Услуги в области садоводства (Грузия - Тендер #52749263)

ისნის რაიონის ტერიტორიაზე ბალახის გაკრეჭვა-გათიბვის მომსახურება.

მიმწოდებელმა მომსახურება უნდა განახორციელოს შემსყიდველის მიერ კონკრეტული დავალების საფუძველზე. რაიონის ტერიტორიაზე გასათიბი ფართის მოცულობა 120 000 კვ.მ

გასაწევი მომსახურების ჩამონათვალი:
1. ბალახის გაკრეჭვა-გათიბვა (შესაბამისი მანქანა-მექანიზმებით). გაკრეჭილ-გათიბული ბალახის სიმაღლე უნდა იყოს არაუმეტეს 7 სმ;
2. გაკრეჭილი-გათიბული ბალახის ნარჩენების, ჩამოცვენილი ფოთლების, საყოფაცხოვრებო და სხვა ნარჩენების შეგროვება, ა/ტრანსპორტზე დატვირთვა და გატანა (გაკრეჭვა-გათიბვისთანავე);
3. ტერიტორიის გაფოცხვა საჭიროებისამებრ, სარეველებისაგან და თვითამონაყარი მცენარეებისაგან გასუფთავება, ნარჩენების შეგროვება და გატანა (ფოცხით ან შესაბამისი მანქანა მექანიზმებით).
მიმწოდებელმა მომსახურება უნდა განახორციელოს შემსყიდველის მიერ კონკრეტული დავალების საფუძველზე. მიმწოდებელმა ტექნიკური დავალების გადაცემიდან არაუგვიანეს 24 საათის განმავლობაში უნდა უზრუნველყოს ტექნიკური დავალებით განსაზღვრული მომსახურების უმოკლეს ვადაში შესასრულებლად საჭირო მანქანა-მექანიზმებისა და მუშახელის მობილიზება. მომსახურების ჩატარებისას, შემსყიდველის მოთხოვნის შემთხვევაში, მიმწოდებელმა უნდა უზრუნველყოს ერთი კვირის ვადაში 10 ჰა-მდე ფართობის გაკრეჭვა-გათიბვა.
4. სამუშაოების ჩატარებისათვის საჭირო პერსონალის რაოდენობა: ჯგუფის მინიმალური შემადგენლობა: მინ. 15 მუშა და 3 ჯგუფის ხელმძღვანელი.

ეტაპობრივად, ხელშეკრულების გაფორმებიდან 2024 წლის 1 დეკემბრის ჩათვლით

1.5.1. მომსახურეობის შესრულება განხორციელდება ისნის რაიონის ტერიტორიაზე, შემსყიდველის მოთხოვნის საფუძველზე, ეტაპობრივად.
1.5.2. მიმწოდებელს გასაწევი მომსახურეობის კონკრეტული მისამართი, შესაბამისი შესასრულებელი მომსახურეობის დასახელება, რაოდენობა და მომსახურეობისათვის განსაზღვრული ვადები გადაეცემა წერილობით.
1.5.3. მიმწოდებელი ვალდებულია მომსახურეობის გაწევა დაიწყოს წერილობითი დავალების ჩაბარებიდან 24 საათის ვადაში (ფორს – მაჟორის ან/და მოთხოვნის შემთხვევაში დაუყოვნებლივ)
1.5.4. შესასრულებელი მომსახურეობის მოცულობები შესაძლებელია შეიცვალოს მომსახურეობის მიმდინარეობის პროცესში შემსყიდველთან შეთანხმებით, აღმოჩენილი შესასრულებელი მომსახურეობის გათვალისწინებით.

პრეტენდენტს 2021 წლის 1 იანვრიდან უნდა გააჩნდეს ჯამურად მინიმუმ შესყიდვის ობიექტის ღირებულების 100%-ის ოდენობის ანალოგიური მომსახურეობის გაწევის გამოცდილება.
ინფორმაცია ანალოგიური მომსახურეობის შესახებ წარმოდგენილი უნდა იყოს დანართი N2-ის შესაბამისად.

ტენდერში მონაწილე პრეტენდენტს საკუთრებაში (შესაძლებელია იჯარა) უნდა გააჩნდეს შემდეგი მატერიალურ-ტექნიკური აღჭურვილობა
ტექნიკის დასახელება რაოდენობა (არა ნაკლებ):
1. ბორტიანი ავტომანქანა - მინიმუმ 1 ერთეული;
2. მექანიკური ბენზოცელი -მინიმუმ 9 ერთეული;
3. ბალახის საკრეჭი სტაციონარი მინიმუმ 3 ერთეული;
4. ბენზოჰაერის დამბერი მინიმუმ 2 ერთეული;
5. ფოცხი მინიმუმ 10 ერთეული;
6. ბარი მინიმუმ 10 ერთეული;
7. ნიჩაბი მინიმუმ 10 ერთეული.

*ტექნიკური საშუალების და მანქანა-დანადგარების ტექნიკური მდგომარეობა უნდა უზრუნველყოფდეს გაწეული მომსახურების მაქსიმალურ ხარისხს.
ინფორმაცია წარმოდგენილი უნდა იყოს დანართი N3-ის მიხედვით

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველ ორგანიზაცია პრეტენდენტს მოსთხოვს ფასწარმოქმნის ადეკვატურობის დასაბუთებას (ტენდერისათვის სტატუსის “გამარჯვებული გამოვლენია” მინიჭებამდე). ფასწარმოქმნის ადეკვატურობა შესაძლებელია დასაბუთდეს სსიპ-ლევან სამხარაულის სახელობის სასამართლო ექსპერტიზის ეროვნული ბიუროს ან სხვა აკრედიტირებული პირის ან აუდიტის მიერ გაცემული დასკვნით, რომელიც დაადასტურებს პრეტენდენტის მიერ დაფიქსირებულ ფასად ტენდერით გათვალისწინებული ვალდებულებების შესრულების შესაძლებლობებს.
რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა.
წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა.
ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

ანგარიშსწორება მოხდება ეტაპობრივად უნაღდო ანაგარიშსწორებით ლარებში, ქალაქ თბილისის მუნიციპალიტეტის 2024 წლის ადგილობრივი ბიუჯეტის სახსრებით.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

გია ბულაშვილი, 577158615, g.bulashvili@tbilisi.gov.ge სატენდერო პროცედურების საკითხებზე - ვაჟა ადამია 577 15 86 34,
ტექნიკურ საკითხებზე კობა ლომჯარია 551 99 55 11

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტის მიერ ელექტრონულ სისტემაში ატვირთული სატენდერო დოკუმენტაცია (გარდა Excel-ის ფორმატის ფაილისა) დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.4 სატენდერო დოკუმენტაციაში განსაზღვრულ შესასყიდ საქონელზე, სადაც მითითებული იქნება კონკრეტული სასაქონლო ნიშანი, მოდელი, წარმოშობის წყარო ან მწარმოებელი (ასეთის არსებობის შემთხვევაში) იგულისხმება „მსგავსი“ ან „ეკვივალენტური“.
10.1.5 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.6 პრეტენდენტს არა აქვს უფლება წარმოადგინოს ალტერნატიული სატენდერო წინადადება.

პრეტენდენტის მიერ სისტემაში ასატვირთი ინფორმაცია და მონაცემები:
1. სატენდერო წინადადების ფასი, დანართი N1-ის მიხედვით (ხარჯთაღრიცხვის წარმოუდგენლობა ან განუფასებელი ხარჯთაღრიცხვის წარმოდგენა ან წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას);
2. ინფორმაცია გამოცდილების შესახებ დანართი N2-ის მიხედვით.
3. ინფორმაცია მომსახურების გაწევისათვის საჭირო მანქანა-მექანიზმების შესახებ. წარმოდგენილი უნდა იყოს საკუთრების დამადასტურებელი დოკუმენტი ან იჯარის ხელშეკრულებ(ებ)ის ასლ(ებ)ი), დანართი N3-ის მიხედვით;