Автомобили (Грузия - Тендер #52144432)

1.1.1. შესყიდვის ობიექტის დასახელება: მცირე ტევადობის სატვირთო ფურგონი, ზუგდიდის მუნიციპალიტეტში მცხოვრები მარტოხელა ხანდაზმულთა შინმოვლის პროგრამის ფარგლებში ხანდაზმულებზე მზრუნველი მობილური ჯგუფისთვის.

1.2.1. შესყიდვის ობიექტის _ ავტოსატრანსპორტო საშუალების მინიმალური ტექნიკური მოთხოვნები (აღწერილობა) ასახულია თანდართულ დოკუმენტში (იხ. მიბმული ფაილი _ დანართი №1).
1.2.2. შესასყიდი სატრანსპორტო საშუალების რაოდენობაა: 1 (ერთი) ერთეული.
1.2.3. სატრანსპორტო საშუალების გამოშვების წელი: არანაკლებ 2014.
1.2.4. ავტომობილის მიერ გავლილი მანძილი არ უნდა აღემატებოდეს 195000 კმ-ს.
1.2.5. შესასყიდი სატრანსპორტო საშუალება უნდა იყოს თეთრი ფერის, მარცხენასაჭიანი.
1.2.6. ტენდერში გამარჯვებულმა უნდა უზრუნველყოს სატრანსპორტო საშუალების აღჭურვა, ქვემოთ ჩამოთვლილი პირობების გათვალისწინებით:

სატრანსპორტო საშუალების აღჭურვის აღწერილობა/პარამეტრები

1) უკანა სალონის შეფუთვა _ თეთრი ტყავით, სიგრძე არანაკლებ 25 მ, სიგანე არანაკლებ 1,4 მ;
2) სალონში ლამინატის კარადის ჩაშენება _ კარადის სიგრძე: 1,5მ, სიმაღლე: 0,5მ, სიგანე: 0,25მ, გამოყენებული ლამინატის მოცულობა: 5მ2;
3) არადის მოსაწყობად საჭირო მასალა _ ფანერა 6 მმ (1 ცალი 2,3 მ2); სულ 5 ცალი _ 11,5 მ2;
4) უკანა სალონში ზუგდიდის მუნიციპალიტეტის მერიის საკუთრებაში არსებული 190 ლიტრი მოცულობის ალუმინის წყლის ავზის მონტაჟი (კაბინის ჩაჭრა-შედუღება, ავზის ჩამონტაჟება და დაერთება სარეცხ მანქანაზე); გამოსაყენებელი მასალა: რკინის მილი არანაკლებ 8 მ.
5) უკანა სალონში ზუგდიდის მუნიციპალიტეტის მერიის საკუთრებაში არსებული სარეცხი მანქანის განთავსება, ასევე შესაერთებელი მილისა და წყლის ძრავის ტვინის მონტაჟი.

შენიშვნა (1): ტენდერში მონაწილე პრეტენდენტის სატენდერო წინადადება უნდა შეიცავდეს მონაცემებს შემოთავაზებული ავტომობილის ტექნიკური აღწერილობის (მახასიათებლების) შესახებ. ასევე, შესაბამისობას სატრანსპორტო საშუალების აღჭურვის ყველა მოთხოვნაზე. აღნიშნული ინფორმაცია წარმოდგენილი უნდა იქნეს ქვემოთ მოცემული ცხრილის _ №1 დანართის სახით.

შენიშვნა (2): სატენდერო წინადადების მომზადებისას და შევსებისას გათვალისწინებული უნდა იქნეს სატენდერო დანართ(ებ)ში შენიშვნ(ებ)ის სახით მითითებული მონაცემები.

1.4.1. შესყიდვის ობიექტის მიწოდება უნდა განხორციელდეს ხელშეკრულების დადებიდან 30 (ოცდაათი) კალენდარული დღის განმავლობაში.

1.5.1. შესყიდვის ობიექტის მიწოდების ადგილია: ქ. ზუგდიდი, რუსთაველის ქ. №90, ზუგდიდის მუნიციპალიტეტის მერიის ადმინისტრაციული შენობა.
1.5.2. მიწოდებისას ავტოსატრანსპორტო საშუალება უნდა იყოს გამართული, ექსპლუატაციისათვის მზა მდგომარეობაში, ნივთობრივად და უფლებრივად უნაკლო.
1.5.3. შესყიდვის ობიექტი ჩაითვლება მიღებულად მხოლოდ მიღება-ჩაბარების აქტის გაფორმების შემდეგ (შესყიდვის ობიექტის მიღებისა და საბოლოო შემოწმების ადგილი, პირობები და წესი ასახულია ხელშეკრულების პირობებში).

1) სატრანსპორტო საშუალებაზე უნდა ვრცელდებოდეს გარანტია მინიმუმ 6 (ექვსი) თვით, საბოლოო მიღება-ჩაბარების აქტის გაფორმების დღიდან, რომლის განმავლობაში რაიმე ნაკლის/დეფექტის გამოვლენის შემთხვევაში, ტენდერში გამარჯვებული ვალდებულია, შეტყობინების მიღებიდან, საამისოდ აუცილებელ ვადაში, გამოასწოროს წარმოქმნილი ნაკლოვანება/დეფექტი, შემსყიდველის მხრიდან დამატებითი დანახარჯების გაწევის გარეშე. ამასთან, საგარანტიო მომსახურების აუცილებლობის შემთხვევაში სატრანსპორტო საშუალების გადაყვანას უზრუნველყოს ტენდერში გამარჯვებული.
2) საგარანტიო პირობები არ ვრცელდება შესყიდვის ობიექტის სრულფასოვანი ფუნქციონირებით გამოწვეული ცვეთისა და გარე ფაქტორით დაზიანების შემთხვევაში. ასევე, ექსპლუატაციის წესების დარღვევის შემთხვევაში.

შენიშვნა: პრეტენდენტმა, ფასების ცხრილის (იხ. 1.3 პუნქტი) შესაბამის სვეტში, შესაბამის პოზიციაზე, უნდა მიუთითოს ინფორმაცია საგარანტიო ვადის შესახებ, რომელიც არ უნდა იყოს დადგენილ ვადაზე ნაკლები.

ტენდერში მონაწილე პრეტენდენტის სატენდერო წინადადება უნდა შეიცავდეს მონაცემებს შემოთავაზებული შესყიდვის ობიექტის მწარმოებელი ქვეყნის, მწარმოებლის/ბრენდისა და მარკა/მოდელის შესახებ. აღნიშნული ინფორმაცია წარმოდგენილი უნდა იქნეს ფასების ცხრილის (იხ. 1.3 პუნქტი; დანართი №2) სახით.

შენიშვნა: პრეტენდენტის მიერ, „წინადადების მიღება დასრულებულია ეტაპზე,“ მწარმოებელი ქვეყანის, მწარმოებლის/ბრენდის დასახელებისა და მარკის ან/და მოდელის მიუთითებლობა გამოიწვევს ტენდერში მონაწილე პრეტენდენტის დისკვალიფიკაციას.

პრეტენდენტმა, სატენდერო წინადადებასთან ერთად, უნდა წარმოადგინოს შემოთავაზებული სატრანსპორტო საშუალების ფოტოები (თვალსაჩინო უნდა იყოს ძარის ოთხივე მხარე, საბურავები, სალონი, ძრავი და სხვ.), რაც შექმნის შესყიდვის ობიექტის იდენტიფიცირების შესაძლებლობას.

2.9.1. სატრანსპორტო საშუალება უნდა იყოს ტექნიკურად უნაკლო მდგომარეობაში, არ უნდა აღენიშნებოდეს ძრავის, სალონის, საღებავის დაზიანება, კოროზიული დეფექტები, არ უნდა იყოს დაზიანებული ავტოსაგზაო შემთხვევის შედეგად. უნდა ახლდეს მუშა მდგომარეობაში მყოფი საბურავები და აკუმულატორი.
2.9.2. სატენდერო წინადადების ღირებულება წარმოდგენილი უნდა იყოს საქართველოს კანონმდებლობით დადგენილი ყველა გადასახადის (მათ შორის საბაჟო გადასახადის), სახელმწიფო რეგისტრაციის (შემსყიდველზე გადაფორმებისა და სახელმწიფო სანომრე ნიშნების ჩათვლით) საფასურისა და სხვა ხარჯის გათვალისწინებით.
2.9.3. იმ შემთხვევაში, თუ მიწოდებული შესყიდვის ობიექტი აღმოაჩნდება საწარმოო წუნით ან/და დეფექტით ან/და წარმოდგენილი ტექნიკური დავალებით განსაზღვრულ პარამეტრებთან შეუსაბამო, ტენდერში გამარჯვებული ვალდებულია, საამისოდ აუცილებელ ვადაში, განახორციელოს წუნდებული შესყიდვის ობიექტის შეცვლა, ახალი, მოთხოვნილი პარამეტრების მქონე შესყიდვის ობიექტით, შემსყიდველის მხრიდან რაიმე დამატებითი დანახარჯის გაწევის გარეშე.

ტენდერით გათვალისწინებული შესყიდვის ობიექტი შესაძლოა იყოს ფიზიკური ან იურიდიული პირის ქონება და მისი სპეციფიკიდან გამომდინარე შეუძლებელი იქნება ფასწარმოქმნის ადეკვატურობის დასაბუთება. შესყიდვის თავისებურებიდან გამომდინარე, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ მე-18 მუხლის მე-5 პუნქტის შესაბამისად, შემსყიდველი ორგანიზაცია უფლებამოსილია არ გაითვალისწინოს სატენდერო დოკუმენტაციაში ფასწარმოქმნის ადეკვატურობის დასაბუთების ვალდებულება.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს მიღება-ჩაბარების აქტისა (ფიზიკური პირის შემთხვევაში) და საქართველოს კანონმდებლობით დაშვებული საგადასახადო დოკუმენტების (სასაქონლო ზედნადები ან/და საგადასახადო ანგარიშფაქტურა ან/და სხვა დოკუმენტები) საფუძველზე.

7.3.1. ანგარიშსწორება განხორციელდება მიღება-ჩაბარების აქტის ხელმოწერიდან და საგადასახადო დოკუმენტების (სასაქონლო ზედნადები ან/და საგადასახადო ანგარიშფაქტურა ან/და სხვა დოკუმენტები) დადასტურებიდან 10 (ათი) სამუშაო დღის განმავლობაში.

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე. დოკუმენტის ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ამ შემთხვევაში მოცემული სატენდერო წინადადების ინტერპრეტაციის დროს, უცხოენოვან დოკუმენტსა და მის ქართულ ენაზე შესრულებულ თარგმანს შორის უპირატესობის მინიჭების საკითხს წყვეტს სატენდერო კომისია.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) სატენდერო დოკუმენტაციის მოთხოვნებთან შესაბამისობის დადასტურების მიზნით, უცხოური საწარმოს/უცხოური საწარმოს ფილიალის/წარმომადგენლობის მიერ სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.
5) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
6) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.