Ремонт и техническое обслуживание транспортных средств и оборудования и сопутствующие услуги (Грузия - Тендер #52144429)

მომსახურება (სერვისი) გულისხმობს ა(ა) იპ „გორის მუნიციპალიტეტის კეთილმოწყობის სააგენტო“-ს სარგებლობაში არსებული სატვირთო ავტომანქანების დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ნაწილების შეკეთებას და/ან გამოცვლას

ავტომობილების ტექნიკური მომსახურება უნდა განხორცილდეს პრეისკურანტში მითითებული შესაბამისი საქონლის და მომსახურების შესაბამისად, მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.

ავტომობილების მომსახურება გაწეული უნდა იქნას დაუყოვნებლივ, რიგგარეშე.

ავტომობილის დაზიანებული ნაწილი უნდა შეიცვალოს ახალი, ორიგინალი სათადარიგო ნაწილით. გამონაკლისის შემთხვევაში, ხელშეკრულებაში შესაბამისი ცვლილების საფუძველზე, დასაშვებია მეორადი ნაწილები, რომლის შესყიდვის აუცილებლობისას, ფასი დგინდება მხარეთა შორის შეთანხმებით, საბაზრო ფასის გათვალისწინებით.

თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი მასალები) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

პრეისკურანტის სავარაუდო ღირებულება განისაზღვრება 1 098 967,09 (ერთიმილიონ ოთხმოცდათვრამეტიათას ცხრაასსამოცდაშვიდი ლარით და ცხრა თეთრით) ლარით დღგ-ს გარეშე.
ტენდერში გამარჯვებულ პრეტენდენტთან ხელშეკრულება გაფორმდება 190 000,00 (ასოთხმოცდაათიათასი ) ლარზე.
სატენდერო წინადადების ფასი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამურ ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.

პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

პრეტედენტმა პრეიკურატის სავარაუდო ღირებულებაზე ნაკლების შეთავაზების შემთხევაში, სხვაობა პროპორციულად უნდა გადაანაწილოს პრეისკურანტში მოცემულ ყოველ ცალკეულ პოზიციაზე.


პრეტენდენტის მიერ პრეისკურანტის წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში;

მომსახურების მიწოდება განხორციელდება ხელშეკრულების გაფორმებიდან 2024 წლის 31 დეკემბრის ჩათვლით, შემსყიდველის მოთხოვნის შესაბამისად.

მომსახურების გაწევა უნდა განხორციელდეს , მიმწოდებლის სერვის ცენტრ(ებ)შია ან/და შემსყიდველის ფაქტობრივ მისამართზე,შემსყიდველის მოთხოვნის შესაბამისად.

მომსახურების ვადები თითოეულ შემთხვევაში არ უნდა აღემატებოდეს:
სავალი ნაწილებისათვის - არაუმეტეს 2 დღე;
ელექტროობისათვის - არაუმეტეს 1 დღე;
აგრეგატებისათვის - არაუმეტეს 3 დღე;
სათუნუქე სამღებრო სამუშაოებისათვის - არაუმეტეს 5 დღე;
ხანგრძლივი მომსახურების (ძრავის, სიჩქარეთა კოლოფის) გაწევის დრო - არაუმეტეს 15 დღე,
დეფიციტური სათადარიგო ნაწილებით უზრუნველყოფა - არაუმეტეს 20 კალენდარული დღე. ამასთან, თუ რომელიმე სათადარიგო ნაწილის რეალიზაციას ახორციელებს საქართველოს ტერიტორიაზე არსებული ერთი ორგანიზაცია მაინც, ასეთი სათადარიგო ნაწილი არ ჩაითვლება დეფიციტურ ნაწილად

მიმწოდებლის მიერ შეცვლილ სათადარიგო ნაწილებზე ქარხნული გარანტია და შეკეთებულ სათადარიგო ნაწილებზე გარანტია უნდა ვრცელდებოდეს მინიმუმ 6 (ექვსი) თვე, გარდა სწრაფ ცვეთადი დეტალებისა კერძოდ: გახურების ნათურები, ანთების სანთლები, გახურების სანთლები, დამცველები, სამუხრუჭე ხუნდები, გადაბმულობის ამყოლი და მიმყოლი რგოლები_ფრიქციონები, ზეთის, კონდიციონერის, ჰაერისა და საწვავის ფილტრები, მინის მრეცხავები, ანთების საკონტაქტო ერთეულები და მტვერდამცავები_პილნიკები და ასევე დაზიანება გამოწვეული არასწორი ექსპლუატაციით_გარეგანი მექანიკური ზემოქმედებით გამოწვეულ დაზიანებებზე.

პრეტენდენტს მისამართიდან გორი, ცხინვალის გზ. მე-2კმ-დან( იგულისხმება ა(ა)იპ გორის მუნიციპალიტეტის კეთილმოწყობის სააგენტოს ავტოფარეხი) დაშორებული არაუმეტეს 20 კმ რადიუსში უნდა გააჩნდეს მინიმუმ 1(ერთი) მომსახურების ობიექტი; ამასთან დაკავშირებით წარმოდგენილ უნდა იქნას სერვისცენტრ(ებ)ის ჩამონათვალი მათი მისამართ(ებ)ის და ტექნიკური შესაძლებლობების მითითებით;
იმ შემთხვევაში, თუ სერვისცენტრ(ები) არ წარმოადგენს პრეტენდენტის საკუთრებას, სისტემაში უნდა აიტვირთოს შესაბამისი ხელშეკრულებები (იჯარის ან სხვა სარგებლობის უფლების დამადასტურებელი დოკუმენტი), რომლის მოქმედების ვადა უნდა ვრცელდებოდეს არანაკლებ 2024 წლის 31 დეკემბრის ჩათვლით.

მიმწოდებელს თითოეულ სერვისცენტრში უნდა გააჩნდეს: ავტომანქანის არანაკლებ 3 ამწე მექანიზმი; კომპიუტერული დიაგნოსტიკის მოწყობილობა; საყრდენი დისკოს გასაჩარხი მოწყობილობა; ავტომატურ გადაცემათა კოლოფში ზეთის შეცვლის აპარატი; ძრავში ზეთის შესაცვლელი აპარატი; ელექტრო მომარაგების სარეზერვო წყარო_გენერატორი;

სერვის ცენტრში სამუშაო ფართობი დაფარული უნდა იყოს ბეტონის, ასფალტის ან მსგავსი ზედაპირით, დაცული უნდა იყოს ჰიგიენური, სახანძრო და უსაფრთხოების ნორმები.

მიმწოდებელმა წერილობით უნდა აცნობოს შემსყიდველს წინამდებარე ტენდერის ფარგლებში ქვეკონტრაქტორის აყვანის შესახებ.
მიმწოდებელს არა აქვს უფლება გადასცეს ქვეკონტრაქტორს თავისი უფლება/მოვალეობები, შემსყიდველის წერილობითი თანხმობის გარეშე.
ქვეკონტრაქტორი კომპანია არ უნდა იყოს რეგისტრირებული სახელმწიფო შესყიდვებში მონაწილე არაკეთილსინდისიერ პირთა რეესტრში – „შავი სია“.
შემსყიდველის თანხმობის გარეშე ქვეკონტაქტორის აყვანის შემთხვევაში, იგი უფლებამოსილია მიმწოდებელს შეუწყვიტოს ხელშეკრულება და დააკისროს ჯარიმის სახით პირგასამტეხლო სახელშეკრულებო თანხის 2%-ის ოდენობით.
ქვეკონტრაქტორზე წარმოდგენილი უნდა იყოს შემდეგი სახის ინფორმაცია -
1.სარეგისტრაციო/უფლებრივი მონაცემების დამადასტურებელი დოკუმენტები:
იურიდიული პირისთვის_
განახლებული ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან;
ცნობა ბიუჯეტის მიმართ დავალიანების არარსებობის შესახებ.

ინდივიდუალური მეწარმისთვის_
პირადობის მოწმობის ან პასპორტის ასლი;
ცნობა საქართველოს საჯარო რეესტრის ეროვნული სააგენტოდან, ფიზიკური პირის ქონებაზე საჯარო-სამართლებრივი შეზღუდვის (ყადაღის) არ არსებობის შესახებ;
ამონაწერი მეწარმეთა და არასამეწარმეო (არაკომერციული) იურიდიულ პირთა რეესტრიდან;
ცნობა ბიუჯეტის მიმართ დავალიანების არარსებობის შესახებ.

2. შესასრულებელი სამუშაოების დასახელება და ღირებულება;
3. ქვეკონტრაქტის ასლი.

პრეტენდენტს არა აქვს უფლება წარმოადგინოს ალტერნატიული წინადადება;

სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია უნდა იქნას დადასტურებული კვალიფიციური ხელმოწერით/კვალიფიციური შტამპით.
ელექტრონულ ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში უნდა დაერთოს ნოტარიულად დამოწმებული ქართული თარგმანი;
სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში;
ხელშეკრულებით დადგენილი პირობების დარღვევის შემთხვევაში მიმწოდებელს გამოსასწორებლად განესაზღვრება გონივრული ვადა. ყოველ ვადაგადაცილებულ დღეზე დაეკისრება პირგასამტეხლო ხელშეკრულების დარჩენილი ღირებულების 0,2%-ის ოდენობით.
იმ შემთხვევაში, თუ დაკისრებული პირგასამტეხლოს ჯამური თანხა გადააჭარბებს ხელშეკრულების საერთო ღირებულების 5% პროცენტს, შემსყიდველი იტოვებს უფლებას შეწყვიტოს ხელშეკრულება და დამატებით დააკისროს პირგასამტეხლო არანაკლებ ხელშეკრულების საერთო ღირებულების 10%-სა.

პრეტენდენტმა უნდა წარმოადგინოს შემდეგი დოკუმენტაცია:
1.3 - პრეისკურანტი_დანართი 1 (PDF და Excel)-ის ფაილის სახით.
პრეისკურანტის წარმოუდგენლობა ან წარდგენილ დოკუმენტში განუფასებელი პოზიცი(ებ)ის რაოდენობა თუ აღემატება განსაფასებელი პოზიციების 1%-ს, დაზუსტებას არ დაექვემდებარება და გამოიწვევს პრეტენდენტის დისკვალიფიკაციას;
2.3.1 - ინფორმაცია მატერიალურ-ტექნიკური ბაზის შესახებ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა, რომელიც შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით.

დასკვნასთან ერთად წარმოდგენილი უნდა იქნას დასკვნის გამცემი პირის აკრედიტაციის დამადასტურებელი დოკუმენტი.

ანგარიშსწორების საფუძველია მხარეების, უფლებამოსილი პირების მიერ, ეტაპობრივად, ფაქტიურად გაწეული მომსახურების შესაბამისად გაფორმებული მიღება-ჩაბარების აქტი.
პირგასამტეხლოს დაკისრების შემთხვევაში მიმწოდებლს შესრულებული სამუშაოს ღირებულება აუნაზღაურდება მხოლოდ ჯარიმის გადახდის შემდეგ.

შესაბამისი დოკუმენტაციის გაფორმებიდან არაუგვიანეს 10 სამუშაო დღე.

ნანული დვალიშვილი, 599112488, saagento.gori@gmail.com ტექნიკურ საკითხებთან დაკავშირებით ბექა კარელიძე ტელ#598338383

პრეტენდენტმა უნდა მიუთითოს ფასი განსაფასებელი პრეისკურანტის_დანართი 1 ჩამონათვალში მოცემულ სათადარიგო ნაწილებისა და მომსახურების ყველა სახეობაზე, რომლებიც არ უნდა აღემატებოდეს შემსყიდველის მიერ განსაფასებელ პრეისკურანტში_დანართი 1 მითითებულ თითოეულ პოზიციაზე სავარაუდო მაქსიმალურ ღირებულებებს. პრეისკურანტში განუფასებელი ან ნულით განფასებული სათადარიგო ნაწილები და მომსახურება შემსყიდველის მიერ არ ანაზღაურდება და ჩაითვლება, რომ ამ სათადარიგო ნაწილებისა და მომსახურების ღირებულება დაიფარება სხვა სათადარიგო ნაწილებისა და მომსახურების ხარჯზე.
განსაფასებელ ცხრილებში მითითებული მომსახურების ფასები უნდა იყოს საბოლოო და საჭიროების შემთხვევაში მოიცავდეს კონკრეტული მომსახურების გაწევასთან დაკავშირებული თანმდევი მომსახურების ღირებულებასაც.