთეულის ღირებულების გაზრდა.
10.1.12. შემსყიდველი იტოვებს უფლებას აღნიშნული ზღვრული რაოდენობები სრულად არ აითვისოს.
10.1.13. წინამდებარე ტენდერში მონაწილეობით პრეტენდენტი ავტომატურად ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.14. ერთიან ელექტრონულ სისტემაში ატვირთულ დოკუმენტებზე „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის შესაბამისად შესრულებული უნდა იყოს კვალიფიციური ელექტრონული ხელმოწერა ან/და ეს დოკუმენტები დამოწმებული უნდა იყოს კვალიფიციური ელექტრონული შტამპით, გარდა მე-3 პუნქტი დაფიქსირებული გამონაკლისისა.