Спортивные услуги (Грузия - Тендер #52897518)

ახალგაზრდული და სპორტული ღონისძიებების მომსახურების შესყიდვა.

სახელმწიფო შესყიდვა ხორციელდება ქალაქ ფოთის მუნიციპალიტეტის 2024 წლის ადგილობრივი ბიუჯეტის სახსრებით, ახალგაზრდული და სპორტული ღონისძიებების მუხლის შესაბამისად.

მიმწოდებელმა უნდა უზრუნველყოს ახალგაზრდული და სპორტული ღონისძიებების ჩატარება, ტექნიკური დავალების (იხ. ტექნიკური დავალება) შესაბამისად, კერძოდ:
ა) თენგიზ ბარამიძის სახელობის პირველობა 64-უჯრიან შაშში საჯარო და კერძო სკოლების გოგონათა და ვაჟთა შორის (დანართი N1);
ბ) ზურაბ სარსანიას სახელობის საერთაშორისო ტურნირი კრივში (დანართი N2);
გ) ვიქტორ კრატასიუკის სახელობის რეგატა კანოე კაიაკში, ომარ ბერაიას სახელობის რეგატა აკადემიურ ნიჩბოსნობაში (დანართი N3);
დ) ნუგზარ ტყებუჩავას სახელობის რეგიონული ტურნირი პლაჟის ფეხბურთში U-15 (დანართი N4);
ე) ვაინარ სუხიშვილის სახელობის პირველობა კალათბურთში საჯარო და კერძო სკოლების ვაჟ მოსწავლეთა შორის U-14, U-15 (დანართი N5).

მიმწოდებელმა“ უნდა უზრუნველყოს ფასების ცხრილში მითითებული მახასიათებლების მქონე თასების, მედლების, დიპლომებისა და ა.შ. მოწოდება, რომელთა შემსყიდველისთვის ჩაბარება უნდა მოხდეს ღონისძიებამდე 2 სამუშაო დღით ადრე და დიზაინი უნდა შეთანხმდეს შემსყიდველთან.

ახალგაზრდული და სპორტული ღონისძიებების მომსახურების მიწოდება უნდა განხორციელდეს 2024 წლის 31 ოქტომბრის ჩათვლით.

ახალგაზრდული და სპორტული ღონისძიებების მომსახურების კონკრეტული თარიღი მიმწოდებელს ეცნობება არაუგვიანეს ორი დღით ადრე, შემსყიდველი ორგანიზაციის მოთხოვნის საფუძველზე.

მომსახურების გაწევის ფორმა - მიმწოდებელი ვალდებულია მომსახურება გაწიოს საქართველოს კანონმდებლობით გათვალისწინებული შესაბამისი წესების დაცვით, სატენდერო დოკუმენტაციის მოთხოვნების შესაბამისად.

მომსახურების გაწევის ადგილი - ქალაქ ფოთის მუნიციპალიტეტი.

სატენდერო წინადადების ფასი სახელმწიფო შესყიდვების ერთიან ელექტრონულ სისტემაში წარმოდგენილი უნდა იქნეს დღგ-ს გარეშე. პრეტენდენტი არ ითვალისწინებს დღგ-ს, მიუხედავად იმისა, არის თუ არა იგი დღგ-ის გადამხდელი საქართველოს კანონმდებლობის შესაბამისად.

ტენდერში შერჩევა-შეფასება ხორციელდება წარმოდგენილი წინადადების ფასების მიხედვით. გამარჯვებულ პრეტენდენტთან ხელშეკრულების დადებისას, ხელშეკრულების ღირებულებაში დამატებით იქნება გათვალისწინებული დღგ-ს ოდენობა.

სატენდერო წინადადების ღირებულება უნდა მოიცავდეს ტენდერით გათვალისწინებული მომსახურების მიწოდებასთან დაკავშირებულ ყველა ხარჯსა და საქართველოს კანონმდებლობით გათვალისწინებულ გადასახადებს (დღგ–ს გარდა). ხარჯი, რომლებიც სატენდერო წინადადების ფასში არ იქნება გათვალისწინებული არ დაექვემდებარება ანაზღაურებას.

შემსყიდველი ორგანიზაცია უფლებამოსილია მოსაწოდებელი ან/და მოწოდებული მომსახურების მოცულობის, ხარისხისა და მოწოდების ვადების ხელშეკრულების მოთხოვნებთან შესაბამისობის დადგენის მიზნით, ხელშეკრულების პირობების შესრულების კონტროლი განახორციელოს ხელშეკრულების შესრულების ნებისმიერ ეტაპზე. ხელშეკრულების შესრულების კონტროლს შემსყიდველის მხრიდან განახორციელებს ქალაქ ფოთის მუნიციპალიტეტის მერიის კულტურისა და სპორტის სამსახური.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს საექსპერტო ან/და აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი).

ფასწარმოქმნის ადეკვატურობის დამადასტურებელი დოკუმენტით, ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

საექსპერტო ან/და აუდიტორული დასკვნის ჩამტარებელი პირი (ფიზიკური, იურიდიული) არ უნდა იყოს პრეტენდენტთან, საქართველოს საგადასახადო კოდექსის მე–19 მუხლის პირველი და მე–2 პუნქტებით, გათვალისწინებული ურთიერთდამოკიდებული პირი.

ანგარიშსწორება განხორციელდება უნაღდო ანგარიშსწორებით ლარში, ფაქტიურად გაწეული მომსახურების მიხედვით, მიმწოდებლის მიერ შესაბამისი საგადასახადო ანგარიშ–ფაქტურის (კანონმდებლობით გათვალისწინებულ შემთხვევაში) გამოწერისა და გაწეული მომსახურების შესაბამისად გაფორმებული მიღება-ჩაბარების აქტის საფუძველზე.

ანგარიშსწორება განხორციელდება, ფაქტიურად მოწოდებული მომსახურების მიღება-ჩაბარების აქტის გაფორმებიდან არაუგვიანეს 10 სამუშაო დღის განმავლობაში.

მაია სულავა, 591417556, potitenderi2011@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. პრეტენდენტები ვალდებულია, მათ მიერ შექმნილი, წინადადების სახით წარსადგენი დოკუმენტები (მაგ. ინფორმაცია საკუთარი გამოცდილების შესახებ და ა.შ.) დაამოწმოს/დაადასტუროს კვალიფიციური ხელმოწერით/კვალიფიციური შტამპით.იმ შემთხვევაში, თუ ხელის მომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელის მომწერი პირის ხელმოწერისათვის გაცემული მინდობილობა.
4. პრეტენდენტებმა სატენდერო დოკუმენტაციის მთავარი შემადგენელი დოკუმენტი - ფასების ცხრილი (ხარჯთაღრიცხვა) ერთიან ელექტრონულ სისტემაში უნდა განათავსონ Excel-ის ფორმატის დოკუმენტის სახით. ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.