Типографские услуги и связанные с ними услуги (Грузия - Тендер #52749262)

წიგნის ბეჭდვისა და მასთან დაკავშირებული მომსახურების სახელმწიფო შესყიდვა ტექნიკური დავალებით გათვალისწინებული პირობების შესაბამისად.
შესყიდვის ობიექტი მოიცავს: წიგნის დაკაბადონებას, ფოტოების გაწმენდა-დამუშავებას, დიზაინის შექმნას, ბეჭდვას და მიწოდებას.

წიგნის დასახელება: ,,1924 წლის ანტისაბჭოთა ეროვნული აჯანყების ისტორიოგრაფია“

ზომა: 225მმ*190მმ;
გვერდების რაოდენობა (ვორდის ფაილში, A4 ფორმატში): 153 გვ. + 27 ფოტო + ყდა;
შიდა ბეჭდვა: შიგთავსის ქაღალდი: 130 გრ, "აივორი";
შიგთავსის ბეჭდვა: 4/4 (ფერადი) + დისპერსიული ლაქი - 1/1;
ყდა: ორივე მხარეს ფერადი, 300 გრ. ბრისტოლი, 4/4 ლამინაცია, გლუვი 1/0;
აკინძვა: თერმული + შიგთავსი ძაფით შეკერილი (წიგნის ბოლომდე გადაშლა უნდა იყოს შესაძლებელი).
ტირაჟი: 200 ცალი.

შესყიდვის ობიექტი მოიცავს: წიგნის დაკაბადონებას, ფოტოების გაწმენდა-დამუშავებას, დიზაინის შექმნას, ბეჭდვას და მიწოდებას.

ხელშეკრულების ძალაში შესვლის თარიღიდან დაუყოვნებლივ, მაგრამ არაუგვიანეს 3 (სამი) სამუშაო დღის ვადაში შემსყიდველი უზრუნველყოფს წიგნის სამუშაო ელექტრონული მასალების გაგზავნას პრეტენდენტის მიერ ტექნიკური დოკუმენტაციის სახით წარმოდგენილ ელ. მისამართზე.

შესყიდვის ობიექტის მიწოდების ვადა შეადგენს, შესმყიდველის მხრიდან სამუშაო ელექტრონული მასალების გადაცემის/გაგზავნის თარიღიდან 20 (ოცი) სამუშაო დღეს.
ხელშეკრულების ძალაში შესვლის თარიღიდან დაუყოვნებლივ, მაგრამ არაუგვიანეს 3 (სამი) სამუშაო დღის ვადაში შემსყიდველი უზრუნველყოფს წიგნის სამუშაო ელექტრონული მასალების გაგზავნას მიმწოდებლის მიერ ტექნიკური დოკუმენტაციის სახით წარმოდგენილ ელ. მისამართზე.

1.5.1 შესყიდვის ობიექტის მიწოდების ვადაში მიმწოდებელმა უნდა უზრუნველყოს წიგნის საბეჭდი საბოლოო ელექტრონული ვერსიის (საბეჭდი ფაილი) დამზადება და მისი შემსყიდველისთვის მიწოდება შემდეგ ელექტრონულ მისამართზე - kasatiani@archives.gov.ge. შემსყიდველის დადებითი შეფასების შემდეგ, მიმწოდებელმა უნდა განახორციელოს წიგნის ბეჭდვის მომსახურება და მატერიალური სახით მიწოდება შემსყიდველისთვის.
1.5.2 შესყიდვის ობიექტის (ნაბეჭდი მასალის) მატერიალური სახით მიწოდების ადგილია: ქ. თბილისი, ვაჟა-ფშაველას გამზ. №1; სსიპ - საქართველოს ეროვნული არქივის ადმინისტრაციული შენობა.

2.2.1.1.პრეტენდენტს ბოლო სამი წლის განმავლობაში უნდა გააჩნდეს ანალოგიური (წიგნის ბეჭდვა, დიზაინი (ერთობლიობაში ერთი წიგნის აწყობის ფარგლებში)) მომსახურების გაწევის გამოცდილება.
2.2.1.2. პრეტენდენტი ვალდებულია საანგარიშო პერიოდში მსგავსი შესყიდვის ობიექტის მიწოდების გამოცდილების არსებობის დასტურად წარმოადგინოს იურიდიულ ან ფიზიკურ პირთან დადებული ხელშეკრულება (ები) ან ამ ხელშეკრულებით აღებული ვალდებულების შესრულების დამადასტურებელი მიღება-ჩაბარების აქტი (ები) ან ანგარიშფაქტურა (ები) ან სასაქონლო ზედნადები (ები).
2.2.1.3. იმ შემთხვევაში, თუ პრეტენდენტის მიერ ანალოგიური შესყიდვის ობიექტის მიწოდება განხორციელებულია სახელმწიფო შესყიდვების ერთიანი ელექტრონული სისტემის გამოყენებით და სისტემაში სრულყოფილად არის ატვირთული შესრულების შესახებ ინფორმაცია/დოკუმენტაცია, პრეტენდენტს არ აქვს 2.2.1.2 პუნქტით მოთხოვნილი გამოცდილების დამადასტურებელი დოკუმენტების წარმოდგენის ვალდებულება. საკმარისია წარმოდგენილ იქნეს ინფორმაცია გამოცდილების შესახებ, რომელშიც მითითებული იქნება სატენდერო განცხადებ(ებ)ის SPA/NAT/CMR.. ნომერი/ები.

პრეტენდენტის მიერ ერთიან ელექტრონულ სისტემაში ასატვირთი ინფორმაცია:
2.9.1. იმ შემთხვევაში, თუ პრეტენდენტს ერთიან ელექტრონულ სისტემაში მითითებული არ აქვს ხელმძღვანელის სახელი, გვარი და სრული საბანკო რეკვიზიტები, პრეტენდენტი ვალდებულია წარმოადგინოს აღნიშნული ინფორმაცია თანდართული ფაილის სახით;
2.9.2. ელექტრონული ფოსტის მისამართი, რომლის გამოყენებით შემსყიდველი განხორციელებს სამუშაო ელ. ფაილების მიმწოდებლისთვის გადაცემას/გაგზავნას;
2.9.3. ფასების ცხრილი (1.3. შესაბამისად);
2.9.4. გამოცდილების შესახებ ინფორმაცია (2.2.1 პუქნტის სესაბამისად);

„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6 და მე-7 პუნქტების საფუძველზე, იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის შემდეგ, უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს დაფიქსირებულ ფასად, მიმწოდებლის მხრიდან, ხელშეკრულებით ნაკისრი ვალდებულებების შესარულების შესაძლებლობას. პრეტენდენტმა უნდა გაითვალისწინოს, რომ „ ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის მე-5 პუნქტის თანახმად, ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს პრეტენდენტის მიერ როგორც დაფიქსირებულ წინადადების ფასთან ასევე ერთეულებთან მიმართებით.

7.2.1.სატენდერო წინადადების საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7.2.2. ანგარიშსწორება განხორციელდება უნაღდო ანგარიშსწორებით ეროვნულ ვალუტაში – ლარში, შესაბამისი შესრულების დამადასტურებელი დოკუმენტების, მხარეთა შორის გაფორმებული მიღება-ჩაბარების აქტისა და შემსყიდველის მიერ საქართველოს საგადასახადო კანონმდებლობით გათვალისწინებული შესაბამისი საგადასახადო დოკუმენტაციის, ანგარიშფაქტურის დადასტურების საფუძველზე.
7.2.3.მიღება-ჩაბარების აქტი მხარეთა შორის გაფორმდება ფაქტობრივად გაწეული მომსახურების შედეგად მიღებული საქონლის (ნაბეჭდი წიგნების) შესაბამისად, ხელშეკრულებით განსაზღვრული ინსპექტირების განმახორციელებელი პირის მიერ შედგენილი დადებითი ინსპექტირების დასკვნის საფუძველზე.

ანგარიშსწორება განხორციელდება, სატენდერო დოკუმენტაციის 7.2 პუნქტით განსაზღვრული პირობების შესაბამისად შედგენილი დოკუმენტაციის წარმოდგენიდან/დადასტურებიდან არაუგვიანეს 10 სამუშაო დღეში.

ანა არჩვაძე, 599798792, anaarchvadze@archives.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
ამავდროულად, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
10.1.2. სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხოურ ენებზე. დოკუმენტის უცხოურ ენაზე წარდგენის შემთხვევაში, მას უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
10.1.3. ალტერნატიული სატენდერო წინადადება არ განიხილება;
10.1.4. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებითა და სატენდერო დოკუმენტაციით მოთხოვნილ პირობებს.